Dagblaðið Vísir - DV - 15.02.1986, Blaðsíða 19

DV. LAUGARDAGUR15. FEBRÚAR1986.
19
nn Sælkerinn Sælkerinn Sælkerinn Sælkerinn
íslenskur veitingarekstur
á krossgötum
Miklar sveiflur hafa verið í íslensk-
um veitingarekstri undanfarnar vik-
ur. Nokkuð mörg veitingahús hafa
átt við töluverða rekstrarörðugleika
að etja. Eitt húsanna fékk tíma-
bundna greiðslustöðvun, annað hef-
ur verið lokað að undanfömu og einn
veitingamaður í miðbænum hefur
lokað í hádeginu og heyrst hefur að
einhverjir muni fylgja fordæmi hans.
Þá eru nokkrir veitingastaðir til sölu
og tvö eða þrjú hús eiga við verulega
greiðsluörðugleika að etja og er ekki
ljóst hvort unnt verður að bjarga
málum fyrir horn.
Ástæðan fyrir þessum vanda veit-
ingahúsanna er helst sú að rekstur-
Umsjón
Sigmar B.
Hauksson
inn þolir ekki hinn háa fjármagns-
kostnað, þá eru húsin of mörg og
samkeppnin því mikil. Minnkandi
kaupgeta almennings hefur vita-
skuld sitt að segja. Þá ríkir viss
stöðnun í þessari atvinnugrein, frísk-
leikinn, sem einkenndi mörg hin
nýju veitingahús, er horfinn. Má
vera að þessi þróun sp eðlileg. En
þó blikur séu á lofti þá gengur vel
hjá nokkrum húsanna. Holtið hefur
verið í töluverðri sókn undanfarna
mánuði. Holt er „öruggur" veitinga-
staður og fallegur, þjónustan fag-
mannleg og verð á mat sérlega hag-
stætt. Það kostar svipað að snæða á
Holtinu og á miðlungs veitingahúsi
í miðbænum. Þá er veitingahúsið
„Þrír frakkar" mjög vinsælt enda
staðurinn hlýlegur og lítill og hefur
því nokkra sérstöðu.
Maturinn er yfirleitt góður en þó
hafa verið einhverjir byrjunarörðug-
leikar eins og eðlilegt er. Þá hefur
verið mikil aðsókn að Kvosinni sem
stundum er kölluð Rósenbergkjallar-
inn. Staðurinn hefur skipt um eig-
endur og er matreiðslumeistarinn
franskur. Sumir vilja taka svo djúpt
í árinni að Kvosin sé í dag besti
veitingastaðurinn í Reykjavík. Þá
er Torfan, sem orðin er gamalgróin,
ávallt jafngóð. Matreiðslan er þar í
sérflokki enda matreiðslumennirnir
góðir fagmenn. Það verður að teljast
algjör undantekning að gestir Torf-
unnar verði fyrir vonbrigðum.
Það má búast við miklum breyting-
um í íslenskum veitingarekstri
næstu mánuði. I ár er von á 100.000
erlendum ferðamönnum hingað til
lands. Erlendir ferðamenn, sem koma
hingað til lands, verða jafnan mjög
undrandi yfir hversu mörg og góð
veitingahús eru hér í Reykjavík. Sem
betur fer eigum við marga áhugas-
ama og duglega veitingamenn. Þá
eru starfandi hér töluvert margir
mjög hæfir matreiðslumenn. En eins
og ástandið hefur verið í þjóðfélag-
inu að undanförnu hefur þessi at-
vinnugrein ekki getað þróast sem
skyldi.
Ef við eigum að byggja upp öfluga
þjónustu við ferðamenn þá verður
ríkisvaldið að hlúa að þessari at-
vinnugrein eða í það minnsta að
leggja ekki stein í götu hennar. Það
er t.d. fyrir neðan allar hellur hvern-
ig búið er að Hótel- og veitingaskóla
íslands svo ekki sé minnst á alla þá
skatta sem lagðir eru á veitinga-
reksturinn. Þar sem ferðamannaiðn-
aðurinn svokallaði er að verða ein
af mikilvægustu atvinnugreinum
þjóðarinnar væri ekki óeðlilegt að
stofnað væri sérstakt ferðamála-
ráðuneyti sem mundi samræma allar
aðgerðir í ferðamálum og inna af
hendi einhvers konar gæðaeftirlit.
Ódýr matur á Hótel Holti, einnig er þjónustan fagmannleg.
LAUGARDAG
15. FEBRÚAR
KL. 10:00 - 18:00
SUNNUDAG
16. FEBRÚAR
13:00 - 18:00
Nýbýlavegi 8 200 Kópavogi S. 91-44144
essemm slA