BFÖ-blaðið - 01.11.1990, Blaðsíða 3

Arni Gunnarsson:
Að aka eða
neyta áfengis
Senn verður það staðfest með lögum, sem
flestir hugsandi menn hafa áður vitað, að
áfengisneysla og akstur bifreiða fer ekki
saman. Með frumvarpi, sem nú hefur verið
lagt fram á Alþingi, er lögð til sú breyting á 2.
mgr. 45 gr. umferðarlaganna, að ef vínanda-
magn í blóði ökumanns nemur 0,25 prómill-
um eða meira, telst hann ekki geta stjórnað
ökutæki örugglega. Þar með verður leyfilegt
áfengismagn í blóði lækkað frá núgildandi
lögum úr 0,50 prómillum.
Þessi breyting á umferðarlögunum hefur
það í för með sér, að enginn þarf lengur að
velkjast í vafa um það hvort eða hve mikils
áfengis má neyta áður en sest er undir stýri.
Með þessu móti verða lögin algjörlega afdrátt-
arlaus, og ættu þar með að auðvelda hverjum
manni að taka ákvörðun um hvorn kostinn
viðkomandi ætlar að velja, þ.e. að aka eða
neyta áfengis.
Það hefur lengi verið nauðsynlegt að stíga
þetta skref. Hér er á ferðinni forvarnarstarf
þar sem ábyrgðin er lögð á herðar einstakl-
ingnum, þar sem hann hvorki þarf að beita
sjálfsmati um aksturshæfni, né blekkingum
um að hann sé hæfur til að aka eftir áfengis-
neyslu.
Þeir, sem með margvíslegum sérkennileg-
um rökum, andmæla þessari lagabreytingu,
neita að horfast í augu við þann kalda veru-
leika, að á síðustu tíu árum hafa orðið 1100
alvarleg umferðarslys, sem rekja má beint til
ölvunar. í þessum slysum hafa 66 manns látið
lífið. Þeir líta einnig fram hjá þeirri stað-
reynd, að á hverju ári eru 2400 lslendingar
teknir grunaðir um ölvun við akstur. Af þeim
hópi missa um 2000 ökuleyfi.
Andstæðingar þessarar breytingar styðja
margir hverjir aukið umferðaröryggi og bar-
áttu gegn slysum. Getur þetta farið saman?
Svari hver sem vill!
Árni Gunnarsson
er alþingismaður.
BFÖ-blaðid • 3/1990
Útgefandi:
Ritnefnd:
Viðtöl o.fl.:
Prentun:
Upplag:
Bindindisfélag ökumanna,
Lágmúla 5, 108 Reykjavík, sími 83533.
Sigurður Rúnar Jónmundsson (ritsj. og áb.m.),
Halldór Árnason og Jónas Ragnarsson.
Jóhannes Tómasson. - «_
Guðjónóhf. Kovember
4.400 eintök 3. tbl. 18. árg. 1990