Dagblaðið Vísir - DV - 08.01.1991, Blaðsíða 2

2
ÞRIÐJUDAGUR 8. JANÚAR 1991.
Fréttir___________________________________________________________________________dv
Maðurinn sem lá á spítala í nokkra daga meðan aðstandendur leituðu:
Einhver undarleg mistök
Svo virðist sem röð af atburðum á
slysadeild Borgarspítalans, á
Landspítalanum, hjá lögreglu og síð-
ast en ekki síst sjúklingi hafi leitt til
þess að aðstandendum manns á sex-
tugsaldri, sem slasaðist í umferðar-
slysi á nýársdag, var ekki tilkynnt í
nokkra daga að maðurinn'væri kom-
inn á spítala. Eins og DV greindi frá
í gær tók það eiginkonuna á íjórða
dag að komast að því aö maður henn-
ar væri illa lærbrotinn og með aðra
áverka á Landspítalanum eftir bíl-
slys á Nýbýlavegi á nýársdag.
Tryggvi Þorsteinsson, yfirlæknir á
slysadeild Borgarspítalans, þar sem
maðurinn kom fyrst í sjúkrabíl eftir
að hafa orðið fyrir bíl í Kópavogi,
segir að hér sé um einhver undarleg
mistök að ræða.
- segir yfirlæknlr á slysadeild Borgarspítalans
„Þessi maður kom með neyðarbíl.
Hann var með meðvitund og fór í
röntgenmyndatöku. Maðurinn var
fyrst spurður hvort hringja ætti í
konuna hans en hann neitaði. Engu
að síður samþykkti hann það seinna.
Þá var lögreglumaður beðinn um að
hringja í konuna. Hann hefur síðan
vafalaust ekki náð sambandi. Strax
eftir röntgenmyndatökuna var sjúkl-
ingurinn fluttur á Landspítalann. Ég
vil ekki svara fyrir þann spítala en
mér finnst þetta nú allt með eindæm-
um. Þetta eru einhver undarleg mis-
tök. Það eina sem ég get sagt er að
oft verða starfsmannaskipti hjá okk-
ur um áramót. Það er samt léleg
skýring og afsökun. Allir eiga að vera
færðir inn í bók sem koma inn. Það
er því ekki afsakanlegt að ekki hafi
verið hægt að svara konunni til um
hvar maðurinn væri. Þaö er alltaf
spurning um hver á að tilkynna um
sjúkling. Menn eru oft uppteknir af
öðru. En venjan er sú að spítahnn,
þar sem sjúklingur er lagöur inn og
fer í aðgerð, á fyrst og fremst að sjá
um slíkt. Það er reglan sem aðallega
er farið eftir. Ég ætla samt ekki að
afsaka hitt,“ sagði Tryggvi í samtali
við DV.
Stefán Haraldsson, læknir á
Landspítalanum, segir að þegar
sjúklingurinn hafi komið þangað
hafi komið með honum skýrsla frá
slysadeild Borgarspítalans þar sem
nafn eiginkonu hans kom fram og
símanúmer.
„Þá var reiknað með að þeir sem
tóku á móti manninum fyrstir, á
slysadeild, hefðu verið búnir að til-
kynna aöstandendum um slysið. Ég
býst við að það sem fór úrskeiðis
hafi veriö aö ekki var tilkynnt um
slysið til aöstandenda frá Borgar-
spítalanum. Þar sem skýrslan þaðan
var greinargóð, með bæði síma og
nafni konunnar, hafi fólk hér reikn-
að með því að búið hefði verið að til-
kynna um þetta. Maðurinn sýndi
heldur engan áhuga á að ná í ætt-
ingja sína. Annars hefði honum að
sjálfsögðu verið hjálpað með það.“
- Er ekki haft samband við aðstand-
endur þó svo að viökomandi sýni því
ekki áhuga?
