Dagblaðið Vísir - DV - 26.02.1991, Qupperneq 28

28
ÞRIÐJUDAGUR 26. FEBRÚAR 1991.
Mennirig
Ljódatónleikar
Dóra Reyndal sópransöngkona og Vilhelmína Ólafs-
dóttir píanóleikari héldu ljóðatónleika í Hafnarborg í
Hafnarfirði í gærkvöldi. Á efnisskránni voru verk eft-
ir Felix Mendelsohn Bartholdy, Franz Schubert, Carl
Loewe, Robert Schumann, Richard Strauss, Enrique
Granados og Joaquin Rodrigo,
Verkefnavaliö á þessum tónleikum var fjölbreytt og
ekki af auðveldari endanum. Tónleikarnir hófust á
Madchenblumen eftir Strauss, ástleitnum stúlkulýs-
mgum þar sem blóm eru notuð sem líkingar. Þetta eru
vel samin og falleg lög, töluvert hugmyndaauðug og í
sjálfstæðum stíl. Das erste Veilchen eftir Mendelsohn
og Die schla.nke Wasserlilie eftir Loewe eru ekki eins
viðamiklar tónsmíðar en einkar ljúflegar. Schumann
átti þarna tvö ágæt lög, Schneeglöckchen og Er ist.
Það var skemmtileg tilbreyting að heyra stutta ljóða-
flokka eftir spönsku tónskáldin Granados og Rodrigo.
Ekki skal fullyrt án nánari athugunar í hverju felst
sá spánski hreimur sem þessi lög greinilega höfðu en
skáldlegur glæsileiki er partur af því. Eitt lag skar sig
Tónlist
Finnur Torfi Stefánsson
úr í þessari annars góðu efnisskrá og bar af öðrum.
Heidenröslein Schuberts er ein af þessum perlum sem
sá mikli garpur átti til að sáldra í kring um sig. Af
hverju hljómar þetta látlausa og einfalda lag svo full-
komið? Því er vandsvarað en hluti svarsins liggur trú-
legast í því hve hugmyndin er skýr og útfærslan ein-
fóld.
Söngur Dóru Reyndal á þessum tónleikum var svolít-
ið misjafn. Sum lögin hljómuðu þó ágætlega, einkum
Schumann og nokkur spönsku laganna. Píanóleikur
Vilhelmínu var einkar þokkafullur og tónn hennar oft
fallegur.
Dóra Reyndal sópransöngkona og Vilhelmína Olafsdóttir pianóleikari.
Bridge
Bridgefélag byrjenda
Bridgefélag byrjenda hóf starf-
semi sína þriðjudagskvöldið 19. fe-
brúar. Spilað var á 15 borðum sem
er mjög góð þátttaka á fyrsta
kvöldi. Næsta spilakvöld félagsins
er þriðjudaginn 5. mars klukkan
19.30 og eru allir velkomnir meðan
húsrúm leyfir.
Það var sérstaklega ánægjulegt á
fyrsta spilakvöldi hve margir komu
einir og fengu mótspilara á staön-
um. Þeir sem hafa ekki fastan spila-
félaga eru sérstaklega hvattir til aö
koma í fyrra lagi til að fá aðstoð á
staðnum með spilafélaga.
íslandsmót í sveitakeppni,
undanúrslit
Undanúrslitin í íslandsmótinu í
sveitakeppni verða haldin á Hótel
Loftleiðum dagana 14.-17. mars
næstkomandi. Svæðasamböndin
eru sérstaklega minnt á aö 4. mars
verður að vera búið að skila til BSÍ
nöfnum allra þeirra sem eiga að
spila og greiða keppnisgjaldið sem
er 22 þúsund krónur á sveit.
Dregið veröur í riðla strax að
þessum fresti loknum. Dagskrá
mótsins verður sem hér segir:
Fimmtudagur 14. mars, 1. og 2.
umferð kl. 13.00 og 19.30.
Föstudagur 15. mars, 3. og 4. um-
ferð kl. 13.00 og 19.30.
Laugardagur 16. mars, 5. og,6. um-
ferð kl. 13.00 og 19.30.
Sunnudagur 17. mars, 7. umferð kl.
