Dagblaðið Vísir - DV - 02.11.1990, Page 11

FÖSTUDAGUR 2. NÓVEMBER 1990.
11
Útlönd
Tilraunir á eyönisjúkmn munaðarleysingjum 1 Rúmeníu bannaðar:
Nýja eyðnilyf ið er gagnslaust
Heilbrigöisyflrvöld í Rúmeníu hafa
tekið fyrir allar tilraunir með nýtt
eyðnilyf á rúmenskum munaðar-
leysingjum. Framleiðendur lyfsins,
sem kallast SLV-23/A, fengu í sumar
heimild til að reyna það á börnum
sem voru hvort eð var talin dauð-
vona. Þá þótti tilvinnandi að reyna
að lækna börnin með þessum hætti,
jafnvel þótt allt væri á huldu um
samsetningu lyfsins og heilbrigðis-
yfirvöld á Vesturlöndum tekið fyrir
notkun þess.
Nú hafa yfirvöld í Rúmeníu komist
að þeirri niðurstöðu að ekki sé rétt-
lætanlegt að halda tilraununum
áfram vegna þess að árangurinn er
enginn. Þá vakti notkun lyfsins upp
mótmæli í Rúmeníu vegna þess að
margir læknar töldu siðferðilega
rangt að nota börn sem tilraunadýr,
jafnvel þótt þau ættu ekki von um
nema nokkurra mánaða líf.
DV hefur áður greint frá deilum í
Rúmeníu um tilraunir með lyfið en
í sumar var ekki talin ástæöa að fara
að ráöum Alþjóða heilbrigðismála-
stofnunárinnar um að banna lyfið.
Framleiöandi SLV-23/A er olíu-
verkfræðingur sem nú hefur aðsetur
í Dubai í Sameinuðu arabísku fursta-
dæmunum. Hann hefur komið á fót
stofnun sem rannsaka á kosti nýja
lyfsins og hefur fengið heimild nokk-
urra Afríkuríkja auk Rúmeníu til að
gera tilraunir á eyðnisjúklingum.
í fyrstu bárust fréttir frá Úganda
þess efnis aö SLV-23/A væri sann-
kallað töfralyf og læknaði velflesta
eyönisjúklinga. Engum hefur þó tek-
ist að færa sönnur á að lyfið hafi ein-
hver áhrif og framleiðandinn vill
ekki aö viðurkenndar stofnanir fái
að kynna sér hvernig það er samsett.
NTB
Norskflugskeyti
notuð i stríðinu
í El Salvador
Stjórnarhermenn í E1 Salvador
hafa undir höndum norsk flugskeyti
af geröinni M-72. Arbeiderbladet í
Noregi skrifar að flugskeytin hafi lík-
lega verið flutt til E1 Salvador gegn-
um Bandaríkin. Flugskeytin þekkt-
ust á myndum sem teknar voru í E1
Salvador.
Talsmaður norska utanríkisráðu-
neytisins segir að norsk yfirvöld ætli
að krefjast skýringa af bandarískum
yfirvöldum. Talsmaðurinn staðfesti
að norsk yfirvöld hefðu vísað á bug
umsókn frá Bandaríkjunum haustið
1988 um útflutning á norskum flug-
skeytum til E1 Salvador. Þegar ný
umsókn barst, þar sem tilgreint var
að bandaríski herinn myndi nota
flugskeytin, var útflutningsleyfi
veitt. Sem bandamaöur Bandaríkj-
anna hefði stjórnin í Noregi ekki
haft neina ástæðu til að neita seinni
umsókninni. Jan Balstad, sem var
viðskiptaráðherra 1988 þegar málið
var á dagskrá, segir að hugsanlegt
sé að Bandaríkjamenn hafi sent til
E1 Salvador það sem þá var til á lag-
er og síðan bætt við eigin birgöir
sendingunni frá Noregi sem heimild
fékkst fyrir.
Norsk yfirvöld ítrekuðu á sínum
tíma við yfirvöld í Bandaríkjunum
að bann ríkti í Noregi við útflutningi
á vopnum til landa þar sem stríð
geisaði. NTB
Niðurgangur
varð þjóf i
aðfalli
Upp komst um innbrotsþjóf í Sví-
þjóð vegna salernisheimsóknar
hans. Kauði var nú ekki afslappaðri
en það að hann fékk í magann í miðju
verki. Á salerninu var enginn pappír
svo að þjófurinn greip til þess ráðs
að rífa síðu úr blaði sem hann hafði
með sér.
Þegar lögreglan kom á staðinn
fannst síðan sem þjófurinn hafði
skilið eftir. Og þar sem maðurinn var
áskrifandi að blaðinu var hægt að
lesa bæði nafn hans og heimilisfang
á síðunni.
Kínverjar
yfirmilljarður
Kínversk yfirvöld hafa nú birt
bráðabirgðaniðurstöður manntals
síns. Samkvæmt þeim eru Kínverjar
1.133 milljónir talsins. Er það 20
milljónum fleiri en yfirvöld höfðu
reiknaö með.
Þetta var í fyrsta skipti sem gengið
var hús úr húsi til að telja íbúana
og er manntalið áhtið það nákvæm-
asta hingað til.
Lokatölur er ekki taldar liggja fyrir
fyrr en eftir tvö ár.
Tölvupappír
iaii
Hverlisgolu 78. simar 25960 25566
HOKUS
PÓKUS!!!
VERTU MEÐ - ÞAÐ ER GALDURINN
UPPLÝSINGAR: SÍMSVÁRI: 681511 LUKKULÍNA: 991000