Dagblaðið Vísir - DV - 22.04.1995, Blaðsíða 25

LAUGARDAGUR 22. APRÍL 1995
33
Hlín Mogensdóttir varð í öðru sæti keppninnar.
Tríó Ólafs Stephensens, þeir Ólafur, Guðmundur R. Einarsson og Tómas
R. Einarsson voru léttir og skemmtilegir eins og alltaf.
Fordkeppnin 1995:
Mikil spenna og eftirvænting
- þegar Fordstúlkan var valin á Hótel Borg
Það ríkti mikil gleði og glaumur á
Hótel Borg að kvöldi síðasta vetrar-
dags en þá fór þar fram Fordkeppnin
1995. Troðfullt hús gesta fylgdist með
hinum ungu fyrirsætum stíga sín
fyrstu spor á framabrautinni. Meðal
gesta voru þátttakendur í keppninni
Fegurðarsamkeppni íslands þannig
að ljóst má vera að salurinn var full-
ur af fallegum ungum stúlkum. í
gegnum árin hefur einmitt leið fjöl-
margra Fordþátttakenda legið í Feg-
urðarsamkeppni íslands og margar
hafa komist þar í úrslit.
Tólf stúlkur tóku þátt í Fordkeppn-
inni að þessu sinni. Þær höfðu áður
sent myndir af sér í keppnina en
voru svo heppnar að vera valdar úr
hópi rúmlega eitt hundrað stúlkna.
Valið fór fram á Ford Models skrif-
stofunni í New York og þar voru
einnig sigurvegarar valdir. Teknar
voru ljósmyndir af stúlkunum tólf
og einnig voru þær myndaðar á
myndband og starfsfólk Ford Models
valdi sigurvegarana af því. Þótt ein-
hverjum þyki það skrýtið að valið
skuli í gegnum myndband er þetta
orðið alþekkt um allan heim og
starfsfólk Ford Models er afar þjálfað
í að leita að réttu týpunum.
Góó skemmtiatriði
Áður en tilkynnt var um hvaða
stúlkur væru sigurvegarar kvöldsins
var margt til skemmtunar. Boðið var
upp á austurlenskan kjúklingarétt
og súkkulaöiköku sem gestir voru
ánægðir með. Undir borðum spilaði
djasssveit Ólafs Stephensens sem
löngu er orðin þjóðkunn.
Þátttakendur í Fordkeppninni
voru kynntir fyrir gestum áður en
þeir fóru í gang með viðamikla tísku-
sýningu sem Jóna Lárusdóttir og
Módel 79 stóðu fyrir. Sýndur var
sumarfatnaður frá tískuverslunum
Necessity í Borgarkringlunni og
Sautján í Kringlunni og á Laugavegi
við góöar undirtektir og var ekki að
sjá að stúlkurnar væru að sýna fót í
fyrsta skipti.
Þá kom tvieykið Ekin og söng
frumsamin ísiensk lög með enskum
textum eins og kynnir kvöldsins
sagði. Mikla athygli vakti síðan ungl-
ingahljómsveitin Kósý en bún er
skipuð fjórum ungum herrum úr
Menntaskólanum í Reykjavík, þeim
Úlfi Eldjárn, Ragnari Kjartanssyni,
sem báðir eiga þjóðþekkta foreldra,
og Magnúsi Ragnarssyni og Markúsi
Þór Andréssyni. Strákarnir fóru
léttilega en þó frumlega með gömul
þekkt íslensk dægurlög og látbragð
þeirra skemmdi ekki fyrir túlkun-
Þægilegur sumarfatnaður frá versl-
uninni Necessity í Borgarkringlunni
en það er Linda Einarsdóttir sem
sýnir. '
Fordstúlkurnar biðu spenntar baksviðs eftir að kæmi að úrslitastundinni. Þetta eru þær Linda Einarsdóttir, Þórunn
Hermannsdóttir, Edda Rún Ragnarsdóttir, Hlín Mogensdóttir og Sólveig Katrín Jónsdóttir.
inni. Þessir drengir eiga án efa eftir
að láta að sér kveða í framtíðinni.
Spennandi stund
Loks var komið að stóru stundinni
er tilkynnt var hvaða stúlkur yrðu í
fyrstu sætunum. Mikil spenna var í
salnum þegar kynnirinn, Steini í
Módel 79, eins og hann kýs að kalla
sig, tilkynnti að Árný Ármannsdótt-
ir, 17 ára frá Akureyri, væri í þriðja
sætinu. Þá var kölluð upp Hlín Mog-
ensdóttir, 23ja ára úr Hafnarfirði,
sem valin hafði veriö í annaö sætið
og loks var það sigurvegari kvölds-
ins, Þórunn Þorleifsdóttir, 16 ára, úr
Reykjavík.
Það urðu mikil fagnaðarlæti í saln-
um þegar stúlkurnar þrjár gengu um
salinn en þess má geta að stúlkurnar
voru afar glæsilegar og því hefur
valið ekki verið auðvelt í þetta skipt-
ið.
Stúlkurnar allar fengu fallega
blómvendi frá blómabúðinni Blóm-
inu á Grensásvegi, auk þess sem þær
fengu Hudson sokkabuxur og Seba-
stian gjafakassa frá Halldóri Jóns-
syni.
Stúlkurnar voru allar listilega
greiddar og málaðar af fagfólki. Um
förðun sáu Anna Toher og Þórunn
Högnadóttir og munduðu þær pensl-
ana með Make Up For Ever snyrti-
vörum. Það var síðan hárgreiðslu-
fólk frá Hárgreiðslustofunni Komp-
aníið sem sá um greiðslu, þau Hildur
Árnadóttir, Magni Þorsteinsson,
Hrafnhildur Björnsdóttir og Fríða
Jensdóttir.
Það getur verið gott að vera létt-
klæddur i hitanum f sumar. Að
minnsta kosti vonar maður það
besta. Hér er það Edda Rún Ragn-
arsdóttir sem sýnir sumarföt frá
tískuverslunni Sautján í Kringlunni
og á Laugavegi.