10.00.
Úrslit íslandsmóts í sveitakeppni
verða spiluð á Hótel Loftleiðum í
páskavikunni. Spilamennska í úr-
slitum hefst 27. mars og lýkur laug-
ardaginn 30. mars (fyrir páskadag).
Landsliðsmál
Landsliösmál fyrir landsliðin
sem keppa á þessu ári eru nú farin
að skýrast. Björn Eysteinsson hef-
ur tekið að sér að vera einvaldur í
opnum flokki og flokki yngri spil-
ara. Helgi Jóhannsson verður ein-
valdur kvennalandsliösins. Verk-
efnin sem liggja fyrir á þessu ári
eru Evrópumót á írlandi 15.-29.
júní. Þangað verður sent lið í opinn
flokk og kvennaflokk. Norður-
landamót yngri spilara verður í
Finnlandi að þessu sinni og sent
verður eitt'lið í þá keppni.
Fyrirkomulag vegna undirbún-
ings fyrir þessi mót mun liggja fyr-
ir á næstunni og verður birt í fjöl-
miðlum um leið og það liggur fyrir.
Bridgefélag Breiðfirðinga
Aðaltvímenningskeppni félags-
ins er nú hafin og er þátttakan 42
pör, Það er nokkru færra en undan-
farin ár, hverju sem um er að
kenna. Spilaður er tölvugefinn ba-
rómeter og eins og undanfarin ár,
sér Kristján Hauksson um útreikn-
ing. Spilaöar voru 7 umferðir fyrsta
kvöldið, 28 spil, og er staöa efstu
para þessi:
1. Sveinn Sgurgeirsson-
Hallgrímur Hallgrímsson 179
2. Jörundur Þórðarson-
Páll Bergsson 125
3. Guðmundur Karlsson-
Karl Jóhannsson 97
4. Kjartan Jóhannsson-
Jón Þorkelsson 92
5. Elvar Guðmundsson-
Marinó Kristinsson 88
6. Pétur Jónsson-
Kristján Jónsson 82
7. Þórður Jónsson-
Gunnar Karlsson 79
8. Óskar Þráinsson-
Guðlaugur Karlsson 73
9. Sigríður Pálsdóttir-
Eyvindur Valdimarsson 56
10. —11. Albert Þorsteinsson-
Kristófer Magnússon 47
10.—11. Guðmundur Kr.
Sigurðsson-Valdimar Jóhannsson
47
ÍS
BLIND
aíSn
H/FnA
U BHiBu h|umferðar
WrAð
Andlát
Jórunn Skúladóttir, Tunguseli 4,
Reykjavík, andaðist á heimili sínu
24. febrúar.
Bjarni Ólafsson, Hringbraut 51,
Keflavík, lést aðfaranótt 23. febrúar.
Rafnkell Jónsson frá Dýhóli lést á
elli og hjúkrunarheimilinu Skjól-
garði, Höfn, 23. febrúar.
Ósk Guðfinnsdóttir frá Litla-Galtar-
dal, Grenimel 17, Reykjavík, lést í
Landspítalanum 23. febrúar.
Leifur Þorleifsson, Hólkoti, Staðar-
sveit, lést þann 24. febrúar.
Guðrún K. Pétursdóttir, Hverfisgötu
63, lést í Landspítalanum 23. febrúar.
Benóný Benediktsson, fyrrum skák-
meistari, frá Kambhóli í Víðidal, lést
í Borgarspítalanum 25. febrúar.
Sigríður Helgadóttir, Njálsgötu 64,
andaðist sunnudaginn 24. febrúar.
Tómas Geirsson, Kirkjuvegi 72, Vest-
mannaeyjum, varð bráðkvaddur 24.
febrúar.
Bjarni Ólafsson verkstjóri, Hring-
braut 71, Keflavík, lést aðfaranótt 23.
febrúar.
Kristín Halldórsdóttir frá Vest-
mannaeyjum, Sævangi 47, Hafnar-
firði, lést 22. febrúar.
Jarðarfarir
Guðmundur Hólm, Skeggjagötu 23,
verður jarðsunginn frá Fossvogs-
kirkju miðvikudaginn 27. febrúar kl.
