Dagblaðið Vísir - DV - 31.10.1990, Blaðsíða 27

MIÐVIKUDAGUR 31. OKTÓBER 1990.
43
Lífsstm
Óhreinindi í hitaveitukerfunum á höfuðborgarsvæðinu:
Mun verra í ár
en vanalega
segir Hreinn Frímannsson, yfirverkfræðingur hjá Hitaveitu Reykjavíkur
í haust hefur verið óvenjumikið
um stíflur í hitaveitukerfunum á
höfuðborgarsvæðinu. Starfsmenn
bilanaþjónustu Hitaveitu Reykjavík-
ur hafa varla haft undan að sinna
hjálparbeiðnum frá fólki sem í þessu
lendir.
Að sögn Hreins Frímannssonar,
yfirverkfræðings hjá Hitaveitu
Reykjavíkur, er þetta árvisst vanda-
mál en hefur aldrei verið verra en nú.
- En hvað veldur þessu?
„Yfirleitt er þetta að meirihluta til
ryð og eitthvað kemur úr jarðhita-
svæðunum, þetta er mun verra í ár
en vanalega," sagði Hreinn.
„Þetta kemur að einhverju leyti frá
Nesjavallavirkjun og þegar Nesja-
vallavatn blandast Reykjavatni verð-
ur útfelling sem vonast er til að fram-
tíðarlausn fmnist á. Það er orsökin
að einhverju leyti.
Það getur komið ryð úr nýjum rör-
um, við skolum nýjar lagnir áður en
þær eru teknar í notkun en alltaf
verður eithvað eftir sem fer af stað.
Það er mjög erfitt að sjá hvað er í
síunum því að ryðið lítur út eins og
sandur. Við höfum sett það sem úr
síunum kemur í greiningu og það
hefur verið bæði ryð, sandur og smá-
vegis útfelling.
A sumrin, þegar vatnsflæði í rör-
unum er lítið, safnast óhreinindi í
rörin sem fer svo af stað á haustin
þegar fólk fer að nota meira heitt
vatn. Þó þetta sé óvenjuslæmt núna
er það reynsla okkar að þetta gengur
yfir, þetta er venjulega verst i sept-
ember og október þegar rennsh fer
að aukast.
Fólk frá bilanaþjónustu okkar að-
stoðar fólk sem biður okkur um það.
Við fórum þá á staðinn og hreinsum
úr síum og gerum það sem hægt er.
Þetta er gert fólki að kostnaöarlausu.
Okkur sýnist að þetta fari minnk-
andi, það voru alla vega færri útköll
í síðustu viku en áður,“ sagði Hreinn
Frímannsson, yfirverkfræðingur hjá
Hitaveitu Reykjavíkur. -hge
Starfsmenn hjá bilanaþjónustu Hitaveitu Reykjavíkur hafa haft í nógu að snúast i haust við að
sem koma úr hitaveitukerfunum.
hreinsa óhreinindi
DV-mynd Hanna
Verðkönnun Verðlagsstofnunar:
Gos og sælgæti er
dýrara úti á landi
Verðlagsstofnun gerði nýverið
verðkönnun á drykkjarvörum og
sælgæti í söluturnum og matvöru-
verslunum utan höfuðborgarsvæð-
isins. Sambærileg könnun var gerð
á höfuðborgarsvæðinu á sama
tíma.
Meðalverð á þeim tegundum
drykkja og sælgætis sem könnunin
náði til var í flestum tilfellum
hærra úti á landi en á höfuðborgar-
svæðinu. Það átti bæði við um sölu-
turna og matvöruverslanir. Meðal-
verð á landsbyggðinni var frá
2-13% hærra en á höfuðborgar-
svæðinu.
Eins og á höfuðborgarsvæðinu,
var mikill verömunur á milli sölu-
staða. Hæsta verð á einstökum
vörutegundum í söluturnum var
27-124% hærra en lægsta verð á
sömu tegundum í matvöruverslun-
um. Sem dæmi má nefna að appels-
ínudrykkur kostaði minnst 29
krónur en mest 65 krónur og tyggi-
gúmmí kostaði frá 30 til 60 krónur
einn pakki. Dæmi voru einnig um
gosdrykk sem kostaði frá 124 krón-
ur upp í 220 krónur.
