Morgunblaðið - 12.11.1999, Blaðsíða 23

MORGUNBLAÐIÐ
FÖSTUDAGUR 12. NÓVEMBER 1999 23
ÚRVERINU
Grétar Mar Jónsson formaður FFSÍ
Morgunblaðið/Steinþór
Guðjón A. Kristjánsson, fráfarandi forseti FFSÍ óskar
eftirmanni sínum, Grétari Mar Jónssyni góðs gengis.
Mikið verk
framundan
GRÉTAR Mar Jónsson frá Sand-
gerði var kjörinn formaður á 39.
sambandsþingi Farmanna- og
fiskimannasambands Islands, sem
lauk í gær. Utlit var fyrir kosningu
en þegar til kom gaf Guðjón Arnar
Kristjánsson ekki kost á sér til end-
urkjörs og Bjarni Sveinsson dró
íramboð sitt til baka á síðustu
stundu.
Grétar Mar sagði að kjörið hefði í
raun ekki komið sér á óvart. „Ég
vissi að það voru ýmsar hugmyndir
í gangi og menn voru að spá í spilin.
Það hefur ekki verið kosning um
forseta í 16 ár þannig að ég átti al-
veg von á að þetta færi svona.
Bjarni hefði sjálfsagt ekki dregið
sig til baka nema vegna tilkomu
áskorunarlista til Guðjóns Arnars."
Hann sagði að mikið verk væri
framundan. „Nú tekur við mikil
vinna. Við munum reyna að gera
það sem til þarf til að ná árangri í
því sem við höfum verið að vinna að
í gegnum tíðina. A næstunni hefjast
viðræður við útvegsmenn um kaup
og kjör, en lögin sem voru sett á
okkur fyrir tveimur árum renna út
15. mars á næsta ári. Auk þess eru
fjölmörg verkefni, stór og smá, sem
þarf að sinna og skoða.“
A stjórnarfundi fyrir þingið var
samþykkt að þingið yrði lokað
fjölmiðlum og öðrum •utanaðkom-
andi og sagðist nýkjörinn forseti
vera á móti slíkum vinnubrögðum.
„Mér fínnst fáránlegt að hafa svona
fundi lokaða. Farmanna- og fiski-
mannasambandið á að starfa fyrir
opnum tjöldum og menn eiga að
vita hvað er að gerast þar.“
Rétt ákvörðun að hætta
Guðjón Arnar Kristjánsson, sem
hefur verið formaður FFSI síðan
1983, gaf ekki kost á sér og sagðist
ekki hafa stuðlað að því að Grétar
Mar yrði sjálfkjörinn. „Það var
ekki að mínu undirlagi. Menn tóku
þá ákvörðun sjálfir á eigin forsend-
um.“
Hann sagðist hafa ákveðið að
gefa ekki kost á sér vegna anna
sem þingmaður. „Ég var kjörinn til
starfa fyrir Vestfjarðakjördæmi,
við erum bara tveir í þmgflokknum
og það er ærið starf. Ég vil reyna
að sinna því starfi vel eins og ég
vona að ég hafi gert í forsetastarfi
Farmanna- og fiskimannasamban-
dsins undanfarin 16 ár.“
Spurður hvort ákvörðun hans
væri fordæmi fyrir aðra þingmenn í
ámóta stöðu sagði Guðjón Amar:
„Ég veit það ekki. Hins vegar
finnst mér að menn sem eru í trún-
aðarstörfum og taka að sér að vinna
fyrir landið á löggjafarsamkomunni
taki það sem fullt starf. Samt er
ekkert á móti því að menn sinni sín-
um áhugamálum ef þeir treysta sér
til þess. Fyrir sjálfan mig mat ég
það þannig að það hafi verið rétt
ákvörðun að víkja úr stóli forseta
Farmanna- og fiskimannasam-
bandsins og fá hlutina í hendur öðr-
um mönnum sem félagar mínir
kysu til þess.“
Guðjón sagðist ekki vera hættur
afskiptum af sambandinu þrátt fyr-
ir þessi tímamót. „Ég geri ráð fyrir
að fá fráhvarfseinkenni. Ég hef
verið lengi í þessu starfi og ætli það
verði ekki svipað að skipta út þess-
um starfsvettvangi eins og það var
að skipta út skipstjórastarfinu á
sama tíma. Það munu örugglega
koma þær stundir að mér að mér
finnist ég þurfa að setja mínar
skoðanir fram. Auðvitað get ég ekki
ráðið stefnumálum en ég get haft
mínar skoðanir og geri örugglega
grein fyrir þeim annað slagið. En
það er nú einu sinni þannig að þeg-
ar maður yfirgefur starfsvettvang
sem maður hefur sinnt lengi og þótt
gaman af verður alltaf eftirsjá að
honum."
