Dagblaðið Vísir - DV - 28.05.1988, Blaðsíða 11

LAUGARDAGUR 28. MAl 1988.
11
bætum við mönnum það upp með
annarri birtingu."
- FréttastofaStjörnunnar hefur ver-
ið gagnrýnd fyrir að vera með fréttir
sem eiga ekki skylt við frétta-
mennsku og margir hafa talið hana
beinlínis hlægilega og oft slúður-
dálkalega. Er þetta alvöru frétta-
stofa?
„Eiríkur Jónsson fréttastjóri hefur
verið ráðandi og mótandi aðili um
fréttastefnuna og fréttastofan er
mjög sjálfstæð. Fyrstu tvo til þijá
mánuðina, sem Stjaman starfaði,
var það gert mjög viljandi að vera
með öðruvísi fréttir og framreiða
þær á annan hátt en tíðkaðist. Þetta
var gert til að ná athygli, sem það
gerði. Þær voru bæði frísklegar og
sérkennilegar. Óneitanlega komu
einhverjir og sögðu aö svona ætti
þetta ekki að vera. Hins vegar var
um ákveðið form að ræða og við vor-
um að segja fréttir eftir sem áður
þótt þær væru mismunandi merki-
legar. Fyrst og fremst var hugmynd-
in sú að brjóta upp þetta hefðbundna
þurra form sem Ríkisútvarpiö hafði
á sínum fréttum og Bylgjan elti þegar
hún byrjaði. Stjarnan hafði ekki
áhuga á að vera með þriðju útgáfuna
af sams konar fréttum og víst fengum
við viðbrögð og hlustun. Eftir að síð-
ustu kannanir hafa birst höfum viö
séð að Stjaman þarf ekki á neinum
ólátum að halda og þess vegna hefur
áherslupunkturinn á fréttunum
breyst. Uppákomur hafa minnkað en
við framreiðum fréttimar engu síður
ennþá með nýstárlegum hætti. Ég
hlusta á fréttir á öllum stöövum eftir
því sem ég get og mér finnast
Stjörnufréttir langbestar. Frétta-
menn okkar bera sig eftir fréttum og
reyna að kafa ofan í hlutina. Eru með
fréttir sem öllum koma við á meðan
samkeppnisaðilamir em með fréttir
af Reutersskeytum eða lesa upp úr
fréttatilkynningum. Það em lítt
áhugaverðir fréttir og óskemmtilega
settar fram og segja ekkert í raun-
inni hvað er að gerast í þjóðfélaginu."
-Hafa pólitískar fréttir ekki orðið
útundan?
„Stjarnan er óháð öllum pólitísk-
um flokkum og þess vegna em engir
fuglar sem sveima hér um og reyna
að hafa áhrif. Pólitískum fréttum
hafa verið gerð skil og við köllum í
stjómmálamenn í viðtöl alveg eins
og aðra. Þorgeir Ástvaldsson hefur
verið duglegur við að taka stjóm-
málamenn í viðtöl og ræða við þá um
nýjustu aðgerðir. Einnig Bjarni Dag-
ur í hádeginu og í Mannlega þættin-
um eftir hádegi. Þessi pólitík, eins
og hún kemur fram í dagblöðum, þar
sem hver reynir að ota sínum tota,
þekkist ekki hér.“
- Erlítiðsamstarfhérá millideilda?
„Að sjálfsögðu er ákveðin sam-
vinna en hún er ekki mikil. Stundum
' er notuð glefsa úr viðtölum sem dag-
skrárgerðarmenn hafa tekið í frétta-
tímum. Einnig koma dagskrárgerð-
armenn og líta á fréttatilkynningar
sem berast fréttastofu. Það hefur
kannski sín áhrif að fréttastofan er
á annarri hæð og þess vegna hefur
myndast ákveðið bil á milli deilda
og gert það að verkum að hún er
óháð öðm sem gerist hér.“
- Er þetta framtíðarhúsnæði Stjörn-
unnar?
„Það hefur verið fjárfest það mikið
í innréttingum og tækjum að ég sé
ekki annað en að Stjaman verði hér
næstu árin. Okkur vantar nokkra
tugi fermetra í viðbót og það er
möguleiki á að við fáum þá hér í
húsinu. Fréttastofan er með fimm
menn í gömlu vinnustofu Kjarvals
sem er um 35 fermetrar, auglýsinga-
stofan er með um 20 fermetra og
dagskrárgerðarmenn em í sæmilega
góðu herbergi ásamt plötusafni. Eg
hef stundum sagt að Stjarnan sé í
húsnæði svipuðu að stærð og and-
dyrið er í nýja útvarpshúsinu."
- Ætlar Stjarnan að halda sinni dag-
skrárstefnu áfram?
