Dagblaðið Vísir - DV - 09.03.1990, Blaðsíða 4

FÖSTUDAGUR 9. MARS 1990.
Fréttir dv
Steingrímur Hermannsson forsætisráðherra um kjarasamningana:
Tilbúinn að
til að verja
ganga langt
samningana
- ósk um lagasetningu yrði þó að koma frá aðilum vinnumarkaðarins
„Það er ekki á borði ríkisstjórnar-
innar að skipta sér af þeim kjara-
samningum sem enn er eftir að
ganga frá. Ég vona líka að til þess
þurfi ekki aö koma. En hitt er annað
aö ríkisstjórnin er tilbúin að ganga
mjög langt til að verja nýgerða kjara-
samninga og koma í veg fyrir að þeir
verði eyðilagðir," sagði Steingrímur
Hermannsson forsætisráðherra, að-
spurður hvort lagasetning væri í bí-
gerð til að sjómannasamningarnir
og kjarasamningarnir í álverinu í
Straumsvík röskuðu ekki núll-lausn-
inni.
Steingrímur sagði að ríkisstjómin
myndi ekki hafa frumkvæði að laga-
setningu. Ef menn teldu að lagasetn-
ing ein gæti bjargað núll-lausninni
yrði frumkvæði þess að koma frá
aðilum vinnumarkaðarins.
Þótt flestir hafi andað léttar þegar
skrifað var undir núll-lausnarkjara-
samningana á dögunum er víða ólga
ennþá á vinnumarkaðnum. Ekki
minni sambönd en Sjómannasam-
band íslands og Farmanna- og fiski-
mannasambandiö eru með lausa
samninga og stefnir í hörku í þeim
kjaradeilum. Eins er ósamið við
starfsfólk álversins í Straumsvík og
eftir 4 samningafundi þar hefur ekk-
ert miðað í samkomulagsátt.
„Við erum ekki handhafar neins
réttlætis. Þessir nýgerðu kjarasamn-
ingar voru nauðvöm manna til að
komast út úr verðbólguvítahringn-
um. Við höfum allan tímann sagt að
eitt gangi yfir alla. Þess vegna kemur
ekki til greina að semja um krónu
meira við nokkurn aðila en samiö
var um í kjarasamningunum. Annað
væri svik við þá sem samið var við
á dögunum," sagði Einar Oddur
Kristjánsson, formaður Vinnuveit-
endasambands íslands, þegar hann
var spurður hvort óskað yrði eftir
lögum til að verja kjarasamningana.
Það er því ljóst aö ráðamenn eru
tilbúnir til að ganga mjög langt til
að koma í veg fyrir að þeir kjara-
samningar, sem gerðir voru á dögun-
um, verði sprengdir.
-S.dór
íbúar við Steinsholt á Akureyri hafa ekki farið varhluta af snjóþyngslunum
i vetur. Þar hafa menn orðiö að láta bila sína biða í sköflunum og ganga
til vinnu síðustu daga. DV-mynd gk
Guðjón A. Kristjánsson, formaður Farmannasambandsins:
Brjótum ekki núll-
lausnarsamningana
- okkur er boðið minna en þeir gera ráð fyrir
„Ég mótmæli því harðlega aö sjó-
menn séu að brjóta þá kjarasamn-
inga, sem gerðir voru á dögunum,
með kröfum sínum. Sannleikurinn
er sá að útgerðarmenn bjóða okkur
minna en felst í núll-lausninni. Okk-
ur eru boðnir allt aðrir samningar
varðandi starfslok sjómanna en í
þeim samningum felst og sjómenn
einir fá ekki fæöingarorlof. Þá vil ég
minna á að síðan 1. september í haust
hafa laun okkar lækkað í kringum 4
prósent vegna hækkandi olíuverðs.
Slíka kjararýrnun hefur engin önnur
stétt orðið að þola,“ sagði Guðjón A.
Kristjánsson, formaður Farmanna-
og fiskimannasambands íslands, um
sjómannasamningana sem nú virð-
ast vera að sigla í strand.
Guðjón sagði að vegna hækkunar
á olíuverði hefðu hlutaskiptin rýrnað
um 4 prósent frá 1. september til loka
febrúar. Þetta þýðir 5,4 prósent
launalækkun hjá sjómönnum. Hinn
1. mars lækkaði olíuverð aftur og þá
hækkuðu laun sjómanna um 1,3 pró-
sent. Kjararýmunin frá því í haust
væri því um fjögur prósent.
„Það er vegna þess hve hlutur sjó-
manna er stór í olíuverðshlutdeild-
inni að við viljum fá henni breytt.
Og sú leiðrétting mun ekki raska for-
sendum núll-lausnarinnar. Ef menn
ætla að setja á okkur lög vegna þessa
geta allir séð að þar væri um hrein
ólög að ræða,“ sagði Guöjón A.
Kristjánsson.
-S.dór
Gott fiskverð í Bretlandi
Gott verð hefur fengist í Bretlandi
að undanfómu og mun svo verða á
meðan veðurfar verður eins og það
hefur verið að undanfomu. Bv.
