Dagblaðið Vísir - DV - 25.10.1990, Blaðsíða 11

FIMMTUDAGUR 25. OKTÓBER 1990.
11
Utlönd
^ ,
Pólitískt uppnám á Italíu vegna bréfa sem Aldo Moro skrifaði á síðustu dögum sínum
Moro sakaði núverandi
forseta um aumingjaskap
- flokksfélagar hans hafa reynt allt til að koma í veg fyrir útgáfu bréfanna
Lik Aldos Moro fannst i bil i Mílanó vorið 1978. Hann haföi þá verið á valdi mannræningja í 54 daga áður en þeir
myrtu hann. Símamynd Reuter
Síðustu mánuöina sem Aldo Moro,
forsætisráðherra Ítalíu, lifði einbeitti
hann sér að skriftum þar sem hann
var í haldi hjá monnum Rauðu her-
deildanna. Það sem hann setti á blað
fyrir 12 árum veldur nú pólitísku
uppnámi á Ítalíu því Moro gerði í
bréfum sínum upp við félaga sína í
flokki kristilegra demókrata og dró
ekkert undan.
Þar til fyrir tveimur vikum vissi
enginn að Moro hefði skilið nokkuð
eftir sig af pólitískum skrifum frá því
hann var gísl mannræningja. Þaö var
ekki fyrr en maður nokkur var að
endumýja íbúð 1 Mílanó að hann
uppgötvaði leynihólf á bak við skáp.
í þessu hólfi voru 419 handskrifuð
blöð með hugleiðingum Moros frá
síðustu dögunum sem hann lifði.
Harðorður í garð
flokksmanna sinna
Mannræningjarnir höfðu geymt
Moro í íbúðinni. Þar hefur hann lík-
lega verið í 54 daga áður en ræningj-
arnir ákváðu að myrða hann. Ránið
og morðiö á Aldo Moro er eitthvert
alræmdasta hermdarverk síðari ára
og nú er komin fram í dagsljósið ný
hlið á þvi.
í bréfum sínum sakar Moro flokks-
Mannræningjarnir dreifðu þessari
mynd af Moro meðan þeir reyndu
að fá stjórnvöld til að greiða lausn-
argjald fyrir hann. Moro vildi sjálfur
að samið yrði við mannræningjana.
menn sína um aumingjaskap og van-
mátt í að fást við mannræningjana.
Hann virðist hafa snemma gert sér
grein fyrir að ráninu gæti aðeins lok-
ið á þann veg að hann yrði myrtur.
Moro vildi að ríkistjórnin semdi við
mannræningjana og spyr í bréfum
sínum: „Hvers vegna verður saklaus
maður að láta lífiö?“ Hann sagðist
mundu yfirgefa flokk sinn ef hann
kæmist lifandi frá mannræningjun-
um.
Cossiga forseti skammaður
Sá sem mest fær af skömmunum
er Francesko Cossiga, sem þá var
innanríkisráðherra, en hann er nú
forseti Ítalíu. Máhð er því sérlega
viðkvæmt fyrir hann. Giulio Andre-
otti forsætisráðherra fær einnig sinn
skammt.
Moro skrifar að Cossiga hafi drepið
sig þrívegis. í fyrsta lagi hafi hann
ekki séð til þess að maður í æðstu
stöðu fengi nægilega vernd. í öðru
lagi með því að vilja ekki semja viö
mannræningjana og í þriðja lagi með
því að gefa út yfirlýsingar sem ollu
uppnámi í hópf mannræningjanna.
Cossiga hefur undanfarna daga
neitað að segja nokkuð um orð Moros
og það hafa aðrir stjómmálamenn á i
Aldo Moro var um árabil einn áhrifa-
mesti stjórnmálamaður á Ítaiíu.
Ránið og síðar morðið á honum
vakti heimsathygli.
Ítalíu heldur ekki gert. Mikið var
reynt til að stöðva útgáfu á bréfunum
en það tókst ekki. Einstök atriði úr
þeim voru birt í blöðum og síðan er
ákveðið að bréfin komi öll út á bók.
Þá veldur það kristilegum demó-
krötum áhyggjum aö Moro upplýsir
í bréfunum að flokkurinn hafi fengið
fjármagn frá Bandaríkjunum til að
halda úti flokksstarfmu.
Hjartnæm bréftil
fjölskyldunnar
Dóttir Moros, þingmaðurinn Maria
Fida Moro, reynir enn aö koma í veg
fyrir að þau bréf sem snerta fjöl-
skyldu Moros verði gefin út með hin-
um. Hún segir að þau bréf séu of
persónuleg til að koma fyrir sjónir
almennings. Þar í eru hjartnæm bréf
sem Moro skrifaði konu sinni en
hlutar úr þeim hafa þegar birst í
blöðum.
Á Íalíu hefur ekki verið meira um
annað talað síðustu daga en bréf
Moros. Menn hafa þó uppi efasemdir
um hvemig þetta mál er allt til kom-
ið og kristilegir demókratar segja að
birting bréfanna nú sé liöur í póli-
tísku samsæri gegn þeim.
