Dagblaðið Vísir - DV - 16.04.1996, Blaðsíða 4

4
ÞRIÐJUDAGUR 16. APRÍL 1996
Fréttir
íslendingarnir af Vitunas í Litháen vinna að mannránskæru og að fá togarann keyptan:
Yfirvöld ráða ekki ferð-
inni hér heldur bandíttar
- segir Alfreð Steinar Rafnsson - íslenskur lögfræðingur til Litháens í dag
„Við vorum teknir sem gíslar og
fluttir nauðugir hingað. Rannsókn
hefur staðið yfir á þriðju viku og
verður meiri og meiri skrípaleikur
eftir því sem lengra líður. Hlutirnir
fara ekki eftir eðlilegum leiðum.
Það er allt reynt tO að málinu verði
vísað frá. Það virðist ekki vera
mannréttindabrot og stela gíslum
hér í Litháen,“ sagði Alfreð Steinar
Rafnsson, einn íslensku fjórmenn-
inganna sem siglt var með nauðuga
viljuga um borð í togaranum Vit-
unas frá írlandi til Litháen í mars.
Alfreð Steinar var í Vilníus í gær.
Jens Albertsson félagi hans er hins
vegar ásamt hinum tveimur íslend-
ingum í Klaipeta. Jens sagði við DV
í gær að þó að fjórmenningarnir
hefðu ekki beinlínis verið læstir
inni í klefum skipsins hefði þeim
verið skipað að halda sig þar inni -
um mjög alvarlegt mál hefði verið
að ræða. Hann hefði sent út neyðar-
kall þegar hann náði sambandi við
fjölskyldu sína.
„Við ætlum að fá það í gegn hér
að það verði farið í gegnum þau mál
sem við teljum mannrán - kannski
eru menn að vakna upp við að það
núna að það var framið mannrán.“
Alfreð Steinar sagði að mannrán-
Svart-
fuglinn
kominn
Veiðimenn hafa beðið langeygir
eftir svartfuglinum sem loksins er
kominn. Flóinn er að fyllast af fugli
og tvær skyttur náðu 600 fuglum í
síðustu viku. Undanfarið hefur lítið
verið um fugl því loðna hefur ekki
komið nógu nálægt landi. Leyfilegt
er að veiða svartfugl til tíunda maí
en veiðitíminn var styttur um níu
daga í fyrra. Veiðimenn eru mjög
ósáttir við það og segja þessa níu
daga vera þá happadrýgstu. Fuglinn
er nú fyrir utan Sandgerði á leið út
á Garðskaga og ættu skyttur að nota
tímann vel. -em
skæra hefði verið lögð fram til sak-
sóknara í Klaipeta.
„Yfirheyrslur fram að þessu hafa
verið skrípaleikur og það hefur ekki
verið talin ástæða til að kalla til
vitni sem geta borið um hvað gerð-
ist á leið frá írlandi til Klaipeta,“
sagði Alfreð. „Ég var hins vegar að
fá það í óstaðfestum fréttum rétt í
þessu að nokkrir skipverjar hefðu
sjálfir lagt fram í morgun skriflega
skýrslu.“
Saksóknari mun bráðlega leggja
fram mat á hvort um sakamál sé að
ræða. Alfreð sagði að löglærður að-
ili á vegum íslenska utanríkisráðu-
neytisins kæmi til Litháens í dag til
að fylgjast með málinu.
„Það er mikill styrkur fyrir okk-
ur. Við fáum ekki að fara um borð
til að sækja okkar persónulegu
muni þó svo að það eigi að vera ský-
laus réttur okkar. Það er álit bæði
lögfræðinga og saksóknara. Hins
vegar var kyndugt þegar saksóknari
sagði að hann teldi það rétt okkar
að fara um borð en hann taldi samt
rétt að hringja í forstöðumann Bún-
aðarbankans, sem er raunverulegur
eigandi skipsins, til að spyrja hvort
það mætti. Hann fékk neitun og þar
við situr. Það er greinilegt að yfir-
völd ráða ekki ferðinni. Það eru
bara bandíttar."
Alfreð Steinar sagði að hann og
fleiri aðilar hefðu gert eigendum
togarans kauptilboð í febrúar sem
hefði verið samþykkt með undir-
skrift. Það hefði verið lagt fram á
ný. „Boltinn er því hjá þeim núna,“
sagði Alfreð Steinar.
íslendingarnir höfðu leigt Vit-
unas og ætluðu að vera með skipið
á Reykjaneshrygg. Áður en þeir
voru sviknir um efndir leigusamn-
ingsins sagði Jens að mikið hefði
verið búið að leggja í togarann hvað
varðar viðhald og annað. -Ótt
Gæs aflífuð:
Reynum að
sýna tillitssemi
- segir aðstoðaryfirlögregluþjónn
„Það er ávallt reynt að gæta
þess að sýna eins mikla tilitssemi
og kostur er þegar dýr eru aflífuð
á starfssvæði lögreglunnar í
Reykjavík," segir Ómar Smári Ár-
mannsson, aðstoðaryfirlögreglu-
þjónn í Reykjavík, en DV birti í
gær viðtal við konu sem ásamt
þremur börnum var áhorfandi að
því þegar lögreglumaður aflífaði
særða gæs á svæðinu við BSÍ.
