Dagblaðið Vísir - DV - 13.05.1989, Blaðsíða 20

20
LAUGARDAGUR 13. MAÍ 1989.
Kvikmyndir
James Bond missir skírteinið
Fallegt kvenfólk er ávallt nálægt þar sem James Bond fer. Hér er Timothy Dalton
ásamt Carey Lowell er leikur á móti honum í Licence Revoked.
A Flórídaskaganum er lúxus-
bifreið á leiðinni til Key West.
Innandyra eru þrír menn, Ja-
mes Bond (Timothy Dalton),
vinur hans Felix Leiter (David
Hedison) sem nú starfar fyrir
eiturlyfjalögregluna og sjómað-
urinn Sharky (Frank McRae).
Þeim liggur nokkuð á því
Leiter er að fara að gifta sig.
Allt í einu birtist þyrla fyrir
ofan þá og stöðvar bílinn. Er
þar kominn lögreglan til að til-
kynna Leiter að sést hafi til eit-
urlyflakóngsins Sanches á Ba-
hamaeyjum. Leiter, sem hefur
verið að reyna að hafa uppi á
Sanches í lengri tíma, frestar
brúðkaupinu og bregður sér
ásamt Bond til Bahamaeyja og
þar tekst þeim nokkuð auðveld-
lega að hafa hendur á hári eit-
urlyfjakóngsins.
Brúðkaupið getur nú farið
fram og Bond, sem er svara-
maður hjá vini sínum, er varla
lagður af stað út á flugvöll á
leiðinni til London þegar hann
fréttir að Sanches hafi sloppið.
í óþökk viö bresku leyniþjón-
ustuna er hann ákveðinn í að
hjálpa vini sínum að hafa uppi
á þessum óþokka sem allir
hræðast. M kemur í skyndi til
Flórída og þegar fundum hans
og Bond ber saman heimtar
hann skilríkin af Bond sem
verður að sjá af skírteini 007
sem gefur honum rétt til að
drepa...
Þetta er byrjunin á nýjustu
Bond-myndinni sem verður
frumsýnd í Bandaríkjunum í
sumar. Nefnist hún License
Revoked sem útleggst á ís-
lensku Skírteinið afturkallað.
Allir sem hafa lesið Bond-sög-
umar eða séð kvikmyndir um
hetjuna vita hvaða skírteini er
áttvið.
í framhaldi af byrjuninni
lendir James Bond að sjálf-
sögðu í miklum ævintýrum í
baráttu sinni gegn eiturlyíja-
kónginum og þótt M bregðist
honum þá gerir Q það ekki og
er hann því vel vopnaður alls
kyns vopnum sem ekki eru öll-
um sjáanleg og ekki eins og
önnurvopn.
í öllum sextán kvikmyndun-
um um James Bond era nokkr-
ar glæsilegar stúlkur, góðar og
slæmar, sem ekki standast töfra
hans. Þær eru tvær í Licence
Revoked; Carey Lowell og Tal-
ishaSoto leika að þessu sinni
léttklæddar en hættulegar
stúlkur.
Kvikmyndir
Hilmar Karlsson
Hvorug þeirra hefur mikla
reynslu af kvikmyndaleik en
eru þvi betur þekktar í tísku-
heiminum.
Það er að sjálfsögðu Timothy
Dalton sem leikur James Bond.
Þessi ágæti leikari er nú að
reyna við hlutverkið í annað
skiptið. Frekar lítið hefur borið
á Dalton, miðað við þá frægð
sem hann hlaut er hann var
válinn til að leika James Bond
í The Living Daylights.
Það er í raun ekkert annað
en búast mátti við. Hann er
fyrst og fremst sviðsleikari og
virtur sem slíkur og elur mest-
an hluta tíma síns í London og
leikur þar á sviði við góðan
orðstír. Hann lék þó í einni
kvikmynd milli Bond-mynda,
gamanmyndinni Hawks er
hlaut víðast hvar góða dóma en
litlaaösókn.
Yfirleitt hafa þekktir karakt-
erleikarar leikið höfuðóvin
Bonds í myndum. Því er ekki
fyrir að fara í þetta skiptið.
Nánast óþekktur leikari, Ro-
bert Davi, leikur Sanches. Davi
er þó ekki óvanur því að leika
illmenni. Hann vakti athygh
framleiðenda Bond er þeir sáu
hann í hlutverki leiðtoga PLO í
míníseríunni Terrorist on
Trial.