Framnes seldi í Hull alls 108 lestir
fyrir 12,4 milljónir króna. Meðalverð
114,34 kr. kg. Þorskur seldist á 129,99
kr. kg, ýsa 162,66 kr. kg, koli 197,79
kr. kg; annað var á lægra verði. Bv.
Gullver seldi afla sinn í Grimsby 1.3.
1990 alls 126 lestir fyrir 16,5 millj. kr.
Þorskur seldist á 133,20 kr. kg, ýsa
176,10 kr. kg, ufsi 105,88 kr. kg, karfi
93,69 kr. kg, koli 152,71 kr. kg, grá-
lúða 97,87 kr. kg, blandaður flatfiskur
111,91 kr. kg. Meðalverð 130,99 kr.
kg. Bv. Gjafar seldi í Hull 1.3. alls
78,8 lestir fyrir 9,8 milljónir króna.
Þorskur seldist á 128,08 kr. kg, ýsa
144,33 kr. kg, ufsi 86,18 kr. kg, karfi
86,18 kr. kg, grálúöa 99,34 kr. kg og
blandaður flatfiskur 100,66 kr. kg.
New York
Að undanfomu hefur verðiö á laxi
verið sæmilega stöðugt á Fulton-
markaðnum. Menn hafa talað um að
verðið hafi hækkað heldur að undan-
fómu. Það kann að stafa af því að
Fiskveröið er hátt þessa dagana í Bretlandi og talið er aö það haldist hátt
á næstunni.
Gámasölur 5.-7. mars ’90 í Bretlandi
Sundurliðun Selt magn Verðí Meðalverð Söluverð Kr. pr.
eftirtegundum: kg erl. mynt pr. kg isl. kr. kg
Þorskur 442.121,00 586.280,20 1,33 58.932.882,21 133,30
Ýsa 140.735,00 230.109,20 1,64 23.131.474,70 164,36
Ufsi 22.140,00 15.736,20 0,71 1.580.364,10 71,38
Karfi 12.452,50 7.849,80 0,63 790.572,77 63,49
Koli 34.561,25 69.253,80 2,00 6.980.277,59 201,97
Gráðlúða 3.395,00 3.546,20 1,04 355.103,98 104,60
Blandað 100.160,50 97.294,40 0,97 9.797.207,56 97,82
Samtals: 755.565,25 1.010.069,80 1,34 101.567.882,91 134,43
lítið framboð hefur verið á laxi frá
öðmm en Norömönnum. Búist er við
að framboð á laxi aukist ekki fyrir
alvöru fyrr en líða fer á vorið. En
eins og vitað er þá hefur verðið verið
afar lágt og nálgast mjög þorskverö-
ið.
Svo virðist sem stórbylting sé á
framleiðslu fiskborgara. Fyrirtækið
MacDonald er um þessar mundir að
setja á markaðinn fiskborgara búna
til úr laxi. Talið er að fyrirtækið
muni veija um 6,1 milljón dollara til
að kynna framleiösluna. Þessari
framleiðslu verður dreift um öll
Bandaríkin en 109 staðir koma til
með að hafa þennan rétt á boðstólum.
Frá Chile hefur borist nokkuð af
smálaxi og er það eina samkeppnin
sem Norðmenn hafa haft að undan-
fomu á Fultonmarkaðnum.
Verð á rækju hefur hækkað síðustu
mánuðina og er nú um 10-15% hærra
en það var í haust. Búist er við að
Fiskmarkaðir
Ingólfur Stefánsson
verðið haldist að minnsta kosti fram
í maímánuð.
Bangladesh
Rækjuræktunin þýðir milljónir
fyrir fáa en allsleysi hjá mörgum.
Daka (IpS Tabibul Islam). Fiskaren
2. mars 1990.
Útflutningur á rækju frá Bangla-
desh hefur gert fáa að milljónamær-
ingum en enn fleiri að öreigum. Á
síðasta ári gaf rækjusala frá landinu
150 milljónir. Afleiðing þessarar
ræktunar kemur fram í því að bænd-
ur hafa verið flæmdir af jörðum sín-
um og í staðinn fyrir ræktun hrís-
gijóna eru nú ræktaðar rækjur á
ökrunum.
Bændur hafa flosnað upp og orðið
atvinnulausir en auðugir rækju-
framleiðendur taka akrana undir
rækjuræktun. Með því að hleypa sjó
inn á akrana fá þeir ákjósanlegt
svæði til ræktunar á rækju.
Afleiðing þess að sjór kemur inn í
tjarnimar er að jöröin í næsta ná-
grenni mettast af salti og engin leið
að rækta þar nokkurn hlut. A þessu
svæði voru áður framleidd allt að
40.000 tonn af hrísgrjónum en nú
aðeins 360 tonn á svæðinu. Bændur
flytjast til borganna og lenda þar í
mestu vandræðum vegna atvinnu-
leysis. Hrísgrjónaverð hækkar sífellt
vegna minni framleiðslu og afleið-
ingar alls þessa eru hörmungar borg-
arlífsins sem þeir ráða ekki við. Yfir
50% af ökrunum í Kuala, þar sem
hrísgijón voru ræktuð, hafa nú farið
undir eldisstöðvar. Þetta er sam-
kvæmt skýrslu háskólans í Citta-
gong.