„Gæsin var særð. við nánari eft-
irgrennslan virtist hún vera væng-
brotin. Reynt var að handsama
hana en án árangurs. Því var
ákveðið að aflífa hana á staðnum.
Einu haglaskoti var helypt af á
u.þ.b. 50 metra færi og dó gæsin
samstundis. Vegn góöviðris berg-
málaði hvellurinn um svæðið,"
segir Ómar og bætir því við að á
hverju ári þurfl lögreglumenn að
aflífa eða láta aflífa u.þ.b. 160 dýr.
-pp
Dagfari
Súru berin hans Davíðs
Er það ekki merkilegt hvað
margir sækjast eftir forsetaemb-
ættinu miðað við hversu lítilfjör-
legt það er? Forsætisráðherra hef-
ur lýst því á skilmerkilegan hátt að
forseti Islands sé í mesta lagi topp-
figúra sem ekki hafi nein völd mið-
að við völdin sem forsætisráðherra
hefur. Forsætisráðherra hefur bent
á að frambjóðendur þeir sem nú
þegar hafa gefið kost á sér geri lít-
ið úr embættinu og ekki sé á það
bætandi og þetta endar sennilega
með því að embættið verður lagt
niður, segir Davíð.
Einn frambjóðendanna ætlar að
vera eins konar farandsendiherra,
segir ráðherrann. „Ég sé ekki fyrir
mér þjóðhöfðingja íslands sem far-
andsendiherra. Embættið er ekki
til að imponera útlendinga".
Um annan frambjóðanda segir
forsætisráðherra að sá hafi það sér
til ágætis að vera á móti húsum.
Væntanlega mun sá hinn sami
frambjóðandi hætta að vera á móti
húsum ef hann eða hún nær kjöri.
Þannig að forsetaembættið er
einskis nýtt í augum forsætisráð-
herra, hvort heldur til að imponera
útlendinga eða til að vera á móti
húsum.
Og hvað er þá eftir? Jú, ráðherr-
ann felst á að forsetinn geti verið
öryggisventill og gripið inn í þegar
þjóðin þarf á kjarki að halda.
Þetta er allt og sumt og raunar
er Davíð þeirrar skoðunar að það
eigi ekki að efna til þjóðaratkvæða-
greiðslu út af svona litlu embætti
sem hefur í rauninni engin völd.
Sennilega er best að láta forsætis-
ráðherra skipa í embættið, svo
hann geti einn ráðið því hver verð-
ur forseti, úr því að forsætisráð-
herra er sjálfur ómissandi í sínu
eigin embætti og nennir ekki að
taka að sér að vera forseti.
Samt er það svo að líklegum
frambjóðendum fjölgar með hverj-
um deginum. Það skemmtilega við
þetta framboðstal er að nú koma
fram í dagsljósið margvíslegir ís-
lendingar sem aldrei hafa áður sést
eða heyrst til nema af afspurn.
Þjóðin þekkir ekki þessa væntan-
legu forseta sína og er ákaflega
glöð yfir því hversu margir vilja
taka að sér þetta embætti sem er
einskis virði þegar upp er staðið.
Hættan er sú að þeir haldi að
þeir geti orðið forsetar tfl að vera á
móti húsum eða imponerað útlend-
inga, enda birtast nú í framboðs-
hugleiðingum tveir eða þrír
kandídatar úr utanríkisþjónust-
unni. Þeir hafa lítið dvalist á ís-
landi á undanförnum árum og eru
ókunnir meðal almúgans en til
hvers 'eiga forsetar að vera þekktir
meðal landa sinna þegar hitt er
mikOvægara að imponera útlend-
inga? Að minnsta kosti þangað til
þeir verða forsetar. Dagfara finnst
að forsetaskrifstofan eigi að gefa út
upplýsingabækling undir heitinu
„Hver er maðurinn?“ til að fólk átti
sig betur á frambjóðendunum sem
ekki hafa komið fyrir almennings-
sjónir fyrr en nú.
Að vísu hafa nokkrir frambjóð-
endur helst úr lestinni, einkum
vegna þess að þeir hafa ekki efni á
að taka þátt í kosningum til for-
seta. Það er mikil synd og margur
góður maðurinn missir af búsetu á
Bessastöðum sem þangað ætti ann-
ars örugglega erindi, eingöngu
vegna þess að hann er blankur.
En sem betur fer finnast aðrir og
fleiri sem hafa auraráð og er þar
fremstur í flokki fyrrverandi for-
maður Alþýðubandalagsins sem
lætur ekki peningana verða sér til
trafala. Þeir eru ekki blankir aOa-
ballarnir.
Davíð forsætisráðherra mælir
með því að kosið verði sem allra
sjaldnast um forseta lýðveldisins.
Af svona kosningum er ekkert
nema ónæði. Samkvæmt þessari
kenningu á þjóðin að kjósa sér
ungan og hraustan forseta sem
endist lengi við að gera ekki neitt
og láta fara nógu lítið fyrir sér.
Forsetinn ræður hvort sem er
engu. Þetta eru súr ber, segir Dav-
íð. Dagfari