Dagur - 03.06.1988, Blaðsíða 7

3. júní 1988 - DAGUR - 7
„Frumforsenda þess að hér verði fjölbreytilegt nám er að nógu margir nemendur séu á staðnum,“ segir Jón Hann-
esson skólameistari.
nágrenni Húsavíkur og ekki hafa
aðstöðu til að komast heim á
hverjum degi og eins erum við
þar með í aðstöðu til að taka við
nemendum sem eru lengra að
komnir.
Þó að þetta sé lúxushótel og
væntanlega verði boðið upp á mjög
góðan mat eru samningar við
hótelið þannig að ekki verður um
meiri kostnað að ræða en gengur
og gerist á öðrum heimavistum.“
Mjög öflugt félagsiíf
í bænum
- Er öflugt félagslíf við skólann?
„Félagslíf hefur verið mjög á
hendi grunnskólanemendanna í
vetur, þeir hafa ráðið þar ferð-
inni. Nemendur í Framhalds-
skólanum hafa stofnað nemenda-
félag og skólagjöld munu að
mestum hluta renna til nemenda-
félagsins. Þeir fá afslátt í búðum
og fleira eins og tíðkast í öðrum
framhaldsskólum. Nemendurnir
tóku þátt í spurningakeppni
Ríkisútvarpsins og öttu þar kappi
við nemendur frá Akranesi. Það
er kannski ekki von að fyrsta árs
nemar hafi mikið að gera í kapp-
lið stærri skóla en auðvitað er
aðalatriðið að vera með.
Það hefur ekki verið gert ráð
fyrir neinni félagsaðstöðu
nemenda í þessu skólahúsnæði.
Grunnskólanemendurnir hafa
töluvert notað Félagsheimilið og
til ákveðinna hluta er sjálfsagt að
nota þá aðstöðu. Eftir sem áður
þarf að vera aðstaða fyrir
nemendur á venjulegum starfs-
tíma skólans. Þegar fram líða
stundir eru ákveðnir möguleikar
á að gera eitthvað en fyrst um
sinn verður hver skonsa setin.
Hins vegar er mjög öflugt félagslíf
í bænum t.d. leiklistarstarfsemi,
tónlistarskóli er starfandi og í
vetur hefur verið töluvert tónlist-
arlíf. Hér er öflugt briddsfélag og
töluverð starfsemi hjá taflfélag-
inu. íþróttahús er við hliðina á
skólanum, skíðalyfta hér alveg á
hlaðinu, svo í sjálfu sér er ekki
hægt að kvarta undan aðstöðu-
leysi til tómstundaiðkana.“
Skólarnir geta styrkt
hver annan
- Nú er búið að stofna fram-
haldsskóla á Húsavík, það var
verið að stofna framhaldsskóla á
Laugum og héðan er stutt í skól-
ana á Akureyri. Verður farið að
slást um nemendur eða verður
hrepparígur á milli skólanna?
„Hér hefur verið starfrækt
framhaldsdeild og eftir eins til
tveggja ára nám hafa nemendur
gjarnan farið í framhaldsnám á
Akureyri. Sama hafur verið uppi
á teningnum á Laugum en með
því innansveitarsamkomulagi
sem gert var milli Lauga og
Húsavíkur átti að stofna hér
fjögurra vetra framhaldsskóla til
stúdentsprófs en þeir ætluðu áfram
að starfrækja tveggja vetra
framhaldsdeildir og hafa nú náð
samkomulagi við ríkið með þátt-
töku sveitarfélaganna. í fyrstu
fannst mér þetta svolítið ein-
kennilegt, að það skyldu vera
tveir stórir framhaldsskólar á
Akureyri, það er menntaskóli á
Egilsstöðum, á Sauðárkróki er
fjölbrautaskóli. Út frá fjölda-
sjónarmiði hefði maður haldið að
ekki hefði verið fráleitt að fara af
stað með framhaldsskóla hér fyr-
ir tíu árum, en kannski síður
núna þegar fólki hefur fækkað í
mörgum byggðarlögum. En þá
frétti ég að allt væri að springa á
Akureyri, báðir skólarnir væru
fullir og heimavistarekla. Skólinn
hérna er orðinn að raunveru-
leika og það skiptir mjög miklu
máli varðandi afkomu heim-
ilanna að þurfa ekki að kosta
nemendur langtímum saman til
náms annars staðar. Oft þarf að
aðstoða nemendur eftir að þeir
eru byrjaðir í háskóla og þetta er
orðinn þungur baggi ef þarf að
senda nemendur að heiman strax
og framhaldsnám hefst. Auðvit-
að er fullkominn grundvöllur fyr-
ir svona skóla, hver árgangur hér
á Húsavfk telur um 50 nemend-
ur. Þegar ég sjálfur var við nám í
Menntaskólanum á Laugarvatni
voru 18-20 nemendur í hverjum
árgangi og stundum færri, þannig
að ef hægt var að reka mennta-
skóla þar hlýtur að vera grund-
völlur fyrir slíkum skóla hér.
