Dagblaðið Vísir - DV - 23.03.1988, Blaðsíða 35

MIÐVIKUDAGUR 23. MARS 1988.
Fó]k í fréttum
Sverrir Stormsker
Sverrir Stormsker sigraði í söngva-
keppni sjónvarpsins á mánudags-
kvöldið með lagi sínu Þú og þeir.
Sverrir er fæddur 6. september 1963
í Rvík og var í námi í Armúlaskóla
í einn vetur og í Fjölbrautaskólan-
um í Breiðholti í þrjá mánuði.
Hann hætti námi sextán ára og
hefur síðan unnið við tónsmíðar
og ljóðagerð. Sverrir hefur gefið út
bækumar Kveðið í kútnum, ljóða-
bók, 1982, og . Bókin, 1983, og
hljómplöturnar „Hitt“ er annað
mál, maí 1985, Lífsleiðin(n), nóv-
epiber 1986, Örlög, mai 1987, og
Stormskers guöspjöll, desember
1987.
Systkini Sverris em Stefán, f. 23.
ágúst 1952, offsetprentnemi, Guð-
rún, f. 6. júlí 1956, grafíklistamaður,
gift Sigurði Rúnari Siguijónssyni,
viðskiptafræðingi og starfsmanni
hjá Ríkisendurskoðun, og Ólafur,
f. 12. desember 1959, í húsasmíða-
námi í Gautaborg.
Foreldrar Sverris eru Ólafur
Stefánsson, flugumsjónarmaður í
Rvík, og kona hans, Vilhelmína
Baldvinsdóttir. Faðir Ólafs var
Stefán, húsasmíðameistari í Rvík,
Einarsson, b. á Selvelh í Breiðuvík,
bróður Hallvarðs, afa Hahdórs
Jónatanssonar, forstjóra Lands-
virkjunar, og Hallvarðs Einvarðs-
sonar, saksóknara ríksins. Einar
var sonur Einvarðs, b. í Skutulsey,
Einarssonar og konu hans, Hall-
dóru Stefánsdóttur. Móðir Stefáns
var Guðbjörg Ámadóttir, b. á Þór-
isstöðum í Grímsnesi, Gíslasonar
og konu hans, Agnesar Þorkels-
dóttur, móðurforeldra Álfrúnar
Gunnlaugsdóttur rithöfundar.
Móðir Ólafs var Kristín, systir Ás-
geirs, föður Braga listmálara og
Sveins hagfræðings. Kristín var
dóttir Ásgeirs, b. á Fróðá, Þórðar-
sonar, b. og alþingismanns á
Rauðkohsstöðum, Þórðarsonar.
Móðir Þórðar var Kristín Þorleifs-
dóttir, systir Þorleifs, læknis í
Bjamarhöfn. Móðir Kristínar Ás-
geirsdóttur var Ólína Guðmunds-
dóttir, b. á Ytri-Hóli á Skagaströnd,
Ólafssonar. Móðir Guðmundar var
Þorkatla Torfadóttir, b. í Kolviðar-
nesi, Þorbjamarsonar, gullsmiðs á
Lundi, Ólafssonar, bróður Ólafs,
langafa Bjarna Benediktssonar for-
sætisráðherra. Þorbjöm var einnig
bróöir Eiríks, langafa Þorsteins frá
Hamri.
Vihelmína er dóttir Baldvins, bif-
reiðarstjóra í Rvík, Sigurðssonar,
b. á Hugljótsstöðum á Höfðaströnd,
Ólafssonar, b. á Spáná, Ólafssonar,
Sverrir Stormsker.
b. á Ósi, Hallssonar, bróður Jóns,
prófasts á Reynistað, afa Jóns Sig-
urðssonar á Reynistað og langafa
Önnu, móður Jónasar Kristjáns-
sonar, ritstjóra DV. Móðir Baldvins
var Margrét Baldvinsdóttir, b. í
Bjarnastaðageröi, Gottskálkssonar
og konu hans, Þuríðar, systur
Bjarna, afa Elínborgar Lárusdóttur
rithöfundar. Þuríður var dóttir
Hannesar, prests og skálds á Ríp,
Bjarnasonar, bróður Eiríks, lang-
afa Páls Eiríkssonar, föður Bih
Cody, sem talinn er faðir Ronalds
Reagans.
