Dagblaðið Vísir - DV - 10.04.1996, Blaðsíða 8
8
MIÐVIKUDAGUR 10. APRÍL 1996
Útlönd
Áhrifamikill fyrrum bandarískur þingmaöur dæmdur til fangavistar fyrir póstsvik:
Misnotaði aðstöðu
sína á ósvífinn hátt
Alríkisdómari i Bandaríkjunum
dæmdi Dan Rostenkowski, fyrrum
fulltrúadeildarþingmann
demókrata, í sautján mánaöa fang-
elsi í gær eftir að hafa veitt honum
ofanígjöf fyrir aö misnota aðstöðu
sína.
Rostenkowski, sem var þingmað-
ur fyrir Chicago og veitti einni
áhrifamestu nefnd þingsins for-
mennsku um langt árabil, játaði á
sig póstsvik í réttarsal andspænis
þinghúsinu í Washington þar sem
hann var eitt sinn lykilmaður.
„Sekur,“ sagði Rostenkowski lágt
þegar hann var spurður hverju
hann svaraði tveimur ákæruatrið-
um um glæpsamlegt athæfi.
Norma Holloway Johnson dómari
féllst á sektaryfírlýsingu þing-
mannsins fyrrverandi, sem stóð
heldur brúnaþungur fyrir framan
hana, og dæmdi hann til sautján
mánaða fangavistar eins og kveðið
var á um í samkomulagi Rosten-
kowskis við saksóknara.
Johnson ávítti Rostenkowski
harðlega fyrir að svíkja kjósendur
sína, sem kusu hann til þingsetu frá
1959 til 1994 þegar hann náði ekki
endurkjöri.
„Þú misnotaðir þér aðstöðu þína
á ósvífinn hátt,“ sagði dómarinn og
benti á hversu afbrot þingmannsíns
fyrrverandi hefðu verið víðtæk.
Hún sagði að byrði hans yrði sú að
vita að þingmannsferill hans hefði
verið svertur.
Dómarinn fyrirskipaði Rosten-
kowski að mæta i fangelsi innan
þrjátíu daga til að afplána dóminn.
Rostenkowski viðurkenndi að
hann hefði vitað að einhverjir
starfsmanna sinna í þinginu hefðu
gert persónulega eða pólitíska
greiða i trássi við reglur þingsins.
Dan Rostenkowski var heldur niður-
lútur í réttarsalnum í gær.
Símamynd Reuter
Hann sagðist einnig hafa vitað að
vörur, sem voru keyptar fyrir opin-
bert fé í ritfangaverslun þingsins,
hefðu verið gefnar vinum og kunn-
ingjum. Það er einnig í trássi við
reglur þingsins.
Samkomulagið sem hinn 68 ára
gamli Rostenkowski gerði við sak-
sóknara kveður á um að hann
greiði 100 þúsund dollara í sekt en
frá þeirri upphæð dragast 82 þús-
und dollarar sem hann hafði þegar
endurgreitt þingversluninni. Sak-
sóknarar féllust á að falla frá öðrum
ákærum á hendur þingmanninum
fyrrverandi gegn sektaryfirlýsingu
hans.
Fyrir utan þinghúsið lýsti Rosten-
kowski ekki yfir neinni hryggð yfir
því sem hann hafði gert og sagði að
væru tæknileg brot. Hann sagðist
hafa verið valinn úr til að vera öðr-
um víti til varnaðar. Reuter
Rob Stein, fyrrum starfsmannastjóri í bandaríska viðskiptaráðuneytinu, haliar sér hér að líkkistu Rons Browns við-
skiptaráðherra sem fórst í flugslysi í Króatíu fyrir páskana. Kistunni var komið fyrir í ráðuneytinu í gær þar sem menn
gátu vottað Brown virðingu sína. Alls fórust 34 i slysinu, þar á meðal framámenn í bandarísku viðskiptalífi.
Símamynd Reuter
Svonefndur Unabomber handtekinn í kofa í Montanaríki:
Sönnunargögn tengja hann
sextán sprengjutilræðum
Vísindamaður
myrtur og bút-
aður í smátt
Lögreglan i New Jersey í
Bandaríkjunum hefur borið
kennsl á líkamsleifar sem settar
höfðu veriö í plastpoka og
kastað í á um helgina. Líkið,
sem hlutað var niður í smá-
stykki, þar á meðal eyru, varir,
nef og fingur, er af Jakobi
Gluzman, 48 ára gömlum rúss-
neskum vísindamanni sem
fluttist til Bandaríkjanna 1970.
Hann gat sér góðan orðstír fyrir
rannsóknir sem sýndu þátt
erfða i myndun krabbameins.
Annar rússneskur innflytj-
andi hefur verið handtekinn,
grunaður um morðið. Sá er frá-
skilinn. Er fyrrum konu hans
ákaft leitað en taliö er að morð-
ið eigi rætur að rekja til ástar-
þrihyrnings.
Líkamsleifunum hafði verið
komiö fyrir í 10 plastpokum.
Talið er að hinn grunaði hafi
ekki verið einn að verki.
Finnland:
Ríkinu lokað
vegna verk-
falla
Flestar áfengisútsölur voru
lokaðar í Finnlandi i gær vegna
eins dags verkfalls starfsmanna
til aö mótmæla hugsanlegum
uppsögnum vegna áforma
stjómvalda um að auka frjáls-
ræðið í dreifingu áfengis.
Talsmaður áfengiseinkasöl-
unnar sagði að aðeins fimmtán
af 250 verslunum hefðu verið
opnar.
