Dagblaðið Vísir - DV - 29.02.1996, Blaðsíða 4

4
FIMMTUDAGUR 29. FEBRÚAR 1996
Fréttir
Afmælisbörn hlaupársdags eiga loksins afmæli:
„Þrettan ara" en i hjona-
bandi í þrjá áratugi
Þeir sem eru fæddir 29. febrúar
geta svo sannarlega glaðst yfir því
í dag að geta raunverulega haldið
upp á afmæli sitt. í dag er nefnilega
hlaupársdagur sem þýðir að þeir
sem eiga afmæli áttu síðast afmæh
fyrir fjórum árum. Mörgum er dag-
urinn því kærkominn og engin
ástæða til að ætla annað en að af-
mælisböm noti tækifærið og geri
sér dagamun.
„Hlaupár er fjórða hvert ár nema
aldamótaár en nafnið er sennilega
komið úr fornensku og dregið af
því að dagsettar hátíðir hlaupa þá
yfir einn vikudag á milli ára.
Hlaupár nefnist það þegar alman-
aksárið er degi lengra en venjulega
eða 366 dagar í stað 365. Þá verða 29
dagar í febrúar í stað 28,“ segir í
bók Áma Björnssonar, Sögu dag-
anna.
Víða um lönd hafa menn haft
nokkra ótrú á hlaupársdeginum,
mánuðinum eða jafnvel hlaupárinu
öllu. Þá átti allt að ganga öfugt við
það sem venjan bauð og flest aö
misheppnast.
Tvítugur um atdamótin
Klemens Jónsson leikari er 76 ára
en hann heldur í raun upp á 19 ára
afmæli sitt í dag. Hann segir að dag-
urinn hafi hingað til reynst sér vel.
„Það er afar ljúf tilfinning að ég
skuli bara halda upp á 19 ára af-
mæli mitt að þessu sinni. En þetta
ruglast svo aftur um aldamótin og
þá verð ég víst orðinn áttræður. Það
verður svolítið stórt stökk frá því aö
vera 19 ára. Þegar ég var lítill fannst
mér aldrei neitt mál að eiga bara af-
mæli á fjögurra ára fresti. Móðir
mín reyndist mér svo kær og hún
passaði alltaf upp á að halda mér af-
mælisboð eins og öllum öðram. Ég
gleymdist ekki þrátt fyrir að ég ætti
í raun og veru ekki aftnæli og leið
aldrei fyrir það.
Sem krakki var ég reyndar ekki
mikið fyrir að halda upp afmælið
mitt og í fyrra t.d. gerði ég ekki mik-
Klemens Jónsson leikari segist
ætla að halda veglega upp á það
þegar hann verður „20 ára“ um
aldamótin.
ið úr því þegar ég varð 75 ára. En ég
vildi þó ekki hafa fæðst annan dag
en 29. febrúar, þetta er ágætur dag-
ur þó að hann komi bara á fjögurra
ára fresti. Og það er aldrei að vita
nema ég haldi hressilega upp á tví-
tugsafmælið mitt árið 2000. Ef guð
og lukka lofar," segir Klemens í
samtali við DV.
Þegar Björg H. Björvinsdóttir var
krakki var alltaf betri matur á boð-
stólum á heimilinu þann 28. febrú-
ar, nema ef hlaupár var þá var að
sjálfsögðu haldið upp á afmælisdag
hennar með pomp og prakt.
Á hlaupári komu alltaf allir
„Ég á víst 52ja ára afmæli í dag
en er í raun ekki nema 13 ára, mið-
að við fjölda afmælisdaga minna,
hef samt verið gift manninum mín-
um í 30 ár. Ég var svo sem ekkert
mikið fyrir að halda upp á afmælið
mitt en ég man að á hlaupári komu
alltaf allir, afi og amma og ættin-
gjarnir, og fógnuðu deginum með
mér.
Fyrir mér hefur hlaupársdagur
„Það er auðvitað ánægjulegt að
geta haldið upp á afmælisdaginn
loksins þegar hann kemur,“ segir
Björg.
alltaf verið ósköp venjulegur dagur
og ég man ekki eftir því að mér
hafi verið strítt á því að eiga ekki
afmæli nema á fjögurra ára fresti.
