Dagblaðið Vísir - DV - 27.06.1986, Blaðsíða 4
4
DV. FÖSTUDAGUR 27. JÚNÍ 1986.
Fréttir Fréttir Fréttir Fréttir
Samanburður hitaveitukostnaðar á landinu:
Getur munað 33.828
krónum á hús árlega
- dýrast að hita upp á Akureyri
Hitaveitukostnaður er víða stór
liður í útgjöldum heimilanna. Marg-
ir kvarta sáran og telja mismunandi
hitunarkostnað hrópandi dæmi um
misréttið milli byggða á landinu.
í kjölfar kjarasamninganna í fe-
brúar sendi iðnaðarráðherra hita-
veitum landsins tilmæli um að lækka
sína taxta, í samræmi við lækkun á
ýmsum töxtum opinbera aðila.
Margar hitaveitur brugðust skjótt
við og lækkuðu taxtana, sumar
héldu þeim óbreyttum en aðrar
gerðu þveröfugt og hafa hækkað
taxta sína. Dæmi eru um allt írá 7%
lækkun í 61,9% hækkun.
Ódýrast í Reykjavík og á
Sauðárkróki
Við lauslegan samanburð blaðsins á
hitunarkostnaði nokkurra staða á
landinu kemur í ljós verulegur mun-
ur, eins og meðfylgjandi súlurit
sýnir. í ljós kom að hitunarkostnað-
urinn á Akureyri er langmestur en
minnstur í Reykjavík og á Sauðár-
króki.
Haft var samband við hitaveitur
og spurt hvað kostaði að meðaltali
að hita upp 400 rúmmetra hús (einn-
ar hæðar hús, ca 130-150 fermetra)
á ári á viðkomandi stað.
Það skal tekið fram að viðmiðun-
amýting á heitu vatni var nokkuð
mismunandi eftir stöðum. Sam-
kvæmt upplýsingum frá Sambandi
íslenskra hitaveitna er í mörgum til-
fellum, sérstaklega hjá dýrari hita-
veitum, gert ráð fyrir mun mfnni
nýtingu á heita vatninu en raun-
verulega er og sýni mælingar hjá
einstaka hitaveitum það ótvírætt.
Kostar mest 47.220 á ári
Eins og súluritið sýnir er dýrast
að hita upp viðmiðunarhúsið á Ak-
ureyri í samanburði við þá staði sem
athugaðir voru. Það kostar 47.220
krónur á ári miðað við núverandi
verðlag. Næstdýrasti staðurinn er
Akranes, þar kostar 44.280 að hita
upp viðmiðunarhúsið. Þá koma
Vestmannaeyjar með 41.860 krónur
og ísafjöröur með 40.000 krónur. Það
skal tekið fram að á ísafirði er raf-
magn notað til hitunar eða vatn sem
hitað er upp með raftnagni.
Á Egilsstöðum kostar hitun á við-
miðunarhúsinu 27.750 og á Selfossi
18.565.
Ódýrast er að hita upp húsið á
Sauðárkróki og í Reykjavík, 13.986
krónur á Sauðárkróki en 13.392 í
Reykjavík.
Samkvæmt þessu er hitunarkostn-
aður minnstur í Reykjavík. Það er
þó vert að benda á að hitaveitan í
Reykjavík miðar við minni meðal-
talseyðslu en gert er á Sauðárkróki.
Samkvæmt upplýsingum frá hita-
veitunni á Sauðárkróki eru Sauð-
krækingar aldir upp við lágan
hitaveitukostnað og því eyðslusamir
á heita vatnið.
Samanburðurinn sýnir að hitunar-
kostnaður viðmiðunarhússins getur
numið allt frá 13.392 krónum á ári
í 47.220 krónur. Mismunurinn er
33.828 krónur. Þannig er 33.828
krónum dýrara á Akureyri fyrir
meðaltalsheimilið í viðmiðunarhús-
inu að hita upp en fyrir samskonar
heimili í Reykjavík. -KB
Hi tavei t ukos tnaður'
Svona gæti viðmiðunarhúsið litið út. Þetta hús er 400 rúmmetrar og 136
fermetrar og stendur við götuna Glæsibæ i Árbæjarhverfi í Reykjavik. Ef
þetta hús stæði á Akureyri væri að meðaltali 33.828 krónum dýrara á ári
að hita þaö upp.
