Þjóðviljinn - 16.03.1990, Blaðsíða 6

Sigurjon
Petursson:
Nyja
framboöiöget-
ur
orðið okkur
skeinuhætt.
serstaklega ef
þar veröurfolk
urokkar hopi.
Bjarni P.
Magnusson:
Hef
ahuga a að taka
þatt i profkjöri
Nys vettvangs
°g
^tlþyöuflokksins.
en hef ekki gert
upp hug minn.
Kristin A.
Olafsdottir:
Verö
felagi i Nyjum
vettvangi. en
hef
ekkitekið
akvöröun um
þatttoku i
profkjöri.
Vinstri flokkarnir
Hörð barátta í borginni
Nýr vettvangur og Alþýðuflokkurinn verða Alþýðubandalagi og Kvennalista skeinuhætt. Pó engin
málefnaleg sérstaða. Birtingarmaður: Dapurlegt fyrir samfylkingarsinna
Alþýðubandalagið og Kvenna-
listinn eru að eignast skæðan
keppinaut í komandi borgar-
stjórnarkosningum. Sameigin-
legur listi Nýs vettvangs og Al-
þýðuflokksins mun vafalaust
höfða sterkt til kjósenda vinstri
flokkanna,en það ermeiravafa-
mál hvort Sjálfstæðisflokkurinn
hefur ástæðu til þess að hafa
áhyggjur af nýja aflinu.
Ljóst er að Nýr vettvangur hef-
ur engin áform um að skapa sér
pólitíska sérstöðu málefnalega. í
drögum að stofnsamþykkt segir
að grundvöllur borgarstjórnar-
stefnu samtakanna verði almenn
velferð, manneskjulegt um-
hverfi, öryggi í daglega lífinu og
blómstrandi menning. Sá
Reykvíkingur er líklega vand-
fundinn sem ekki getur skrifað
upp á þetta.
Megináherslur samtakanna
verða ennfremur „öruggt og
þroskandi umhverfi fyrir börn og
unglinga, öryggi og vellíðan aldr-
aðra, umferðaröryggi og bættar
samgöngur, aukið framboð á fé-
lagslegu húsnæði" og áfram í
þessum dúr. Allt er þetta í ágætu
samræmi við sameiginlegar
áherslur minnihlutaflokkanna
við afgreiðslu fjárhagsáætlunar
fyrir skömmu.
Óánægja
flokksmanna
„Það verður enginn stórvægi-
legur pólitískur munur á fram-
boði á vegum Nýs vettvangs og
vinstri flokkunum í borgarstjórn.
Munurinn mun felast í fólkinu og
því að með Nýjum vettvangi opn-
ast leið fyrir þá sem ekki vilja
bindast flokkum.
Auk þess er ljóst að margir
flokksmenn núverandi minni-
hlutaflokka eru mjög óánægðir
með þá einangrunarstefnu sem
meirihluti í þeim flokkum valdi,“
segir Kristín Á. Ólafsdóttir borg-
arfulltrúi Alþýðubandalagsins,
við Þjóðviljann.
Hún segist ætla að gerast félagi
í Nýjum vettvangi á
stofnfundinum á laugardaginn og
hefur verið orðuð við væntanlegt
framboð samtakanna. Hún segist
þó ekki hafa tekið neina ákvörð-
un um þátttöku í prófkjöri.
Með ný andlit og hugsanlega
ný vinnubrögð telja samtökin sig
geta boðið veldi Sjálfstæðis-
flokksins birginn.
Markmiðið er að út úr próf-
kjöri samtakanna, Alþýðu-
flokksins og hugsanlega fleiri að-
ila komi listi, sem síðan fær að
starfa algerlega án afskipta form-
legra stjómmálasamtaka.
Þannig telja forvígismenn Nýs
vettvangs því borgið að lýðræðis-
leg vinnubrögð og hagsmunir
fólksins standi „þröngum flokks-
hagsmunum" ofar.
Effasemdir í Birtingu
Eðli málsins samkvæmt eru
það fyrst og fremst félagshyggju-
menn sem standa að stofnun Nýs
vettvangs. Þar eru Alþýðubanda-
lagsmenn, Alþýðuflokksmenn og
fólk sem ekki hefur haft áhuga á
að starfa í flokkunum.
Með ný andlit og
hugsanlega ný
vinnubrögð telja
samtökin sig geta
boðið veldi Sjálf-
stæðisflokksins
birginn
Birtingarmenn munu vafalaust
setja svip sinn á samtökin, en
Birting sem féiag er ekki aðili að
þeim.
Blaðamaður Þjóðviljans fékk
ekki að fylgjast með félagsfundi
Birtingar, sem haldinn var í fyrra-
kvöld, en þar voru framboðsmál-
in til umræðu.
Áhrifamaður innan Birtingar
segir í samtali við Þjóðviljann að
fundurinn hafi yfirleitt verið vel-
viljaður Nýjum vettvangi, en þó
hafi komið fram sterkar efa-
semdir.
„Það fóru fram heitar umræður
á fundinum og það er greinilegt
að menn eru hræddir við þessi
nánu tengsl samtakanna við Al-
þýðuflokkinn," segir heimildar-
maður Þjóðviljans.
Hann sagðist jafnframt telja að
prófkjör Nýs vettvangs og Alþýð-
uflokicsins væri dapurleg niður-
staða fyrir þá sem vilja samfylk-
ingu vinstri manna gegn Sjálf-
stæðisflokknum.
í ályktun fundarins segir að
Birting hyggist ekki hafa bein af-
skipti af kosningunum í Reykja-
vík í vor.
