Þjóðviljinn - 16.01.1987, Blaðsíða 9

Ferðalög
Sjálf-
stæðið
hefur
aukist
Auður Björnsdóttir hjá Sam-
vinnuferðum-Landsýn hefur
starfað í ein tuttugu ár að ferða-
lögum. Fyrst hjá Flugleiðum í
Kaupmannahöfn og síðan í rúm
tíu ár þar sem hún er nú. Hún
segir íslendinga sækja sífellt
meir í að skipuleggja ferðalög
sín sjálfir
„Ég hóf störf hér hjá
Samvinnuferðum-Landsýn
þann 5. júlí árið 1976 , átti því
tíu ára starfsafmæli í fyrra,“
segir Auður Björnsdóttir hjá
Samvinnuferðum-Landsýn í
samtali við Þjóðviljann. Auður
þekkir því vel til ferðamála ís-
lendinga.
Áður en hún réðst til Sam-
vinnuferða vann hún hjá Flug-
leiðum í Kaupmannahöfn sem þá
hét Flugfélag íslands, hafði verið
þar í níu ár. „Þegar ég kom hér til
starfa voru fjórir starfsmenn á
skrifstofunni. Nú er þetta hins
vegar orðin ein stærsta ferða-
skrifstofa landsins þannig að það
má kannski segja að ég hafi séð
miklar breytingar."
-Það hlýtur þá að vera nokkuð
gaman að þessu.
„Já mikil ósköp. Það er alltaf
jafn gaman. Og aðsóknin er alveg
gífurlegí störf hérna. Umsóknum
um starf rignir bókstaflega inn
daglega."
400 manns
sóttu um
-Nú stóðst þú fyrir námskeið-
um nýlega í fargjaldaútreikning-
um og farseðlaútgáfu. Var mikil
aðsókn að þeim?
„Já, það má nú eiginlega orða
það þannig,“ segir Auður og
brosir. „Áður en við auglýstum
námskeiðið var eitthvað um það í
fréttum og fólk fór strax að spyrj-
ast fyrir um þetta hjá okkur. Og
daginn sem við skráðum á nám-
skeiðin myndaðist biðröð hérna
fyrir utan af fólki sem vildi taka
þátt í þeim. Það voru um 400
manns sem sóttu um en aðeins
var tekið við fjórtán manns á
námskeiðið. Þannig að það má
víst segja með réttu að m'ikil að-
sókn hafi verið að námskeiðinu.
Við höfum síðan haldið nám-
skeið sem þessi og þó aðsóknin
hafi ekki verið jafn gífurleg á þau
og hið fyrsta hefur ekki vantað
fólk, síður en svo. Og það virðist
hafa verið mikil þörf fyrir þessi
námskeið. Af þeim sem útskrif-
uðust af þeim er nú um helmingur
farinn að starfa að ferðamálum."
-Hvað er þá svona óskaplega
heillandi við þetta starf?
Það er kannski erfitt að segja.
Af vanþekkingu halda sjálfsagt
margir að starfið feli í sér fjöl-
margar ferðir til sólríkra landa,
strandferðir með tær upp í loft.
En þetta er erfitt og krefjandi
starf sem krefst hæfileika og
þekkingar. Fólk sem byrjar að
starfa við þetta fær bakteríuna
eða hættir fljótlega. Maður kynn-
ist fjölmörgu fólki, er í sam-
skiptum við marga, bæði hér-
lendis og erlendis. En þessi nám-
skeið voru 40 kennslutímar og
þar voru aðeins kennd grunnat-
riði. Ætli megi ekki segja með
réttu að það taki starfsmann yfir-
leitt ár að verða þokkalegur í
starfi."
Met miðað
við höfðafjölda
-Hvað heldurðu að margir ís-
lendingar starfi nú á ferðskrif-
stofum?
„Ætli það séu ekki um það bil
150 til 200 manns, þegar flugfé-
lögin eru undanskilin. Ferða-
skrifstofurnar eru hins vegar ein-
ar 10 til 15 og er það áreiðanlega
met þegar miðað er við höfða-
fjölda."
—Og ekkert mál að reka þær
allar?
„Nei, það virðist ekki vera.
Það er reyndar af og til um ein-
hvers konar sameiningar og
eignaskipti en markaðurinn virð-
ist reyndar vera nokkuð stöðug-
ur. Hins vegar eru nokkrar litlar
ferðaskrifstofur sem oft geta átt í
erfiðleikum í samkeppni við
stærri stofurnar. En markaðurinn
virðist hins alltaf vera að aukast.