Þegar reiknað var út meðalverð
á þeim vörutegundum sem Verð-
lagsstofnun kannaði og verð í ein-
sökum verslunum borið saman við
það þá var lægsta verð á sælgæti
og gosdrykkjum í matvöruverslun-
um í Hagkaupi á Akureyri og versl-
uninni Vísi á Blönduósi. Hæsta
verðið var í versluninni Edinborg
á Bíldudal og í Hólabúöinni á Akur-
eyri.
í söluturnum var lægsta verðið
hjá Olíufélagi Útvegsmanna á
ísafirði og söluskála Olís á Reyðar-
firði. Hæsta verðið var í Blöndu-
skálanum á Blönduósi og Esso-
skálanum, einnig á Blönduósi.
Verðið í Blönduskálanum á
Blönduósi var rúmlega 20% hærra
en hjá Olíufélagi útvegsmanna á
ísafirði.
Könnun þessi náði til 22 vöruteg-
unda og í verðkönnun Verðlags-
stofnunar segir að einungis hafi
verið teknir með sölustaðir þar sem
fengust minnst 17 af tilgreindum
vörutegundum.
-hge
Bréf frá húsmóður:
Helmings verð -
munur á lauk
„Ég sendi hér tvo verðmiða sem
ég tók af laukpokum sem ég keypti
með viku millibili.
Annar pokinn var keyptur í Hag-
kaupi og kostaði 65 krónur kílóið en
hinn var keyptur viku síðar í Versl-
uninni Austurstræti 17. Þar kostaði
kiíóið 129 krónur.
Ég á bágt með að trúa að innflutn-
ingsverð á lauk hafi hækkað um
helming á vikutíma og flnnst því
ástæða til að benda á þennan verð-
mun“.
Jólamatur og -kökur:
Þann 28. nóvember mun DV gefa
t aukablað um mat og kökur til
ilanna. Að þessu sinni verður
írstaklega leitað til lesenda um
ppskriftir, enda vitað að fólk lum-
r á alls konar góðum og sniðugum
ppskriftum að jólamat og ekki síð-
r kökum, sælgæti og öðru góð-
æti sem tilheyrir jólum. Einnig
ru smáfrásagnir af tilurð upp-
írífta, íslenskra og erlendra, og
>lahaldi á íslandi og úti í heimi
reinmtileg viðbót.
Hér er ekki um verðlaunasam-
keppni aö ræða heldur veröur
dregið úr öllum innsendum bréf-
um. Hinir fimm heppnu fá senda
nýja og glæsilega Matreiðslubók
Iðunnar en hún kostar 7.400 krón-
ur.
Sendiö uppskrift eða uppskriftir
að alls konar jólamat til DV fyrir
11. nóvember. Uppsetning þarf að
vera skýr og engu má skeika með
mál og vog. Best væri að fá upp
skriftirnar vélritaðar en skýr rit
hönd getur gengið. Ef mikið efni
berst veröur að velja uppskriftir til
birtingar en allir eiga jafna mögu-
leika á matreiðslubók.
Muniö að skrifa undir með fullu
nafni, heimilisfangi og síma. Merk-
ið umslagið:
DagblaðiðVísir
Matur og kökur
Pósthólf 5380
125 Reykjavík
Húsmóðir bendir á helmingsverðmun á lauk.
Hugsanlega
brögð í tafli
- segireigandiVerslunarinnar Austurstræti 17
Neytendasíðan hafði samband við
Erlend Erlendsson, eiganda Verslun-
arinnar Austurstræti 17.
Hann kvað innkaupsverð á lauk frá
sínum heildsala, sem er Ágæti hf„
hafa verið 56 krónur, án virðisauka-
skatts, þann dag sem laukurinn var
keyptur. Útsöluverð hefði hins vegar
verið 98 krónur en ekki 129.
Viðskiptavinir verslunarinnar
vigta sjálfir það grænmeti sem þeir
kaupa og er verð vörunnar stimplað
inn í vogina. í þessu tilfelli kvaðst
Erlend gruna að brögð væru í tafli
af hálfu kvartandans. „Ef maður
kann á vigtina er auðvelt að breyta
verðinu sem kemur á verðmiðann."
-hge