Móðir VUhelmínu var Guðrún
Jónatansdóttir, smiðs og harmón-
íkuleikara í Rvík, Guðmundssonar,
b. á Húnsstöðum í Stíflu, Pálsson-
ar, prests á Knappsstöðum,
Tómassonar, bróður Þorgríms, föð-
ur Gríms Thomsen. Móðir Jónat-
ans var Guðrún Jónatansdóttir, b.
á Reykjarhóli í Fljótum, Ögmunds-
sonar, sem sagður var sonur Jóns,
skálds og prests á Bægisá, Þorláks-
sonar. Móðir Guðrúnar var
Hólmfríður Gunnlaugsdóttir, syst-
ir Þorvalds, afa Jóhanns Siguijóns-
sonar skálds. Móðir Guðrúnar var
Vilhelmína Norðfjörö, systir Sig-
urðar, föður Grétars Norðíjörð
lögregluþjóns. Vilhelmína var dótt-
ir Sigurðar Norðfjörð, bróður Jóns
Norðfjörð, langafa Matthíasar Jo-
hannessen skálds og Louisu
Matthíasdóttur listmálara.
Afmæli
Magnús Halldór Gíslason
Magnús Halldór Gíslason blaða-
maður, Fíólugötu 5, Reykjavík, er
sjötugur í dag. Magnús fæddist að
Frostastöðum í Skagafirði og ólst
þar upp th fimm ára aldurs en
flutti síðan með fjöldskyldu sinni
að Eyhildarholti í Hegranesi í
Skagaifirði þar sem hann bjó í for-
eldrahúsum fram yfir tvítugsaldur.
Magnús stundaði nám á Bænda-
skólanum að Hvanneyri, við
Héraðsskólann á Laugarvatni og
við Garðyrkjuskóla ríkisins en
þaðan útskrifaðist hann i fyrsta
árgangi skólans, 1941.
Magnús hóf búskap að Frosta-
stöðum 1946 og bjó þar í fjórbýli og
nokkurs konar félagsbúi ásamt
þremur bræðrum sínum þar til
sonur hans tók við hans hluta bús-
ins 1977. Þá fluttu þau hjónin til
Reykjavíkur þar sem Magnús hóf
blaðamannsstarf hjá Þjóðviljanum
og starfar hann þar enn en hann
hafði áður verið blaðamaður hjá
Tímanum 1958-61.
Magnús sat í miðstjórn Sam-
bands ungra framsóknarmanna og
síðar í miðstjórn Framsóknar-
flokksins. Hann var formaður FUF
í Skagafirði og síðar formaður
Framsóknarfélags Skagafjarðar.
Þá sat hann á þingi sem varaþing-
maður fyrir Framsóknarflokkinn
um skeið. Magnús var í hrepps-
nefnd Akrahrepps frá 1950-58 og í
stjórn Ungmennasambands Skaga-
fjarðar. Þá sat hann í stjómum
búnaðarfélags, karlakórs og hesta-
mannasamtaka. Hann hefur verið
endurskoðandi hjá Kaupfélagi
Skagfirðinga og fræðslufuhtrúi
þess.
Magnús Halldór Gislason.
Kona Magnúsar Halldórs er Jó-
hanna Guðný, húsmóðir og lengi
matráðskona hjá Osta- og smjörsöl-
unni í Reykjavík, f. 27.8.1921, dóttir
Þórarins, b. að Ríp í Hegranesi,
Jóhannssonar og Ólafar frá Ási í
Hegranesi, Guðmundsdóttur.
