Dagblaðið Vísir - DV - 02.06.1987, Blaðsíða 5

ÞRIÐJUDAGUR 2. JÚNÍ 1987.
5
Fréttir
Farsímakerfið sprungið
- úrbóta að vænta
„Því miður næst ekki í þetta númer
sem stendur, gjörið svo vel að reyna
aftur siðar.“ Það hafa eflaust allir
sem reynt hafa að hringja í farsíma
heyrt þetta svar. Frá því að farsím-
inn hélt innreið sína hér á landi fyrir
tæpu einu ári eru notendur orðnir
þrjú þúsund talsins. Ef sama þróun
heldur áfram verða eftir eins árs
notkán fimmtán notendur á hverja
þúsund íbúa. í Noregi hafa notendur
verið flestir hingað til eða fjórir á
hverja þúsund íbúa.
íslendingar eiga samkvæmt þessu
heimsmet í farsímaeign en það er
ekki öll sagan því íslendingar
hringja líka helmingi oftar en þeir
sem næstir koma. Sjómenn eru
manna duglegastir við að nota far-
símann. Rúmlega helmingur allra
hringinga úr farsímum er frá bátum
og skipum. Magnús Waage hjá Pósti
og síma sagði að ein skýring á þess-
ari miklu notkun hér á landi væri
meðal annars að hér væri til muna
ódýrara að hringja úr farsíma en i
nágrannalöndunum.
Um það hvers vegna svo erfitt
væri að hringja í farsímana sagði
Magnús að notkunin væri mikil og
miklu meiri en gert hefði verið ráð
fyrir. Pósti og síma hefði aldrei te-
kist að ná í skottið á sjálfum sér við
útbreiðslu kerfisins. I síðustu viku
var tölvan, sem afgreiðir númerin,
stækkuð um fimmtíu prósent og
verður stækkuð meira á næstu vik-
um. Astandið er misslæmt víða um
land. í sumar verður síðan radíó-
stöðvum fjölgað. í haust er von til
að kerfið verði orðið þolanlega gott.
Magnús Waage sagði að vegna þess
hversu afgreiðslufrestur væri langur
á þeim tæknibúnaði sem Póstur og
sími þyrfti til stækkunar á kerfinu
hefði því miður ekki tekist að halda
í við þróun í notkun farsímans.
-sme
Islenskir
popparar
vinsælir
í Stavanger
„Mikill fjöldi unglinga hefur hringt
hingað á útvarpsstöðina til að fá upp-
lýsingar um það hvar sé hægt að
kaupa hljómplötu Herberts Guð-
mundssonar, Can’t walk away. Ég
einn hef svarað 150-200 slíkum upp-
hringingum en í heildina eru þær mun
fleiri,“ sagði Halldór Einarsson, dag-
skrárgerðarmaður við útvarpsstöðina
Siddis-radio í Stavanger.
Halldór er með útvarpsþátt á ellefta
tímanum á mánudagskvöldum en þá
spjallar hann við hlustendur á ís-
lensku og ensku og spilar jafnframt
íslensk popplög við mikinn fögnuð
hlustenda.
„Lagið Beutiful girl, með Herbert,
virðist einnig ætla að slá í gegn hjá
okkur og eins lagið Look me in the
eye, með Strax. Gallinn er 'oara sá að
hér í Noregi er ekki hægt að fá plöt-
urnar hans Herberts svo okkui- þætti
vænt um að þið kæmuð þvi til skila
að hér á hann marga aðdáendur. Ég
er viss um að hér myndu plöturnar
hans seljast mjög vel.
Útvarpsstöðin, sem Halldór vinnur
við, er önnur tveggja einkastöðva í
Stavanger og nær hún til um 350 þús-
und manns.
-KGK
Einar Óiason, Ijósmyndari Þjóöviljans, og Albert Guðmundsson hittust á leik Vals og Keflavikur í fyrradag og fór vel
á með köppunum. Létu þeir töluð orð nægja i þetta skiptið en Albert gekk þó úr skugga um að Einar væri jafn
vel tenntur og sókn Valsmanna sem sigruðu, 7-1. DV-mynd Brynjar Gauti
Farmanna-
og
fiskimanna-
sambandið
fimmtugt
Farmanna- og fiskimannasamband
Islands, sem er samband yfirmanna á
íslenska flotanum, fagnar um þessar
mundir 50 ára afmæli sínu með sögu-
sýningu, útgáfú afmælisrits og af-
mælishófi. Þó að FFSÍ sé fyrst og
fremst stéttarsamband hefur það
markað djúp spor í sögu þjóðarinnar
og verður því gert góð skil á sögusýn-
ingu í samkomusal félagsins í Borgart,-
úni 18. A sýningunni, sem hefst á
miðvikudaginn og stendur í viku,
verður á veggspjöldum dregin upp á
myndrænan hátt þróun fjölda mála
sem FFSI hefur unnið að.
Gefið hefur verið út afmælisrit, sem
er 4. 5. tölublað þessa árs af blaði
FFSI, Sjómannablaðinu Vfkingi.
Blaðið er að ýmsu leyti sérstætt meðal
slíkra rita hvað efnistök og uppsetn-
ingu varðar, er reynt að stikla á stóru
í sögu sambandsins, auk hugleiðinga
og heillaóska. Ritstjóri er Sigurjón
Valdimarsson en blaðið er 244 síður
að stærð og allt litprentað.
Á afmælisdaginn sjálfan, þann 2.
júní, verður boðið til hátíðarfundar í
samkomusal sambandsins en þá verð-
ur hálf öld liðin frá setningardegi
fyrsta þings sambandsins. Á fyrsta
þinginu var Ásgeir Sigurðsson skip-
stjóri kosinn foi'seti sambandsins og
gegndi því til dauðadags, eða f tæp 25
ár. Síðan hafa 10 menn gegnt forseta-
starfinu en núverandi forseti er
Guðjón A. Kristjánsson skipstjóri frá
ísafirði.
JFJ
JEEP CHEROKEE - JEEP WAGONEER
Árgerð 1988
CHEROKEE BASE KR. 1.010.000,- CHEROKEE PIONEER KR. 1.108.000,-
CHEROKEE CHIEF KR. 1.160.000,- CHEROKEE LAREDO KR. 1.245.000,-
Lúxus útgáfa - WAGONEER LIMITED - Verð kr. 1.635.000,-
Bílar þar sem fara
saman gæði og
glæsilegt útlit!
Aðeins það
besta er
nógu gott!
Stuttur afgreiðslufrestur!
Pantir þú strax ca. 2 mán.
n Jeep
umboðið
ATH! Bíll innfluttur af Agli tryggir að
sjálfsögðu mun betri endursölu.
EGILL VILHJÁLMSSON HF.
Smiðjuvegi 4, Kóp., s. 7 72 00 - 7 72 02.