Dagur - Tíminn Akureyri - 23.08.1997, Qupperneq 21
íDagur-®átnmt
Laugardagur 23. ágúst 1997 - 33
S'tflAN
Umsjónarmaður
Magnús Geir Guðmundsson
Hörku heiðursplata
Creedence Clearwater Revival. Plata þeim til heiðurs væntanleg í lok árs-
ins.
Undanfarin ár hafa alls
kyns heiðurs plötur, „Tri-
bute“ plötur streymt á
markað og hefur þar verið ærið
mjsjafn sauðurinn í mörgu fé,
svo gripið sé til góðrar orðlík-
ingar. Þessar plötur hafa þó
sumar hverjar verið fínt innlegg
í flóruna. Þar má til dæmis
nefna eina sem kom út fyrr á
þessu ' ári til heiðurs gamla
Shadowsgítargutlaranum Hank
Marvin. Reyndar svolítið mis-
jöfn, en í það heila nokkuð
skemmtileg plata. Til þess sáu
kappar á borð við Mark Knop-
fler og Brian May ásamt Rick
Parfitt, Francis Rossi og Peter
Green, en platan nefndist með-
al annarra orða Twang. Undir
lok þessa árs er svo von á ann-
ari shkri plötu sem áreiðanlega
verður mjög spennandi áheyrn-
ar og víst er að ekkert verður til
sparað á henni. Á ferðinni verð-
ur nefnilega plata til heiðurs
einnar merkustu og BESTU
rokkhljómsveitar Bandaríkj-
anna, Creedence Clearwater
Revival. Er áætlað að eigi færri
en 36 tónlistarstjörnur dagsins
í dag af ýmsu tagi njóti þess
heiðurs að fá að túlka lög John
Fogertys og félaga á plötunni,
þannig að um tvöfalda plötu
verður að ræða, í það minnsta.
Má reyndar segja að líkt og
með fyrrnefndu plötuna, ætti
þessi plata að vera til heiðurs
Fogerty og CCR, þar sem garp-
urinn sá var allt í öllu í sveit-
inni, en það á eftir að koma í
ljós. Margir eru nefndir sem
væntanlegir þátttakendur á
plötunni, en meðal þeirra eru
svo nokkur dæmi séu tekin,
Metaflica, Pearl Jam, Red hot
chili peppers, Aerosmith, Mötl-
ey crue, REM o.fl. Hvaða lög
svo verða túlkuð er ekki komið
á hreint, en ljóst er að nógu er
af taka. Má mikið vera ef þetta
verður ekki hörku heiðursplata
eins og þær bestar geta orðið af
slíku tagi.
Mick Jagger og félagar í Rolling stones. Enn ein platan og tónleika-
ferðin í aðsigi.
Steinamir
rúlla..
ogrulla
Poppkom
Atari teenage riot er ein af þessum frábæru teknókraftnúmerum ættuðum
frá Berlín.
Hafi það hvarflað að
einhverjum upp á
síðkastið að lang-
h'fasta og ein allra vinsæl-
asta rokksveit heims, Rol-
ling stones, væri nú loksins
að gefa eftir og færi e.t.v. að
hætta, -þá er það hinn mesti
misskilningur. Síðastliðinn
mánudag blésu nefnflega
Jagger, Richards og co. enn
eina ferðina í herlúðra á
skrautlegum blaðamanna-
fundi, sem haldinn var und-
ir Brooklynbrúnni í New
York og boðuðu þar komu
nýrrar plötu og hljómleika-
ferðar að hætti hússins í
kjölfarið. Verður að venju
farið víða um heiminn og
spilað á allra stærstu leik-
vöngum sem finnast, en líka
munu minni staðir vera inn
í myndinni. Vaknar þá auð-
vitað sú spurning hvort ekki
verði hægt að fá þá hingað
til lands, en þeirri spurn-
ingu verða einhverjir aðrir
að svara en við á Degi-Tím-
anum. Nú, það verða svo
engir aukvisar frekar en áð-
ur, sem njóta þess heiðurs
að hita upp fyrir rokkgoðin.
Þeirra á meðal verða, Foo
fighters, Sheryl Crow, Dave
Matthews band og sjálf
Smashing pumpkins. Form-
lega heijast þessi herlegheit
í síðustu viku september og
þá kemur nýja platan,
Bridges to Babylon, plata
númer hundrað og eitthvað,
einnig út. Er útgáfudagur-
inn nánar tilgreint, 30. sept-
ember. Það er sem sagt.eng-
an bilbug að finna á rokkur-
unum hálfsextugu. Léku
þeir raunar á alls oddi á
blaðamannafundinum og
gerðu grín að öllu og öllum,
m.a. aldri sínum, eða öllu
heldur að þeim sem alltaf
eru að halda því fram að
þeir séu orðnir of gamlir og
ættu að fara að hætta þessu.
Á því verður aftur á móti
bið enn um sinn.
• Eins og sagt hefur verið frá
hér áður á síðunni, verður nýr
íslenskur söngleikur settur upp
á Hótel íslandi innan tíðar.
Nánar tilgreint heitir hann
Prinsessan og verður frumsýn-
ingin þann 4. september nk.
Margir góðir söngvarar og leik-
arar koma við sögu, en það
verður í höndum hins elskaða
og dáða Sniglabands að halda
utan um tónlistarflutninginn.
• Kúreki norðursins, hinn eini
og sanni Hallbjörn Hjartarsson,
hefur um nokkurt skeið látið h't-
ið frá sér fara. Nú er hins vegar
orðin breyting á því með nýrri
plötu frá öðlingnum, sem kall-
ast Drottinn, ég elska þig. Er
þetta áttunda plata Hallbjarnar.
• Risarokkararnir í Van Halen,
sem höfðu á stefnuskránni að
gefa út sína nýjustu afurð í
haust eða í byrjun vetrar, hafa
nú orðið að fresta útgáfunni
þar til í janúar 1998. Nafn
hennar verður hins vegar það
sama og fyrirhugað var áður,
einfaldlega 3, en það heiti skír-
skotar til þess að á henni skart-
ar sveitin sínum þriðja söngv-
ara á 20 ára útgáfuferli. Heitir
nýi söngvarinn Garý Cherone.
Af fyrsta söngvara Van Halen
og þeim frægasta, David Lee
Roth, er það hins vegar að
frétta, að í október gefur hann
út ævisögu sína, Crazy from the
heart. Er hennar beðið með
nokkurri eftirvæntingu, þar
sem kappinn lumar víst á
mörgu krassandi að sögn.
• Fyrrum gítarleikari fönk-
rokkaranna vinsælu, Faith no
more, Jim „Sick ugly“ Martin,
lætur nú loks á sér kræla eftir
langt hlé og er á ferð með sína
fyrstu plötu undir eigin nafni.
Nefnist gripurinn Milk and
blood og kemur hann út 29
næsta mánaðar.
• í umfjöllun um Berlínarharð-
teknótöffarann Shizuo hér á
síðunni fyrir viku, kom það m.a.
fram að hann hefði t.d. verið í
slagtogi við samsveitunga sína í
Atari Teenage Riot. Það góða og
mjög svo kraftmikla þríeyki er
nú einmitt líka rétt búið að
senda frá sér sína íjórðu eigin-
legu afurð (þær eru reyndar
fleiri undir nöfnum einstakra
meðlima) sem nefnist Burn
Berlin burn. Er skemmst frá því
að segja, að platan er að fá frá-
bæra dóma og ættu dansáhuga-
menn sem jafnframt vilja hafa
herlegheitin vel kröftug, ekki að
láta hana framhjá sér fara.