15.
Útför Laufeyjar Jónsdóttur, Bólstað-
arhlíð 45, fer fram frá Fríkirkjunni í
Reykjavík miðvikudaginn 27. febrú-
ar kl. 13.30.
Útfor Ragnheiðar Pétursdóttur,
Furugrund 70, Kópavogi, verður gerð
frá Kópavogskirkju miðvikudaginn
27. febrúar kl. 15.
Útfór Kjartans G. Jónssonar, fyrr-
verandi kaupmanns, Sóleyjargötu 23,
Reykjavík, verður gerð frá Dóm-
kirkjunni föstudaginn 1. mars nk. kl.
10.30.
Útför Guðbjarts G. Egilssonar fyrr-
verandi framkvæmdastjóra, sem lést
á heimili sínu, Hrafnistu í Reykjavík,
mánudaginn 18. febrúar, fer fram frá
Dómkirkjunni í Reykjavík miðviku-
daginn 27. febrúar kl. 13.30.
Árni Guðmundsson lést 13. febrúar.
Hann fæddist 18. júlí 1919 í Viðvík í
Viðvíkursveit í Skagafirði. Foreldrar
hans voru Guðmundur Benjamíns-
son og Anna Jónsdóttir. Árni lauk
námi í múrverki og starfaði lengst
af við þá iðn. Hann giftist Önnu Guð-
mundsdóttur, en hún lést árið 1982.
Útför Árna verður gerð frá Dóm-
kirkjunni í dag kl. 13.30.
Björg Sveinbjörnsdóttir lést 13. fe-
brúar. Hún fæddist í Sæmundarhlíð
í Reykjavík 13. ágúst 1913, dóttir
hjónanna Ólafiu Jónsdóttur og Jóns
Sveinbjörns Sæmundssonar. Björg
vann lengst af við ræstingar hjá
Slökkviliðinu í Reykjavík og Sjóvá-
tryggingarfélagi íslands. Útfor henn-
ar verður gerð frá Fossvogskirkju í
dag kl. 13.30.
Nils ísaksson, fv. skrifstofustjóri, lést
16. febrúar. Hann var fæddur á Eyr-
arbakka 3. mars 1893. Foreldrar hans
voru hjónin ísak Jónsson og Ólöf
Ólafsdóttir. Árið 1946 hóf Nils störf á
skrifstofu Síldarútvegsnefndar á
Siglufirði og starfaði þar í rúmlega
tvo áratugi, lengst af sem skrifstofu-
stjóri. Eftirlifandi eiginkona hans er
Steinunn Stefánsdóttir. Þau hjónin
eignuðust fjögur börn. Útfór Nils
verður gerð frá Fossvogskirkju í dag
kl. 15.
Safnaðarstarf
Þriöjudagur
Breiðholtskirkja: Bænaguðsþjónusta í
dag kl. 18.30. Fyrirbænaefnum má koma
á framfæri við sóknarprest í viðtalstím-
um hans þriðjudaga til fóstudaga kl.
17-18.
Dómkirkjan: Mömmumorgnar í safnað-
arheimilinu miðvikudaga kl. 10-12.
Grensáskirkja: Biblíulestur í dag kl. 14
í umsjón sr. Halldórs S. Gröndal. Síðdeg-
iskaffi.
Hallgrímskirkja: Fyrirbænaguösþjón-
usta í dag kl. 10.30. Beðið fyrir sjúkum.
Kvöldbænir með lestri Passíusálma kl.
18.
Kársnessókn: Biblíulestur í safnaðar-
heimilinu Borgum í kvöld kl. 20.30.
Langholtskirkja: Foreldramorgnar mið-
vikudag kl. 10 f.h. í umsjón Sigrúnar E.
Hákonardóttur. Starf fyrir 10 ára og eldri
miðvikudaga kl. 17. Þór Hauksson og
Óskar Ingi Ingason leiða.starfið.
Seltjarnarneskirkja: Opiö hús fyrir for-
eldra ungra bama kl. 15-17.
Seljakirkja: Mömmumorgunn. Opið hús
kl. 10. Herdís Sargaard fjallar um slysa-
vamir fyrir böm í heimahúsum.
