Dagblaðið Vísir - DV - 22.12.1995, Blaðsíða 31

FÖSTUDAGUR 22. DESEMBER 1995
39
smáskór
Strákalakkskórnlr komnir aftur í
stærðum 20-34. Verð 1.990 og 2.290.
Smáskór v/Fákafen, sími 568 3919.
Tilboösverö á loftviftum meö Ijósum með-
an birgðir endast, frá kr. 8.900 með
Ijósum, hvftar eða gylltar. Olíufylltir
rafmagnsofnar í miklu úrvali.
Póstsendum. Víkurvagnar, Síðumúla
19, sími 568 4911.
@ Hjólbarðar
KHANKtEK
Frábær dekk á
frábæru veröi!
Jeppahjólbarðar.
235/75 R 15............kr. 9.180 stgr.
30x9,50 R 15...........kr. 9.855 stgr.
31x10,50 R 15.........kr. 10.755 stgr.
33x12,50 R 15.........kr. 13.480 stgr.
215/85 R 16...........kr. 10.206 stgr.
235/85 R 16 ..........kr. 11.655 stgr.
Barðinn hf., Skútuvogi 2, s. 568 3080.
BFGoodrích
wmmmmmmmmmmmmmmmmmmmmmmmm Dekk
Gæði á góðu verði
Gerið gæöa og verðsamanburö.
Trail T/A 30-15”......kr. 10.795 stgr.
Trail T/A 31”-15”.....kr. 11.903 stgr.
Trail T/A 33”-15”.....kr. 13.482 stgr.
All-Terrain 30”-15”...kr. 11.610 stgr.
All-Terrain 31”-15” ..kr. 12.987 stgr.
AU-Terrain 32”-15”....kr. 13.950 stgr.
AU-Terrain 33”-15”....kr. 14.982 stgr.
All-Terrain 35”-15”...kr. 16.985 stgr.
Hjólbarðaverkstæði á staðnum.
Bflabúð Benna, sími 587-0-587.
Bílaleiga
Nýir Toyota-bilar.
Á daggjaldi án kílómetragjalds eða
innifóldum allt að 100 km á dag.
Þitt er valið!
Bílaleiga Gullvlðis, símar 896 6047
og 554 3811.
n Bllartilsölu
Til sölu Volvo 740 GL station, árg. ‘87,
ekinn 109.000 km. Verð 920.000. Engin
skipti. Uppl. í síma 561 2002.
Menning
Mozart
við
kertaljós
Camerarctica-hópurinn gekkst fyrir tónleikum í Árbæjarkirkju sl.
fimmtudagskvöld undir heitinu Mozart við kertaljós - kammertónlist
á aðventu 1995.
Hefur hópurinn haldið þessa tónleika i þrem öðrum kirkjum áður í
vikunni og ætlar sér að halda síðustu tónleikana í Dómkirkjunni á
fóstudag.
Á efnisskránni voru þrjú verk og hófst hún á Divertimentói nr. 3 KV
138 fyrir strengjakvartett.
Þetta er þriggja þátta verk sem hefst á hröðu Allegroi, síðan kemur
streymandi Andante og loks Presto- kafli.
Það voru þau Sigurlaug Eðvaldsdóttir, Hildigunnur Halldórsdóttir,
Guðmundur Kristmundsson og Sigurður Halldórsson sem léku og
gerðu þau það af öryggi og með fallegum tón.
Hljómlist
Áskell Másson
Hallfríður Ólafsdóttir lék síðan með strengjunum Kvartett fyrir
flautu og strengi KV 285.
Var leikur hennar aliur hinn fágaðasti og söng tónn hennar t.d.
mjög skemmtilega í öðrum þættinum með pizzicato-bakgrunninn í
strengjunum.
Síðasta verkið var svo Kvintett fyrir klarínettu og strengi; KV 581,
sem Ármann Helgason lék með strengjaleikurunum.
Aðeins bar á slæmri inntónun í fyrsta þættinum en annars var verk-
ið mjög vel flutt. Sérlega var annar þátturinn fallega leikinn og síðasti
þátturinn var einnig mjög áferðarfallegur í meðferð hópsins.
Þetta voru stuttir en stemningarríkir tónleikar og er það vel til fund-
ið hjá þessum fríða hópi hljóðfæraleikara að bjóða upp á Mozart við
kertaljós á aðventu.
Orri Harðarson - Stóri draumurinn
★★★
Um drauminn
að slá í gegn
Árið 1995 hefur verið ár sköp-
unar hjá Orra Harðarsyni. Hann
stýrði upptökum þegar Kristln
Eysteinsdóttir hljóðritaði sína
ágætu plötu, Liti. Síðsumars og í
haust tók hann síðan upp eigin
plötu, Stóra drauminn, sem ný-
komin er út.
Orri sendi fyrir tveimur árum
frá sér plötuna Drög að heim-
komu sem gaf sterklega til kynna
að þar fór hugmyndaríkur laga-
og textasmiður og útsetjari. Orri
vann þá plötu í samvinnu við Jón
Ólafsson hljómborðsleikara. Að þessu sinni er hann einn við stjórnvöl-
inn. Stærsta breytingin frá fyrri plötunni er sú að nú eru píanó og önn-
ur hljómborðshljóðfæri í algjöru aukahlutverki, hafa orðið að víkja fyr-
ir gíturum. Þá eru stílar ijölbreyttari en áður.