Súluritið sýnir áætfaðan meðaltalskostnað við aö hita upp 400 rúmmetra hús (einnar hæðar, 130-150 fermetra) á ári
á hinum ýmsu stöðum á landinu. Upplýsingarnar eru frá hitaveitum viðkomandi staða. Súluritið sýnir að dýrast er
að hita upp viðmiðunarhúsið á Akureyri. Það kostar 47.220 krónur á ári. í Reykjavík kostar hitun á sliku húsi 13.392
kr. og er það ódýrasti staðurinn.
„Mér er óljúft að segja upp
- segir Guðbjörg Egilsdóttir, deildarstjórí á Bamaspítala Hringsins
„Mér er óljúft að segja upp starfi
mínu hér en verð að gera það vegna
of mikils álags og of lágra launa. Þetta
starf er mjög krefjandi en gefúr manni
mjög mikið á móti og ég gerði grein
fyrir því í uppsagnarbréfi mínu að ef
úrbætur yrðu gerðar vildi ég halda
áfram,“ sagði Guðbjörg Egilsdóttir,
deildarstjóri á deild 13 E á Bamaspít-
ala Hringsins, í samtali við DV.
í máli Guðbjargar kom fram að hún
er upphaflega menntuð sem kennari
en fór úr því starfi í hjúkrunarfræði-
nám og hefúr því allan sinn starfsferil
unnið með bömum. Hún hefur starfað
Guðbjörg Egilsdóttir ásamt einum sjúklinga sinna, Hildi Rut Albertsdóttur.
DV-mynd KAE.
á Bamaspítala Hringsins sl. fjögur ár,
þar af síðustu tvö árin sem deildar-
stjóri. Hún er ein margra hjúkmna-
rfræðinga sem sagt hafa upp störfúm
á bamaspítalanum vegna starfsað-
stæðna en ástandið á spítalanum er
nú mjög slæmt vegna skorts á starfs-
fólki eins og fram kom í umfjöllun DV
í gær.
Skerðing á persónufrelsi
„Eins og ástandið hefur verið héma
síðastliðið ár má kalla það skerðingu
á persónufrelsi og hefur haft í for með
sér mikla röskun á lífi þeirra sem eiga
fjölskyldur, eins og ég.
Vaktavinnan hér er mjög erfið vegna
skiptinga og sveiflna á vinnu og hvíld-
artíma og er það hluti vandamálsins
við að fá fólk til starfa hér. Nætur-
og helgidagavinnan er auk þess mjög
illa borguð, aðeins um 45% álag að
ræða og væri það strax til bóta ef við-
unandi úrbætur væm gerðar á launum
fyrir þá vinnu.“ sagði Guðbjörg.
Guðbjörg sagði einnig að sér fyndist
persónulega að minnka ætti vinnu-
skyldu starfsfólksins úr 40 stundum í
32 stundir því þótt starfsfólkið ætti að
vera hætt vinnu kl. 15.30 eða 23.30,
eftir því hvaða vöktum það er á, væri
oftast alls ekki um það að ræða að það
kæmist þá strax heim. Skorturinn á
starfsfólki hefði verið þannig að oft
fengi það fólk, sem í vinnu væri, ekki
lögboðna 8 stunda hvíld á milli vakta.
Hún taldi að lágmarkskaup fyrir
100% vinnu hjúkrunarffæðinga ætti
að vera a.m.k. 35.000 kr. á mánuði og
sú hungurlús, sem hún kallar nætur-
vinnuálagið, þyrfti að hækka vem-
lega.
„Það er ábyrgðarhluti fyrir ráða-
menn þessa spítala þegar spítalinn
missir fólk með mikla reynslu og þekk-
ingu í starfi því þessi flótti er ekki
bara bundinn við bamaspítalann held-
ur flestar aðrar deildir sjúkrahússins.
Það tekur mörg ár að vinna slíkt tap
upp,“ sagði Guðbjörg.
Hún vildi einnig geta um þátt
sjúkraliðanna í þessu dæmi því þeir
ættu til að vera utanveltu í umræð-
unni...„sjúkraliðamir búa við sömu
aðstæður og við. Hér á deildinni em
5 stöðugildi fyrir sjúkraliða þegar í
raun er ekki hægt að reka deildina
með minna en 8. Hér er stuðst við
gamalt stöðugildakerfi sem fyrir löngu
er orðið úrelt.“
Aðspurð hvað hún hygðist gera er
uppsagnarffestur hennar rennur út
sagði Guðbjörg að hún hefði ekki enn
hugað út í það. Það sem væri fyrst á
dagskránni væri að taka sér hvíld.
-FRI