Dagur - 12.06.1993, Side 23

í UPPÁHALDI
Laugardagur 12. júní 1993 - DAGUR - 23
„Verð að segja Sigbjörn Gimnarsson“
- segir Valdís Hallgrímsdóttir
aldís Hallgríms-
dóttir er landsþekkt
frjálsíþróttakona
sem nú er farin að
bæta öldungametum við önnur
Akureyrarmct sín, en Valdís
er fædd 1962 sem gerir hana
gjaldgenga í öldungaflokk.
Hún sló met Sigurveigar
Kjartansdóttur í 300 m hlaupi
á dögunum og lofar aó slá
fleiri met í sumar. Valdís hóf
feril sinn mcð KA, fór síðan í
UMSE en keppir nú fyrir
UFA, enda hreinræktaður Ak-
ureyringur. Hún vinnur á urh-
dæmisskrifstofu Pósts og síma
fyrir hádegi en sinnir dætrum
sínum tveimur og æfingum
eftir hádegi. Eiginmaður
hennar er Sigurbjöm Viðars-
son, yfirpóstafgrcióslumaður
og knattspymuþjálfari.
Hvað gerírðu helst ífrístundum?
„Ég æfi, en þó ekki eins mikið
og í gamla daga. Ég reyni að
finna tíma eftir hádegi og tek
stelpurnar gjarnan með. Aðal-
lega æfi ég hlaup og lyfti dá-
lítið. Frjálsar eru sem fyrr mitt
aðaláhugamál."
Hvaða matur erí mestu uppáhaldi
hjá þér?
„Lambaiæri er alltaf gott, til
dæmis rauðvínslegið.“
Uppáhaldsdrykkur?
„Ég drekk allt of mikið diet-
kók og kaffi.“
Valdís Hallgrímsdóttir.
Ertu hamhleypa til allra verka á
heimilinu?
„Já, ég myndi segja það. Ég
æði eins og hvítur stormsveip-
ur um íbúðina.“
Spáirðu mikið í heilsusamlegtlíf-
emi?
„Já, ég geri það en samt ekkert
um of. Eg reyni að lifa þokka-
lega heilbrigðu lifi.“
Hvaða blöð og tímarit kaupirðu?
„Engin. Við fáum blöð annars
staðar frá.“
Hvaða bók er á náttborðinu hjá
þér?
„Engin. Ég les afskaplcga lítið
afbókum."
Hvaða hljómsveit/tónlistarmaður
er í mestu uppáhaldi hjá þér?
„Ég hugsa að það sé Leonard
Cohen,“ sagði Valdís og dóttir
hennar tók undir það.
Uppáhaldsíþróttamaður?
„Þeir em tveir, Luka Kostic
og Siggi Sveins.“
Hvað horfirðu lielst á í sjónvarpi?
„Það em fréttir og íþróttir.“
Á hvaða stjórnmálamanni hefurðu
mestálit?
„Ég verð að segja Sigbjöm
Gunnarsson, enda vinn ég
með tengdaföður hans og kon-
unni hans.“
Hvar á landinu vildirðu helst búa
fyrir utan heimahagana?
„Það er nú það. Ætli ég segi
ekki bara á Blönduósi. Þaðan
er þokkalega stutt bæði til Ak-
ureyrar og Reykjavíkur.“
Hvaða hlut eða fasteign langar þig
mest til að eignast um þessar
mundir?
„Fjórhjóladrifinn Subaru, það
er engin spuming. Við eigum
nefnilega Citroén Pallas 82.“
Hvernig hyggstu verja sumarleyf-
inu?
„Ég hef hugsað mér að renna
fyrir fisk meö húsbóndanum
ef hann hefur tíma. Hann er á
kafi í þjálfun.“
Hvað cetlarðu að gera um helgina?
„Þaö fcr citthvað eftir vcðri en
ég hugsa að ég hafi það bara
rólegt. Ég verð ekkert að
keppa en næsta mót er Norð-
urlandsmótið 19. júní.“ SS
Efst íhuga
Nú ætia íslendingar að leggja allt sitt
traust á eflingu ferðaþjónustu, sem reynd-
ar er ekki ný bóla en sífellt er boðað til
nýrra funda og ráðstefna þar sem rætt er
um mikilvægi þessarar atvinnugreinar.
Sjálfsagt eru mælskustu talsmenn ferða-
þjónustu komnir í marga hringi í ræðu og
riti en þó erum við varla byrjaðir að ausa
úr þeirri gullkistu sem greinin á að vera.
Vonirnar eru að vanda miklar, ferðaþjón-
ustan á nú að vega upp á móti skerðingu
á aflaheimildum og sjálfsagt gott betur.
Ferðamönnum þarf ekki að fjölga „nema"
um 50 þúsund eða svo á ári hér á landi til
að dæmið gangi upp.