,,í þessu tilfelli var reiknað með að
það hefði verið búið. Skýrslan sýndi
fram á að allar upplýsingar lágu fyr-
ir og það er siður að þeir sem fá sjúkl-
inginn fyrstir úr slysum tilkynni þau
til aðstandenda. Auk þess sýndi mað-
urinn engan áhuga á að hafa sam-
band við ættingja. Það má hins vegar
segja að á skýrslunni hefði átt að
standa að ekki hefði verið hægt að
ná í aðstandendur þrátt fyrir ítrekað-
ar tilraunir - þá heföi strax verið
reynt að hafa samband við konuna
héðan. Þetta er ósköp leiðinlegt allt
saman en ég get ekki séð að okkur
hafi orðið neitt á,“ sagði Stefán Har-
aldsson.
í myndatexta í DV í gær var sagt
að sá slasaði lægi nú á Borgarspíta-
lanum. Hið rétta er að hann hggur á
Landspítalanum. Beðist er velvirð-
ingar á þessu mishermi.
-ÓTT
Hluti af svokallaðri Borgarbryggju á
Seyðisfirði fauk hreinlega á haf út í
óvenju hvassri suðaustanátt þann
2. janúar. Bryggjan var notuð fyrir
smábáta en útgerðarfélagið Gyllir,
sem gerir út togarann Ottó Wathne,
á bryggjuna. Borgarbryggja var
byggð fyrir um 20 árum.
DV-myndir Jóhann Jónsson
Loðnan sem fannst út af Austfjörðum:
Hafrannsóknastofnun vill
ekki gefa upp magnið
Eins og DV skýröi frá í gær fundu
Hólmaborg SU og Börkur NK eitt-
hvert magn af loðnu út af Austfjörð-
um. Rannsóknaskip Hafrannsókna-
stofnunar komu á svæðið og mældu
loðnuflekkinn. Hvorki Jakob Ja-
kobsson, forstjóri Hafrannsókna-
stofnunar, né Hjálmar Vilhjálmsson,
leiðangursstjóri á Bjama Sæmunds-
syni, vildu gefa það upp hve mikið
fannst þama.
Það eina sem Jakob Jakobsson
vildi segja var að þetta væri engin
sprengja, eins og hann orðaði það.
Hjálmar sagði í samtah viö DV að
þeir hefðu farið út th að mæla loðnu-
stofninn og það væri ekki fyrr en því
verki væri lokið að tölur yrðu gefnar
upp.
Hann sagði að leitarskipin hefðu
farið yfir allt svæðið frá Suðaustur-
landi að Norðausturlandi og fundið
þetta umrædda magn.
Ekkert hefur verið hægt að leita
úti fyrir Norðurlandi og Vestfjörðum
vegna veðurs.
-S.dór
Skipverjar á Jökulfelli:
Fá 200 prósent
áhættuþóknun
- þá daga sem skipið verður innan hættusvæðis
Fulltrúar frá stéttarfélögum skip-
stjóra, stýrimanna, vélstjóra, mat-
reiðslumanna og undirmanna fóm á
fund Samskipa í gær og skrifuðu
undir samning þess efnis að skip-
verjar á Jökulfelli fái 200 prósent
áhættuþóknun á meðan skipið verð-
ur innan hættusvæðis við Persaflóa.
Álagið leggst á heildarlaun.
Eins og fram hefur komið er skipiö
nú að flytja vopn og herbúnað til ótil-
greindrar hafnar við sunnanverðan
Persaflóa. Jökulfell á enn eftir nokk-
urra daga siglingu að svokölluðum
hættusvæðum. Reiknað er með að
áhættuþóknunin muni verða lögð á
í 4-5 daga, að sögn Guðmundar Hall-
varðssonar, formanns Sjómannafé-
lags Reykjavíkur. Líftrygging skip-
verja hefur þegar hækkað um helm-
ing. Sænskir og finnskir sjómenn
hafa gert sambærilega samninga við
sínar útgerðir.