„Vissulega og vanda enn betur. Það
koma stundum upp aðfinnslur um
íslenskt mál og ég hef mikinn áhuga
á að fá mann til starfa sem yrði
starfsmönnum hér til leiðbeiningar
um málfar og orðanotkun. Dagskrár-
stefnan verður áfram sú að vera með
puttann á púlsinum í þjóðfélaginu
og átta sig á út á hvað þessi miðill
gengur. Metnaðarfull dagskrá þarf
ekki endilega að ganga út á dagskrár-
gerð, þar sem mikhr peningar eru
lagðir í einn þátt, heldur að heildar-
dæmið sé gott allan daginn.“
- Stjarnan hefur verið mikið úti á
landsbyggðinni. Hafa vinsældir
stöðvarinnar aukist þess vegna?
„Alveg tvímælalaust. Við höfum
ferðast víða og það hefur sannarlega
skilað sér. Þar kemur fram hversu
fljótt hugmyndir komast í fram-
kvæmd. Á Ríkisútvarpinu tekur
marga daga og fundahöld hjá nokkr-
um deildum að koma hugmynd í
framkvæmd. Ef ég fæ slíka hugmynd
á borðið hjá mér reyni ég strax að
vega og meta hvað er viðeigandi að
gera hverju sinni. Ég reyni að vera
mjög aktífur í ákvarðanatöku og er
alltaf á staðnum. Þetta starf felst í
því að vera sífellt að taka ákvarðanir
og það er ekki hægt nema að vera
alltaf á staðnum og fylgjast með því
sem er verið að gera.“
- Lítur þú á þig sem yfirmann?
„Ég er yflrmaðurinn og það tók
reyndar smátíma að venjast því hlut-
verki. Svona rekstur gengur ekki
nema að einn maður geti tekið end-
anlegar ákvarðanir í þeim málum
sem þarf og þannig lít ég á mig. Ég
er líka vörslumaður peningakassans
og allt of oft eru ákvarðanir háðar
honum. I umfjöllun hér innanhúss
lít ég á mig sem jafningja hinna. Ég
er langt frá því að vera harðstjóri og
mætti vera oftar með nákvæmni í
rekstrinum. Mín aðaláhersla felst í
að hvetja fólk áfram og veita því þaö
aðhald sem nauðsynlegt er og vera
aðgengilegur fyrir starfsfólkið. Ég vil
að fólkið komi til mín með allar sínar
hugmyndir og fái sanngjarna og
heiðarlega afgreiðslu."
- Skammar þú fólkið ef þörf þykir?
„Alveg hiklaust og það gengur jafnt
yflr alla. Þó að eigendurnir vinni
hérna þá er ég engu að síður þeirra
yflrmaöur. Þeir taka engar ákvarð-
anir nema ég samþykki þær. Menn
reyna að finna út hvað sé hag-
kvæmast að gera hverju sinni og
sjaldnast þarf ég aö taka einhliða
ákvarðanir. Ég er útvarpssjúklingur
og hlusta eins mikið á útvarp og ég
kemst yfir. Sem betur fer er ég með
duglegan gjaldkera sem léttir undir
með mér í sambandi við peninga-
mál, annars færi mikill tími minn í
þau. Ég myndi ekki vilja reka fyrir-
tæki nema vera með puttana í f]ár-
málunum. Ég er heppinn að vera í
þeirri stöðu að vera bæði leiðtogi
fyrirtækisins og umsjónarmaöur
með hvert það stefnir. Um leið er ég
sá sem tek endanlegar ákvarðanir í
fjármálum því þetta fer allt saman.
Ég gæti ekki formað stefnu ef ég
væri háður ákvörðunum einhvers
annars um peninga."
- Hefur Stjarnan hugsað sér að fjölga
sendum um landið?
„Stofnkostnaður stöðvarinnar var
mjög mikill. Þegar ég byijaði var
sett stopp á frekari eyöslu á meöan
skuldir voru borgaðar niður. Ef til
væru nógu miklir peningar værum
við búnir að setja upp senda um allt
land og við höfum í huga að gera
það, að minnsta kosti á helstu þétt-
býhsstöðum. Það er mjög dýrt að
koma efninu á staðinn t.d. til ísa-
fjarðar. Línukostnaðurinn hjá Pósti
og síma þangað yrði um ein og hálf
milljón á ári fyrir utan kostnað
vegna sendis en hann kostar um
tvær milljónir. Því miður hefur ekki
verið vilji innan Ríkisútvarpsins að
selja dreifikerfi rásar 2 en best þætti
mér aö fá það keypt.“
- Hefur útvarpsstjórastarflð verið
eins og þú bjóst við?
„Það er miklu skemmtilegra en ég
átti von á. Við höfum verið að vinna
okkur upp á móti mjög sterkum and-
stæðingi. Það hefur hleypt miklu
kappi í starfsfólkið. Á hveijum degi
skiptir það okkur máli hvemig við
„ Við teljum okkur vera með það
á hreinu hvernig útvarp á að
vera og rekum það samkvæmt
því,“ segir Ólafur Hauksson út-
varpsstjóri.
stöndum okkur og það gerir starfið
enn ánægjulegra."
