Dagblaðið Vísir - DV - 26.03.1990, Blaðsíða 4

'4
MÁNUDAGUR 26. MARS 1990.
Fréttir
Sigurvegari í Landslagskeppninni:
Eg fékk hjartslátt
og sting í magann
- segir Eyjólfur Kristjánsson sem
„Mér fannst alveg rosalega gaman
aö vinna. Það er náttúrlega toppur-
inn að sigra. Ég hef tekið þátt í mjög
mörgum söngvakeppnum, nú síðast
Söngvakeppni Sjónvarpsins og fæ
alltaf jafnmikinn hjartslátt og sting
í magann þegar úrslit eru kynnt,“
sagði Eyjólfur Kristjánsson, söngv-
ari og fyrrum Bítlavinur, sigurvegari
í keppninni um Landslagið 1990 í
samtali við DV.
Eyjólfur sigraði með lagi sínu Álf-
heiöur Björk en lagið samdi hann
fyrir átta árum. „Textann gerði ég
stuttu fyrir keppnina en ég ákvað á
síðasta degi að senda lagið inn. Ég
átti ekki von á að komast í úrslit en
þegar það var ljóst breytti ég laginu
og lagaði til. Þá var ég þokkalega
ánægður með þaö. Þegar ég fann
meðbyr, til dæmis í skoðanakönnun
á Bylgjunni, fór ég aö vonast til að
lagið kæmist í fyrsta sæti,“ sagði
Eyjólfur ennfremur.
Með honum í laginu syngur Björn
Jr. Friðbjörnsson, gítarleikari hljóm-
sveitarinnar Nýdönsk. „Ég heyrði í
honum á fyrstu plötu þeirra og
hreifst mjög af rödd hans. Þó Björn
sé ekki titlaður söngvari þykir mér
hann mjög góður. Við höfum ólíkar
raddir sem mig langaði að prófa að
nota saman og setja upp dúett.“
Eyjólfur sagði eftir úrslitin á föstu-
dagskvöldið að hann hefði orðiö að
klippa hár sitt stutt til að fá Björn til
liðs við sig. Verðlaun fyrir Landslag-
iö voru mjög góð: Ferö fyrir tvo til
Flórída með Flugleiðum auk tvö
hundruð þúsund króna, stúdíóupp-
tökutímar og myndbandsupptaka
hjá Stöð 2.
Eyjólfur Kristjánsson hefur verið
viðloðandi tónlist undanfarin níu ár
og hefur gefið út eina sólóplötu. Mörg
laga hans hafa komið út á plötum
með öðrum.
„Þessi sigur breytir í sjálfu sér ekki
miklu fyrir mig nema kannski ef ég
fæ meira að gera. Ég hef í huga að
setja upp fjögurra manna hljómsveit
með vorinu að gamni mínu til að
gera út. Annars er ég núna upptek-
inn sem söngvari á Hótel íslandi um
hverja helgi,“ sagði Eyjólfur Kristj-
ánsson. -ELA
samdi sigurlagið fyrir átta árum
Eyjólfur Kristjánsson sigurvegari i keppninni um Landslagið 1990 og með-
söngvari hans, Björn Jr. Friðbjörnsson, voru að vonum glaðir yfir árangri
Álfheiðar Bjarkar. DV-mynd Hanna
Bílar í vandræðum á Mýrdalssandi:
Mikil ófærð í mánuð
„Fólk er alltaf að rata í vandræði
hér í nágrenninu en síðasti mánuður
hefur verið óvenju erfiður fyrir okk-
ur,“ sagði Bjarni Jón Finnsson, verk-
stjóri hjá Vegagerðinni í Vík í Mýr-
dal. Vegagerðin heldur leiðinni frá
Vík og austur yfir Jökulsá opinni
aUa virka daga en þriðjudaga og
fóstudaga er mokuð leiðin til Hafnar
í Hornafirði.
„Á fóstudaginn komum við úr síö-
ustu ferðinni rétt fyrir sjö og gáfum
út viðvörun um það aö veöur færi
versnandi og því ætti fólk að halda
kyrru fyrir. En það eru alltaf ein-
hverjir sem vilja reyna sig og sína
bíla og lenda því oft í hrakningum,"
sagði Bjarni Jón. „Bílarnir eru mis-
vel útbúnir en margir hverjir mjög
vel útbúnir til vetraraksturs. Hins
vegar eru farþegamir oft illa klæddir
og lenda oft í vandræðum þess vegna.