Á síðasta og þar síðasta ári var
mikið talað um væntanlega fækk-
un í ferðum íslendinga til út-
landa. Þessi fækkun á ferða-
lögum varð hins vegar aldrei.
Þróunin varð þveröfug í reynd og
það er ekkert sem bendir til að
ferðagleði íslendinga sé að
rninnka."
Helgarferðirnar
vinsælar
-Kannast þú við að ferðalög ís-
lendinga til útlanda hafi aukist
mikið eftir leiðtogafundinn
margfræga eins og tölur frá Flug-
leiðum virðast benda til?
„Ja, það hefur aldrei verið jafn
mikil aðsókn í helgarferðir okkar
til Amsterdam, Glasgow og
Lundúna og í október, nóvember
og desember. En hvort það stóð í
einhverju sambandi við leiðtog-
afundinn þori ég ekki að segja til
um. Það hafa kannski verið þeir
sern græddu svo vel á fundinum.
En pundið var hagstætt á þessum
tíma og það hefur sjálfsagt haft
sitt að segja.“
-En hverjar eru helstu
breytingarnar sem þú hefur orðið
vör við?
„Islendingar eru orðnir ferða-
Feröalög
Óvæntur ferðahugur í nóvember
Það vakti nokkra athygli
Flugleiðamanna í nóvember
síðastliðnurn að þann mánuð-
inn jókst mjög straumur fólks
til útlanda.
Óvenjulegt var það vegna þess
að nóvember er yfirleitt einn
daufasti mánuðurinn á árinu í
ferðalögum landans. En það sem
vakti sérstaka athygli var að þetta
virtist tengjast leiðtogafundinum
fræga. Strax eftir hann jókst
straumur íslendinga erlendis að
miklum mun. Einn Flugleiða-
maður orðaði þetta á þann veg að
það hefði verið „eins og allar stífl-
ur hefðu brostið“. Fólk finnur
enga sjáanlega skýringu aðra en
þá að íslendingar hefðu gerst
svona miklir heimsborgarar eftir
fundinn.
IH

Auður Björnsdóttir. „Þessi vinna er
alltaf jafn skemmtileg", segir hún.
vanari, ef svo má segja, og sjálf-
stæð ferðalög hafa aukist, þ.e. að
fólk velur meira að ferðast utan
skipulagðra hópferða. Flug og
bíll er einn anginn af þessari þró-
un. Síðan má nefna skíðaferðirn-
ar sem dærni um eina af nýjung-
unum. Þær hafa aukist mjög á
undanförnum árum. Fólk fer
jafnvel í sólarferða á sumrin og
skíðaferð að vetri til. Slík ferða-
lög hófust að einhverju marki hjá
íslendingum eftir 1980 og þau
aukast stöðugt. Þau hafa meðal
annars komið til vegna tíðari
ferða fólks til útlanda".
Fólk skiptir
meira fríum sínum
„Önnur breyting er að fólk
skiptir meira fríum sínurn en
áður. Fer kannski í sumarfrí til
sólarlanda en einnig í stuttar
ferðir á veturna. Helgarferðir til
ýmissa landa eru dæmi urn slíkt.
Mér sýnist að fólk spari við sig í
einhverju öðru og velji í þess stað
ferðir til útlanda. Nú, svo hafa
fargjöld lækkað miðað við
kaupgetu.“
En hver er helsti munurinn á
íslenskum og erlendum ferða-
löngum, eins og þú þekkir það?
„Helst er það nú kannski að
íslendingar plana hlutina mikið
seinna en gerist erlendis. Fólk
hérlendis er kannski að rjúka í
þetta hálfum mánuði áður en far-
ið er. Slíkt gerist varla erlendis.
En þetta er allt að breytast til
batnaðar. Við hjá Samvinnuferð-
um-Landsýn höfurn kynnt fyrir
nokkrum árum svonefnda Ferða-
veltu. Þ.e. að fólk getur greitt
andvirði ferðarinnar í nokkra
mánuði áður en farið er og eftir
að komið er úr ferðalaginu. Það
ásamt öðru hefur leitt til þess að
íslendingar eru farnir að skipu-
leggja ferðalög sín betur,“ segir
Auður og bætir við að svona í
lokin „vil ég óska íslendingum
góðs ferðaárs.“ IH
ÞJÖÐVILJINN - SÍÐA 9