Dagblaðið Vísir - DV - 04.04.1991, Qupperneq 2
2
FIMMTUDAGUR 4. APRÍL 1991.
Fréttir
Þátttaka Tryggingastofnunar 1 tannlæknakostnaði:
Jaf nhá greiðsla og til
sérfrædinga í læknastétt
tannlækningar þó ekki til umræðu í fj ármálaráðuneytinu
Á fjárlögum í ár er gert ráð fyrir
að Tryggingastofnun ríkisins muni
verja ríflega 1,1 milljarði til að taka
þátt í tannlæknakostnaði ungmenna
yngri en 17 ára, ellilífeyrisþega og
öryrkja. Þetta er sama upphæð og
ráðgert er að verja til að greiða niður
kostnað fólks sem leitar til sjálfstætt
starfandi sérfræðinga í læknastétt-
inni.
Miklar deilur hafa staðið milli Ól-
afs Ragnars Grímssonar flármála-
ráðherra við læknafélögin vegna
þeirra greiöslna sem þeir fá úr ríkis-
sjóði. I gær kvaðst Ólafur til dæmis
vilja afnema með öllu greiðslur úr
ríkissjóði til sjálfstætt starfandi sér-
fræðinga. Hann segir opinbera heil-
brigðiskerfið það vel búið að hægt
væri að veita sömu þjónustu og þeir
inni á sjúkrahúsunum og heilsu-
gæslustöðvunum á mun ódýrari
máta. Sparnaðinn segir hann geta
skipt hundruðum milljóna.
Þaö hefur hins vegar vakið furðu
margra sem þekkja til heilbrigðis-
kerflsins að Ólafur Ragnar skuli ekki
leggja fram svipaðar tillögur varð-
andi tannlæknakostnaðinn. Að mati
margra gilda sömu rök gagnvart
tannlæknum og sérfræðingum utan
sjúkrahúsa. Sé hægt að ná fram
sparnaði með því að færa alla sér-
fræðingaþjónustu inn á sjúkrahús
og heilsugæslustöðvar ætti það einn-
ig að gilda um tannlæknaþjónustuna
sem að stærstum hluta er starfrækt
af sjálfstætt starfandi tannlæknum
og sérfræðingum.
Að sögn Magnúsar R. Gíslasonar
yfirtannlæknis í heilbrigðisráðu-
neytinu, er það þekkt viða erlendis
að hið opinbera starfræki slíkar
stöðvar. Áð sögn talsmanna þessa
fyrirkomulags þeirra myndi þetta
fyrirkomulag draga úr lítt nauðsyn-
legum aðgerðum og verða ódýrara
fyrir ríkið án þess þó að þjónusta við
sjúklinga verði lakari.
Að sögn Kristjáns Guðjónssonar,
deildarstjóra sjúkratryggingadeildar
Tryggingastofnunar ríkisins, hafa
útgjöld stofnunarinnar vegna þjón-
ustu tannlækna annars vegar og sér-
fræðinga utan sjúkrahúsa hins vegar
verið svipuð á undanförnum árum.
Aðspurður kveðst Kristján ekki
búast við að sá samningur, sem
Tryggingastofnun hefur nýverið gert
við tannlækna, muni fela í sér aukin
útgjöld hjá stofnuninni. Hins vegar
megi búast við einhverri útgjalda-
aukningu á þessu ári þar sem enginn
samningur var á síðasta ári við sér-
fræðinga í tannlæknastétt varðandi
tannréttingar.
-kaa
Iðnhðarmenn voru að leggja gólfdúk á nýja dómsalinn i Hæstarétti í gær. Hann er 50 fermetrar að flatarmáli.
Tilkoma nýja salarins hefur í för með sér að hægt verður að flytja mál í báðum deildum Hæstaréttar samtímis.
DV-mynd Brynjar Gauti
Nýr dómsalur tekinn 1 notkun á Lindargötu í næstu viku:
Starf semi Hæstaréttar skilvirkari
- málílutningur í Hafskipsmálinu mun ekki tefja önnur mál
Næstu daga verður nýr dómsalur
tekinn í notkun til viðbótar við aöal-
dómsal Hæstaréttar í húsnæði hans
við Lindargötu. Ætlunin er að reyna
að koma nýja salnum í notkun áður
en Hafskipsmálið verður tekið fyrir
í aðalsal Hæstaréttar frá 9.-19. apríl.
Þannig tefst ekki afgreiðsla annarra
mála á meðan.
Með tilkomu nýja salarins er ætl-
unin að freista þess að láta mál ganga
hraðar fyrir sig í Hæstarétti. Með
þessu móti verður hægt að flytja mál
í báðum deildum Hæstaréttar sam-
tímis. A-deildin, sem er flmm manna
dómur, verður í aðalsalnum á efri
hæð hússins, en B-deildin, sem er
þriggja manna dómur, verður með
mál í nýja salnum á neðri hæðinni.
Hinn nýi dómsalur er 50 fermetrar
að flatarmáli.
Að minnsta kosti þrjú umfangs-
mikil mál verða flutt í aðalsal Hæsta-
réttar með vorinu. Málflutningur í
svokölluðu Hafskipsmáli hefst næst-
komandi þriðjudag. Ætlunin er að
reyna að Ijúka málflutningi fyrir 19.
apríl. Hefði nýi salurinn ekki verið
kominn f notkun fyrir þann tíma
hefði þurft að fresta málflutningi í
öðrum málum sem því nemur. Svo-
kallað Stóragerðismál og mál Ómars
Jóhannssonar vegna Þýsk-íslenska
verða einnig flutt á næstunni í
Hæstarétti.