Fyrir leikmann getur verið erfitt að
greina meintan vöxt og viðgang ferða-
þjónustunnar til hagsbóta fyrir þjóðarbú-
ið, en þetta ku hafa verið að gerast á und-
anförnum árum. Vissulega er auðvelt að
benda á stóraukið hótelrými, offjárfesting-
ar sem nýtast ekki sem skyldi og skila
varla miklu í kassann. Minni gistiheimili
hafa einnig sprottið upp og umsvif Ferða-
þjónustu bænda hafa margfaldast. Sveita-
bæir standa opnir með stuttu millibili
hringinn í kringum landið og þar er boðið
upp á fæði, gistingu, útreiðartúra, veiði og
sitthvað fleira, yfirleitt það sama á
hverjum stað. Sjálfsagt hagnast einhverjir
á þessari uppbyggingu en aðrir tapa eins
og gengur, en hver heildarniðurstaðan er
og hvort einhver von sé til þess að eftir-
spurn verði í samræmi við framboð verða
fróðari menn að greina frá.
Eins og gjarnan gerist á íslandi virðast
allir ætla að græða á nýrri atvinnugrein og
þrátt fyrir mörg víti til varnaðar, ráðstefn-
ur og spekingslegar umræður hella menn
sér út í vafasamar fjárfestingar og gróða-
brall. Veitingastaðir halda áfram að
spretta upp um land allt með það að
markmiði að fæða blessaða ferðalangana.
Þetta eru nánast allt frekar sjúskuð grill-
hús sem selja rándýrt feitmeti og brasað
drasl. Til að fullnægja kröfum um þjóð-
lega rétti er slepjulegum kótilettum skellt
á pönnuna og boðið upp á skyr úr dós í
eftirrétt.
Verðlag á veitingum á þessum stöðum
er ofboðslegt, ekki aðeins fyrir veslings
ferðamennina sem á að reyna að mjólka
sem mest og hraðast heldur lika fyrir ís-
lendinga sem vilja njóta þess að ferðast
um landið. Lækkun matarskatts skilar von-
andi einhverjum árangri en ætli ofurlítil
hugarfarsbreyting sé ekki nauðsynleg líka.
Ef til vill er ekkert siðferðilega rangt við
það að vilja græða en gróðavonin getur
gengið út í öfgar.
Það getur ekki verið sniðugt ráð til að
efla ferðaþjónustu að okra í topp. Þegar
við bætist nöturlegt viðmót, léleg þjón-
usta, hirðuleysi og eigingirni fer mörgum
ferðamanninum að verða óglatt og fögur
náttúra og skemmtilega dyntótt veðurfar
megna ekki að vega upp á móti þessu. Við
erum fjandakornið ekki bara að selja fjöll
og fossa, hraun og eyðisanda, sögustaði
og sólarlag. Ferðaþjónusta hlýtur að
byggjast líka á gestrisni og sanngirni, ekki
harðsvíraðri sölumennsku. Aö mínu mati
mætti hugleiða þetta nánar og fara í fleiri
hringi á háleitum vinnufundum og yfir-
drifnum ráðstefnum. Orð eru til alls fyrst,
jafnvel margtuggin. Eða hvað? Enginn
fitnar af fögrum orðum, segir annar máls-
háttur.
Sumarblóm • Garðáhöld • Sláttuvélar.
Þú færð vélina saman setta og með olíu hjá okkur.
Tilboð á garðslöngum 25 m 999,- kr.
Garðúðarar frá 350,- kr.
Opið laugardaga og sunnudaga frá kl. 10.00-16.00.

ér%
ii ir
W m. H H
í Perlunni við Kaupland.
jaSiÍl
KAUPLAND
Kaupangi v/Mýrarveg, sími 23565
Kaffihlaðborð
Engimýri í Öxnadal
Munið okkar vinsœla kaffihlaðborð
alla sunnudaga fró kl. 14.00-17.00.
★
Hestaleiga við allra hœfi.
Áritaðir pennar til sölu.
★
Athugið! Alltaf opið fyrir gistingu.
Verið velkomin.
Gistiheimilið Engimýri,
sími 26838.
Sumarstarf
Starfskraft vantar til aðstoðar í ferðamanna-
þjónustu, þægilegt viðmót og góð enskukunn-
átta nauðsynleg.
Upplýsingar: Nafn, kennitala og símanúmer leggist
inn á afgreiðslu Dags fyrir 16. júní merkt: Sumarstarf.
mm
Hjúkrunarfræðingar
Sjúkra- og dvalarheimilið Hornbrekka Ólafsfirði
óskar eftir hjúkrunarforstjóra til starfa frá og
með 1. ágúst 1993.
Upplýsingar um starfið og starfskjör veita forstöðu-
maður og hjúkrunarforstjóri í síma 96-62480.
Skriflegar umsóknir berist fyrir 30. júní 1993.