Dagblaðið Vísir - DV - 01.12.1981, Blaðsíða 32

32
DAGBLAÐIÐ& VlSIR. ÞRIÐJUDAGUR 1. DESEMBER 1981.
Nýjar bækur
Nýjar bækur
Nýjar bækur
Sammi
eftir höfundana Berck
og Cauvin.
Út eru komnar hjá IÐUNNI tvær
fyrstu bækur í nýjum flokki teikni-
myndasagna. Aðalpersónur í þessum
flokki eru Sammi og vinur hans Kobbi
sem lenda í ýmiss konar harðræðum.
Bækur þessar eru samdar á frönsku og
höfundar þeirra tveir, Berck og
Cauvin. Fyrstabókin heitir Harðjaxlar
í hættuför og segir frá því er Sammi
->g Kobbi taka að sér að hjálpa
afgömlum milljónamæringi til að
finna yngingarlyfið sem sökk í sæ fyrir
mörgum öldum. — I seinni bókinni,
Svall í landhelgi, segir frá því er þeir
félagar taka að sér, gegn góðri greiðslu
að koma nokkrum bófum fyrir kattar-
nef. — Bækurnar eru 48 blaðsíður hvor
um sig. Þær eru gefnar út i samvinnu
við a/s Interpresse. Jón Gunnarsson
þýddi textann. Bækurnar eru prent-
aðar í Belgíu.
Dulmálsbréfið
eftir Jan Teriouw.
Hjá IÐUNNI er komin út unglingasag-
ap Dulmálsbréfið eftir hollenska
höfundinn Jan Terlouw. Hann er eðlis-
fræðingur að mennt en varð kunnur
unglingasagnahöfundur, einkum fyrir
bókina Stríðsvetur. Sú saga hefur
komið út á íslenzku og einnig tvær
aðrarsögureftirTerlouw, í föðurleit
og Fárviðri.
Um efni Dulmálsbréfsins segir svo í
kynningu forlags á kápubaki: „Evá og
Bína eru vinkonur. Eva er einkabarn en
Bína á bróður sem heitir Tómas og er
afburðasnjall að kasta steinum. . . .
Dag einn finnur Eva bréf með dular-
fullri torráðinni áletrun. Það á eftir að
draga dilk á eftir sér. Voveiflegir at-
burðir gerast, en óhugnanlegast er þó
að pabbi Evu virðist bendlaður við
myrkraverk. Slíkt leyndarmál er þungt
að bera, ekki síst vegna þess að
andrúmsloftið á heimilinu er ekki gott.
Nú færist brátt harka í leikinn og Eva,
Bína og Tómas komast í hann
krappan áður en lýkur. . . ”
Dulmálsbréfið þýddi Ingi Karl
Jóhannesson. Bókin er rúmar 140
blaðsíður, prýdd myndum. Prentverk
Akraness prentaði.
Ást og dagar
eftir Guðbjörgu Hermanns-
dóttur
Guðbjörg Hermannsdóttir sendir
nú frá sér fjórðu bók sína. Hinar þrjár
eru Allir þrá að elska, Krókaleiðir ást-
arinnar og Víða liggja leiðir. Þessi nýja
saga Guðbjargar, Ást og dagar, er
mjög spennandi og viðburðarík.
Sögusviðið er í upphafi Akureyri en
síðan víkur sögunni til
Kaupmannahanar og svo aftur til
Akureyrar Þetta er saga um ungt fólk,
GUOBJOHG HERMANNSDÓrrm
tsll iMhliíiM
f>rjí og yfÓDuróaok
um Átsfií oy örtfta woyt, fotfcS
ástir þess og örlög. Aðalpersónur
sögunnar eru þau Siggi og Svala, en
margir fleiri koma við sögu.
Skjaldborg gefur bókina út og er
hún 187 bls., prentuð í Prentsmiðju
Björns Jónssonar.
Fornar
rætur
Eftir Aðalheiði Karls-
dóttur frá Garði
Þetta er þriðja bók Aðalheiðac
Karlsdóttur frá Garði. Hinar fyrri eru
Þórdis á Hrauná og Spor á vegi. Þessi
nýja bók Aðalheiðar, Fornar rætur, er
bráðskemmtileg og spennandi. Sagan
... hanntKýatf henma6«érl9*aSvtmu,
gerist í sveit og kauptúni á Islandi, en
leiðir aðalsögupersónanna, Arnheiðar
og Lýðs, liggja til Svíþjóðar og
Bandaríkjanna Margir fleiri koma við
þessa sögu sem fjallar um ógnþrungin
örlög og ólgandi ástir.
