BFÖ-blaðið - 01.11.1990, Blaðsíða 29

Verðlaunahafar fengu allir veglega bikara
til eignar sem Hekla gaf og sigurvegarar
fengu einnig farandbikar. Einnig voru tveir
ferðavinningar frá Ferðamiðstöðinni Veröld
sem Auður Yngvadóttir og Bjarni Ólafsson
fengu. Þá gaf Hekla bíl fyrir að fara villulaust
í brautinni, hann hreppti Garðar Ólafsson.
Það hefur aðeins einu sinni gerst áður og þá
hreppti Garðar einnig bílinn.
Það er ekki hægt að halda svona keppni
nema með góðu samstarfi við Qölmarga aðila.
í sumar voru í samstarfi við okkur DV sem
flutti fréttir af keppnunum, Ríkisútvarpið
með auglýsingar um keppnirnar og fréttir af
því hvenær þær væru, bílaumboðið Hekla sem
útvegaði bíla og gaf verðlaun í úrslitakeppn-
ina og fl., reiðhjólaverslunin Fálkinn sem gaf
tvö reiðhjól í reiðhjólakeppnina auk verð-
launapeninga, Ferðamiðstöðin Veröld sem
gaf tvær utanlandsferðir í verðlaun í akstri.
Að auki styrktu okkur Ábyrgð tryggingafélag
bindindismanna, Vífilfell (kóka kóla), Póstur
og sími, Storno, Bifreiðaskoðun íslands, Silki-
prent og fjölmargir aðrir aðilar sem gáfu verð-
laun hver á sínum stað. Ekki má gleyma um-
boðsmönnum keppninnar um land allt sem
skiluðu mjög góðu starfi. Öllum þessum aðil-
um viljum við fyrir hönd Bindindisfélags öku-
manna þakka alveg einstaka lipurð og góðvild
í okkar garð.
Guðný Ása Jóhannsdóttir frá Höfn og . . .
Að lokinni svona viðamikilli keppni þar
sem venjulegir ökumenn taka þátt er vert að
staldra aðeins við og hugleiða, til hvers svona
keppni? Við sem að þessu stöndum teljum að
með því að aka bíl við þær aðstæður sem reynt
er að skapa fari viðkomandi að hugsa meira
um stærð og umfang bílsins. Þá eru lagðar
spurningar úr umferðinni fyrir keppendur
sem síðan eru ræddar, er þetta ef til vill í eina
skiptið sem margir leiða hugann að umferðar-
lögunum. Von okkar er að sem flestir komi og
taka þátt í þessum leik þó í keppnisformi sé til
að fá betri tilfmningu fyrir bílnum og umferð-
inni. BrynjarM. Valdimarsson.
. . . Ingimar Einarsson frá Blönduósi unnu hjól.