Tölvumál - 01.07.1999, Blaðsíða 38

Gamansagan
2000 kvíðinn
Um miðjan og seinnihluta tíunda
áratugarins var uppi COBOL for-
ritari nokkur. Við skulum nefna
hann Sigga. Eftir að litið hafði verið á
hann um langan tíma sem tæknilegt við-
undur af öllum þeim sem forrituðu fyrir
UNIX, biðlara og miðlara og þá sem
hönnuðu vefsetur var Siggi loks farinn að
fá uppreisn æru. Hann hafði fengið starf
sem ráðgjafi sem sérhæfði sig í 2000
vandanum. Hann vann að skammtíma-
verkefnum fyrir mikilsmetin fyrirtæki og
ferðaðist um allan heim við hin ýmsu
verkefni. Hann vann 70, 80 og allt að 90
stundir á viku en fannst þetta þess virði.
Siggi var farinn að láta á sjá eftir
margra ára sleitulausa vinnu að þessu
verkefni. Hann átti erfitt með svefn og var
farinn að kvíða 2000 vandanum í draum-
um sínum. Þetta var svo langt gengið að
viðbrögð Sigga urðu ofbeldisfull ef
minnst var á ártalið 2000. Hann hlaut að
hafa fengið einhverskonar áfall því það
eina sem komst að hjá honum var hvernig
hann gæti forðast árið 2000 og það sem
því fylgdi.
Siggi ákvað að hafa samband við fyrir-
tæki sem sérhæfði sig í frystingu manna.
Hann samdi um að hann yrði frystur þang-
að til 15. mars árið 2000. Þetta var afskap-
lega dýrt en alveg sjálfvirkt. Hann var
mjög kátur. Það næsta sem hann myndi
vita væri að hann myndi vakna árið 2000,
að lokinni nýársgleðinni og vandræðum
með tölvurnar og eftir að hlaupársdagur
væri liðinn. Engin vandamál, og hann gæti
bara lifað lífinu á eðlilegan hátt.
Hann var settur í kælinn, tæknimennirn-
ir stilltu á daginn sem átti að vekja hann,
hann fékk sprautur til að hægja hjartslátt-
inn í lágmark og það var allt og sumt. Það
næsta sem Siggi vissi var að hann sá risa-
stórt, mjög nýtískulegt herbergi sem var
fullt af mjög æstu fólki. Allir hrópuðu „ég
trúi þessu ekki“ og „þetta er kraftaverk“
og „hann er lifandi". Þarna voru mynda-
vélar, sem voru ólíkar þeim sem hann
hafði séð áður, og tæki sem litu út eins og
þau væru úr vísindaskáldsögu.
Maður sem greinilega var einhverskon-
ar talsmaður fyrir hópinn steig fram. Siggi
gat ekki hamið ákafa sinn. „Er þetta lið-
ið?“ spurði hann. „Er árið 2000 þegar
komið? Eru veislurnar og vandamálin og
hættuástandið um garð gengið?"
Talsmaðurinn útskýrði að það hefði
komið upp vandamál með forritunina á
kælitæki Sigga því það hefði ekki verið
2000 samhæft. Það höfðu satt að segja lið-
ið átta þúsund ár og það væri því ekki árið
2000. Talsmaðurinn sagði Sigga að verða
þó ekki æstur því að afar mikilvægur mað-
ur vildi ræða við hann.
Skyndilega birtist mynd sem þakti
vegginn og þar var kominn maður sem var
afskaplega líkur Bill Gates. Þetta var for-
sætisráðherrajarðarinnar. Hann sagði
Sigga að verða ekki órór. Þetta væri dá-
samlegur tími til að vera uppi. Það væri
friður um allan heim og enginn sylti.
Geimferðaáætlunin hefði aftur verið sett í
gang og það væru nýlendur bæði á Tungl-
inu og á Mars. Tæknin væri komin á það
stig að allir hefðu sýndarveruleika til að
leyfa þeim að ná sambandi við hvern sem
væri um allan heim eða til að horfa á afþr-
eyingu eða hlusta á alla tónlist sem hefði
verið hljóðrituð.
„Þetta virðist frábært“ sagði Siggi, „en
hvers vegna eru allir svona áhugasamir
um mig?“
„Já“, sagði forsætisráðherrann. „Þannig
er að árið 10000 er um það bil að skella á
og það kemur fram í gögnunum okkar að
þú kannt COBOL“.
38
Tölvumál