Dagblaðið Vísir - DV - 16.05.1990, Page 23

MIÐVIKUDAGUR 16. MAÍ 1990.
39 i
Stjómmál
Endurreisn miðbæjarins og
fyrirbyggjandi aðgerðir
- segir Elin G. Ólafsdóttir, V-lista
- Hver er borgarstjóraefni
Kvennalistans?
„Sérstakt borgarstjóraefni hefur
aldrei komiö til umræöu innan
Kvennalistans. Hins vegar mund-
um við koma okkur saman um slíkt
starf og væntanlega skipta því hlut-
verki með okkur ef út í þaö færi.“
- Viljið þiö taka embættismanna-
kerfi borgarinnar til athugunar
komist þiö til áhrifa?
„Ég tel fulla ástæðu til auglýsa
alltaf allar stööur á vegum borgar-
innar svo allir hafi möguleika á að
sækja um. Þá má fækka ýmsum
toppstöðum sem nú eru í borgar-
kerfinu og eins kemur til álita aö
endurskoöa ráöningartíma, sér-
staklega þeirra sem eru í æöstu
embættum hjá borginni."
- Hver er stefna ykkar varöandi
forgangsröð verkefna?
„Kvennalistinn er fyrst og fremst
að tala um að kjör kvenna verði
bætt og störf þeirra endurmetin til
launa. Þá leggjum við áherslu á
heildarstefnu í heilsuvernd og and-
legu, líkamlegu og félagslegu heil-
brigði. Það þarf að framkvæma fyr-
irbyggjandi aögerðir og að horfast
í augu við þá staðreynd að fjöl-
skyldur í borginni eiga að mörgu
leyti erfltt uppdrátttar. Laun eru
almennt frekar lág þannig að margt
fólk verður að vinna mjög langan
vinnudag. Stóra spurningin er síð-
an hvernig borgin mætir þessum
staðreyndum. Hvernig öryggi og
umönnun fyrir börn undir skóla-
aldri og í skóla er sinnt. Þessi mikil-
vægu mál hafa ekki verið í for-
gangsröð þar sem karlar skilja ekki
þörfma á sama hátt og við konur.“
- Hvað finnst ykkur um forgangs-
röð framkvæmda hjá borginni?
„Mér finnst að of miklu fé hafi
verið varið í að byggja hús yfir
stjórnsýslu, veitingahús, umferð-
armannvirki eins og bílageymslur
og annað. Það hefði þurft að skoöa
hvort það væri virkilega það sem
okkur vantaði mest.“
- Hver er stefna ykkar í umhverf-
ismálum og þá með tilliti til skólps
og sorps?
„Við höfum haldið að landið væri
heilnæmara en það er í raun og
höfum ekki hugsað nógu vel um
hvað verður um það sem við hend-
um frá okkur í neyslufárinu. Við
teljum að möguleiki sé að setja á
laggir sorpvinnslu sem skilar nán-
ast öllu nothæfu sem í hana fer.
Þannig þarf urðun ekki að vera
nema sáralítil. Ég heföi helst viljað
sjá þannig sorpvinnslu í stað bögg-
unarstöðvar.
í skólpmálum er gripið til ráðstaf-
ana þegar í óefni er komið eins og
nú. Þó er hægt að bæta um betur
með því að hraða framkvæmdum."
- Viljið þið flytja áburðarverk-
smiðjuna i Gufunesi?
„Ég krefst flutnings verksmiðj-
unnar en það þarf náttúrlega að
standa vel að þeim málum er snúa
að starfsfólkinu."
- Flugvöllurinn er í hjarta borgar-
innar og skiptar skoðanir um hann.
„Strax og við komum með fram-
boð okkar 1982 settum við fram til-
lögu um að flutningur flugvallarins
yrði athugaður og í staðinn kæmi
einhvers konar íbúðabyggð."
- Eruð þið sammála þróuninni í
skipulagsmálum?
Yfírheyrsla
Haukur L. Hauksson
„Við viljum þéttingu byggðar
eins og tillagan um flugvöllinn sýn-
ir. Þegar teygt er úr byggðinni
verða vegalengdir meiri fyrir fólk
sem aftur kallar á meiri umferö og
ýmsa óhagræðingu."
- Hver er vilji ykkar í dagvistar-
málum og málefnum aldraðra?
„Kvennalistinn hefur alltaf sett
dagvistir mjög ofarlega á blað. Það
er ekki búið nógu vel að þeim mála-
flokki í dag en meginmáli skiptir
hvernig búið er að börnum meðan
foreldrar eru í vinnu.
Ef við lítum á gamalt fólk í heild
vantar tilfinnanlega hjúkrunar-
heimili fyrir þann hóp. Þar er mik-
ill vandi á ferðum sem verður að
leysa hið snarasta með byggingu
hj úkrunarheimilis.
Borgin verður að sjá til þess á
hverjum tíma að gamalt fólk geti
valið um leiöir í húsnæðismálum,
hvort sem um leigu á húsnæði er
að ræða, kaup á húsnæði að hluta
eða að eiga sjálfur húsnæði. Það
gamla fólk sem ekki á húsnæði á
að hafa rétt til að ganga inn í leigu-
húsnæði á viðunandi kjörum."
- Hver er stefna ykkar í íþrótta-
og æskulýðsmálum?
„Við viljum styðja betur við bak-
ið á hvers konar almenningsíþrótt-
um.