Hins vegar segir í ályktun Birt-
ingar að Iíkur bendi til að „nú sé
að koma fram í borgarstjórnar-
kosningunum nýtt afl, sem kynni
ef vel er á haldið að geta tekið við
þar sem fyrri tilraunum Birting-
armanna og annarra sleppti.
Félagsfundur Birtingar ítrekar
þá fyrri afstöðu félagsins að trú-
verðugleiki og árangur slíks
framboðs ræðst verulega af því að
gömlu flokkarnir hafi ekki form-
leg afskipti af framboðinu".
Bjarni P.
heffur áhuga
Það á eftir að koma í ljós hvort
Nýjum vettvangi og Alþýðu-
flokknum tekst að komast að
samkomulagi um fyrirkomulag
prófkjörs, listabókstaf og annað,
en það mun væntanlega standa í
mörgum rótgrónum Reykjavík-
urkrötum að halda aigjörlega að
sér höndum og hafa ekki „form-
leg afskipti af framboðinu“.
Formaður Alþýðuflokksins,
þingmenn flokksins í Reykjavík
og núverandi borgarfulltrúi virð-
ast þó allir hlynntir hugmyndinni
um sameiginlegt prófkjör Alþýð-
uflokksins og Nýs vettvangs.
Bjarni P. Magnússon segir í
samtali við Þjóðviljann að hann
telji samfylkingu Alþýðuflokks-
ins og Nýs vettvangs skref í rétta
átt.
„Ég er mjög hlynntur þessari
tilraun, en hún má ekki kosta
hvað sem er. Það kemur t.d. ekki
til greina að Alþýðuflokkurinn
gerist aðili að Nýjum vettvangi og
helst vil ég auðvitað að listinn
verði A-listi.
Það er ástæða til þess að reyna
Birtingarmaður:
Menn eru hræddir
við þessi nánu
tengsl Nýs vett-
vangs við Alþýðu-
flokkinn
þetta ef það skapar möguleika á
að fella meirihluta Sjálfstæðis-
flokksins í borgarstjórn og ég hef
trú á að svo sé. Tilgangurinn er
alls ekki að fara út í baráttu við
Alþýðubandalagið.
Eg hef áhuga á að taka þátt í
væntanlegu prófkjöri, en hef ekki
tekið neina ákvörðun enn. Ég á
t.d. eftir að sjá hvernig staðið
verður að prófkjörinu,“ sagði
Bjarni.
Ólína óákveðin
Margir hafa verið nefndir sem
hugsanlegir þátttakendur í próf-
kjöri Nýs vettvangs og Alþýðu-
flokksins.
Eitt helsta trompið gæti orðið
Ólína Þorvarðardóttir sjónvarps-
kona, en hún segist alls ekki hafa
tekið ákvörðun um að taka þátt í
prófkjöri.
Hún segist ekki einu sinni hafa
tekið ákvörðun um að fara út í
pólitík.
„Ég er ekki hingað komin sem
frambjóðandi,“ sagði hún við
Þjóðviljann eftir fréttamanna-
fund undirbúningshóps að stofn-
un Nýs vettvangs í gær. Ólína
verður fundarstjóri á stofnfundi
Nýs vettvangs á laugardaginn.
Ólína, Bjarni P., Kristín Á.
Ólafsdóttir, Hrafn Jökulsson og
fleiri eru nefndir, en enginn segist
hafa gert upp hug sinn.
G-listinn
Á meðan vinnur kjörnefnd Al-
þýðubandalagsins baki brotnu að
þvf að finna þátttakendur í forvali
flokksins sem á að fara fram
innan skamms. Þar eru málin síst
skýrari en hjá Nýjum vettvangi
og Alþýðuflokknum.
Sigurjón Pétursson og Guðrún
Ágústsdóttir hafa ekki svarað því
ákveðið hvort þau hyggjast taka
þátt í forvali og hugmyndir kjör-
nefndar um kandídata í efstu sæti
fara mjög leynt. Raddir hafa
heyrst um að Sigurjón hyggist
draga sig í hlé eftir 20 ára setu í
borgarstjórn, en hann svarar því
hvorki af né á.
Sem kunnugt er bað Birting
stjórn Alþýðubandalagsins í
Reykjavík um síðustu helgi að
endurskoða afstöðu sína til sam-
eiginlegs framboðs með öðrum.
Stjórn ABR fjallaði um beiðni
Birtingar á fundi í gærkvöldi og
komst að þeirri niðurstöðu að
ekki væri ástæða til frekari að-
gerða. Stjómin segist bundin af
ákvörðun félagsfundar ABR um
að bjóða fram G-lista.
En væntanlegt prófkjör Nýs
vettvangs og Alþýðuflokksins,
hugsanlega með þekkt nöfn úr
Alþýðubandalaginu innanborðs,
gerir val frambjóðenda ABR enn
erfiðara en ella. Gert er ráð fyrir
að forvalsgögn verði send fé-
lögum eftir helgina.
„Þetta nýja framboð kemur
mér fyrir sjónir sem útvíkkaður
Alþýðuflokkur, en það er ljóst að
þarna er kominn samkeppnisaðili
við G-listann. Nýja framboðið
getur orðið okkur skeinuhætt,
sérstaklega ef þar verður fólk úr
okkar hópi,“ segir Sigurjón Pét-
ursson, borgarfulltrúi Alþýðu-
bandalagsins.
-gg
Ólína Þorvarðardóttir var meðal talsmanna Nýs vettvangs á fréttamannafundi í gær. Hún segist alls ekki
hafa tekið ákvörðun um að taka þátt í prófkjöri. Mynd: Kristinn.
6 SÍÐA - NÝTT HELGARBLAÐ Föstudagur 16. mars 1990