Skjaldborg gefur bókina út. Hún er
190 bls. og prentuð í Prentsmiðju
Björns Jónssonar.
Dvergmál
eftir Baldur Eiríksson
frá Dvergsstöðum
Baldur Eiríksson höfundur þessarar
bókar er fæddur að Dvergsstöðum í
Eyjafirði 23. desember 1910 og ólst
hann þar upp til tvítugsaldurs. Hann
stundaði nám við Menntaskólann á
Akureyri í fjóra vetur og lauk þar
stúdentsprófi 1936. Það sama ár hóf
hann starf á skrifstofu KEA og hefir
starfað þar siðan. Lítið mun hann hafa
fengizt við kveðskap á uppvaxtarárum
sínum en þegar hann kom til starfa hjá
KEA voru þar starfandi nokkrir snjallir
hagyrðingar og spéfuglar, sem hvergi
spöruðu yrkingar. Var þar ekki
deigum værlog vildi hann þá ekki láta
sir.n hlut eftir liggja. Smákveðlingar
eftir hann um daginn og veginn birtust
fyrst i blaðinu Degi á Akureyri undir
dulnefninu Dvergur, sem dregið er af
fæðingarbæ hans og síðan birtust
kvæði eftir hann í Tímanum og
Speglinum og víðar undir öðrum
dulnefnum.
Skjaldborg hefur gefið út þessa
ljóðabók, sem er 160 bls. og prentuð í
Prentsmiðju Björns Jónssonar.
Örlögá
Mateland
setrinu
eftir Victoriu Holt
Nýjasta bók Victoriu Holt er sérstök
varða á ferli hinnar viðurkenndu skáld-
drottningar rómantísku spennu-
sögunnar. Tuttugu ár eru liðin frá út-
komu fyrstu bókar þessa einstæða
ferils. Victoria Holt hefur sent frá sér
tvo tugi bóka sem hafa orðið met-
sölubækur áalþjóðlegum markaði.
Hún er í essinu sínu í þessari sögu
um forboðnar ástir og per-
sónublekkingu, er sveiflast frá siðlátu
ensku sveitaumhverfi nítjándu aldar til
villtrar glæsifegurðar Suðurhafa. Þetta
er saga Suewellyn Mateland sem hund-
elt er af hryggilegum atburðum. Hún er
óskilgetin dóttir bróðurmorðingja, sem
verður að flýja heimili foreldra sinna,
fallegan en ógnandi kastala . . .
Aðdáendur Victoriu Holt um allan
heim fagna þessari bók hennar —
Örlög á Mateland-setrinu — nýjustu
staðfestingunni á stöðu hennar sem
einhver fremsti listamaður á þessu
sviði.
Bókaútgáfan Hildur gefur út bókina
sem er 212 bls.
Fljúgandi
myrkur
eftir Kristján frá Djúpalæk
Helgafell hefur gefið út ljóðabókina
Fljúgandi myrkur eftir Kristján frá
Djúpalæk. Bókin er 80 bls. að stærð og
ersett og prentuð í Víkingsprent.
Fuglaveiðiréttur
eftir Kjartan S. Júlíusson
lögfræðing
í formála bókarinnar er sagt frá því
að meginþáttur í starfi
Skotveiðifélagsins frá stofnun þess,
haustið 1978, hafi verið að verja og
leitast við að auka rétt almennings til
skotveiða. Mikið er óunnið í því efni.
Vonir eru bundnar við að innan
skamms hefjist gagnger endurskoðun á
lögum um fuglaveiðar og fugláfriðun
nr. 33/1966 og fleiri lögum sem lúta að
veiðum og veiðiréttindum. 1 því starfi
er mikils virði að hafa i höndum svo
vandað yfirlit um þróun fuglaveiðirétt-
ar sem ritgerð þessi er.
Auðvitað kunna einstakar ályktanir
höfundar að orka tvimælis, og er ekki
umtalsvert. Hitt er áreiðanlegt, að
v'eiðimönnum, sem um þessi mál hafa
eitthvað hugsað, er mikill akkur í
útkomu þessarar ritgerðar og reyndar
ætti hið sama að gilda um ýmsa aðra,
svo sem landeigendur og lögfræðinga.