Á það er bent að allt frá því Moro
var myrtur árið 1978 hefur verið vit-
að aö ibúðin í Mílanó var leynistaður
manna úr Rauðu herdeildunum og
að þeir höfðu Moro í haldi þar. Lög-
reglan rannsakaði íbúðina nákvæm-
lega á sínum tíma en fann ekki þessi
bréf - eða svo er sagt.
Fann lögreglan
bréfin fyrir 12 árum?
Á ítahu trúa margir því að bréfin
hafi fundist þegar árið 1978 en af ein-
hveijum ástæðum hafi ekki þótt rétt
að þau kæmu fyrir sjónir almennings
fyrr en nú. Sagt er að lögreglan hafi
notað hréfin við rannsóknina á mál-
inu og þau hafi átt sinn þátt í að
mannræningjamir voru handteknir
og dæmdir.
Þetta styðst m.a. við þá staðreynd
að í fómm lögreglunnar eru til vélrit-
uð afrit af nokkmm bréfanna. Þá
vekur það líka grunsemdir að sum
bréfanna eru aðeins til í Ijósritum.
Þetta tvennt þykir taka af öll tví-
mæli um að bréfin eru ekki að fmnast
í fyrsta sinn nú.
Reuter
Óhugur á Norður-
írlandi eftir
hryðjuverk IRA
Mikill óhugur ríkir nú á Norður-
írlandi eftir að sjö menn létu lífið og
27 særðust í einu ægilegasta
sprengjutilræði sem írski lýðveldis-
herinn hefur staðið fyrir. Það vekur
ekki síst skelfmgu að menn IRA not-
uðu nú í fysta sinn þá aðferð að neyða
saklaust fólk til að aka með sprengj-
umar á tilræðisstaðina.
Á Norður-írlandi er nú talað um
„mennskar sprengjur". Annar
þeirra sem menn IRA neyddu til að
aka með sprengjur í gærmorgun lét
lífið en hinn slasaðist alvarlega.
Óöldin sem ríkt hefur á Norður-Ir-
landi síðustu áratugi þykir nú hafa
magnast um allan helming, enda
vom sprengjumar sem nú síðast
sprungu einhverjar þær öflugustu
sem IRA hefur notað á löngum ferli.
Peter Brook, ráðherra Norður-
írlands í bresku ríkisstjórninni,
sagði að írski lýðveldisherinn hefði
með aðgerðum sínum sokkið niður á
lægra stig mannvonsku en nokkm
sinni áður í sögu sinni.
Prestar kaþólsku kirkjunnar á
Norður-írlandi hafa tekið 1 sama
streng og fordæmt aögerðir IRA sem
þó sækir fylgi sitt allt til kaþólikka.
Lýöveldisherinn hefur sætt vaxandi
gagnrýni meðal stuðningsmanna
sinna fyrir að láta sig engu skipta
hveijir verða fyrir baröinu á hryðju-
verkunum.
Tahð er að árásirnar í gær séu
hefnd fyrir morð hreskra lögreglu-
manna á tveimur af leiðtogum Lýð-
veldishersins. Búist var viö að Lýð-
veldisherinn léti þeirra ekki óhefnt
þótt enginn ætti von á slíkum ógnar-
verkum sem unnin vom í gærmorg-.
un.
Reuter
Sprengjurnar, sem sprungu i gærmorgun, vori mjög öflugar og ollu miklu
tjóni. Þessi mynd er frá varðstöðinni sem sprengd var viö Londonderry.
Símamynd Reuter
Bandaríkin:
Ríkiskassinn
enn opinn
Á síðustu stundu tókst að koma í
veg fyrir aö ríkissjóöi Bandaríkjanna
yrði lokað á miðnætti í gær. George
Bush forseti hafði hótað að loka
sjóönum ef þingmenn í fulltrúadeild-
inni féllust ekki á tillögur hans um
niðurskurð á hallanum á fjárlögum
ríkisins og féllu jafnframt frá tillög-
um um skattahækkanir.
Ríkissjóður hefur undanfarnar
vikur verið rekinn með fjáraukalög-
um frá þinginu en Bush hótað að
beita neitunarvaldi gegn endumýj-
uöum fjáraukalögum ef þingmenn
gæfu ekki eftir í afstööu sinni. Eldri
lög áttu aö renna út á miönætti.
Þegar á reyndi gáfu þingmenn eftir
og gert var óformlegt samkomulag
um að vinna að gerð fjárlaga sam-
kvæmt hugmyndum forsetans. Þó er
viðbúið að fjárlagagerðin dragist enn
á langinn því að margir þingmenn
vilja helst ekki afgreiða þau fyrr en
að afstöðnum þingkosningum 6. nóv-
ember því að engin lausn á fjárlaga-
vandanum sé fallin til vinsælda og
málið því best geymt til betri tíma.
Reuter