Dagblaðið Vísir - DV - 10.04.1996, Blaðsíða 12

12
MIÐVKUDAGUR 10. APRÍL 1996
Spurningin
Forðastu að vera úti í sól-
inni vegna þess hve óson-
lagið er þunnt?
Sigrún Bjargey Eðvarð, starfs-
stúlka í eldhúsi: Já.
Rósa Dögg Flosadóttir nemi: Já,
frekar, það getur haft slæm áhrif og
ég fer aldrei í ljósabekki.
Alda Kjartansdóttir, gerir svo
margt: Já, frekar, ég fer aldrei í sól-
bað nema á Kanaríeyjum, vegna
hættu á húðkrabbameini.
Þorbjörg Jóndsóttir hjúkrunar-
fræðingur: Nei, ég held að við þurf-
um ekki að hafa áhyggjur hérna á
íslandi, það er ekki svo mikið sól-
skin.
Eyleifur Jóhannesson húsgagna-
smiður: Nei, ég er ekkert hræddur.
Lesendur
Altarisgöngur og
sjúkdömssýkingar
Sigurður Kristjánsson skrifar:
Prestar þjóðkirkjunnar auglýstu
altarisgöngur við messugjörðir sín-
ar um helgidagana og sumir bættu
við að bergt yrði á sameiginlegum
bikar við athöfnina. í flestum stærri
sóknum hafa sóknamefndir keypt
litla bikara, ætlaða einum kirkju-
gesti, hverjum fyrir sig. Er þessi
háttur hafður á t.d. á flestum Norð-
urlandanna, nema í einstaka sókn-
um 1 Svíþjóð, og þá mjög afskekkt-
um, þar sem prestar teljast vera allt
að því ofsatrúarmenn og hafa tekið
upp kaþólskar siðvenjur í kirkjun-
um. Hér hafa nokkrir prestar tekið
upp þann sið, að bleyta brauðið
(oblátumar) í víni bikarsins og láta
brauðið þannig vætt í munn kirkju-
gesta. Sætta margir kirkjugestir sig
og við þann sið.
Nú á dögum vita allir að ýmsir al-
varlegir sjúkdómar berast manna á
milli við snertingu og þá sérstak-
lega með munnvatni. Þess vegna er
fólk líka hætt að matast af sama
diskinum og drekka úr einum og
sama bollanum. - Hvers vegna
brjóta menn þá þær almennu heil-
brigðisreglur við þessar sérstöku at-
hafnir?
Þegar tugir manna og jafnvel
hundruð drekka úr sama bikarnum
eru öll skilyrði fyrir hendi til þess
að alvarlegir sjúkdómar berist milli
fólks. Eða hver kærir sig um að fá
inflúensusýkingu, ófyrirséða, vegna
altarisgöngu? Og hvað um enn al-
varlegri sjúkdóma, svo sem berkla?
Nú, eða þá að fá hugsanlega krabba-
meinsveiru eða eyðni af sömu
ástæðum?
Er ekki tími til kominn að land-
læknisembættið banni svo frum-
stæðar athafnir sem altarisgöngur
með þeim hætti sem víða er enn
tíðkaður; að menn dreypi af sama
bikarnum? Það er náttúrlega engin
vörn, ef einhver heldur því fram að
nægilegt sé að prestur „þurrki" af
bikarbarminum með klút eða serví-
ettusnifsi. Algjört hreinlæti er besta
vörnin. - Reglan ætti að vera: Bikar
á mann fyrir messuvínið.
„Reglan ætti að vera: Bikar á mann fyrir messuvínið," segir Sigurður.
Siðanefnd presta
- og hreingerning hennar
Sólveig skrifar:
Nú heyrist manni að nokkrir
prestar leggi hart að kirkjuyfirvöld-
um að víkja Ólafi Skúlasyni biskup
úr embætti. - Langar þá marga tíl
að spyrja hvort ekki sé ástæða til að
fleiri fari sömu leiðina? Hvað t.d.
um séra Flóka Kristinsson þegar
stór hluti safnaðar hans fer fram á
afsögn hans? Hvað um séra Geir
Waage, sem talar um Jón Stefáns-
son sem hryðjuverkamann og
landskunnan afbrotamann? - Malar
svo stöðugt um skriftir og trúnaðar-
brot við þær. - Er risinn hér skrifta-
stóll og kannski aflátssala í vænd-
um?
Hvað um séra Sigurð Sigurðarson
og svartstakkana og lítilsvirðingar
tal hans um undirstöðuatriði krist-
innar trúar, kærleik og fyrirgefn-
ingu? Ný stofnun, Siðanefnd presta,
gerir ótrúlega lítið úr sér með dóm-
um og yfirlæti. Henni væri nær að
ræða hinn -lútherska sið en að
dæma veraldlegar ávirðingar
presta. - Til þess hefur hún ekkert
vald.
Það er meira en tími til kominn
að vitibornir menn sem þeir prestar
ættu að vera, sem hafa farið ham-
fórum gegn Ólafi Skúlasyni, per-
sónulega, snúi af þeirri braut, taki
sönsum, bæli hatur í hjarta sinu og
dæmi ekki einstaklinga með þeim
ógnarþunga sem hingað til hefur
einkennt málflutning þeirra.
Hver stjórnar í Reykjavík?
Ingibjörg Sólrún Gísladóttir borgarstjóri. - „Ef borgarstjórinn í Reykjavík
stjórnar ekki; hver þá?“ spyr bréfritari m.a.
