Skírnir - 01.12.1916, Side 64

400
Nýjar uppgötvanir um mannsröddina.
[Skírnir
ur rithöfundur einn átti erfitt með mál og má líkja eftir
rödd hans með því að herða á vissum hálsvöðvum.
Er nú bersýnilegt af þessu, að mjög erfitt mun veit-
ast að kvika ýmsum vöðvum sínum og koma þeim í rétt
horf, svo að hljómbrigði raddarinnar verði rétt. Eitt
kvæði á t. d. að lesa: 1. aðalflokkur, stórt hljómmagn,
heitur hljómblær. Verður þá að setja kviðinn fram,
spenna hjartagrófina, ennfremur kviðbein til hliða. Fæstir
munu þekkja vöðva sína og geta stjórnað þeim svo, að
breyting þessi geti orðið. Ýmsar hreyfingar iíkamans hafa
breytingar á vöðvahreyfingum í för með sér. Standi
menn t. d. uppréttir, lyfti framhandleggjunum upp í lá-
rétta stefnu og setji lófana upp, fær röddin á sig blæ 1.
aðalflokks; haldi menn nú höndunum í lóðrétta stefnu,
fær röddin á sig blæ 2. aðalflokks; haldi menn höndun-
um lárétt aftur og láti lófana snúa niður, fær röddin á
sig blæ 3. aðalflokks; og flytji menn loks lófana og haldi
þeim upp undir höku, fær röddin á sig blæ 4. aðalflokks
Aðurnefndar vöðvahræringar þessara flokka verða nefni-
lega samferða þessum útlimahreyfingum.
Kaldan hljómblæ má fá, ef menn t. d. rétta vísifing-
ur og löngutöng fram, gæta þess, að þeir falli saman og
hafi síðan yfir vísu. Heitan hljómblæ má fá, ef menn nú
láta þessa tvo fingur ganga hvorn frá öðrum, svo að þeir
myndi þríhyrning og hafi síðan yfir visu. Vitanlega verða
menn að gefa nákvæman gaum að þessu og dugir, ef
menn húgsa nógu fast og setja sér fyrir sjónir ljósa mynd
af tveim álmum, er liggja saman eða hvor frá annari:
kviðbeinn fær ósjálfrátt um leið tilhneigingu til að herp-
ast eða slakna. Þessar athuganir á líkamshreyfingum,
er höfðu greinileg áhrif á vöðvahreyfingar, ásamt öðru
varð til þess, að próf. Sievers hugkvæmdist að búa til
allskonar málmmyndir, er vera skyldu nokkurskonar smá-
myndir af vöðvahreyfingum líkamans, þeim, er áhrif hafa
eða geta haft á hljómblæ raddarinnar. Myndir þessar
•eiga að vera nokkurskonar sjónarmerki; fái menn, er
jþeir líta á þessi sjónarmerki greinilega hugmynd um sund-