Morgunblaðið - 11.06.1999, Side 54

MORGUNBLAÐIÐ
54 FÖSTUDAGUR 11. JÚNÍ 1999
BRÉF
TIL BLAÐSINS
Grettir
Ég er með hanska, Kalli.. Ég sagði þér það, Kannski Næsta ár
getégþáverið Rabbi, aðþú næstaár.. verðégof
í Iiðinu þínu? ert of ungur gamall..
Kringlunni 1 103 Reykjavík • Sími 569 1100 • Símbréf 569 1329
Um íslenska
þjóðfánann
Frá Guðmundi Fylkissyni:
TIL eru lög um þjóðfána íslendinga
og voru þau sett 17. júní 1944. Síðan
er til forsetaúrskurður um fánadaga
og fánatíma frá
23. janúar 1991
og að lokum er til
rit útgefið af for-
sætisráðuneytinu
1991 um sögu,
gildandi lög og
reglur ásamt
leiðbeiningum
um notkun fána.
Undirritaður er áhugamaður um
rétta notkun íslenska fánans. Svo
virðist sem þekking fólks á því hvað
má og hvað má ekki með fánann
okkar sé þverrandi.
I leiðbeiningum um meðferð og
notkun íslenska fánans segir m.a. að
öllum sé heimilt
að nota hinn al-
menna þjóð-
fána, enda sé
farið að lögum
og reglum sem
um hann gilda.
Þar segir einnig
að æskilegt sé
að almenningur
dragi fána á
stöng á fána-
dögum, þá daga
sem ríkisfáninn
er hafður uppi á
opinberum
byggingum.
Fánann má nota
við öll hátíðleg
tækifæri, jafnt
þau sem tengj-
ast einkalífi sem
önnur eða á
sorgarstundum,
þá dregínn í
hálfa stöng.
Um fánatíma
segir í leiðbein-
ingunum að
fána skuli eigi
draga að húni
fyrr en klukkan
sjö að morgni
og skuli hann að
jafnaði eigi vera
lengur uppi en
til sólarlags og aldrei lengur en til
miðnættis. Síðan segir að ef flaggað
sé við útisamkomu, opinbera athöfn,
jarðarfor eða minningarathöfn,
megi fáni vera uppi lengur en til sól-
arlags eða svo lengi sem athöfn
stendur en þó aldrei lengur en til
miðnættis.
Varðandi notkun fánans með öðr-
um fánum segir í leiðbeiningunum
að sé islenska fánanum flaggað með
öðrum þjóðfánum skuli sá íslenski
vera lengst til vinstri, séð frá áhorf-
anda eða þegar komið er að fána-
stað, en öðrum þjóðfánum raðað til
hægri frá honum í stafrófsröð ís-
lenskra heita hlutaðeigandi ríkja.
Síðan kemur að því sem hvað oft-
ast er rangt með farið. í leiðbein-
ingunum segir að ekki skuli raða
merkjum eða fánum sveitarfélaga,
félaga eða fyrirtækja inn á milli
þjóðfána. Slíkir fánar skulu hafðir í
röðum eða þyrpingum aðskildum
frá þjóðfánum. AÍgengt er að sjá fé-
lagasamtök og fyrirtæki, sem eru
að fagna einhverjum viðburðum,
flagga þjóðfánanum okkar með eig-
in fána. Einnig þegar sveitarfélög
eru að fagna merkisatburðum, eins
og t.d. heimsókn forseta, þá er því
miður algengt að sjá þá flagga
sveitarfélagsfána með íslenska fán-
anum. Oft eru notaðar fánaborgir
þar sem 3-7 fánastangir eru á sömu
festingu og er þá óheimilt að hafa
félaga-, fyrirtækjai og sveitarfé-
lagafána á þeim stöngum með þjóð-
fánanum. Hafa verður sérstaka
fánaborg fyrir þjóðfánann og síðan
sér fyrir aðra fána.
Um vernd þjóðfánans segir meðal
annars að óheimilt sé að nota upp-
litaða, óhreina, trosnaða eða
skemmda fána. Ef ekki er hægt að
laga slíka fána skal eyða þeim með
því að brenna þá. Lögreglan á að
hafa eftirlit með því að farið sé að
fyrirmælum um notkun fánans og
má gera fána upptæka ef þeir upp-
fylla ekki skilyrði reglna. Enginn
má óvirða þjóðfánann, hvorki í orði
né verki. Það hlýtur t.d. að teljast
óvirðing að nota þjóðfánann sem
gluggatjald.
Verum stolt af þjóðfána okkar.
Notum hann við öll tækifæri en um-
fram allt notum hann rétt og sýnum
honum þar með tilhlýðilega virð-
ingu.
Við ritun þessarar greinar var
stuðst við upplýsingarit útgefið af
forsætisráðuneytinu 1991.
GUÐMUNDUR FYLKISSON,
áhugamaður um íslenska fánann og
notkun hans.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.