Tölvumál - 01.04.1991, Blaðsíða 5

Af netinu
Björn Þór Jónsson
Pegar ég renndi yfir fréttirnar á
ráðstefnunum um daginn rakst
ég á áhugaverða grein, sem getur
orðið okkur tölvufólki nokkurt
umhugsunarefni.
Þeir gera mistökin
sem telja sig hæfasta
Paul Smee skrifar þar um akstur
og ökumenn. Þar vitnar hann f
blaðagrein sem segir að flest slys
verða vegna vfsvitandi lagabrota
en ekki mannlegra mistaka.
Tony Manstead, prófessor við
háskólann í Manchester, segir
flesta árekstra verða vegna fárra
ökumanna sem af ásettu ráði fara
yfir hraðatakmarkanir og hafa
yndi af að spíta í á ljósum og aka
mjög nærri bílnum fyrir framan
þá.
I tveimur rannsóknum á vegum
bresku stjórnarinnar voru rann-
sakaðir samtals 2000 bílstjórar
og slysaferill þeirra borinn saman
við þeirra eigin lýsingar á aksturs-
lagi þeirra. Þeir sem lent höfðu í
tveimur eða fleiri slysum áttu
ýmislegt sameiginlegt. Þeir voru
oft ungir karlmenn sem töldu sig
vera hæfari en meðalöku-
maðurinn.
Það fundust engin tengsl milli
slysa og fólks sem játaði að gera
mistök, eins og að misreikna
fjarlægðir þegar það tekur fram
úr. Hins vegar voru sterk tengsl
milli slysa og þeirra sem játuðu
að brjóta umferðarlögin oft, til
dæmis með hraðakstri og því að
fara ffarn úr á öfugum vegarhelm-
ingi.
Manstead segir: Það er eftil vill
nokkur einföldun, en það virðist
sem þeir sem lenda í slysum séu
ekki þeir sem gera mistökheldur
þeir sem vísvitandi aka á ólögleg-
an hátt. Ég hugsa að flestir þekki
menn sem aka svona, að minnsta
kosti gerum við það báðir, ég og
Paul Smee. En hvernig tengist
þetta tölvum? kunnið þið að
spyrja. Margir þekkja væntanlega
forritara sem telur sig yfir
innanhússstaðla og venjur hafinn.
Staðlar séu fyrir aulana, svo þeir
geri ekki aulamistök, en ekki
fyrir alvöru forritara. Kannski
eiga rannsóknir Mansteads jafn
vel við í forritun og akstri.
Hjartasjúkdómar og
langlífi
Nýleg rannsókn á áhrifúm hjarta-
sjúkdóma á langlífi bendir til
þess að meðalævi Bandarfkja-
manna lengist aðeins um þrjú ár,
takist þeim að vinna bug á hjarta-
sjúkdómum. Sumum kann að
þykja það lítið, en athuga verður
að þó fólk sleppi við aðalvágestinn
er af nógu að taka, krabbameinum
og ýmiss konar óværu.
Rannsókn þessi var framkvæmd
á tölvu með hermun og fór fram
í Boston. Meðal spurninga sem
slegið var fram voru: Hvað
gerist ef allir Bandaríkjamenn ná
kólesterólmagninu niður fyrir
200? Eða hætta að reykja?
Hermunin bendir til þess að
þvflíkir stórsigrar á heilsusviðinu
bæti aðeins um einu ári við meðal-
ævilengdina. Hins vegar getur
ávinningurinn orðið stórkostlegur
fyrir marga einstaklinga sem gætu
grætt tugi ára.
Það er vonandi fyrir okkur tölvu-
menn að þessar niðurstöður séu
nokkuð marktækar, þvf væntan-
Aprfl 1991
lega geta þær haft áhrif á fjár-
mögnun rannsókna á heilbrigðis-
sviðinu, og heilsugæslu almennt.
Makkarefir
Um daginn var stofnuð ný
ráðstefna hér á íslandi. Heitir
hún icenet.makkarefir Og
er sett á laggimar af Makkarefúm,
nýstofnuðu félagi Macintosh-
forritara. Eins og segir í lögum
þess þá er tilgangur þess að tengja
saman makkaforritara á íslandi,
vera eins konar hagsmunafélag
þeirra og upplýsingamiðstöð og
trúboðsstöð fyrir hina "einu sönnu
makkatrú".
Á stofnfundi þess hinn 6. aprfl
síðastliðinn voru kosnir í stjórn
Viktor B. Kjartansson, formaður,
Mímir Reynisson, Sigurður Darri
Skúlason og Gísli Rúnar Hjalta-
son.
Ráðstefnan er ætluð til skipta á
upplýsingum og vandamálum sem
varða makkaforritun. Ákveðið
var að halda félagsfúndi mánaðar-
lega, þann fyrsta 6. maf (þar
verður m. a. haldið erindi um A/
UX, Unix-stýrikerfið ffá Apple),
gefa út fféttabréf á tveggja mánaða
ffesti, komast í samband við ýmis
erlend félög og hópa og kaupa
MacTutor-geisladisk og diska-
áskrift.
Reyndar er önnur ráðstefna á
netinu um svipuð mál sem heitir
comp.sys.mac.programmers,
en ókosturinn við hana er sá að
mikið efni kemur inn og því er
tímafrekt að lesa f gegnum hana,
og auk þess má reikna með að
einhver séríslensk málefni þarffiist
umfjöllunar.
5 - Tölvumál