Þjóðviljinn - 05.01.1990, Side 8

Útgefandi: Útgáfufélag Þjóðviljans
Framkvæmdastjóri: Hallur Páll Jónsson
Ritstjórar: Árni Bergmann, Ólafur H. Torfason
Umsjónarmaður Heigarblaðs: Ólafur Gíslason
Fréttastjóri: SigurðurÁ. Friðþjófsson
Útlit: Þröstur Haraldsson
Auglýsingastjóri: Olga Clausen
Afgreiðsla: ® 68 13 33
Auglýsingadeild: ® 68 13 10-68 13 31
Símfax:68 19 35
Verð: í lausasölu 140 krónur
Setning og umbrot: Prentsmiðja Þjóðviljans hf.
Prentun: Blaðaprent hf.
Málgagn sósíalisma, þjóðfrelsis og verkalýðshreyfingar
Síðumúla 6, 108 Fteykjavík
Menntun og
abrinnulíf
Stofnanir sem veita starfsmenntun eru lífsnauðsyn-
legar. Fagna ber því að nýjr straumar leika nú um þennan
vettvang. Auk fjölbreyttra valkosta á höfuðborgarsvæð-
inu hafa bændaskólarnir efnt til vel sóttra endur-
menntunarnámskeiða fyrir bændur og ráðunauta.
Farskóli Austurlands og Farskóli Suðurlands eru líka
stórmerkur vaxtarbroddur í þjónustu af þessu tagi fyrir
landsbyggðina. í samvinnu við Iðntæknistofnun og
framhalds- og fjölbrautaskóla héraðanna bjóða þeir upp
á aott úrval símenntunar á mörqum stöðum.
T nágrannalöndum okkar er þáð talið eitt helsta lífakkeri
byggðastefnunnar að hækka verulega menntunarstig
fólks í dreifbýli, bæði almenna undirstöðumenntun og
starfsnám af einhverju tagi.
Því miður hefur löngum slælega tekist til um skipulag
margs konar starfsnáms hér á landi. Auk þess hefur
reynst slæm nýting á útskrifuðum nemendum margra
skólanna. Eftir dýra þjálfun hverfa þeir að öðru en til hafði
verið kostað. Sýnu alvarlegra er þó, þegar hvöss
gagnrýni beinist bæði að innihaldi námsins við æðstu
menntastofnanir og að rannsóknum þeirra og hvort
tveggja talið úr takti við efnahagslíf þjóðarinnar.
Bjargey Einarsdóttir fiskverkandi á Suðurnesjum benti
á það í Þjóðviljanum fyrir áramótin að öll nýsköpun í
atvinnulífi okkar undanfarið hefði mistekist og sagði:
„Menntun okkar hefur ekki skilað sér sem kunnátta á
þeim sviðum sem við þurfum til að heyja lífsbaráttu í
þessu landi.“
ívar Jónsson félaashagfræðingur er mun beinskeyttari
í gagnrýni sinni í Þjóoviljanum í gær. Hann segir: „Háskóli
íslands hefur brugðist sem sjálfstæð akademísk
rannsóknastofnun sem gæti stuðlað að langtímastefnu-
mörkun fyrir íslenskt atvinnulíf og þjóðfélag.
ívar bendir á að framlög til rannsókna- og þróunarstarf-
semi eru mikilvægari fyrir hagvöxt en launaþróun. Hann
álítur að níska íslenskra stjórnvalda í þessum efnum beri
feigðina í sér. Háskólinn á Akureyri sé hins vegar „fram-
sæknasta skrefið sem stigið hafi verið á síðari árum í átt
að raunsærri byggðastefnu“.
Sjávarútvegsdeild Háskólans á Akureyri gat tekið til
starfa í gær vegna þess að Kaupfélag Eyfirðinga Ijær
henni ókeypis húsnæði næstu 3 árin. ívar Jónsson bendir
réttilega á að næg staðbundin þekking og nýsköpun er í
fyrirtækjum á Norðurlandi til að verða bakhjarl sjávarút-
vegsdeildar HA. Hann álítur einnig að færa beri
rannsóknastofnanir atvinnuveganna í stórum stíl út á
land; ekki vegna byggðasjónarmiða, heldur í Ijósi
beinnar, þjóðhagslegrar röksemdafærslu.