í nýja salnum var áður bókaher-
bergi. Bækurnar hafa nú verið flutt-
ar í geymsluhúsnæði. Nýi salurinn
verður einnig notaður sem fundar-
salur fyrir hæstaréttardómarana þar
sem þeir munu sitja fundi og ræða
viðkomandi mál eftir flutning þeirra.
Að sögn Erlu Jónsdóttur hæsta-
réttarritara er með tilkomu nýja
dómsalarins verið að leitast við að
gera starfsemi Hæstaréttar skilvirk-
ari. Erla sagði við DV í gær að breyt-
ingarnarhefðumælstvelfyrir. -ÓTT
Framsókn fær ekki auglýs-
ingar á strætisvagnana
Gylfi ICristjánsson, DV, Akureyri:
Framsóknarflokkurinn fær ekki að
auglýsa á strætisvögnum á Akureyri
eins og flokkurinn haföi samið um
við fyrirtækið en auglýsingar frá
Framsóknarflokknum áttu að vera á
vögnunum út aprílmánuð.
Framsóknarmenn ætluðu að
greiða 200 þúsund krónur fyrir aug-
lýsingarnar á vögnunum en bæjar-
ráö Akureyrar ákvað síðan á fundi
sínum í gær að banna þessar auglýs-
ingar á vögnunum, sem og aðrar
pólitískar auglýsingar.
Berglind Björk Jónasdóttir syngur leynilag:
Þegar hjörtun slá í takt
- klukkan fjögur íjörutíu og íjögur
Klukkan 4:44 eða þegar klukkuna
vantar sextán minútur í fimm í dag
mun hljóma lag, sem Berglind Björk
Jónasdóttir syngur, á öllum útvarps-
stöðvunum. Lagið heitir Þegar hjört-
un slá í takt og höfundurinn kallar
sig 4.4. eða fjórði apríl.
Tilefni þessa er getraun sem hlust-
endur útvarpsstöðvanna geta spreytt
sig á. Þeir eiga að reyna að geta upp
á hver höfundur lagsins er, senda inn
svör og síðan verður dregiö úr þeim
þann 14.4.
Berghnd Björk er ekki öllum kunn
þar sem hún hefur aðeins sungið á
Akureyri en þar hefur hún dvalist í
vetur og sungið í söngleiknum
Kysstu mig Kata og Sjallanum.
„Þeir sem standa að þessu lagi eru
ákveðnir í að koma mér á framfæri,
skilst mér! Ég hef að vísu sungið frá
1986 í Reykjavík en við lítinn orðstír.
Ég var mjög hreykin þegar aðstand-
endur þessa lags báðu mig um að
syngja það en það kemur út á safn-
plötu seinna í vor,“ segir Berghnd
Björk. Þess má geta að Berglind er
dóttir Jónasar Jónassonar, rithöf-
undar og tónskálds.
Tímasetning útsendingarinnar,
höfundamafn lagsins og dagurinn
sem leyndarmálið verður upplýst er
á frekar dularfullum nótum. Berg-
lind Björk vill ekkert upplýsa um
þetta mál.
„Þetta er kannski eitthvað fyrir
tölspekinga að reyna við. Ahar þess-
ar tölur, 4:44,4.4., 14.4. hljóta að þýða
eitthvað. Höfundur er landsþekktur
og það kemur í ljóst 14.4. hver hann
er og líka vinningshafar í getraun-
inni. Þangað til verður fólk að bíða,“
segir Berglind Björk Jónasdóttir.
-ns
Berglind Björk Jónasdóttir.
„Malagafanginn“ dæmd-
ur í 11 mánaða fangelsi
- sýknaðurafþviaðstelasjónvarpiúríbúð
Maður, sem þekktur er undir nafn-
inu Malagafanginn, hefur verið
dæmdur í 11 mánaöa fangelsi í
Hæstarétti fyrir þjófnað og ávísana-
fals. Hann hefur margítrekað komið
við sögu réttvísinnar á síðustu árum
og var mið tekið af því í dóminum.
Maðurinn var ákærður fyrir þjófn-
að á matvælum úr verslun við Eddu-
fell, innbrot og þjófnað í söluturn við
Skúlagötu og að hafa notað eða reynt
aö nota sjö tékka á stolnum eyðu-
blöðum sem hann falsaði nafn útgef-
anda og reikningsnúmer á. Fyrir
þessi brot var maðurinn sakfelldur.
Maðurinn var hins vegar sýknaður
af ákæru vegna innbrots sem hann
hafði verið dæmdur fyrir í Sakadómi
Reykjavíkur. Hann læsti konu inni í
íbúð sem hann hafði umráð yfir á
Nýlendugötu í fyrrasumar. Fór hann
við svo búið í íbúð konunnar í Klyfja-
seh, skrúfaöi þar stormjárn úr
gluggafagi og fór inn. Þar tók hann
sjónvarpstæki, útvarp og segulband
í eigu konunnar. Þegar hann var aö
bera varninginn út í leigubíl handtók
lögreglan manninn. Hann var síðan
búinn að vera í fangageymslum í
nokkurn tíma þegar menn frá RLR
hleyptu konunni út úr læstri íbúð-
inni á Nýlendugötu.
Konan bar hjá sakadómi að hún
hefði alls ekki heimilað manninum
að fara í íbúð sína. Maðurinn bar
hins vegar að hann hefði ætlað að
ná í tækin th að ílytja tónlist í með
konunni í íbúð sinni. Framburði sak-
borningsins bar heldur ekki saman
við vitni.
Hæstiréttur taldi hins vegar ekki
sannað að maðurinn hefði haft þann
ásetning aö slá eign sinnig á tækin
sem hann flutti úr íbúðinni. Var
meðal annars stuðst við lagaákvæði
um að vafaatriði beri að meta sak-
borningi í hag. Ríkissjóður var
dæmdur til að bera kostnað af þess-
um lið málsins.
-ÓTT