Ekki rétta umhverfið
Bjarni Sveinsson frá Akranesi
hafði gefið kost á sér í forsetaem-
bættið en dró framboð sitt til baka
rétt áður en átti að fara að kjósa.
Skömmu áður höfðu undirskriftar-
listar gengið á milli manna til
stuðnings þess að Guðjón Arnar
yrði áfram.
„Ég var kominn inn í umhverfi
sem ég var ekki sáttur við. Raun-
verulega stóðum við frammi fyrir
þvi, nokkrum mínútum fyrir kosn-
ingar, að það var í raun búið að
kjósa. Þá kom á daginn að Guðjón
var tiltækur fengi hann til þess
nægan stuðning. Búið var að safna
mönnum á lista og standa ófélags-
lega a;l málum og það hentar mér
ekki. Ég tel mjög mikilvægt í þessu
starfi sem forseti, þar sem í raun er
stokkið út í ljónagryfju að sumu
leyti, að menn séu þokkalega bi-ynj-
aðir. Viti það að þeir hafi almennan
stuðning úti í félögunum. Far-
mannasambandið er auðvitað regn-
hlífarsamtök margra félaga og ef
maður er ekki þokkalega brynjaður
nær maður ekki að vinna að málum
með þeim hætti sem þarf.“
Alþjóðlegi
tæknisjóður
Kaupþings hf.
í dag, 12. nóvember 1999, stofnar Kaupþing alþjóðlegan
verðbréfasjóð, Kaupthing GlobalTechnology Class, sem
verður skráður í kauphöllinni Lúxemborg og fjárfestir
eingöngu í tæknifyrirtækjum.
Áhættusækinn tæknisjóður
GlobalTechnology Class er áhættusækinn sjóður og hentar þeim fjárfestum
sem sækjast eftir hárri ávöxtun, en eru jafnframt tilbúnir að sætta sig við meiri
áhættu. Sjóðurinn mun fjárfesta í fyrirtækjum sem þróa vörur og þjónustu í
tæknigeiranum. Áhersla verður lögð á stór og meðalstór félög og alþjóðlega
dreifingu hlutabréfasafnsins. Sjóðurinn verður í vörslu Banque Privée Edmund
De Rothschild Luxembourg og skráður í verðbréfahöllinni í Lúxemborg.
Tæknibylting og nýtt hagvaxtarskeið
Fjárfestingarstefna sjóðsins byggir á þeirri trú að tæknibyltingin, sem oft er
kennd við upplýsingatækni, muni leiða heiminn inn í nýtt hagvaxtarskeið.
Spáð er áframhaldandi framleiðniaukningu sem kann að hafa meiri áhrif á
umhverfi okkar en tilkoma járnbrautanna og símans. Global Technology
Class mun fjárfesta í fyrirtækjum sem bera þessa byltingu uppi.
Möguleikar á tæknimörkuöum
Á undanförnum árum hafa orðið miklar hækkanir á flestum hlutabréfa-
mörkuðum heims. Tæknifyrirtæki hafa leitt þessa hækkun og hefur t.a.m
Nasdaq-vísitalan, sem fylgist með mörgum tæknifyrirtækjum, hækkað meira
en S&P 500, sem er mun víðtækari vísitala. Eins og sést á meðfylgjandi mynd
eru sveiflur á tæknimörkuðum mun meiri en á öðrum hlutabréfamörkuðum,
en það er trú aðstandenda sjóðsins að séu menn reiðubúnir til að fjárfesta
til lengri tíma megi einnig búast við hærri ávöxtun.
Samanburður á Nasdaq og S&P 500
300%
0%
1997
1998
1999
Þrír alþjóðlegir verðbréfasjóöir
GlobalTechnology Class er þriðji alþjóðlegi hlutabréfasjóðurinn sem Kaupþing
stofnar og stýrir. Sá fyrsti, Einingabréf 6, var stofnaður 1993. Global Equity
Class, alþjóðlegur hlutabréfasjóður Kaupþings í Lúxemborg var stofnaður
haustið 1996. Með GlobalTechnology Class eykur Kaupþing vöruúrval sitt
og býður upp á heildstæðari mynd ávöxtunar og áhættu á alþjóðavettvangi.
Góöur árangur í stýringu sjóða
Árangur alþjóðlegra sjóða Kauþþings sýnir að fyrirtækið þýr yfir þekkingu
og reynslu til þess að stýra slíkum sjóðum frá íslandi. Gloþal Equity Class í
Lúxemborg er nú stærsti verðbréfasjóður í íslenskri umsjón. Með stofnun
GlobalTechnology Class heldur Kaupþing áfram þróun fjármálaafurða tilað
mæta þörfum viðskiptavina.
m

KAUPÞING
Kaupþing hf. • Ármúta 13A • Reykjavík
sími 5151500 • fax 5151509 • www.kaupthing.is