Ef gott samkomulag tekst við
Laugaskóla og vel verður að því
staðið þá geta skólarnir í raun-
inni styrkt hvor annan. Með
ákveðinni samræmingu geta
nemendur frá Laugum átt greiða
leið hingað að loknu eins eða
tveggja vetra námi og nemendur
héðan vilja kannski heldur fara í
friðsældina þar til að byrja með.“
Akureyri togar
- Þó að framhaldsskóli sé kominn
á Húsavík togar Menntaskólinn á
Akureyri efalaust svolítið fast í
suma nemendur héðan. Þarna
hafa foreldrar þeirra og systkini
stundað nám og nokkrir ungir
Húsvíkingar' eru við framhalds-
nám á Akureyri. Hvernig hefur
útkoman verið ef borinn er sam-
an árangur nemenda frá Húsa-
vík, annars vegar við Framhalds-
skólann hér og hins vegar við
Menntaskólann á Akureyri?
„Nemendur sem hafa hafið nám
hér hafa hingað til flestir haldið
áfram á Akureyri og talist eiga
fullt erindi. Ég efa ekki að gæði
námsins hér muni enn aukast
með 4 vetra skóla og því
kennaraliði sem verður að bæta
við. Samt togar Akureyri sem og
aðrir stórir framhaldsskólar.
Margir nemendur vilja hleypa
heimdraganum sem er sumum í
sjálfu sér hollt en þeir ættu þá
frekar að velja sér minni skólana
þar sem aðstæður eru yfirleitt
manneskjulegar. Hitt er slæmt ef
foreldrar eru tortryggnir á gæði
skólans og hvetja nemendur til
að fara annað. Þeir ættu þess í
stað að leggja metnað sinn í það
að þessi skóli geti orðið góður
skóli en þá þurfa auðvitaö
nemendur héðan að sækja hann.
Ef þeir gera það ekki er varla við
því að búast að hægt sé að
laða aðra nemendur að staðnum.
Frumforsenda þess að hér verði
fjölbreytilegt nám er að nógu
margir nemendur séu á
staðnum.“
- Hvernig standa kennaramál-
in fyrir næsta vetur?
„Þau eru ákaflega viðkvæm,
það eru lausir samningar og ekk-
ert virðist vera að gerast í samn-
ingamálum. Flestir skólastjórn-
endur búast við að mjög erfitt
verði að manna skólana. Sama
var upp á teningnum í fyrravor
og ég held að þetta hafi gengið
alveg þokkalega hér á Húsavík,
miðað við marga aðra staði. Þeg-
ar til lengri tíma er litið hef ég
aðaláhyggjur af að erfitt verði að
fá menntaðan stærðfræðikennara
til starfa og einhvern til að annast
viðskiptagreinarnar. Til þess að
allt gangi vel þarf að vera góður
forstöðumaður fyrir hverjum
greinaflokki.“
Nærri ofbýður áhuginn
á íþróttum
- Nú ert þú að hætta störfum við
skólann, hvernig hefur þér líkað
aðstaðan hérna?
„Já, því miður er ég að hætta.
