Dagblaðið Vísir - DV - 23.04.1994, Page 8

8
LAUGARDAGUR 23. APRÍL 1994
Vísnaþáttur___
Meðan
brunnu
blysin fá
Þegar ljóð Þorsteins Erlingsson-
ar birtust fyrst á prenti í Sunnan-
fara og Eimreiðinni vöktu þau
strax mikla athygli og þeir voru
margir sem reyndu að stæla hann
með misjöfnum árangri. Um það
leyti sepi „Eiðurinn" fór að birtast
í Eimreiðinni voru eftirfarandi
stökur kveðnar norður í Þingeyjar-
sýslu. Ég veit ekki hver höfundur
þeirra er:
Þótt fólni lauf um dapran dag,
dvíni hfsins kraftur,
getur Þorsteins gígjuslag
gætt þau lífi aftur.
Fyrr þótt bæri andans auð
óðmæringa letur,
létu þeir aldrei laufin dauð
lifna um kaldan vetur.
Ekki eru ljóðin lýtum sett
né löguð máli þungu;
ferhendurnar falla létt
fram af Þorsteins tungu.
Eitt þó sá ég allra fyrst
- ekki fór það í hljóði -
það hefur enginn klökkar kysst
konumunn í ljóði.
Svo er lipurt léttri mund
ljóða- spunninn -sími
að andvörp heit við ástafund
anda í léttu rími.
Stökuna hér næst á eftir fann ég
í fórum mínum en man (eða veit)
því miður ekki hvar ég hef fengið
hana, hugsanlega frá Sigurði frá
Haukagih en gott þætti mér ef ein-
hver gæti frætt mig um tilurð
hennar. Aðalsteinn Kristmunds-
son (Steinn Steinarr) er sagður
höfundur hennar:
Að mæla ljóð og miðla óð
mér er létt og allvel hent,
tals um sjóð er tungan fróð,
tignum spennt á orðamennt.
Ingibjörg Sigfúsdóttir í Forsælud-
al:
Áður taldi íslensk þjóð
óðsnihdina gæði.
Samin voru og lesin ljóð
lærð og sungin kvæði.
Nú má kaupa þessi þjóð
þrykkt og gyht í sniðum
í gerviskinni gerviljóð
af gerviljóðasmiðum.
Ólína Jónasdóttir (frá Fremri-
Kotum í Skagafirði), skáldkona á
Sauðárkróki (1885-1956):
Alla daga er yndi mér
- ei þó fagurt syngi -
bögur laga, en bara er
brot úr hagyrðingi.
Enn er gleðin undra hlý
óðs frá gróðurlínum,
þó var hljóðið annað í
æskuljóðum mínum.
Hýmar nú um hraun og teig,
haginn klæðum skiptir.
Finn ég enn að vorsins veig
von og þránum lyftir.
Ertir mölin iljamar,
örin mörg þar geyma.
Mikið undur mýkri var
melurinn gamU heima.
Gunnlaugur Hjálmarsson, verka-
maður á Akranesi (1904-1976);
Andans heilsa er oftast góð
allra á söngva þingum,
þegar blandast lag og ljóð
ljúfum tilfinningum.
Ókunnur höfundur:
Best mér hefur stundir stytt
stakan yndisríka.
Hún gat verið hjarta mitt,
himinn, veröld líka.
Bragi Jónsson í Hofgörðum í
Staðarsveit (Refur bóndi):
Dvalins glóð ei dvínar góð,
drótt sá óður kætir.
Eru ljóðin íslands þjóð
andans fóðurbætir.
Jónas Stefánsson frá Kaldbak í
Reykjadal, S-Þing., bóndi og skáld
í Mikley í Winnipegvatni (f. 1878):
Ferskeytlan sinn fána bar,
fljót í andans brýnum.
Aldrei meira mannvit var
mælt í fjórum línum.
Vísnaþáttur
Torfi Jónsson
Kristján frá Djúpalæk orti um
Jakob Ó. Pétursson, ritstjóra ís-
lendings á Akureyri:
Gaman væri að vera slyngur
vísnasmiður.
Eins og Jakob íslendingur
er því miður.
Þá kemur hér staka sem sögð er
úr Borgarfirði eystra en á höfundi
hennar veit ég engin deih:
Á íslandi þó oft sé kalt
og ærnar drepi horinn
ferhendurnar fljúga um aht
sem fiðrildin á vorin.