Magnús Sigurðsson skrifar:
Aðpurð hefur Ingibjörg Sólrún
Gísladóttir borgarstjóri sagst vonast
til að skuldaaukningin yrði ekki
eins mikil hjá Reykjavíkurborg og
sjálfstæðismenn hafa haldið fram.
sjálfstæðismenn hafa sagt að
Reykjavíkurborg muni skulda alls
um 16,7 milljarða króna í lok kjör-
tímabilsins. Þá er gert ráð fyrir að
R-listamenn ætli að efna kosning-
aloforð sín. - Þessi yfirlýsing borg-
arstjóra kom fram í viðtalsþætti
Rásar 2 flmmtudaginn 28. mars (ef
mig minnir rétt), þegar rætt var við
Ingibjörgu Sólrúnu Gísladóttur
borgarstjóra og Árna Sigfússon,
oddvita sjálfstæðismann, um
skuldaaukningu vegna loforða R-
listamanna.
Að sjálfsögðu er gott að vera já-
kvæður og vona hið besta. - Við,
óbreyttir skattbcrgarar getum lika
vonað að eitthvað gerist og að ein-
hver hafi stjórn á borginni. Borgar-
stjórinn í Reykjavík getur hins veg-
ar ekki lýst því yfir að hún vonist
til að skuldirnar verði ekki eins
miklar og sjálfstæðismenn segja.
Með þessari yfirlýsingu sinni er
Ingibjörg Sólrún að segja að hún
hafl enga stjórn á fjármálum borg-
arinnar eða hafi ekkert um það að
segja hver skuldaaukningin verður.
Ef borgarstjórinn í Reykjavík
stjómar ekki; hver þá? - Hvern eiga
kjósendur að draga til ábyrgðar í
kosningunum 1998 ef ekki borgar-
stjórann sjálfan?
Það sem borgarstjórinn sagði
raunverulega með þessu var að hún
hefði í raun ekki nokkra hugmynd.
Hún hreinlega vissi ekki hver
kostnaður yrði af efndum kosninga-
loforða R-listans. Hafl borgarstjór-
inn ekki hugmynd um hvað hennar
eigin loforð kosta hvað veit hún þá
og hvernig ætlar hún að stjórna
borginni? - Svari hver fyrir sig.
DV
Til óþurftar í
Danmörku
Kristján Jónsson skrifar:
Það ætlar ekki af okkur ís-
lendingum að ganga á erlendri
grund. Nú er landinn orðinn
verulega til óþurftar í Danmörku
vegna oftöku fjármagns úr
danska kerflnu. Draumurinn bú-
inn og íslendingar reknir til síns
heima, hver á eftir öðmm, svo
fremi að þeir hafi ekki fasta bú-
setu og atvinnu að sjálfsögðu.
Við munum nú finna fýrir aukn-
um útgjöldum vegna framfærslu
atvinnulausra, ásamt þeim sem
em á dulbúnum atvinnuleysis-
bótum handa stórtekjumönnum
með fullan lífeyri.
Biskup flækir
málin
Markús hringdi:
Mér finnst nú nóg komið af
yfirlýsingum biskups íslands.
Hann er farinn að flækja málin,
sjálfum sér verulega í óhag. í
frétt fyrir páskana sagði hann
vegna úrskurðar siðanefndar
Prestafélagsins að hann hefði
engar trúnaðampplýsingar sent
tU fjölmiöla. Síðan sagði hánn í
nýlegri yfirlýsingu að honum
hefði „orðið það á“ að senda yfir-
lýsinguna án nokkurra skýringa
tU fjölmiðla! Hann hefði beðist
fyrirgefningar á þessu en bætir
við að þetta hafi svo sem ekki
verið neinar trúnaðai-upplýsing-
ar. Hvað á maður að halda um
svona nokkuð?
Matthías
Johannessen
sem forseta
Soffia Jónsdóttir hringdi:
Ég er þeirrar skoðunar, að
enginn þeirra sem nú hafa gefið
kost á sér í forsetaframboö fái
meirihlutafylgi. En meirihluta-
fylgi vU ég að væntanlegur for-
seti hafi á bak við sig. Ég mæli
með því að Matthías Johannes-
sen gefi kost á sér sem forseta-
efni. Við núverandi aðstæður
þurfum við sameinað afl tU fylg-
is við næsta forseta, og helst
ekki persónu sem myndi sitja
lengur en eitt kjörtímabU, mest
tvö. Matthías er vel þekktur,
fróður og skemmtUegur og
sómdi sér vel í forsetaembætti.
Nafnbirting
fermingarbarna
E.K.S. skrifar:
Ósmekklegir eru nafnalistarn-
ir á fermingarbömum í hverri
kirkjusókninni eftir aðra. Þetta
minnir mann á mannskaðatU-
kynningar, en eru einfaldlega
áminningar til ættingja um að
muna eftir fermingunni og gjöf-
unum. Auðvitað ætti Póstur og
sími að greiða blöðunum fyrir
þessa birtingu, því fólk notar sér
listana eins og símaskrána. - En
umfram aUt er þetta ósmekklegt
í meira lagi.
Rússar í frí-
helgi til fram-
búðar
Örn hringdi:
Ég er þess fuUviss, fyrir mitt
leyti, að nú geta Rússar athafnað
sig hjá okkur í eins konar „frí-
helgi" viö veiðar sínar tU fram-
búðar. Rússneskur togari myndi
ekki tekinn þótt hann mældist
innan fiskveiðilögsögunnar á
morgun. Þetta sýnir einfaldlega
að viö erum bæði háðir Rússum
og hræddir við þá. Rússafiskur
og væntanlegar samnjngavið-
ræður eru samt vonarpeningur
sem aldrei mun gagnast okkur.