Tilkyimingar
Keramikhúsið opnar
nýja verslun
Keramikhúsið hefur verið flutt úr Skip-
holti og hefur verið opnuö ný verslun og
verkstæði að Faxafeni 10 í Reykjavík.
Húsnæðið er alls 460 m- og skiptist í sýn-
ingarsal, verslun og stórt verkstæði í
kjallara. Jafnframt aukast möguleikar
fyrir leirlistafólk því nú er hægt að bjóða
námskeið í hnoðleir og postulínsmálun.
Kennari er Gréta Sturludóttir. Keramik-
húsið býður enn gott úrval af steyptum,
ógleijuðum munum svo og fullunninni
vöru. í versluninni er sýningarsalur sem
leigður verður listamönnum endur-
gjaldslaust. Keramikhúsið er nú 20 ára
og verslunarstjóri er Kolbrún Svein-
björnsdóttir.
Gamlar myndir úr Kópavogi
Út er komin mappa með gömlum mynd-
um úr Kópavogi. Mappan er gefin út í 99
númeruðum eintökum og inniheldur
hver þeirra 5 myndir í stærðinni 43 sm
x 32 sm. Myndirnar eru teknar í Kópa-
vogi frá því um 1920 til 1969 og sýna á
skemmtilegan hátt þær breytingar er
orðiö hafa á bænum á sl. áratugum. Björn
Þorsteinsson bæjarritari skrifaði ágrip
af sögu bæjarins sem fylgir hverri möppu
ásamt upplýsingum um myndirnar. Út-
gáfufyrirtækið Líf og saga gefur möpp-
urnar út. Handknattleiksdeild Breiða-
bliks mun sjá um sölu á möppunum.
Mappan kostar 9.900 kr. Þeir sem hafa
áhuga geta fengjð nánari upplýsingar í
síma 40354 á daginn og í símum 46949 eða
679434 á kvöldin. Á myndinni tekur Sig-
urður Geirdal bæjarstjóri við fyrstu
möppunni.
Kvenfélag Kópavogs
Spilað verður í kvöld í félagsheimili
Kópavogs. Byrjað verður að spila kl.
20.30. Allir velkomnir.
Barnaskákmót
Sunnudaginn 3. mars }d. 14 verður haldiö
barnaskákmót,, ABC mótið, á vegum
Skáksambands íslands og Fróða hf. Mót-
ið verður haldið í húsnæði skákhreyfmg-
arinnar að Faxafeni 12 og er opið öllum
börnum sem fædd eru 1978 og síöar. Góð
verðlaun eru í boöi og allir keppendur fá
viðurkenningarskjal. Skráning á mótið
fer fram í síma Skáksambandsins 689141
vikuna 25. febrúar til 1. mars milli kl. 11
og 12.
Námstefna:
Glerbyggingar og glerþök
Notkun glers í byggingum hefur farið
mjög vaxandi undanfarin ár. Nægir þar
að nefna stórbyggingar, eins og Flugstöð
Leifs Eiríkssonar, Þjóðarbókhlöðuna,
veitingahúsið á Öskjuhlíð, auk fjölda
smærri mannvirkja. Mikil þörf er fyrir
aukna þekkingu hjá islenskum hönnuð-
um og byggingaraðilum á þessu sviði og
því mun Endurmenntunarnefnd Háskóla
Islands þann 28. febrúar kl. 8.30-17 og 1.
mars kl. 8.30-13 standa fyrir námstefnu
um hönnum glerbygginga við íslenskar
eða norrænar aðstæður. Námstefnan er
ætluð hönnuðum bygginga, s.s. arkitekt-
um, tæknifræðingum, verkfræðingum og
umsjónaraðilum glerbygginga. Markmið
námstefnunnar er að reyna að sýna hvað
hægt er að gera með glerbyggingum í
dag, hvað þarf að varast og hvaða kröfur
þarf að gera til slíkra bygginga á Norður-
slóðum. Fyrirlesarar verða sérfræðingar
frá Danmörku, Noregi og Svíþjóð auk
íslenskra arkitekta og verkfræðinga.
Skráning þátttakenda er í sima 694949 í
símum 694923-24.