Alræmdur barna-
níðingur biður
um geldingu
Bamaníðingur í Texas, sem
fluttur var í frjálslegra fangelsi
á mánudag, óttast að hann muni
drepa næsta fórnarlamb sitt
þegar hann verður látinn laus
eftir tvö ár. Hefur hann þvi ósk-
að eftir að verða geltur hið
fyrsta. Fangelsisyfirvöld segja
að þrátt fyrir flutninginn í
„mildara“ fangelsi verði níðing-
urinn undir sérstakri gæslu all-
an sólarhringinn. Ekki er vitað
hvernig tekið var í ósk níðings-
ins um geldingu en hann segist
hafa misnotkun á yfir 200 böm-
um á samviskunni. Reuter
Fulltrúar bandarísku alríkislög-
reglunnar kemba nú afskekktan
kofa í Montanaríki þar sem
Theodore Kaczynsky, fyrrum stærð-
fræðiprófessor, hefur búið einn í 25
ár. Hann hefur verið handtekinn,
grunaður um að standa að 16
sprengjutilræðum síðastliðin 18 ár
sem orðið hafa þremur að bana og
sært 23. Theodore er grunaður um
að vera svokallaður Unabomber en
þaö gælunafn er til komið þar sem
tilræðunum hefur verið beint að há-
skólum (universities) og flugfélög-
um (airlines). Talsmenn lögreglunn-
ar segjast hafa fundið fjölda sönnun-
argagna í kofa Theodores sem tengi
hann við umrædd tilræði. Þar á
meðal er tilbúin sprengja, margar
ókláraðar sprengjur og búnaður til
sprengjugerðar auk minnisblaða.
Lögreglan notar röntgenbúnað við
leitina vegna ótta um að gildrur
hafi verið lagðar fyrir óboðna gesti
í kofanum. Þá hefur lögreglan kom-
ist yfir gögn sem sýna að ferðir
Theodores eru í samræmi við tíma-
setningu og staðsetningu tilræö-
anna.
Lögreglan er sannfærð um að
Theodore sé hinn svonefndi Una-
bomber og hefur óháð rannsókn
bróður hans leitt til sömu niður-
stöðu. Fulltrúi alríkislögreglunnar
segir að í bréfum til fjölskyldunnar
komi fyrir sama orðalag og hug-
myndir og í 35 þúsund orða stefnu-
skrá Unabomber sem birt var í dag-
blöðum í fyrra.
Þá hefur lögreglan komist yfir
fjölda bréfa sem Theodore sendi
mexíkönskum bónda á sjö ára tíma-
bili. Þar lýsir hann nákvæmlega
einveru sinni í skógum Montana.
Theodore er í haldi í öryggisfang-
elsi en ákveðið verður í næstu viku
hvort hann verður ákæröur fyrir
tilræðin. Reuter
Stuttar fréttir i>v
Eldur í olíu
Miklir eldar loga í olíuhreinsi-
stöð í Grosní, höfuðborg
Tsjetsjeníu, eftir að óþekktir
menn skutu að henni.
Viðurkenna afganginn
Bretar tilkynntu í gær að þeir
ætluðu að viðurkenna afganginn
af Júgóslavíu gömlu og er það
talið mikilvgt skref í þá átt að
binda enda á einangrun Serba.
11 Peng í París
Li Peng,
forsætisráð-
herra Kína,
er í París þar
sem hann
ræðir við
ráðamenn í
dag. Frakkar
eru sakaðir
um að láta
orðspor sitt sem verjendur lýð-
réttinda víkja fyrir viðskiptum
upp á tugmilljarða króna.
Múslímum sleppt
Bosníu-Serbar slepptu þremur
múslímum úr haldi í gær og
lögðu fram skjöl um aðra sem
sakaðir eru um stríðsglæpi.
Spenna við landamæri
Mikil spenna er við landmæri
ísraels og Líbanons eftir að
skæruliðar skutu 14 flugskeytum
inn í norðurhluta ísraels.
Deilur í beinni
Fimm ítalskir flokksleiðtogar
deildu hart í beinni sjónvarpsút-
sendingu í gærkvöld í tilraunum
sínum til að heilla kjósendur.
Pelé á von á barni
Brasilíska
knattspymu-
stjarnan Pelé
og síðari eig-
inkona hans
eiga von á
bami en
hann á þrjú
börn fyrir.
Konan var
gerð ófrísk með nýjustu tækni
þar sem Pelé var tekinn úr sam-
bandi fyrir 17 árum.
Aurskriöa drepur
Óttast er að allt að þrjátíu
manns hafi týnt lífi í aurskriðu
sem lenti á kofahreysum í La
Paz, höfuðborg Bólivíu.
Tekin alvarlega
Háttsettur herforingi í Suður-
Kóreu segir að hótunin um stríð
við norðanmenn sé tekin alvar-
lega.
SÞ hlustar
Fulltrúar SÞ eru í Nígeríu til
að hlusta á kvartanir um ofríki
og kúgun af hálfu öryggissveita í
olíuhéraöinu Ogoniland.
Carter gegn tóbaki
Jimmmy
Carter, fyrr-
um Banda-
ríkjaforseti,
sagði í gær
að auknar
reykingar
um allan
heim væm
hræðOegt
heilsuvandamál og mesta ógnin
sem steðjaði að ungmennum i
þróunarlöndunum. Hann gagn-
rýndi tóbaksfyrirtæki fyrir aug-
lýsingar í þriðja heiminum þar
sem látið er í það skína að reyk-
ingar séu smart.
Tekinn af lífi
Morðingi var tekinn af lífi
með eitursprautu í Missouriríki
í Bandaríkjunum í nótt.
Höfuðpaurarnir
Saksóknarar sögðu í gær að
Timothy McVeigh og Terry
Nichols hefðu verið einu höfuð-
paurarnir í sprengjutilræðinu
við alríkisbygginguna í Okla-
homa sem varð 168 að bana í
fyrra. Reuter