Síðasta vísan að þessu sinni er
sögð eftir Guðlaug Jónsson á
Krossi, nafnið og bæjarnafnið er
allt og sumt sem ég um hann veit
og eftirgrennslan hefur ekki borið
árangur. Upplýsingar um höfund-
inn þakklátsamlega þegnar svo og
stökur eftir hann sem fullvíst má
telja að séu góðar sé miðað við þá
sem fer hér á eftir.
Meðan brunnu blysin fá,
braglist unni þjóðin smá,
ferskeytlunnar fræðin há
flestir munnar sungu þá.
Torfi Jónsson
Matgæðingur víkuimar_d
Laukbaka og
súkkulaðikaka
„Ég ætla að gefa uppskrift af
laukböku, sem ég fékk þegar ég var
á matreiöslunámskeiði hjá Hilmari
B. Jónssyni," sagði Margrét Ás-
geirsdóttir, húsmóðir og matgæð-
ingur DV. „Þessi uppskrift er í
miklu uppáhaldi hjá mér og ég nota
hana mikið þegar við fórum í ferða-
lög, t.d. í sumarbústaöinn. Þá geri
ég hana daginn áður og ber hana
svo kalda fram.“
í laukböku Margrétar þarf:
300 g hveiti
150 g smjör eða smjörlíki
1 egg
2 msk. kalt vatn
1 A tsk. salt
Gott er að nota blandara ef hann
er til á heimilinu. Hveitið og smjör-
ið er hrært saman, þar til það er
komið í kurl. Síðan er egginu og
vatninu bætt saman við, auk salts-
ins. Síðan er hrært þar til deigið
verður þétt kúla, sem losnar frá
skáhnni.
Fyllingin
í hana þarf eftirfarandi:
200 g beikon
V egg
700 g lauk
2 msk. majoram
l'A tsk. salt
smjörlíki til steikingar
Laukurinn er saxaður niður.
Margrét bendir á að mjög gott sé
að „setja upp skíðagleraugun“
meðan á því verki standi til að tára-
flóðið verði minna. Laukurinn er
gljáður í smjörlíkinu, hann má alls
ekki brúnast. Síðan er beikoninu
og kryddinu bætt saman við. Eggin
eru slegin í skál, það sem á pönn-
Margrét Ásgeirsdóttir matgæöing-
ur.
unni er látið kólna og síðan bætt
saman við eggin. Þá er öllu hellt í
30 sentímetra pæform sem hefur
verið klætt innan með deiginu.
Rétturinn er skreyttur með af-
skurði af deiginu og hugmynda-
flugið látið ráða ferðinni í þeim efn-
um. Bakað í 200-220 stiga heitum
ofni í 20-25 mínútur. Gott að bera
fram með hrásalati.
„Ég hef stundum skorið bökuna
niður í litlar sneiðar og haft með í
ferðalög. Þá er hún stýfö úr hnefa
ef svo má segja,“ sagði Margrét.
„Þetta er matarmikill réttur og
verulega góður.“
Súkkulaðikaka
Margrét gefur einnig uppskrift
að súkkulaðiköku. „Þessi uppskrift
hefur fylgt mér frá því að ég man
eftir mér. Hún hefur verið notuð í
afmælum og kaffiveislum innan
fjölskyldunnar í langan tíma,“
sagði Margrét. „Hana má einnig
nota sem eftirrétt."
Kakan er bökuð í 24 sentímetra
formi, 2 botnar.
í kökuna fer eftirfarandi:
1 bolli sykur
1 bohi hveiti
1 bolli súrmjólk
1 bohi kakó
100 g smjör, brætt
2 tsk. lyftiduft
salt
2 egg.
Sykur og smjörlíki hrært saman,
eggjum síðan bætt út i og loks þurr-
efnunum. Bökuð við 175-200 gráð-
ur, þar til kakan fer að losna frá
mótunum.
Kremið
1 'A bolli flórsykur
1 egg
100 g brætt súkkulaði.
100 g plöntufeiti
'/> bolli sérrí
Súkkulaðið og plöntufeitin brædd
við eins lítinn hita og hægt er. Síð-
an er öhu hrært saman vel og lengi
þannig að það verði stíft. Kremið
er sett milli botna og smurt utan á
kökuna. Hana verður síðan að
geyma í ísskáp og bera fram kalda,
þannig að kremið sé nær hart.