En auðvitað er gaman að geta hald-
ið upp á daginn þegar hann loksins
kemur og ég reyni að sjálfsögðu að
gera mér dagamun með fjölskyld-
unni,“ segir Björg sem starfar sém
gjaldkeri hjá Pósti og síma við
Eiðistorg.
Þorsteinn Stefánsson mjólkur-
fræðingur fæddist sama dag og
Björg og er því 52ja ára í dag. Sem
krakki fannst honum það súrt epli
að bíta í að eiga ekki afmæli nema
stundum. Afmælisveisla var ætíð
haldin þann 28. febrúar ef ekki var
hlaupár.
Fékk Gagn og gaman í 6 ára gjöf
„Þegar ég var lítill var stundum
sagt við mig að 28. væri nú ekki
raunverulegur afmælisdagur hjá
mér. Það fannst mér slæmt að
heyra og var hálfsár. Foreldrar
mínir héldu þó alltaf upp á afmæl-
ið mitt en ég er ekki frá því að gjaf-
„Mér fannst sárt að bíta í það súra
epli að í raun ætti ég ekki afmæli,"
segir Þorsteinn.
irnar hafi verið rausnarlegri í þau
skipti sem afmælisdaginn bar upp
á hlaupár.
Þegar ég var við nám í Kaup-
mannahöfn á sínum tíma færðu fé-
lagar mínir mér einu sinni Gagn og
gaman og aðrar barnabækur að
gjöf. Það var á 6. afmælisdegi mín-
um en ég var þó orðinn 24 ára.
Þarna gerðu þeir góðlátlegt grín að
mér og ég held meira að segja að
það hafi vérið í fyrsta og eina skipt-
ið sem það var gert. Og i dag er
konan mín að verða fimmtug en ég
er bara 13 ára,“ segir Þorsteinn.
Pétur Mikael Guðmundsson ætl-
ar að bjóða öllum krökkunum, 15
talsins, sem eru með honum í bekk
í Fossvogsskóla í 8 ára afmælið sitt
í dag. Þetta er þó bara í annað sinn
sem raunverulegur afmælisdagur
Pétims lítur dagsins ljós en hann
segir að sér sé alveg sama því það
sé bara skemmtilegra.
„Mér finnst það bara sniðugt,"
sagði Pétur í spjalli við DV þegar
undirbúningur veislunnar stóð
sem hæst.
Pétri Mikael, sem á 8 ára afmæli í
dag, finnst bara skemmtilegt að
eiga ekki afmæli nema á fjögurra
ára fresti. DV-myndir GS
Gervikúkur fyrir afmælis-
peningana
„Mamma og pabbi hafa leyft mér
að halda upp á afmæli mitt þann 28.
í staðinn og það hefur alltaf verið
gaman en mamma sagði mér að 29.
kæmi bara á fjögurra ára fresti.
En í dag á ég sko alvöraafmæli,
bekkurinn minn fær kökur og pyls-
ur og svo ætlum við út í leiki. Ég er
búinn að fá afmælisgjöf frá ömmu
og afa, þau gáfu mér peninga og ég
ætla að kaupa mér gervikúk í Leik-
bæ.“
í Sögu daganna segir að fáir ís-
lenskir heimildarmenn, einkum af
Vestfjörðum, hafi kannast við að
gamalt fólk hefði síður viljað byrja
á nýju verki þennan dag og jafnvel
haft illan bifur á hlaupárinu. Einnig
höfðu sumir heyrt að þeir sem fædd-
ust á hlaupársdag yrðu heilsutæpir,
minni máttar eða hætt við slysum.
Aðrir könnuðust viö þau gamanmál
að þeir eltust hægar og yrðu langlíf-
ari en aðrir.
-brh
Dagfari
Sameiginlegt
Undanfarnar vikur hafa flokk-
arnir til vinstri rætt af nokkurri
innlifun um hugsanlega samein-
ingu. Þetta er að vísu í þúsundasta
og fyrsta sinnið sem vinstri flokk-
arnir hefja opinbera umræðu um
sameiningu en reynslan hefur því
miður orðið sú að í hvert skipti
sem þeir vilja sameinast hefur
þeim fjölgað. Almenningur er fyrir
löngu hættur að fylgjast með þess-
ari umræðu enda fer hún jaifnan
fram innan þröngs hóps sem hefur
það fyrir atvinnu að rífast um póli-
tík og skiptir þá engu í hvað flokk-
um þetta fólk er.