Magnús og Jóhanna eiga fjögur
böm. Þau eru: Gísli, íslenskufræð-
ingur og sagnfræðingur, kennari
við Fiölbrautaskólann í Reykjavík,
f. 17.5.1946, en sambýliskona hans
er Ólöf Amgrímsdóttir kennari og
búa þau í Reykjavík; Þórarinn,
stúdent frá MA, búfræðingur frá
Hólum og búfræðikandidat frá
Landbúnaðarháskólanum í Ási í
Noregi, b. að Frostastöðum og
kennari á Hólum, f. 7.2. 1949,
kvæntur Söm Valdimarsdóttur,
kennara úr Reykjavík; Ólafur, vél-
fræðingur og vélgæslumaður hjá
Álafossi, f. 17.11. 1951, kvæntur
Línu Alexandersdóttur frá Sauðár-
króki en þau eiga þrjá syni; Guðrún
Kristín, húsmóðir á Húsavík og
skrifstofumaður hjá bæjarfógeta-
embættinu á Húsavík, f. 31.10.1953,
gift Gísla Salómonssyni bygginga-
meistara en þau eiga tvö börn.
Magnús er elstur ellefu systkina,
níu bræðra og tveggja systra.
Systkini hans eru: Sveinn, sem
lengi var b. á Frostastöðum en er
nú búsettur á Sauðárkróki og hefur
starfað við brúasmíðar; Konráð,
sem einnig var b. að Frostastöðum
en er nú kennari, búsettur í
Varmahlíð; Rögnvaldur, sýslu-
skrifari hjá sýslumannsembættinu
á Sauðárkróki, Gísli, b. að Mið-
grand í Blönduhlíð, en stundar
jafnfram brúasmíði; Frosti, b. á
Frostastöðum; Kolbeinn, b. í Ey-
hildarholti; Árni, b. í Eyhildarholti;
Bjami, kennari og b. í Eyhildar-
holti; María, húsmóðir á Sauðár-
króki; Þorbjörg Eyhildur,
húsmóðir að Syðstu-Grund í
Blönduhlíð.
Foreldrar' Magnúsar: Gísli Magn-
ússon, b. að Eyhildarholti, f. 25.3.
1893, d. 17.7. 1981, og kona hans
Guðrún Þ. Sveinsdóttir húsmóðir,
f. 19.7.1895, d. 13.8.1977. Föðurfor-
eldrar Magnúsar voru Magnús, b.
á Frostastöðum, Gíslason og Krist-
ín Guðmundsdóttir, ættuð úr
Dölum. Móðurforeldrar Magnúsar
voru Sveinn, kennari og b. á Skata-
stöðum í Austurdal í Skagafirði,
Eiríksson, og Þorbjörg Bjarnadótt-
ir.
Magnús Halldór verður ekki
heima á afmælisdaginn.
Tilmæli til afmælisbarna
Ólöf Hjálmarsdóttir
Ólöf Hjálmarsdóttir húsmóöir,
Hamrahlíð 25, Reykjavík, er sjötíu
og fimm ára í dag. Ólöf fæddist í
Reykjavík og ólst þar upp. Ólöf var
ellefu ára þegar móðir hennar lést
en í föðurhúsum bjó Ólöf til sautján
ára aldurs. Þá fór hún upp á Akra-
nes þar sem hún var í vist á heimili
Haralds Böðvarssonar útgerðar-
manns. Ólöf giftist svo á Akranesi
og bjó þar í þrjátíu og fimm ár en
til Reykjavíkur fluttu þau hjónin
1965.
Maður hennar var Loftur skip-
stjóri, f. 31.10. 1901, d. 28.12. 1968,
sonur Halldórs, b. að Þyrli við
Hvalíjörð og síðar starfsmaður á
Bíldudal, Þorlákssonar og konu
hans, Ingibjargar Loftsdóttur, syst-
ur Bjarna, fóðurafa Kristjáns
Loftssonar hjá Hval hf.
Ólöf og Loftur eignuðust þrjú
börn. Þau eru: Margrét, húsmóöir
í Reykjavík, f. 1933, gift Leifi Ólafs-
syni málara; Hjálmar, húsgagna-
og húsasmiður og verkstjóri á
Keflavíkurflugvelli, f. 2.11. 1936,
kvæntur Elsu Hjörleifsdóttur, en
þau búa í Reykjavík; Ingibjörg
sjúkraliði, f. 18.2.1939, gift Halldóri
Sigmundssyni, skrifstofustjóra hjá
húsameistara ríkisins.