Svæðiö, sem áhættuþóknunin nær
yfir, afmarkast af svæði út af Óman
sem er utan Persaflóa. Gert er ráð
fyrir að skipið verði 1-2 daga að losa
farminn í höfn viö Persaflóa. Losun-
arhöfn hefur ekki veriö gefin upp
ennþá. Skipstjóri og útgerð hafa
heimild th að krefjast öruggrar los-
unarhafnar. Eftir því sem DV kemst
næst er líklegt að Jökulfell muni
ljúka við aö losa umræddan farm
aðfaranótt 14. janúar. Skipið mun þá
halda áleiðis til Ástralíu þar sem lest-
að verður kjöt sem flytja á til Alsír.
-ÓTT
Skíðalandið í Bláfjöllum:
Vantar einn logndag
með blautum snjó
- segir Þorsteinn Hjaltason
„Það vantar hægviðri og blotasnjó.
Þá þarf ekki nema eins dags snjó-
komu í logni. Ef það gerist náum við
að troöa - þá væri þetta komið. En
snjólagið er of þunnt ennþá og þaö
vantar að snjói yfir allt. Áð vísu er
búið að troða neðan til og við höfum
haft barnalyftuna opna. Ég var að
vissu leyti búinn að lofa snjó um síð-
ustu helgi í útvarpi en varð því miö-
ur aö svíkja það,“ sagði Þorsteinn
Hjaltason, forstöðumaður Bláfjalla-
svæðisins, við DV aðspurður um
stöðu mála á skíðasvæðinu efra.
„Mér skilst að langtímaspá DV sé
óhagstæð - lítil sem engin úrkoma í
janúar. Ef það gengur eftir líst mér
ekki á það. En við verðum að vona
þaö besta og leggjast bara á bæn.
Okkur vantar bara aðeins meira af
snjó. Þó eitthvað hafi snjóað að und-
anfórnu hefur það verið þurrt og fok-
iö í burtu. Eina lyftan, sem nægur
snjór er undir, er barnalyftan. Við
keyrðum hana milli jóla og nýárs,"
sagði Þorsteinn.
Þrátt fyrir aö enn vanti nokkuö á
að svigskíðamenn geti rennt sér í
Bláijöllum segir Þorsteinn að hægt
sé að notast við bamalyftuna auk
þess sem færi fyrir gönguskíði sé
prýðilegt. -ÓTT
30 kýr handmjólkaðar á Kagaðarhóli:
Urðum að sækja vatnið til Blönduóss
Magnús Ólafesan, DV, Húnaþingi:
„Þetta er martröð sem ég vildi
ekki lifa aftur,“ sagði Sigríður Hö-
skuldsdóttir frá Kagaðarhóli í
Torfalækjarhreppi í samtah viö
DV.
„Rafmagnið fór af þegar við vor-
um langt komin meö mjaltir á
fimmtudagsmorgun. Það kom ekki
aftur fyrr en seint á fóstudag. En
vatnið kom ekki fyrr en á laugar-
dag þar sem vatnsdæla bhaði í raf-
magnsleysinu," sagði Sigríöur.
„Það er hlálegt að ætla sér að
vatna 30 mjólkurkúm úr fötum þó
að við höfum reynt þaö og vatnið
urðum við að sækja til Blönduóss.
Síðan reyndum viö að handmjólka
eftir þvi sem við gátum en þaö er
meira en að segja það að mjólka svo
margar kýr.“
Sigríður sagöi ennfremur að
kýrnar væru alls ekki búnar að
jafna sig eftir allt þetta. Hún nefndi
sem dæmi að gömul kýr hefði
drukkið yfir sig þegar hún fékk
vatniö á ný þannig að líkamshiti
hennar datt verulega niður. Um
tíma hélt Sigríður að kýrin væri
að drepast. Nokkru síðar komst lík-
amsstarfsemi kýrinnar aftur í samt
lag og virðist hún vera að ná sér.
•liíJrii
1 J ’i í 1)!
-----:—:--------. r~r
iiOí*morH no'íl iist