Það veldur okkur mestum erfiðleik-
um að fólk yfirgefur bílana og læsir
þeim þar sem þeir eru staddir á veg-
inum. Við eigum þá oft erfitt með aö
athafna okkur í mokstrinum.“
Á laugardag var tveimur bílum
hjálpað sem lent höfðu í erfiðleikum
á Mýrdalssandi en þá var aftur orðið
illfært. „Síðustu vikur höfum við
varla haft við í mokstrinum og það
verður ófært um leið. Það er afar
óvanalegt aö ófærðin vari svo lengi
eins og gerst hefur í vetur," sagði
BjarniJónFinnsson. -JJ
Annasamt hjá
slökkviliðinu
Annasamt var hjá Slökkviliðinu
í Reykjavík um helgina. Á laugar-
dag var tilkynnt um eld í kjallar-
aherbergi við Jörfabakka. Ibúar í
stigahúsinu höíðu slökkt eldinn
aö mestu með handslökkvitæki
og vatni þegar slökkviliðið kom á
staðinn. Eldurinn kom upp í gas-
hitaplötu sem notuð er til eldun-
ar. Engan sakaði.
Þá var slökkviliðiö kallað að
Tungubakka á laugardagskvöld.
Þar hafði farið kaldavatnsloki og
flæddí töluvert af vatni um íbúð-
ina. Slökkviliðsmenn sugu vatnið
upp með vatnsrörum. Nokkrar
skemmdir urðu á ibúðinni.
Aöfaranótt sunnudagsins var
tilkyimt um eld i gufubaði í húsi
við Skipholt Þarurðu lítilsháttar
skemmdir. Ekki er vitað um elds-
upptök en hugsanlegt er að
gleyrast hafi aö slökkva á hítun-
artækjum.
Brunaboði á Kópavogshæh fór
í gang í gærmorgun en enginn
eldur reyndist vera á staðnum.
Slökkvilið hefur ekki þurft að
hafa afskipti af vatnsflaumi í
íbúðarhúsum vegna hláku en
nokkuð var um þaö þegar síöast
hlánaöi. -ELA
Ófærð í Ólafsvík
Mikil ófærð var á veginum milli
Ólafsvíkur og Grundarfjarðar um
helgina. Nokkrir ferðamenn
þurftu að dúsa á lögreglustöðinni
í Ólafsvik vegna ófærðarinnar.
Þeir komust þó leiðar sinnar i gær.
Þá var lögreglumaður frá
Grundarfirði, sem vann við að að-
stoða kollega sína í Ólafsvík, veð-
urtepptur á staðnum þar til í gær.
Að sögn lögreglu var engin umferð
enda allt kolófært vegna hláku og
mikillarsnjóbleytu. -ELA
Snjóflóð í Óshlíð
Tvö snjóflóð féllu á veginn í
Óshlíðinni á sunnudagsmorgun.
Mikil hláka var á þessum slóðum
en Óshliðin var engu að síöur
opin umferð er snjóflóðin féllu.
Mesta mildi var að enginn var á
ferðinni. Óshlíðinni var lokað í
gær og veröur ekki opnuð aftur
fyrr en í dag þegar búið verður
að ryðja. -ELA
í dag mælir Dagfari_____________
Höllin í Kópavog
Mitt í öllu havaríinu út af fram-
boðsmálum Alþýðubandalagsins í
Reykjavík og mitt í öllum sparnað-
aráformum ríkisvaldins hefur
Svavar Gestsson menntamálaráð-
herra gefið sér tíma tii aö taka þá
ákvörðun aö handboltahöllin skuli
reist í Kópavogi. Þetta er karl-
mannlega gert af Svavari og mikið
fagnaðarefni fyrir Kópavog. Úr-
töluraddir hafa heyrst meöal
landsmanna um byggingu þessarar
handboltahallar og sumir hafa sagt
að íslendingar eigi ekki erindi í
heimsmeistarkeppni í þessari
íþrótt eftir ófarimar í Tékkó á dög-
unum. Aðrir hafa líka maldað í
móinn og sagt að þjóðin hafi ekki
efni á því að byggja höll fyrir millj-
arð á sama tíma og allt er í kalda-
koh í ríkissjóði.