Ólöf átti þrjá albræður og sex
hálfsystkini, samfeðra, en tveir al-
bræður hennar eru látnir. Albræð-
ur. hennar: Egill, bifvélavirki í
Reykjavík, kvæntur Helgu Jason-
ardóttur; Þorsteinn, húsgagna-
smiður og síðar dómvörður hjá
Hæstarétti, en hann er látinn; Har-
aldur, matsveinn, er einnig látinn,
en eftirlifandi kona hans er Jónæ
Ólafsdóttir. Hálfsystkini Ólafar
eru: Ingibjörg, ekkja eftir Baldur
Úlfarsson, starfsmann hjá Hafskip;
Halldór, innanhússarkitekt og hús-
gagnasmiður, en seinni kona hans
var Steiney Ketilsdóttir; Guðrún,
Ólöf Hjálmarsdóttir
kona Sigurðar Waage, starfsmanns
hjá Eimskip; Hörður, húsgagna-
smiður í Reykjavík, kvæntur Önnu
Sigmundsdóttur; Kristín Helga,
húsmóðir í Reykjavík, en hennar
maður var Óskar Ámundi Sigurðs-
son; og Margrét, húsmóðir í
Reykjavík, gift, Frey Bjartmarz,
sölumanni hjá Málaranum.
Foreldrar Ólafar voru Hjálniar
Þorsteinsson, húsgagnasmiður í
Reykjavík, f. 25.9.1886, d. 20.6.1972,
og kona hans, Margrét Egilsdóttir
húsmóðir, f. á Þórisstöðum á
Vatnsleysuströnd, 24.10 1878, d.
22.8. 1924.
Föðurforeldrar Ólafar voru Þor-
steinn, f. á Kálfsstöðum og lengi b.
í Húnavatnssýslu, Hjálmarsson og
Kristín frá Látrum á Snæfellsnesi,
Jónsdóttir. Móðurforeldrar Ólafar
voru Egill, b. og síðar smiður, Guð-
mundsson, í Landakoti á Vatns-
leysuströnd, Brandssonar og kona
hans, Ólöf, frá Njarðvík í Ytri-
Njarðvík, Þorsteinsdóttir.
Ólöf verður ekki heima á af-
mælisdaginn.
Blaðið hvetur afmælisbörn og aðstandendur
þeirra til að senda því myndir og upplýsingar
um frændgarð og starfssögu þeirra.
Þessar upplýsingar þurfa að berast í síðasta lagi
tveimur dögum fyrir afmælið.
Munið að senda okkur myndir
Til hamingju
75 ára____________________
Knud K. Andersen, Hásteinsvegi
27, Vestmannaeyjum, er sjötíu og
fimm ára í dag.
með daginn
Erling Jón Sigurðsson, Langholts-
vegi 36, Reykjavík, er fimmtugur í
dag.
40 ára
50 ára_______________________
Sveinbjörg Sigurðardóttir, Silfur-
teigi 1, Reykjavík, er fimmtug í dag.
Gunnar Baarregaard, Brekkubæ
30, Reykjavík, er fertugur í dag.
Gerður Berndsen, Ægissíðu 115,
Reykjavík, er fertug í dag.
OPNUNARTÍMI Virka daga kl. 9-22,
SMÁAUGLÝSINGA:
★ Afsöl og sölutilkynningar bifreiða.
★ Húsaleigusamningar (löggiltir).
★ Tekið á móti skriflegum tilboðum.
ATHUGIÐ!
Ef auglýsing á að birtast í helgarblaði
þart hún að hafa borist fyrir kl.'17 á
föstudögum.
KREDITKORTAÞJONUSTA
Þú hringir - við birtum og auglýsingin verður færð á kortið.
SÍMINN ER 27022.
iuoocabu
smAauglýsinga-
ÞJÓNUSTA:
Við viljum vekja athygli á ao þú getur látið
okkur sjá um að svara fyrir þig simanum.
Við tökum á móti ppplýsingum og þú getur
siðan farið yfir þær i góðum tómi.