Þekktir karakterleikarar eru
þó í nokkram hlutverkum. Má
þar nefna David Hedison er
leikur Felix Leiter og Anthony
Zerbe er leikur lögfræðinginn
MiltonKrest.
Leikstjóri Licence Revoked er
John Glen. Er þetta í fimmta
skiptið sem hann leikstýrir
Bond-kvikmynd, en þessi mynd
er sú sextánda í röðinni. Eins
og áður sagði verður Licence
Revoked framsýnd vestanhafs
í sumar og ætti ekki að líða
langur tími frá frumsýningu
þar til hún verður komin í Bíó-
höllina eða Bíóborgina.
-HK
Leðurblöku-
maðurinn
Nú, þegar myndir um Superman
hafa gengið sér til húðar, er komið
aö næstu teiknimyndahetju og er
það leðurblökumaöurinn Batman
sem lengi hefur staðiö í skugganum
afSuperman.
í júní verður frumsýnd vestan-
hafs myndin Batman sem fjallar
um þennan ofjarl glæpamannanna
á gamansaman hátt. Mikið hefur
verið lagt í að gera myndina sem
best úr garði og ekkert veriö spar-
að. Leikstjóri er Tim Burton en
hann leikstýrði síöast hinni ærsla-
fullu draugamynd Beetlejuice.
Stjarnan í Beetlejuice var Mic-
hael Keaton sem lék drauginn
snilldarlega. Burton var ekki lengi
að hugsa sig um og bauö honum
að leika Leðurblökumanninn.
Keaton, sem er lunkinn gaman-
leikari, kemur ábyggilega með nýja
útgáfu af hetjunni. Þetta er þó ekki
í fyrsta skipti sem Batman fær
gamansama umfjöllun. Á sjöunda
áratugnum var gerður íjöldinn all-
ur af sjónvarpsþáttum um Batman
þar sem eins og í kvikmyndinni var
meira lagt upp úr gamansemi en
alvöru. Þættir þessir hafa að und-
anfórnu verið sýndir í ríkissjón-
varpinu.
Höfuðóvin Batman, trúðinn ill-
ræmda, leikur enginn annar en
Jack Nicholson sem hér fær tæki-
færi til aö sýna snilli sína í sérlega
skemmtilegu hlutverki. Kim Bas-
inger sér um að rómantíkinni séu
gerð skil. Leikur hún ljósmyndar-
ann Vicki Vale sem er einlægur
aödáandi hetjunnar.
Við kynnumst fyrst 1 myndinni
Bruce Wayne í æsku. Hann veröur
vitni að því þegar foreldrar hans
era myrtir. Hann strengir þess heit
aö helga líf sitt baráttu gegn hinu
illa.
Mörgum áram seinna kemur
Wayne til heimabæjar síns, Got-
Michael Keaton leikur milljónamæringinn Bruce Wayne sem klæðir sig i leðurblökubúninginn þegar hann berst við glæpamennina.
ham. Hann hefur eytt ævi sinni í
að þjálfa sig líkamlega sem og sál-
arlega. Hann uppgötvar fljótlega
mikla spillingu í heimaborg sinni.
Á yfirborðinu er Bruce Wayne
virtur mannvinur sem lifir rólegu
lífi. Að undanskildum þjóninum
hans, Alfreð, veit enginn að hann
er sá sem glæpamennirnir hræðast
mest, sjálfur leðurblökumaðurinn.
Höfuðóvinur Batmans er trúður-
inn The Joker. Áður var sá aðeins
venjulegur smákrimmi, Jack Napi-
er, en eftir aö hann lenti í slysi á
vinnustofu þar sem verið var að
framleiða efnavopn breyttist hann
í hinn afskræmda trúð.
Kvikmyndun Batmans fór fram í
hinu þekkta Pinewood kvikmynda-
veri í Englandi og var þetta risa-
kvikmyndaver, sem þekur 95 ekrar
lands, undirlagt af öllum þeim
fjölda sem tók þátt í gerð þessarar
dýra kvikmyndar. Af öðrum þekkt-
um leikurum í Batman má nefna
Jack Palance, Billy Dee Williams,
Michael Gough og Jerry Hall.
-HK
Undir þessari grimu trúðsins leynist kunnuglegt andlit Jack Nicholson, en hann leikur höfuðóvin leðurblöku-
mannsins. »