Margrét segir að gott sé að bera
mikinn rjóma fram með þessari
köku.
Margrét skorar á vinkonu sína,
Maríu Elíasdóttur tannlækni.
„Hún er snjall kokkur og kemur
áreiðanlega með eitthvað girni-
legt,“ sagði hún.
Hirihlidin
Lifandi starf
- segir Pálmi Guðmundsson, umsjónarmaður þáttarins Popp og kok
Þetta er mjög lifandi og skemmti-
legt starf,“ segir Pálmi Guðmunds-
son, sem tekið hefur við umsjón
þáttarins Popp og kók á Stöð 2 af
Ingibjörgu Stefánsdóttur. Hann
segist hafa gert ýmsar breytingar á
þættinum, sem hafi hlotið góðar
undirtektir. Pálmi sýnir á sér hina
hliðina í dag.
Fullt nafn: Pálmi Guðmundsson.
Fæðingardagur og ár: 17.07. 1973.
Maki: Unnusta Rakel Ragnarsdótt-
ir.
Börn Engin.
Bifreið: Volkswagen Golf 1994.
Starf: Dagskrárgerðarmaður á
Bylgjunni og Stöð 2 og kynningar-
fulltrúi Pláhnetunnar.
Laun: Já, sem betur fer.
Áhugamál: Fjölmiðlar, tónhst,
markaðsmál.
Hvað hefur þú fengið margar réttar
tölur i lottóinu? Bara eina.
Hvað finnst þér skemmtilegast að
gera? Það sem ég geri hverju sinni,
en það svíkur aldrei að verá innan
um vinina.
Hvað finnst þér leiðinlegast að
gera? Öll rútína fer í taugarnar á
mér og almenn heimihsstörf eru
óspennandi.
Uppáhaldsmatur: Mexíkóskur og
ítalskur.
Uppáhaldsdrykkur: Kóka kóla og
eins er gott að fá ískaldan bjór
stöku sinnum.
Hvaða íþróttamaður finnst þér
Pálmi Guðmundsson.
DV-mynd BG
standa fremstur í dag? Elsa Nilsen
badmintonkappi.
Uppáhaldstímarit: N.M.E. (New
Musical Express) og Rolhng Sto-
nes.
Hver er fallegasta kona sem þú
hefur séð fyrir utan maka? Amma
mín, Margrét ísleifsdóttir.
Ertu hlynntur eða andvígur rikis-
stjórninni? Frekar hlynntur.
Hvaða persónu langar þig mest til
að hitta? Ég væri th í að lenda í
rökræðum við Saddam Hussein.
Uppáhaldsleikari: Hjálmar Hjálm-
arsson og Siggi Siguijóns.
Uppáhaldsleikkona: ' Ingibjörg
Gréta Gísladóttir.
Uppáhaldssöngvari: Nú, Stefán
Hilmarsson.
Uppáhaldsstjórnmálamaður: Ingi-
björg Pálmadóttir framsóknar-
kona.
Uppáhaldsteiknimyndapersóna:
Garfield kemur áterkur inn hveiju
sinni.
Uppáhaldssjónvarpsefni: Staupa-
steinn var frábær og svo var Barði
hamar alltaf góður.
Ertu hlynntur eða andvígur veru
varnarliðsins hér á landi? Ég hef
varla séð að það sé varnarlið á ís-
landi. Það er orðið hálfmáttlaust.
Hver útvarpsrásanna finnst þér
best? Gettu! Bylgjan.
Uppáhaldsútvarpsmaður: Get ekki
gert upp á mihi vinnufélaga minna.
Hvort horfir þú meira á Sjónvarpið
eða Stöð 2? Stöð 2.
Uppáhaldssjónvarpsmaður?Ég vh
ekki gera upp á mhli þeirra.
Uppáhaldsskemmtistaður: Casa-
blanca.
Uppáhaldsfélag í íþróttum: Fylkir.
Stefnir þú að einhveiju sérstöku i
framtíðinni? Bæta mig í því sem ég
tek mér fyrir hendur hveiju sinni
og svo vitanlega að fjölga mann-
kyninu.
Hvað ætlar þú að gera í sumarfri-
inu? Fyrr á árinu fór ég th London
th þess að sjá Björk á hljómleikum.
Það verður því lítið ferðast í ár, þó
kannski í ágúst th Þýskalands.