Hlutlægar upplýsingar eru ávallt til
góðs þegar um viðkvæm mál er að
ræða.
IAMES THOT»1»
SÍÐASTA BLÓMIÐ

Síðasta blómið
eftir James Thurber
Húmoristinn Thurber var fáum
likur, hann átti þá náðargáfu að vera
fyndinn án þess að virðast reyna til
þess. Yfirleitt verður ekki sagt að hann
líti hátterni mannsins með velþóknun
eða framtíð hans björtum augum. Eitt
helzta yrkisefni hans var það sem hann
kallaði „Styrjöld karls og konu”.
Hann segir einhvers staðar: „Maðurinn
er á hraðri leið til tortímingar, en
konan ætlar ekki að fara með honum”.
í síðasta blóminu ríkir bjartsýni þrátt
fyrir allt. Hér sigrast lífið aftur og aftur
á þeim höfuðóvini sínum, sem er
stríðsþorsti mannsins.
Helgafell gefur út bókina sem er í
þýðingu Magnúsar Ásgeirssonar.
Almanak
Hins íslenska þjóðvinafólags
1982
Aðalhluti ritsins er Almanak um árið
1982 sem dr Þorsteinn Sæmunds-
son stjarnfræðingur hjá Raunvísinda-
stofnun Háskólans hefur reiknað og
búið til prentunár. Annað efni Þjóð-
vinafélags-almanaksins þessu sinni er
Árbók íslands 1980 eftir Ólaf Hansson
prófessor og ritgerðin Veðurspár dýr-
anna eftir dr. Guðmund heitinn Finn-
bogason, upphaflega birt í Eimreiðinni
1922.
Þetta er 108. árgangur Þjóðvinafé-
lagsalmanaksins sem er 184 bls. að
stærð, prentað í Odda. Umsjónar-
maður þess er dr. Finnbogi Guðmunds-
son landsbókavörður og forseti Hins ís-
lenska þjóðvinafélags. Forstöðumenn
þjóðvinafélagsins auk hans eru: Bjarni
Vilhjálmsson þjóðskjalavörður, Einar
Laxness menntaskólakennari og for-
maður menntamálaráðs, Jóhannes
Halldórsson deildarstjóri og dr. Jónas
Kristjánsson forstöðumaður Stofnunar
Árna Magnússonar.
Greifinn á
Kirkjubæ
eftir Victoriu Holt
Kirkland Revels gnæfði hátt yfir
villt og dularfull heiðalöndin í
Yorkshire eins og drungalegt steinvirki.
í augum saklausrar ungrar brúðar eins
og Catherine var þessi forni kastali
framúrskarandi rómantískur ... og
þá ekki síður hinar ævafornu rústir
hins mikla og volduga klausturs,
Kirkland Abbey, seiðmagnandi og
ógnandi . . . Hún vissi þá ekki enn um
hina hræðilega leyndardóma sem
duldust innan þessara þykku
steinveggja — né heldur að frá þeirri
stundu að hún steig inn á þetta nýja
heimili sitt, hefði hún stigið yfir
þröskuld skelfingarinnar . . .
Þetta er 2. útgáfa bókarinnar og út-
gefandi er Bókaútgáfan Hildur.
Týndi
arfurinn
eftir Margit Ravn
Bókaútgáfan Hildur hefur sent frá
sér nýjustu bók Margitar Ravn og
nefnist hún Týndi arfurinn og er hún
ætluð fyrir unglinga á öllum aldri.
Vigdís Ross er ung stúlka sem býr
ein með roskinni þjónustustúlku og
vinnur fyrir sér á skrifstofu. Henni
verður ekki um sel þegar henni er
tilkynnt bréflega að henni verði send
ung frænka hennar frá Ameríku, til
uppeldis og eftirlits. Og ekki verður
henni minna um að sagt er að frænkan
eigi að eiga hjá henni allmikla fjár-
upphæð, sem faðir Vigdísar hafi
varðveitt. Hún hefir ekki getað fundið
neitt um það í skjölum föður síns, sem
er látinn fyrir skömmu . . .
Hinar vinsælu sögur norsku skáld-
konunnar Margitar Ravn frá fjórða og
fimmta áratugnum, sem nú eru endur-
prentaðar, njóta enn mikilla vinsælda
ungra stúlkna. í þeim ríkir að jafnaði
bjartsyni og lífsgleði æskunnar þótt
geðsveifiur ungra ásta séu oft snöggar
og jafnvel örvænting ríki í bili.