Tölvumál - 01.11.1987, Blaðsíða 4

LIFANDI FÉLAG - FLEIRI FÉLAGAR
Skýrslutæknifélag íslands er samtök allra einstaklinga og
fyrirtækja, sem láta sér annt um upplysingatækni og
tölvumál. Tölvu- og uppiysingatækni teygir nú arma sina um
allt þjóðfélagið. Tæplega er unnt að finna það svið sem hún
hefur ekki áhrif á, beint eða óbeint. Á það hefur verið
bent að ekki færri en sjö þúsund íslendingar vinni reglu-
lega við tölvur eða tölvuskjái. Einmenningstölvur eru
sennilega komnar inn á fimmtánda hvert heimili á landinu.
Áhugamenn um uppiysingavinnslu skipta þvi örugglega tugum
þúsunda á landinu. Þetta fólk viljum við sjá i samtökum
okkar.
Á hverju ári heldur félagið ráðstefnur, fundi, námstefnur
og kynningar um ólikustu málefni. Einnig stendur félagið
fyrir námskeiðum, sem vekja athygli vegna gæða og sérstöðu.
Ráðstefnur félagsins hafa verið mjög vel heppnaðar. í þessu
blaði er til dæmis fjallað um afar athyglisverð erindi, sem
flutt voru á ráðstefnu um rekstur tölvukerfa.
Þar kom til dæmis fram að rikisfyrirtæki hafa þegar keypt
um 3.000 einmenningstölvur. Það er um 30% af öllum einmenn-
ingstölvum á landinu. Samkvæmt þvi hefur rikissjóður keypt
einmenningstölvur fyrir 1.000 milljón krónur. Flestar
þessara tölva hafa einfaldlega leyst ritvélar af hólmi.
Þetta er hið athyglisverðasta mál. Þessa ráðstefnu sóttu
130 manns.
Stjórn Skyrslutæknifélagsins stendur nú fyrir sérstöku
átaki, sem ætlað er að fjölga félögum. Rétt er að benda
þeim, sem þegar eru félagar á að hvetja vinnufélaga sina
til þess að ganga einnig i félagið. Styrkur okkar felst i
þvi að sem flestir gangi i félagið og taki þátt i starfinu.
Sem dæmi um hagsmunabaráttu, sem farið hefur fram i
félaginu, má nefna árangur nefndar á vegum félagsins, sem
fjallaði um söluskatt á hugbúnað. Með vönduðum málflutningi
og sterkum rökum tókst nefndinni að sannfæra fulltrúa
Fjármálaráðuneytisins um að lækka söluskattinn úr 25% i
10%. Þó hafði áður verið gefin út reglugerð um 25% sölu-
skatt.
Stefán Ingólfsson
4