Hljómplötur
Ásgeir Tómasson
Orri sýndi á Drögum að heimkomu að hann er lunkinn textasmiður
og honum tekst einnig ágætlega upp að þessu sinni. Platan Stóri
draumurinn er að miklu leyti temaplata; fjallaö er um gamlan starfsfé-
laga Orra, danskan tónlistarmann, vel af guði gerðan að öðru leyti en
því að hann var ófær um að takast á við gráan hversdagsleikann. Skýrt
kemur fram í þeirri mynd sem Orri dregur upp að það er sitt hvað
gæfa og gjörvileiki.
Við útsetningar laga á Stóra draumnum hefur Orri Harðarson gætt
þess að hafa þær þannig að þær hæfðu söngrödd hans sem best. Söng-
rödd hans er fremur veik og þarf hann því að miða allt við hana. Ekki
ómerkari menn en Dave Gilmour, aðalsöngvari Pink Floyd og Brett
Machaels, söngvari Poison, eiga við hið sama að glíma. Mun betur hef-
ur tekist til með þetta atriði á Stóra draumnum en Drögum að heim-
komu.
Af þessari umsögn má ráða að Stóri draumurinn er um margt prýð-
isplata. Orri Harðarson er tvímælalaust til afreka fallinn i framtíðinni.
Borgardætur - Bitte nú
^ ★★★
I sama gamla
andanum
Borgardæturnar Andrea Gylfa-
dóttir, Berglind Björk Jónasdóttir
og Elien Kristjánsdóttir eru lands-
mönnum löngu kunnar fyrir fag-
mannlega túlkun sína á létt-
djössuðum dægurlögum þriðja,
flórða og fimmta áratugarins. Þær
sendu fyrir tveimur árum frá sér
plötuna Svo sannarlega og fylgja
henni nú eftir með Bitte nú.
Hér gildir fyliilega frasinn of-
notaði að nýja platan er sjálfstætt
framhald hinnar fyrri. Borgardæt-
ur róa á sömu mið og fyrr og enn
er Eyþór Gunnarsson potturinn
og pannan í útsetningum og verkstjórn allri. Hann skilaði góðu verki
síðast þótt platan væri tekin upp á mettíma, að því er kemur fram á um-
slagi. Að þessu sinni hefur verið nostrað mun meira við lögin, hópur
blásara kemur við sögu og sömuleiðis strokkvartett auk hrynsveitar-
innar. Útkoman er í prýðilegasta lagi. Fylgt er upprunalegum útsetning-
um gömlu laganna eins og kostur er og er ekki nema gott eitt um það
að segja. Hinar gömlu hafa sýnt það í áranna rás að þær standa fyrir
sínu.
Hljómplötur
Ásgeir Tómasson
Nokkrar breytingar hafa orðið í textahöfundahópnum síðan síðast.
Friðrik Erlingsson er höfundur flestra textanna og stendur sig þokka-
lega. Einar Thoroddsen á síðan einn texta og Ragnheiður Ásta Péturs-
dóttir annan. Einar kom á óvart á síðustu plötu Borgardætra með
hnyttna, fyndna og vel sönghæfa texta og hann sýnir að hann er enn í
góðu formi með textann Karlinn minn. Ragnheiður Ásta átti textann
Tungl úr bréfi á plötunni Svo sannarlega og nú yrkir hún Frelsi ég finn.
Með þessum tveimur textum sést að hún er vel hagmælt og mætti gjarn-
an semja meira af dægurlagatextum og hækka með því heildarstandar-
dinn sem er því miður stundum nokkuð rislítill.
Þeim sem höfðu gaman af tónlist Borgardætra á plötunni Svo sann-
arlega ætti ekki síður að hitna um hjartarætumar við að hlusta á Bitte
nú. Textar eru að vísu ekki alveg jafn fyndnir og á fyrri plötunni en í
staðinn hefur meira verið vandað til undirspils og útsetninga en á
þeirri fyrri.
Aggi Slæ & Tamlasveitin
★★Vj2
Fagmenn
Ekki er hægt að kvarta yfir
söng og spilamennsku á diski
Agga Slæ og Tamlasveitarinnar.
Þar eru tiu lög, flest vel þekkt frá
liðnum árum og áratugum og
mörg í nýstárlegum útsetningum
sveitarmanna. Lay, Lady, Lay
eftir Dylan er til dæmis
skemmtilega útsett og sömuleiðis
gamli smellurinn Can’t Help
Falling in Love sem þekktast er í
meðförum Presleys. Þá er kó-
mískt að heyra Disko Frisko eft-
ir Stefán S. Stefánsson með ensk-
um texta. Þessi gamla ádeila
Ljósanna í bænum á diskómenningu áttunda áratugarins hljómar
hreint ekki illa þótt orðin sé meira en fimmtán ára gömul.
Hljómplötur
Ásgeir Tómasson
Diskurinn Aggi Slæ og Tamlasveitin skilur eftir sig spurningu:
Hver er tilgangurinn með útgáfunni? Eru hinir sprenglærðu liðsmenn
sveitarinnar að sýna hvernig þeir geta útsett smelli liðirina ára og ára-
tuga og gert þá að sínum? Er hljómsveitin ef til vill að minna á sig fyr-
ir árshátíða- og þorrablótavertíð komandi mánaða rétt eins og sveita-
ballahljómsveitir gera á sumrin? Nánast allir liðsmenn Tamlasveitar-
innar eru alvanir lagasmiðir að Agga Slæ alias Agli Ólafssyni með-
töldum. Þeim hefði ekki átt að verða skotaskuld úr því að snara af öfl-
ugri plötu með frumsaminni tónlist ef þeir hefðu mátt vera að. Það
hefði óneitanlega verið metnaðarfyllra verk en það sem þeir láta hér
frá sér fara.