Árbók Hins íslenzka fornleifafélags - 01.01.1980, Side 50

54
ÁRBÓK FORNLEIFAFÉLAGSINS
Efsti hluti snœldunnar. 3:2. Ljósm. Gísli Gestsson.
Nú vill svo til að á Stóruborg bjó um miðja 16. öld nafntoguð kona sem
Anna hét. Hún var dóttir Vigfúsar Erlendssonar lögmanns á Hlíðarenda (d.
1521), en nafntoguð er hún fyrir ástir sínar og manns af lágum stigum, Hjalta
Magnússonar, en einkum þó vegna þess að Guðmundur Magnússon (Jón
Trausti) skrifaði vinsæla skáldsögu út af þjóðsögum um þessi ástamál. Sagan
heitir Anna á Stóruborg.
Eðlilegt er að manni komi til hugar að Anna Vigfúsdóttir kunni að hafa átt
þennan snældusnúð, en ástæðulaust er að leggja á það mikla áherslu. Talið er
að afkomendur hennar hafi búið á Stóruborg fram undir lok 17. aldar. Þegar
haft er í huga hve algengt er hér á landi að nöfn gangi í ættum, gæti eins