Morgunblaðið - 24.08.1999, Qupperneq 28

28 ÞRIÐJUDAGUR 24. ÁGÚST 1999
MORGUNBLAÐIÐ
NEYTENDUR
Nýstárlegar
berjasultur
NÚ ER berjatíminn genginn í garð og
má víða um land sjá fólk önnum kafið
utan við veg að fylla fötumar sínar.
Ungir sem aldnir sameinast í þessu
árlega fjölskylduverkefni og er magn-
ið í fötunni ekki alltaf áreiðanleg
heimild um afrakstur dagsins því oft
eru litlir, berjabláir munnar betri
mælikvarði á það sem tínt hefur verið.
En ekki er nóg að tína berin, þau
verður líka að matreiða. Flestir eiga
í fórum sínum uppskriftir að berja-
sultum og söftum sem eru fastir liðir
í matarvenjum fjölskyldunnar. Hins
vegar getur líka verið gaman að
prófa nýjar uppskriftir af berjasult-
um og þá ef til vill ekki jafn hefð-
bundnar og flestir eiga að venjast.
Sólveig Eiríksdóttir á Grænum
kosti á í fórum sínum óhefðbundnar
uppskriftir að sykurlausum sultum.
Hún tók það fram að vegna þess að
enginn sykur eða rotvarnarefni eru
notuð er mikilvægt að gera einungis
litið magn í einu því það geymist
ekki lengi. Hins vegar sagði hún
uppskriftirnar svo einfaldar og íljót-
legar að það væri lítil fyrirhöfn að
búa til sultuna eftir þörfum, berin
þyrfti einungis að frysta í mátulega
stórum skömmtum og þau væru tek-
in úr frysti um leið og döðlurnar,
sem einnig eru notaðar í sultuna, eru
lagðar í bleyti.
Sólveig fékk einnig móður sína,
Hildi Karlsdóttur, til að ljóstra upp
nokkrum berjasultuuppskriftum þar
sem notað er hunang í stað sykurs.
Sulturnar hennar Hildar geymast þó
betur en Sólveigar því í þeim er bæði
hunang og sultuhleypir.
Sykurlaus berjasulta
Sólveigar
3 hlutar blóber (eða önnur ber)
1 hluti döðlur
Vatn eða nýkreistur appelsínusafi
Nýkreistur sítrónusafi
____________1 vanillustöng_________
Bútur af engiferrót
Aðferð:
Leggið döðlumar í bleyti í vatni yf-
ir nótt, enn betra er þó að nota ný-
kreistan appelsínusafa. Vökvanum er
hellt af en appelsínusafanum ekki
hent ef hann er notaður og döðlumar
eru maukaðar í matvinnsluvél. Mauk-
ið á að vera eins þykkt og hægt er og
appelsínusafanum er hellt út í eftir
þörfum, notað eins lítið af honum og
hægt er. Ef notað hefur verið vatn er
sítrónusafa hellt út í maukið eftir
þörfum. Ef notuð eru sólber er gott
að auka magn sítrónusafans örlítið.
Berin em soðin í potti í fimm mínút-
ur og döðlumaukinu bætt út í pottinn
að þeim tíma liðnum. Auk þess fer í
pottinn vanillustöngin sem búið er að
opna eftir endilöngu en ekki kljúfa.
Engiferrótin er einnig soðin með.
Allt þetta er soðið áfram í fimm mín-
útur og svo sett beint á glös.
Morgunblaðið/Brynjar Gauti
Næringargildi berjanna .(gV©
Innihald í 100 grömmum af ætum hluta VÍTAMÍN STEINEFNI ©
Pró- Kol- E c Natr- Kal- ©
Orka tein vetni Kalk íum íum Járn
kj kkal 9 9 mg mg mg mg mg mg
Aðalbláber 193 46 1,0 9,9 1,85 14 20 3 103
Bláber 253 61 0,6 14,3 - 38 15 3 103 0,69
Krækiber 136 32 0,6 6,3 - 11 11 4 93 2,30
Rifsber 230 55 1,4 10,6 0,93 49 35 3 262 0,79
Sólber 297 71 1,6 13,5 2,10 181 60 3 337 0,80
Stikkilsberjasulta
Hildar
2,2 kg stikkilsber
1 vanillustöng
1 kanilstöng
safi úr einni appelsínu
_____ 450 g hunang_____________
100 g hrósykur eða hlynsíróp
_____3 tsk routt melatín (hleypir)_
1 tsk hrósykur
Aðferð:
Berin em soðin í 10 mínútur
ásamt vanillustöng, kanilstöng og
appelsínusafanum. Að þeim tíma
liðnum er hunangi og sykri/sírópi
bætt út í og allt er soðið áfram í
fimm mínútur. Því næst er hleypin-
um blandað saman við eina teskeið
af hrásykri, því stráð yfir, hrært vel
og soðið áfram í eina mínútu í viðbót.
Að lokum sett á kmkkur.
Sólberjasulta
með sítrónu
2 kg sólber
safi úr 3 sitrónum
1 kanilstöng
450 g hunang
3 tsk rautt melatín (sultuhleypir)
1 tsk hrósykur
Aðferð:
Sólberin em soðin ásamt
sítrónusafanum, kanilstönginni og
hunanginu í 10 mínútur. Því næst er
melatíninu og hrásykrinum blandað
saman, því stráð yfir, hrært í og allt
soðið áfram í tvær mínútur. Að lok-
um sett á kmkkur.