En Svavar Gestsson lætur ekki
svona kjaftæði hafa áhrif á sig.
Hvort hann hefur fylgst með
heimsmeistarakeppninni í Tékkó-
slóvakíu eða ekki veit Dagfari ekk-
ert um. En ef hann hefur gert það
má telja fullvíst að Svavar hafi,
eins og aðrir landsmenn, hrifist af
frammistööu íslenska landsliðsins.
Það munaði ekki nema hársbreidd
að þeir yröu heimsmeistarar en því
miður var landsliðið okkar svo
óheppið að vinna tvo leiki og þar
með var draumurinn búinn.
Heimsmeistarakeppni í handbolta
gengur nefnilega út á það að tapa
sem flestum leikjum því þá komast
menn nær því takmarki sínu að
komast í næstu keppni.
ísland tapaði á móti Spánverjum
og Júgóslövum, Sovétmönnum og
Pólverjum og að lokum gegn
Frökkum en eftir því sem töpin
voru fleiri því meir jókst spennan
um það hvort okkar menn kæmust
áfram. Þegar svona íþróttakeppni
fer fram, æsist þjóöin upp og öll
athygli beinist frá stjórnmála-
mönnum og aö handboltamönnum
qg þetta er pottþétt aðferð til að fá
íslendinga til að sameinast í stund-
argleði yfir þeim ósigrum sem nást
í svona keppni.
Með því að byggja stórt og byggja
dýrt og senda Júgóslava og Sovét-
menn og frændur okkar Svra til
Húsavíkur og Akraness og keppa
svo sjálfir í Kópavogi, þar sem eng-
inn getur neitt í handbolta og bæj-
arfélagið er á hausnum, er rök-
studd ástæða til að halda að ís-
lenska landsliðið muni aftur gleðja
stolta íslendinga með ánægjuleg-
um og spennandi ósigrum. Og hvaö
munar þá Kópavog um að sletta
fram fjögur hundruö milljónum
króna og hvað munar ríkissjóð um
aö sletta fram sex hundruð milljón-
um króna þegar tilgangurinn helg-
ar meðalið.
Kópavogur verður heimsfrægur
á stundinni og getur baöað sig í
þeirri frægð meðan hann er tekinn
til gjaldþrotaskipta og ríkissjóður
stendur undir þeirri atvinnugrein
sem þjóðin getur lifaö af þegar
þorskurinn er horfinn og sjóðirnir
tæmdir. Það nærast allir á hand-
bolta þegar heimsmeistakeppni fer
fram og þá ræður mestu að hafa
nógu mörg bílastæði og nógu mörg
stúkusæti svo þjóðin komist öll að
til að horfa á íslenska liðið tapa
með sæmd.
Þetta er líka gott fyrir þá Kópa-
vogsbúa sem hafa Hafnarfjörð öðr-
um megin við sig og Reykjavík hin-
um megin og eru að drepast úr
minnimáttarkennd yfir þeim hand-
boltafrekum sem unnin eru beggja
vegna landamæranna. Þeir eru þar
að auki búnir að fá Stjörnuna í
Garðabæ upp að hliðinni á sér sem
keppir um titla og vinnur í hand-
boltanum án þess að Kópavogs-
menn fái rönd við reist. Þegar
Kópavogur hefur reist hölhna og
íslendingar hafa eytt milljarði eða
svo til að spila einn handboltaleik
eftir fimm ár þá munu Kópavogs-
búar ná fram verðugum hefndum
gegn nágrönnum sínum. Og þá ger-
ir það minna til þótt allir fari á
hausinn og þjóðin fari að kvarta
yfir því að hún tími ekki að borga
þessa höll fyrir handboltamenn í
útlöndum. Það getur líka vel verið
að útlendingarnir fari með heims-
bikarinn en Kópavogur heldur
höllinni og Svavar fær heiðurinn
af því aö byggja hana.
Menntamálaráðherra gerir rétt í
því að láta handboltann hafa for-
gang og hann gerir rétt í því að
láta Kópavog hafa höllina. Hann
gerir rétt í því að styðja við bakið
á áframhaldandi ósigrum íslend-
inga í heimsmeistarakeppnum þar
sem vegur okkar verður því meiri
sem ósigrarnir verða fleiri.
Dagfari