- Stjarnan verður ársgömul eftir
viku. Verður haldið upp á afmælið?
„Það gerum við með útigrillveislu
hér fyrir framan útvarpshúsið og
skemmtiatriðum. Við vonumst eftir
sem flestum hlustendum til að sam-
gleðjast okkur. Sama dag kynnum
við formlega nýja útvarpsbílinn okk-
ar. Hann er 26 ára, keyptur af Ríkis-
útvarpinu, og við erum að innrétta
hann núna. Bíllinn gefur okkur tæki-
færi til að vera með beinar útsend-
ingar hvar sem er. Með tilkomu bíls-
ins verður mörg hundruð prósenta
aukning á beinum útsendingum frá
hinum ýmsu stöðum. Við erum með
svokallaðan „link“, sem við höfum
farið með víða um land, sem við get-
um notað til að senda út frá útisam-
komum og hvers kyns fundum.“
- Eruð þið ekki lengur í samkeppni?
„Viö erum núna í meiri samkeppni
en nokkru sinni fyrr. Síðasta könnun
sýnir að við erum meö helming af
allri útvarpshlustun á landinu. Á
móti okkur eru þrjár útvarpsstöðvar.
Þessar vinsældir setja okkur í extra
pressu því við ætlum aö halda þess-
ari hlustun. Það er miklu auðveldara
að ná sér upp en halda sér á toppn-
um. Útkoman er engu aö síður
ánægjuleg og gerir alla auglýsinga-
sölu miklu auðveldari og þaö leiðir
til þess að afkoma fyrirtækisins verð-
ur bærileg. Við getum greitt niður
stofnkostnaðinn en hver einasta
króna afgangs verður lögö aftur í
dagskrána til að gera betur. Helsta
hættan er sú að menn verði væru-
kærir en við ætlum okkur ekki aö
sofna á verðinum."
- Er skammt á milli þess að vera i
toppsætinu og verma botnsætið?
„Áuðsjáanlega er það mjög
skammt. Það leið ekki nema tæpt ár
frá því Bylgjan var stofnuð að við
vorum búnir að ná henni í hlustun.
Núna erum við komnir langt yfir
hana. Þaö er greinilega mjög skammt
á milli þess að vera efstur og lægst-
ur. Stjarnan mun ekki sætta sig við
að missa hlustun því það er okkar
takmark að vera á toppnum."
- Hvaða framtíðarósk áttu með
Stjörnuna?
„Mig langar að stuöla að því að
upplýsingastreymið aukist til hlust-
enda en það kostar fyrst og fremst
vinnu, gott fólk og peninga. í öðru
lagi sé ég fyrir mér að efla fréttastof-
una. Ég vil ekki fjölga fréttatímum
en ég vil efla fréttastofuna í þaö að
veröa besta fréttastofa á landinu. Það
þarf engin ósköp til að slá við frétta-
stofu Ríkisútvarpsins en það þarf
ákveðinn fjölda af fréttamönnum.
Mér finnst óeðlilegt að ríkið reki út-
varp þegar einkaframtakið getur það
og ég vil sanna aö viö getum verið
með miklu betri fréttir. Ríkisútvarp-
ið er í rauninni ekkert með góða
fréttatíma heldur eru þeir með
marga menn sem ná aö komast yfir
allt það sem skiptir máli. Þeir eru
með stikkfrí fréttir. Við sjáum dæmið
í sjónvarpi þar sem Stöð 2 hefur tek-
ið fréttastofu ríkissjónvarpsins og
rassskellt hana. Stöð 2 hefur lagt
geysilegt fjármagn í fréttastofuna.
Stjarnan hefur ekki enn getaö lagt
slikt fjármagn í fréttastofuna en það
er stefnan."
- Ætlið þið að rassskella keppinaut-
inn?
„Samkvæmt síðustu könnun er
Ríkisútvarpið keppinautur okkar
núna. Hins vegar er rekstur Bylgj-
unnar og okkar viðkvæmari en
rekstur Ríkisútvarpsins. Ríkið getur
alltaf ausiö fjármagni í sitt útvarp,
burtséð frá tapi. En þaö er Ijóst að
Bylgjan er okkar samkeppnisaðili í
frjálsum rekstri. Ég tel samkeppni
vera af hinu góða og hef engan áhuga
á því að drepa einhverja keppinauta
niður. Ég hef ekki trú á aö Bylgjan
verði lögð niður en það fer auðvitað
eftir því hvernig sfjórnin þar heldur
á málunum. Sú minnkun, sem þar
hefur oröið á hlustun, hlýtur að hafa
áhrif á hvernig reksturinn gengur
fjárhagslega. Ég er mjög ánægður
með þróun Stjörnunnar og horfl
bjartsýnn fram á við.“
-ELA