BFÖ-blaðið - 01.11.1990, Blaðsíða 25

Frá Umferðarráði
Farsími í tíunda hverjum bíl
Tveir af hverjum þremur farþegum í aftur-
sætum bíla notuðu bílbelti áður en breytingar
á umferðarlögum þess efnis gengu í gildi í
haust. Þetta kom meðal annars fram í umferð-
arkönnun sem lögregla um land allt vann fyr-
ir Umferðarráð. Um 65% allra fullorðinna
farþega í aftursætum notaði belti. Ennþá
fleiri börn reyndust nýta sér sérstakan örygg-
isbúnað. Níu af hverjum tíu börnum notuðu
bílbelti eða voru í bílstólum. Til marks um
aukna notkun öryggisbúnaðar fyrir börn má
geta þess, að í umferðarkönnun sem gerð var
1985 notuðu 20% barna öryggisbúnað.
Umferðarkannanir af þessu tagi hafa verið
gerðar árlega frá 1985. Þar koma fram ýmsar
forvitnilegar upplýsingar, sem auka þekk-
ingu á þróun ýmissa þátta umferðarmála. í
ljós kemur að þessu sinni að notkun bílbelta
meðal ökumanna fer aðeins minnkandi, en
lítil breyting hefur orðið á beltanotkun far-
þega í framsæti. Ljósanotkun er álíka mikil og
á undanförnum árum eða um og yfir 95%.
Einnig var kannað hvort í bílnum væri
ýmis búnaður, sem ökumenn hafa verið hvatt-
ir til að hafa í bílum sínum. Þar kom í ljós að í
97% bíla voru höfuðpúðar í framsæti, sjúkra-
taska var í 32% bíla og viðvörunarþrí-
hyrningur í 23% ökutækja. Þá kom í ljós að
útvarp er í meira en níu af hverjum tíu bílum,
farsími í tíunda hverjum bíl og radarvari í
3,5% bíla.
Eitt atriði enn sem vekur athygli er hversu
algengt er að ökumenn séu einir í bíl, en það er
í öðrum hverjum bíl.
Áfangasigur í baráttu fyrir bílbeltum
Eftir 1. október 1990 eiga allir ökumenn og
farþegar í bílum að nota bílbelti. Alþingi sam-
þykkti á síðasta starfsdegi sínum á síðast-
liðnu vori að farþegar í aftursæti ættu að nota
bílbelti. Segja má að þar með hafi verið stað-
fest með lögum sú þróun sem átt hefur sér stað
á undanförnum árum, en notkun öryggis-
búnaðar í bílum hefur farið ört vaxandi. Þá
gera lögin ráð fyrir að börn í aftursæti eigi
alltaf að nota viðurkenndan öryggisbúnað. Þá
er kveðið skýrt á um að börn megi ekki vera
laus í framsæti undir neinum kringumstæð-
um.
Það hefur um margra ára skeið verið bar-
áttumál Umferðarráðs að allir sem í bílum
sitja noti bílbelti. Á síðari árum má greina
áhrif þessara breytinga í fækkun alvarlegra
slysa meðal ökumanna og farþega í framsæti,
en slík breyting hefur ekki verið jafn áberandi
meðal farþega í aftursæti.
Sigurður Helgason.