Dagblaðið Vísir - DV - 22.01.1986, Blaðsíða 6

6
DV. MIÐVIKUDAGUR 22. JANtJAR 1986.
Neytendur Neytendur Neytendur Neytendur
475hitaeininga ávaxtakúr
Það eru fleiri en við hér á skerinu sem eru í megrunarkúr. Þessa teikningu rákumst við á í danska blaðinu Politiken.
Við höldum áfram megrunar-
kúrnum okkar. Árangurinn hefur
ekki látið á sér standa. Fyrstu fíóra
dagana fuku hvorki meira né minna
en 4 kg. En það er af nógu að taka
svo við höldum ótrauð áfram og
höldum áfram á fitulausa kúrnum
en drekkum jafnan tvo lítra af vatni
á dag og eins mikið kaffi og te og
hugurinn girnist. Einnig má drekka
sykurlausa gosdrykki að vild.
5-10% af líkamsþyngd
í bókinni góðu segir að þeir sem
eru allt of þungir geti vænst þess að
léttast um 4-10% af líkamsþyngd
sinni fyrstu vikuna. Þeir sem eru í
léttari kantinum léttast eitthvað
hægar. í bókinni er sagt frá manni
sem léttist um rúm 12 kg fyrstu vik-
una en það er líka mesta þyngdartap
sem höfundur hefur heyrt getið um
og algert einsdæmi.
Vítamín og steinefni ,
æskileg viðbót
Æskilegt er að taka vítamín og
steinefni þegar verið er í megr-
unarkúr. Gott er að ráðfæra sig við
lækni sinn um þetta atriði. Einnig
er nauðsynlegt að hafa þegar í stað
samband við lækni ef viðkomandi
finnur fyrir óvenjulegri þreytu eða
sleni í sambandi við megrunarkúr-
inn. En það verður auðvitað hver að
passa sjálfan sig.
í bókinni er sagt frá fólki sem verið
hefur á fitulausa kúrnum samfleytt
í tólf vikur án þess að verða meint
af, nema síður sé.
Þeir sem voru með of háan blóð-
þrýsting fengu bót meina sinna því
blóðþrýstingurinn snarlækkaði.
Þessi megrunarkúr er heldur ekki
nýr af nálinni heldur hefur hann
verið notaður með góðum árangri í
Bandaríkjunum í yfir tuttugu ár.
Tilbreyting
Það getur líka verið heppilegt að
breyta til og vera með fleiri en einn
kúr í takinu svo til samtímis. Eftir
t.d. eina viku á snarheitakúrnum
má taka næstu viku á grænmetiskúr,
þar næstu á ávaxtakúr, síðan aftur
á snarheitakúr. Svo er til einn kúr
sem heitir grænmetis- og ávaxtakúr.
Þá verður þetta ekki eins leiði-
gjarnt. En umfram allt, gleymið ekki
að drekka vatnið. Það á við um alla
kúrana, alveg sama hverju nafni þeir
nefnast. Ekki minna en tvo lítra á
dag.
Margir hafa spurt hvers vegna eigi
að drekka allt þetta vatn.
Það er ofur skiljanlegt ef maður
hugsar aðeins út í hvað gerist í líka-
manum við það að hann fær t.d. ekki
fitu eða kolvetni. Þessi efni eru líka-
manum nauðsynleg til þess að hann
geti starfað og ef hann fær þau ekki
úr fæðunni neyðist hann til þess að
vinna þau úr forðabúrinu. Því safn-
ast fyrir alls kyns úrgangsefni í lík-
amanum. Þau berast með blóðinu í
lifrina sem er hreinsistöð, síðan fer
úrgangurinn með blóðinu í nýrun og
þaðan er greið leið út úr líkamanum
með þvaginu en því aðeins að nægi-
legt vatn sé drukkið.
Ástæðan fyrir því að sumir verða
andfúlir á kúrnum er að þeir eru
ekki nógu duglegir að drekka vatnið.
Fólk verður „of súrt“ en því er bjarg-
að með vatnsdrykkjunni. Þið sjáið
því að hún er mjög áríðandi.
Ávaxtakúrinn
Ávaxtakúrinn hentar vel fyrir þá
sem eru hrifnir af ávöxtum. Hann er
með þannig fyrirkomulagi að það
má ekki borða neitt annað en ávexti,
nema auðvitað vatnið, kaffi og te og
sykurlausa gosdrykki.
Sýnishom af dagsmatseðli
Morgunverður: Ein heil appelsína
eða 2 sveskjur eða hálft greip.
Hádegisverður: Lítil melóna eða stór
sneið af stærri melónu og ein stór
sneið af vatnsmelónu.
Síðdegis: Ein pera eða annar ámóta
ávöxtur.
Kvöldverður: Ein pera, appelsína,
epli og ein plóma.
Fyrirháttinn: Eitt epli.
Þessi kúr inniheldur ekki nema 475
hitaeiningar á dag. Mundu aðeins
að það má ekki borða neitt annað
en ávexti. Hins vegar má víxla teg-
undunum að vild en helst ekki auka
magnið.
Næst hugum við að grænmetis-
kúmum.
-A.Bj.
I
1 eldsvoða farast miklu fleiri af völdum reykeitrunar en af völdum brunasára.
Hvernig
verður
eldsvoði?
Iðnskólaútgáfan hefur nú nýlega
gefið út ritið Brunavamir í saman-
tekt Rafns Sigurðssonar. Ritinu er
skipt niður í 16 stutta kafla sem
meðal annars taka yfir helstu or-
sakir eldsvoða, notkun slökkvi-
tækja og helstu gerðir þeirra og
leiðbeiningar um hvemig bregðast
skuli við til að forðast reykeitmn
í eldsvoða.
Höfundur segir í inngangsorðum
að markmið hans sé að lýsa hverju
atriði í sem stystu máli, en þó samt
þannig að aðalatriðin komist til
skila og verði fólki til upplýsingar.
Ekki verður annað séð en að það
hafi tekist bærilega og á ritið erindi
til allra þeirra sem vilja stuðla að
auknu öryggi í bmnavömum,
hvort sem er inni á heimilum eða
á vinnustöðum.
-S.Konn.
L