Páll Kr. Pálsson, forstjóri Iðntæknistofnunar, er líka
gagnrýninn á ávöxt tilrauna- og ráðgjafaþjónustu opin-
berra stofnana í núverandi formi. Hann hefur látið þá
skoðun í Ijósi opinberlega í útvarpsviðtali nýlega, að sam-
eina eigi formlega Rannsóknastofnun landbúnaðarins,
Rannsóknastofnun fiskiðnaðarins og Iðntæknistofnun, til
að gera starfsemi þeirra skilvirkari fyrir þjóðfélagið í heild.
Sigmundur Guðbjarnason, rektor Háskóla íslands, vék
að þessum málaflokkum í áramótahugleiðingu í Bústaða-
kirkju í Reykjavík á nýársdag. Hann rakti hvernig illa
undirbúin atvinnustarfsemi hérlendis hefur mistekist,
vegna ónógra rannsókna og þekkingar og sagði síðan:
„Slík mistök gerum við í raun aftur og enn á ný, en lærum
ekki af fyrri mistökum, af þeirri kostnaðarsömu reynslu að
rannsókna- og þróunarstarfsemi er nauðsynlegur liður og
mikilvægt skref í uppbyggingu nýrra framleiðslufyrir-
tækja.“
Hér hefur verið bent á rök nokkurra sérfróðra aðila um
rannsóknir og starfsmenntun. öllum ber þeim saman um
að íslendinqar „kunni ekki til verka“ í þessum efnum,
misnoti bæði tíma og fjármagn. Samruni fyrirtækja oq
opinn markaður Evrópu gerir kröfur um skjót viðbrögö
okkar í bessum efnum, ef við ætlum okkur möguleika til;
jafns vio aðrar Evrópuþjóðir á tímum fyrirtækjasamruna,
opins markaðar og örrar hagræðingar. ÓHT
Helgarveðrið
L»gð yffir Grænlandshafi, hreyffist aust-norð-austur.
Horffur á sunnudag
Suðvestanátt og kólnandi veður. Él á Suður- og Vesturlandi en þurrt og víða léttskýjað á Norður- og Austurlandi.;
8 SÍÐA - NÝTT HELGARBLAÐ Föstudagur 5. janúar 1990
Horfur á laugardag
Hæg breytileg átt eða vestan gola. Fremur hlýtt á Norðaustur- og Austurlandi en svalara á Suðvestur- og
Vesturlandi. Skúrír eða slydduél á Vesturlandi.
íþróttamaður ársins
AHreð
bestur
Handknattleiksmenn
í þremur efstu sætun-
um
Alfreð Gíslason landsliðsmað-
ur í handknattleik var í gær kjör-
inn íþróttamaður ársins árið
1989. Alfreð hlaut afgerandi
kosningu fþróttafréttamanna
með 350 stig og eins hlaut Krist-
ján Arason félagi Alfreðs með
landsliðinu öruggt 2. sæti með
282 stig. Reyndar voru hand-
knattleiksmenn f þremur efstu
sætunum því Þorgils Óttar
Mathiesen fyrirliði landsliðsins
varð þriðji með 181 stig.
Alls hlutu 30 íþróttamenn stig
að þessu sinni. Af þeim 10 efstu á
listanum voru einnig þrír knatt-
spyrnumenn, Ásgeir Sigurvins-
son í 6. sæti, Arnór Guðjohnsen í
9. og Þorvaldur Örlygsson í 10.
Bjami Friðriksson júdómaður
varð í 4. sæti, sunddrottningin
Ragnheiður Runólfsdóttir í 5. og
spjótkastaramir Einar Vil-
hjálmsson og Sigurður Einarsson
í 7. og 8. sæti.
-þóm ,
Alfreð Gfslason með bikarinn eftírsótta sem fylgir sæmdarheitinu Iþróttamaður
ársins. Mynd-þóm.