Aðstaðan hér á Húsavík er að
mörgu leyti mjög góð. Aðstaða
kennara er prýðileg en hins vegar
er kannski bókasafnsaðstöðu
áfátt. Skólahúsnæðið sjálft er
reist með þarfir sjöunda til
níunda bekkjar í huga og það
hefði örugglega verið hannað allt
öðruvísi ef það hefði verið ætlað
framhaldsskóla. Með ákveðinni
hagræðingu og útsjónarsemi má
xi bæta hér um. Það þarf að
skapa aðstöðu fyrir náttúru-
fræðibrautina sem verið er að
byggja upp. íþróttaaðstaða er
alveg til fyrirmyndar. Þegar mað-
ur kemur úr skóla sem ekki hefur
átt þess kost að hafa neitt íþrótta-
húsnæði, einsog Menntaskólinn í
Hamrahlíð, þá nærri ofbýður
manni áhugi nemenda og sá tími
sem fer í alls konar íþróttastarf-
semi. Ég veit ekki hvort nemend-
ur eru svona örmagna eftir
íþróttastarfsemina eða að þeir
bæti vídeóglápi ofan á íþróttirn-
ar, en mér finnst þeir nú ansi
þungir svona fyrst á morgnana.
Mér þykir gott að búa úti á
landi og líkar ágætlega hér á
Húsavík. Þetta er ákaflega róleg-
ur bær, kannski fullrólegur en
það má vera að ég hafi verið of
upptekinn af störfum mínum til
að geta metið það. Ég hef áhuga
á útivist, og þessi staður býður
upp á allt sem ég get kosið mér,
gönguferðir, náttúruskoðun,
skíðaiðkun og fleira. Þó að ég hafi
ekki nýtt mér þetta fyrsta árið
veit ég að þetta er hér allt fyrir
hendi."
- Hvernig finnst þér skóla-
starfið hafa gengið í vetur?
„Þó að þetta sé framhaldsskóli er
þungavigtin í skólastarfinu ennþá
sjöundi til níundi bekkur og það
er margt sem þarf að sinna í
tengslum við grunnskólann. Það
starf sem hann hefur útheimt hef-
ur dregið svolítið athygli frá
framhaldsskólanum og tafið fyrir
þróunarvinnu, en þetta hefur
samt gcngið ágætlega.
Tengslin milli þessa skóla, barna-
skólans og tónlistarskólans hafa
líka veriö með miklum ágætum.
Við skólastjórnendurnir höfum
hist hálfsmánaðarlega og rætt
sameiginleg málefni skólanna.
Öflugt skólastarf lyftistöng
fyrir hvert bæjarfélag
- Hvernig finnst þér andi bæjar-
búa gagnvart Framhaldsskólan-
um?
„Mér finnst forráðamenn
bæjarins vera mjög áhugasamir
og leggja metnað sinn í að þetta
geti gengiö. Hins vegar get ég
ekki mikið dæmt um Húsvíkinga
svona almennt. Ég held að það
vanti ef til vill svolítinn skilning á
því hvílík lyftistöng svona skóli
getur verið fyrir bæjarlífið.
Til dæmis eru talsvert færri
íbúar á Egilsstöðum en hérna og
þó að Egilsstaðir séu meira í þjóð-
ieið og íbúar á fjörðunum sæki
þangað mikla þjónustu vil ég
þakka skólanum þar líflegra
bæjarlíf. Þarna er stór mennta-
stofnun og fullt af ungu fólki og
bæjarbragurinn ber töluverðan
keim af því.
Skólinn á ýmsa velunnara sem
hafa fært honum góðar gjafir.
Það hefur tíðkast að eldri
nemendur komi saman á nem-
endaafmælum og oft hafa þeir
fært gantla skólanum sínum
gjafir, við vonum að tengslin við
eldri nemendur gagnfræðaskól-
ans rofni ekki þótt hann sé orðinn
framhaldsskóli.“
- Hvernig lýst þér á húsvíska
unglinga?
„Vel og mér hefur líkað Ijóm-
andi að starfa með þeim.“ IM