Norðurljósið - 01.01.1983, Page 34

34
NORÐURLJÓSIÐ
Það er eins og Rut sagði við Noomi: Hvert, sem þú ferð,
þangað fer ég, og hvar, sem þú náttar, þar nátta ég. Hvað, sem
Drottinn lætur fram við mig koma, þá skal dauðinn einn
aðskilja þig og mig.
Á löglegan hátt getur maður selt hús sitt, land og gimsteina.
En sannleikurinn er sá eðalsteinn, sem hafinn er upp yfir alla
verðlagningu. „Reglur þínar eru eign mín um aldur, því að þær
eru yndi hjarta míns“. (Sálm. 119. 111.)
Hvers vegna er ekki nafn Guðs
nefnt í Esterarbók?
„Á þeim degi mun ég byrgja auglit mitt vandlega vegna allrar
þeirrar illsku, sem hann hefur í frammi haft, er hann sneri sér
til annarra guða. (V. Mós. 31. 16. -18.)
„Og Drottinn sagði við Móse: Þú leggst nú til hvíldar hjá
feðrum þínum; þá mun lýður þessi rísa upp og taka framhjá
með útlendum guðum lands þess, er hann heldur nú inn í, en
yfírgefa mig og rjúfa sáttmála minn, þann er ég við hann gjörði.
Þá mun reiði mín upptendrast gegn þeim, og ég mun yfirgefa
þá, og byrga auglit mitt fyrir þeim, og lýðurinn mun eyddur
verða, og margs konar böl og þrengingar yfír hann koma. Þá
mun hann segja: Vissulega er böl þetta yfir mig komið, af því
að Guð minn er ekki hjá mér“. Sumir segja, að svarið sé að
finna hér. I Esterarbók feli hann nafn sitt.
Þetta getur varla verið rétt. Jafnvel þótt nafn hans sé ekki
nefnt, er hann að vinna fyrir fólk sitt. Kemur það skýrt í ljós í
frásögninni. Sést það, ef 4. kafli er athugaður vandlega. Bæn
fylgdi alltaf fasta og grátur og að setjast í sekk og ösku. Þegar
Ester biður Gyðinga í Súsan að fasta í þrjá daga og segir, að hún
og meyjar hennar mundu gera hið sama (4. 16.), hvað var þetta
annað en bið eftir Guði?
Lærimeistarar fyrri tíma hafa komið fram með hugmynd,
sem er sennilegri, að bókin hafi verið ætluð heiðnum mönnum
til lestrar. Til þess að nafn Guðs yrði ekki fyrir lasti hjá þeim,