Sumt af því hefur skipt um flokk
tvívegis eða þrívegis en heldur
samt áfam að tala um sameiningu.
Þannig minnir Dagfari á að Jó-
hanna Sigurðardóttir tók virkan
þátt í sameiningarviðræðum þegar
hún var í Alþýðuflokknum en
klauf sig síðan frá þeim flokki og
stofnaði Þjóðvaka til að sameina
vinstri menn. Nú er Jóhanna aftur
farin að taka þátt í sameiningar-
viðræðum og vill gjarnan samein-
ast Alþýðuflokknum ef aörir vilja
sameinast sér.
Á alþingi í vetur hefur það hins
vegar gerst að vinstri flokkarnir
sem nú sitja í stjórnarandstöðu
hafa sameinast í því að halda að
sér höndum enda má það til tíð-
inda teljast ef heyrist hljóð úr því
homi. Raunar má segja það sama
um stjórnarflokkana en þeir mega
þó eiga það að nú hafa þeir vakið á
sér athygli fyrir atlögu að opinber-
um starfsmönnum enda engir
flokkar eftir til að gera atlögu að.
Vonandi geta stjórnarandstöðu-
flokkarnir sameinast að baki opin-
berum starfsmönnum og kannski
kemur að því að opinberir starfs-
menn stofna flokk sem vinstri
flokkarnir geta sameinast um!
Hver veit? Ríkisstjórnin hefur
sömuleiðis gert atlögu að lífeyri
fyrrverandi alþingismanna að því
leyti að nú er ætlunin að skera líf-
eyri eftirlifandi maka þeirra niður
við trog.
Vonandi tekst samstaða um að
afstýra þessari árás og þess vegna
gætu makar alþingismanna
sameinað flokkana á bak við sig ef
makarnir tækju upp á því að
stofna flokk um hagsmuni sína! Já,
það eru margar leiðir til samein-
ingar en sú áhrifamesta er þó sú
staðreynd að flokkarnir eru að fara
á hausinn. Þeir hafa ekki lengur
efni á að vera til.
Upplýst er í DV í þessari viku að
Alþýðuflokkurinn skuldi tugi millj-
óna eftir síðustu þingkosningar og
þó man Dagfari ekki betur en að
þrotabú
flokkurinn hafi beöið afhroð í
kosningunum, svo hann hefur
greinilega verið að borga með þeim
kjósendum sem yfirgáfu hann.
Sama má segja um Alþýðubanda-
lagið sem nú þarf líka að fækka hjá
sér af fjárhagsástæðum. Ekki bara
kjósendum heldur líka starfsmönn-
um. Alþýðubandalagið er sem sagt
að semja við sitt fólk um að yfir-
gefa flokkinn svo hann geti lifað
pólitíkina af! Þetta eru út af fyrir
sig gleðilegar fréttir vegna þess að
þær geta stuðlað að því sameigin-
lega áhugamáli þessara flokka að
sameinast. Þeir geta sameinast í
gjaldþrotinu. Þeir geta búið til eitt
stórt þrotabú og boðið þrotabúið
fram í næstu kosningum!
Reynsla þessara flokka beggja er
sú að eftir því sem þeir leggja
meira í kosningabaráttuna, því
meira fylgi tapa þeir. Skítt veri
með kjósendurna en það er verra
með flokkana því það verður að
halda þeim á lífi hvað sem öllum
kjósendum líður. Með sameiningu
má enn draga úr fylgismönnum og
segja fleiri starfsmönnum upp.
Hvað þá þegar þeir sameiginlega
halda að sér höndum í einu stóru
þrotabúi! Forystumenn vinstri
flokkanna ættu að hætta að tala
um pólitíska sameiningu og snúa
sér að fjármálum sínum og sam-
eina á rústunum. Það eru síðustu
forvöð áður en þeir deyja út.
Dagfari