Dagblaðið Vísir - DV - 16.05.1990, Qupperneq 3

MIÐVIKUDAGUR 16. MAÍ 1990.
3
Fréttir
Óveiddur fiskur hækkar í verði:
Varanlegur aflakvóti
á 125 krónur kflóið
sala á aflakvóta fer vaxandi með hverjum mánuðinum sem líður
Sá sem selur skip meö aflakvóta í
dag fær 125 krónur fyrir kílóið af
óveiddum fiski í sjónum. Þetta þýðir
að trillukarl sem fær 40 lesta kvóta
um næstu áramót, þegar trillurnar
fá ákveðinn fastan kvóta eins og aðr-
ir fiskibátar, getur fengið 5 milljónir
tyrir kvótann og síðan fær hann
verðið á trillunni eins og hún er
metin.
Komið hefur í ljós að þetta vita
ekki allir og því hafa trillukarlar
verið að selja trillur sínar eins og þær
væru kvótalausar og hefur Lands-
samband smábátaeigenda nú tekið í
taumana. Smábátaeigendur hafa til
þessa veitt úr einum sameiginlegum
potti fyrir allar trillur landsins. Það
breytist með nýjum kvótalögum um
næstu áramót.
Þetta verð, 125 krónur fyrir kílóið
af óveiddum fiski, er svonefndur var-
anlegur kvóti sem þýðir að útgerðar-
maður kaupir bát, úreldir hann og
notar aflakvóta hans fyrir bát sem
hann á fyrir.
Aftur á móti er verðið mun lægra
ef keyptur er kvóti í eitt skipti. Þann-
ig var verðið í fyrra hæst, um 30
krónur fyrir kílóið. Verðið er lægst
fram yfir mitt ár, meðan allir eiga
einhvern kvóta. Síðan fer það að
hækka og nær hámarki á haustmán-
uðum. Kvótasala mun aldrei hafa
verið meiri en það sem af er þessu
ári og því er spáð að hún eigi eftir
aö stóraukast þegar líður á árið og
verðið fari upp úr öllu valdi. Ástæö-
an er fyrst og fremst sú að heildar-
þorskkvótinn er ekki nema 300 þús-
und lestir í ár á móti 340 þúsund lest-
um í fyrra.
Það er opinbert leyndarmál að er-
lendir fiskkaupendur kaupa hér
kvóta á haustin og fá báta sem búnir
eru með kvóta sinn til að veiða fyrir
sig fyrir fast verð. Þetta er eitt af
þeim málum sem allir vita um en
enginn getur fært sönnur á. Málið
var reifað á þingum allra helstu sam-
taka sjómanna í fyrra og jafnvel hafa
menn gerst svo djafir að nefna dæmi
án þess að hafa sannanir í höndun-
um.
Guöjón A. Kristjánsson, formaður
Farmanna - og fiskimannasam-
bandsins, fullyrti í ræðu á þingi sam-
bandsins í fyrra að þess yrði stutt
að bíöa að japanskir fiskkaupendur
keyptu upp megnið af aflakvóta ís-
lensku fiskiskipanna.
-S.dór
Þótt vetrarvertíð, samkvæmt gömlu timatali, Ijúki 11. maí hefur kvótakerfið
breytt öllu slíku og nú er veitt jafnt og þétt allt árið meðan kvóti endist, eins
og þessi mynd frá Reykjavikurhöfn, sem tekin var í gær, sannar berlega.
DV-mynd BG
Vetrarvertíð er lokið:
Botnfiskaflinn varð
mun minni en í fyrra
- slæm útkoma á Vestflörðum og í Breiðafirði en gott fyrir Suðurlandi
Ef litið ér á vetrarvertíðina í heild,
þá varö hún lélegri í ár en í fyrra.
Heildar botnfiskaflinn var 231.773
lestir, fyrstu fjóra mánuði ársins en
á sama tíma í fyrra var hann 255.086
lestir. í aprílmánuði einum var botn-
fiskaflinn 39.275 lestir en á sama tíma
í fyrra 51.522 lestir. Ýsu- karfa- og
ufsaaflinn varð meiri í ár en í fyrra
en þorskaflinn minni.
Hér munar lang mestu að vetrar-
vertíð brást að kalla bæði á útgerðar-
stöðum á Vestfiörðum og Snæfells-
nesi. Menn muna vart lélegri vetrar-
vertið á þessum slóðum. Aftur á
móti var útkoman góð, bæði í Vest-
mannaeyjum og í Þorlákshöfn.
Breiðafiarðarbátar fluttu sig suður
fyrir land, þegar útséð var með að
vetrarvertíð yrði lítil sem engin í
Breiðafiði. Enda varð útkoman sú,
að sjaldan eða aldrei hefur jafn mik-
ill afli verið fluttur með bílum frá
Þorlákshöfn til Snæfellsness og í vet-
ur.
Þá er að geta þess að grálúðuveiði
hefur verið um helmingi minni það
sem af er þessu ári en á samá tíma
í fyrra, eða 6.238 lestir á móti rúm-
lega 12 þúsund lestum í fyrra. Ein
aðal ástæðan fyrir minni grálúðuafla
er að hafís hefur þakið helstu grá-
lúðumiðin fram undir þetta.
Loðnuvertíðin eftir áramót var góð,
en brást algerlega á haustvertíðinni
eins og oft hefur komið fram í frétt-
um .
-S.dór
Akureyri:
Eigandinn þekkti stolnu fötin
Gyifi Kristjánsson, DV, Akureyri:
Sautján ára stúlka játaði um helgina
þjófnað á fotum úr tveimur verslun-
um á Akureyri, eftir að eigandi ann-
arrar verslunarinnar hafði hitt
stúlkuna í stolnum fotum á dansleik
í bænum.
Eigandi verslunarinnar Fínar lín-
ur sá stúlkuna á skemmtistaðnum
Bleika fílnum og sá samstundis að
hún var klædd fötum sem stolið hafði
verið úr verslun hans. Stúlkan var
færð á lögreglustöðina þar sem hún
játaði verknaðinn strax og einnig að
hafa áður stolið úr umræddri versl-
un og annarri tískuverslun í bænum.
Framhjóladrifinn 5 manna
fjölskyldubíll, fallegt útlit,
frábærir aksturseigmleikar,
spameytinn og á
verði.
Rúmgóður fjölskyldubíll með 1289 cc 63 hö
vél, 5 gíra, 5 dyra.
Verð kr. 469.900
' ^
i\xZ7CÐLZ}QU‘LS
Hér er hugsað fyrir öllu til ferðalaga
og flutninga, tvískipt niðurfellanlegt aftursæti 60/40 og framsætið er einnig hægt að
leggja alveg niður að aftursætum. Lúxus innrétting, þurrka á afturrúðu, þokuljós ofl.
Verð kr. 510.400
JÖFUR
ÞEGAR ÞÚ KAUPIR BÍL
Hafðu samband við söludeildina strax
í dag. Söludeildin er opin alla virka
daga kl. 9-12 og 13-18 og laugardaga
kl. 13-17. Síminner 42600.