Æskulýðsmálin tengjast því for-
varnarstarfi í heilbrigðismálum
sem ég gat um áðan. Nú vaxa börn
og unglingar úr grasi við meiri
áreiti en fyrr þar sem eru auglýs-
ingar, ótal tilboð, myndbönd, leik-
tækjasalir og knattborðsstofur.
Leiktækjsölunum vara ég beinlínis
við. Því tel ég að efla beri frjáls fé-
lagasamtök og uppbygingu aðstöðu
með aðstoð barna og unghnga í
hverfunum og á miðsvæðum þar
sem börn úr fleiri hverfum geta
hist.“
- Hvernig á að sporna við ofbeldi
í miðbænum sem á stundum er tal-
inn beinlínis hættulegur?
„Það þarf einhverja raunveru-
lega félagsaðstöðu fyrir börn og
unglinga í miðbænum, sem þau
hafa áhrif á. Eins og miðbærinn er
núna er fyrst og fremst gengið út
frá því fólki sem getur setið á pöbb-
unum og matstofunum."
- Hvernig miðbæ vilja kvenna-
listakonur?
„Við viljum endilega endurreisa
gamla miðbæinn, þó ekki væri
nema að hluta til. Ég vil jafnvel
flytja eitthvað af gömlu húsunum,
sem búið er að flytja upp í Árbæ,
aftur niðureftir. Nauðsynlegt er að
lífga miðbæinn við, laða fólk að svo
það vilji búa þar. Það má gera með
því að setja skilyrði, að ekki séu
byggð hús nema sé gert ráð fyrir
svo og svo mörgum íbúðum. Okkur
óar við öllum þessum dauðu stofn-
unum í miðbænum."
- Hvað finnst ykkur um afskipti
borgarinnar í atvinnumálum og þá
sérstaklega hvað varðar veitinga-
rekstur?
„Það er út í hött að borgin skuli
vera að blanda sér í veitingahúsa-
rekstur eins og á Öskjuhlíð. Þaö er
ekki hlutverk sveitarfélags aö
byggja upp veitingahús fyrir einka-
aðila til rekstrar. Varðandi Glym
sýnist mér að þegar til kastanna
kemur sé staðurinn óhentugur til
félaga- og æskulýðsstarfsemi. Ég
var hlynnt því að komið yrði í veg
fyrir að Hótel Borg yrði enn ein
dauð stofnun í miðbænum en hins
vegar orka kaupin sem slík tvímæl-
is.“
- Nú þurfa Reykvíkingar að sækja
verslun í nágrannabyggðarlögum
seinnihluta helga.
„Það er ýmislegt til í þessu en ég
vil taka fram að mér finnst nauð-
synlegt aö vernda sunnudaga fyrir
ijölskyldur. Það er svo mikiö af
konum sem vinna í verslunum að
ef þær væru opnar alla helgina
værum við endanlega að ganga af
fjölskyldulífi dauðu í borginni.
Hins vegar má hugsa sér einhvers
konar hverfaskiptingu á þessari
þjónustu."
- Af hverju ætti fólk að kjósa
Kvennalistann?
„Við komum fram til þess að
breyta þjóðfélaginu og viö gerum
það með sjónarmið okkar kvenna
að leiðarljósi. Við konur vitum best
hvað brennur mest á konum og
heimilum borgarinnar."
- Hafið þið áorkað einhverju síð-
an þið komuð fram á sjónarsviðið?
„Já, alveg örugglega. Það er nóg
að heyra umræðuna núna þar sem
allir tala um dagvistir, einsetinn
skóla og að bæta þurfi kjör fólks.
Það er þessi kvennasýn sem við
viljum tryggja með því að vera í
borgarpólitík." -hlh
Framboðslisti
Samtaka um kvennalista:
1. Elín G. Ólafsdóttir
borgaifulltrúi.
2. GuðrúnÖgmundsdóttir
félagsráögjafi.
3. IngibjörgHafstað skrifstofust.
4. Elín Vigdís Ólafsdóttir,
kennslukona og húsmóðir.
5. Margrét Sæmundsdóttir, fóstra
oghúsmóöh'.
6. HólmfríðurGarðarsdóttir
framkvæmdastýra.
7. Guðrún Erla Geirsdóttir
myndlistarkona.
8. HelgaTulinius
j arðeðlisfræðingur.
9. KristínÁ.Árnadóttir.
10. ína Gissurardóttir
deildarstýra.
11, Hulda Ólafsdóttir
sjúkraþjálfi.
12. Bryndís Brandsdóttir
jarðeölisfræðingur.
13. Elín Guðmundsdóttir
húsmóðir.
14. StellaHauksdóttir
fiskiðnarkona.
15. GuðrúnAgnarsdóttirlæknir.
16. HólmfríðurÁrnadóttir
framkvæmdastjóri.
17. Krístín Jónsdóttir
íslenskufræðingur.
18. GuðnýGuðbjörnsdóttirdósent.
19. MaríaJóhahnaLárusdóttir
íslenskukennari.
20. Málhildur Sigurbjörnsdóttir
fiskverkakona.
21. SigrúnSigurðardóttir
dagskrárgerðarkona.
22. Sigrún Ágústsdóttir kennari.
23. HelgaThorbergleikkona.
24. SigríðurLillýBaldursdóttir
eöhsfræðingur.
25. Borghildur Maack
bjúkrunarkona.
26. MagdalenaSchramblaðakona.
27. SigríðurDúnaKristmunds-
dóttir mannfræðingur.
28. Kristín Ástgeirsdóttir
sagnfræðingur.
29. LafeyJakobsdóttir.ammaí
Grjótaþorpi.
30. Ingibjörg Sólrún Gísladóttir
blaðakona.