Dagur - 03.06.1988, Blaðsíða 5
„Hlakka mikio til
að koma heim aftur“
- Bjarni Kr. Grímsson A
nýráðinn bæjarstjóri í Ólafsfirði á línunni
Á línunni í dag er Bjarni Kr.
Grímsson, 33 ára Ólafsfirðingur
og nýráðinn bæjarstjóri þar í
sinni heimabyggð. Bjarni tekur
við starfinu af Valtý Sigurbjarn-
arsyni og segist gera ráð fyrir að
hefja störf um mánaðamótin
júlí-ágúst eða svo. Þangað til
hyggst hann skila af sér núver-
andi starfi en Bjarni hefur gegnt
starfi kaupfélagsstjóra hjá
Kaupfélagi Dýrfirðinga á Þing-
eyri.
- Sæll vertu Bjarni. Segðu
mér nú aðeins af námsferlinum
svona til að byrja með.
- Já sæll vertu. Jú ég lauk
grunnskóla og landsprófi á
Ólafsfirði og hélt síðan í
Menntaskólann á Akureyri þar
sem ég lauk stúdentsprófi 1975.
Þaðan fór ég svo með konu
mína Brynju Eggertsdóttur og
barn, suður til Reykjavíkur.
- Hvert lá leiðin svo næst?
- Hún lá í Háskólann þar
sem ég var svo bjartsýnn að
hefja nám í læknisfræði. Ég
gafst nú upp á því fljótlega eftir
áramót og hóf störf hjá Fisk-
veiðasjóði. Haustið eftir hélt ég
svo í viðskiptafræðina en vann
áfram hjá sjóðnum.
- Pannig að þú þekkir þetta
kerfi sem er opinbera sjóðakerf-
ið vel.
- Já ég kannast auðvitað vel
við það um hvað þetta snýst. í
svona störfum kynnist maður
mönnum og málefnum víðs veg-
ar í kerfinu og víða um land."
- Pað er kannski það sem
gildir í starfi bæjarstjóra.
- Já og það er heldur ekki
sama hvernig ntálin eru lögð
upp fyrir menn, bæði innan
kerfis og utan.
- Kemur þessi reynsla til með
að nýtast þér í nýju starfi, og þá
Ólafsfirðingum?
- Já ég vona það.
- Laukstu svo þínu prófi í
viðskiptafræðinni á tilskildum
tíma?
- Nei raunar kom nokkuð
upp á sem seinkaði mér lítillega.
í framhaldi af störfum mínum
að sjávarútvegi komu rnenn að
máli við mig árið 1980 og ósk-
uðu eftir að ég gegndi starfi
framkvæmdastjóra hjá Fiskiðju
Sauðárkróks í forföllum Mar-
teins Friðrikssonar Þar var ég í
hálft ár.
- Var þetta ekki að færast
nokkuð mikið í fang?
- Jú kannski var það og
kannski ekki. Hins vegar gerir
maður auðvitað ekki annað en
að reyna að halda í horfinu þeg-
ar maður hleypur svona í
skarðið.
- Og það hefur gengið.
- Já, já það gekk og þetta var
mjög góður skóli. Nú í fram-
haldi af þessu réðist ég svo sem
viðskiptafræðingur til Fiskveiða-
sjóðs, eftir að ég hafði lokið
prófi, og var þar í tvö ár áður en
ég kom hingað til Þingeyrar þar
sem ég hef verið í fimm og hálft
ár.
- Er þetta mikið starf, að
vera kaupfélagsstjóri á Ping-
eyri?
- Þetta er ansi fjölþætt starf
því rekstur kaupfélagsins spann-
ar allt atvinnulífið. Við höfum
verslun, ýmiss konar þjónustu,
sláturhús, fiskimjölsverksmiðju,
hraðfrystihús og útgerð þannig
að maður kynnist ýmsu.
- Er Pingeyri mikill „kaupfé-
lagsstaður"?
- Kaupfélagið er hér með
90% af öllum atvinnurekstri og
oft á tíðum eini fasti punkturinn
í atvinnulífi staðarins.
- Pannig að þú ert kannski
hálfgerður bæjarstjóri þarna.
- Ekki segi ég það nú en
óneitanlega er þetta mikil
ábyrgðarstaða og maður hefur
áhrif víða hér í þorpinu. Út af
fyrir sig má segja að staða fram-
kvæmdastjóra hjá kaupfélagi og
hjá bæjarfélagi séu ekki ólíkar.
Þar eru menn að ræða opinskátt
um það hvernig á að gera hlutina
og reyna að komast að sameig-
inlegri niðurstöðu.
- Ertu samvinnumaður?
- Ja hvað skal segja? Maður
er náttúrlega búinn að vera
kaupfélagsstjóri í fintm og hálft
ár og vill vinna sameiginlega
með mönnum að ákveðnum
málum. Jú það má eflaust telja
mig samvinnumann. Ég reyni að
virkja rnenn í kringunt mig en
fara ekki einn ótroðnar slóðir.“
- Kom þetta skyndilega upp
á að þú sóttir um starf bæjar-
stjóra á Ólafsfirði?
- Já og nei. Hér vestur á
Fjörðum er maður talsvert langt
frá vinum, kunningjunt og ætt-
ingjum og það var aldrei mín
meining að hér yrði ég búsettur
til eilífðar. Ég hef alla tíð sett
stefnuna norður í land.
- Var þetta ekki alveg kjörið
tækifæri sem þú fékkst þarna?
- Jú reyndar því þarna fæ ég
að flytjast aftur til Ölafsfjarðar
og ég hlakka mjög mikið til þess
að koma heim aftur.
- Hvernig líst þér svo á dæm-
ið sem þú tekur við?
- Þó svo að ég hafi fylgst með
Ólafsfirði úr fjarska þá á ég
alveg eftir að setja mig inn í
málin þar. Þarna standa fyrir
dyrum verulegar framkvæmdir
við jarðgöng í gegnum Múlann
og þær koma vafalaust til með
að efla þennan bæ. Með betri
samgöngum fylgir hins vegar sú
hætta að menn sæki aukna þjón-
ustu til Akureyrar og við því
þarf að bregðast. Ef við höfum
andvara á okkur þá á þetta að
geta unnið með okkur.
- Hvernig fer svo leikur
Leifturs við Pór á morgun ?
- Nú seturðu mig í vanda
maður. Konan er fæddur
Þórsari en þar sem hún heyrir
ekki í mér ætla ég að spá 2:1
sigri fyrir okkar menn. Ég hef
alla trú á að Leiftri gangi vel í
sumar, sagði Bjarni að lokum.
ET
3. júní 1988 —DAGUR-5
Öxul- og stýrihosur
í flesta bíla
Véla-, gírkassa- og
margs konar festipúðar
Við Tryggvabraul ■ Akureyri ■ Sími 22700
Laugardagskvöldið 4. júní
Hljómsveitin GAUTAR
frá Siglufirði
leikur fyrir dansi
Sunnudagskvöldið 5. júní
Sjómannadansleikur
...og aftur eru það hinir vinsælu Gautar
sem halda uppi sönnu sjómannastuði
fram eftir nóttu
SULNABERG
Sunnudagur 5. júní
Sjómannadagstilboð
Sjávarréttasúpa
Grísasteik „að hætti skipstjórans"
Verð aðeins kr. 690.-
Frítt fyrir börn frá 0-6 ára Vz gjald fyrir 7-12 ára