Dagblaðið Vísir - DV - 16.04.1996, Blaðsíða 14

i4 tuveran
ÞRIÐJUDAGUR 16. APRÍL 1996 33 "W
Brúðarkjólaleigurnar um val á brúðarkjólum:
Prinsessukjólar
alltaf vinsælastir
s
1
- minni tískusveiflur þar en í öðrum fatnaði
Anna og útlitið ráðleggur verðandi brúðum:
„Flestar vilja þær hefðbundnu,
amerísku, hvítu prinsessukjólana
með löngum slóðum en þó má
segja að það sé allt í tísku í
dag.
Á erlendum sýningum ber
mikið á látlausum kjólum úr
hrásilki en þær falla ekki endi-
lega fyrir þeim,“ sagði Guðrún
Gunnarsdóttir hjá Brúðar-
kjólaleigu Katrínar Óskars-
dóttur þegar við spurðum
hana hvað væri mest tekið hjá
henni.
Flestir eru kjólarnir úr satíni en hrá-
silkið er grófara og með yrjum. Guðrún
sagði flestar velja kjóla m.t.t. hvað færi
þeim best en sumar vildu jafnframt að
kjóllinn væri þægilegur svo hægt væri að
dansa í honum.
Dóra Skúladóttir hjá Brúðarkjóla-
leigu Dóru tók í sama streng. „Það
koma inn nýir kjólar allt sumarið en
þær velja þá ekki endilega heldur það
sem klæðir þær best.“
Hjá báðum leigunum er mjög erilsamt
þessa dagana því kvenfólkið er þegar far-
ið að velja sér kjól þó brúðkaupið sé ekki
fyrr en í sumar eða jafnvel næsta sumar
eða haust. Bar þeim Guðrúnu og Dóru
saman um að ekki væri þörf á því að
vera svo tímanlega því alltaf væru að
koma inn nýir og nýir kjólar.
En þó búið sé að velja kjólinn er ekki
öll sagan sögð. Blúndukorselett og
blúndusokkar eða falleg blúndunærföt er
eitthvað sem verður að fylgja. Einnig
sokkaband, satínskór, slör og hárskraut.
Hvað herrana varðar eru íslenski þjóð-
búningurinn og breskur cjaket komnir í
harða samkeppni við kjólföt og smóking
sem hingað til hafa mest verið tekin.
Við háðum Dóru að taka saman hvað það
kostaði að leigja föt á brúði, brúðguma,
brúðarmey og svein og kaupa það sem upp
á vantaði. Hún sagðist ekki halda að það
Ég myndi ráðleggja þeim sem eru
að fara að gifta sig að fara fyrst í
svolitla naflaskoðun, þ.e. horfa eftir
því hvað sé jákvæðast í fari þeirra
og svo hvað betur mætti fara,“ sagði
Anna Gunnarsdóttir, lita- og fata-
stílsfræðingur (Anna og útlitið),
þegar við báðum hana að ráðleggja
væntanlegum brúðum við val á
brúðarkjól.
„Gott er að byrja á því að velja
hvort áherslan er á bak eða bringu.
Ef bringan er ekki falleg leggur
maður áherslu á bakið með flegnum
kjól í bakið og e.t.v. slaufu þar sem
fláinn endar. Ef þær vilja helst vera
í kjól með flegnu hálsmáli má fela
bringuna með því að vera með gagn-
sætt siffon yfir bringuna. Sé konan
með grannar axlir og áberandi
bringubein er mjög fallegt að bera
axlirnar.
Vöxturinn skiptir máli
Ef konan er mjaðmamikil á hún
að velja kjól með púffermum því
þær vega upp á móti mjöðmunum
nema hún sé mjög herðabreið. Ef
hún er með stór brjóst og svera
handleggi á hún ekki að velja sér
stutterma kjól og ef hún er með
stóran maga á hún að velja kjól með
V-saumi niður að framan sem dreg-
ur úr maganum. Ef hún er lágvaxin
á hún helst ekki að velja sér
prinsessukjól því það minnkar hana
enn frekar að vera breið fyrir neðan
mitti. Til að vega upp á móti því má
þó velja hárgreiðslu og slör sem
hækkar hana,“ sagði Anna.
Hún sagði að lágvaxnar konur sem
ekki væru grannar ættu helst að
velja beint snið og sítt. „Konur sem
eru búnar að eiga böm eru oft með
meira formaðan líkama, þ.e. mjaðmir
og mitti, og mér finnst þær frekar
mega leyfa sér að vera í aðskornum
kjólum. Prinsessukjóllinn er svona
meira öskubuskudæmi," sagði Anna.
Skór og undirföt
„Veljið skó sem passa vel og eru
með þægilegum hælum, 5-8 sm
háum. Ef skórnir þreyta brúðina
sést það strax á andlitinu. Best er að
eiga tvenna og skipta til að hvíla
kálfavöðvana. Einnig er hægt að
kaupa piparmyntukrem í apóteki
sem frískar upp á fæturna.
Undirfötin verða að passa. Þegar
valinn er brjóstahaldari á stykkið
sem er á milli skálanna að liggja
upp við húðina. Þá passar skála-
stærðin og brjóstin eru framstæð-
asti parturinn og maginn virðist
fyrir bragðið minni.
Litir og förðun
„ Það má ekki velja dökkan vara-
lit á þunnar varir því allt dökkt
dregur saman og mattir litir
minnka líka. Fjólubláir litir og app-
elsínugulir magna upp gulan tón í
tönnunum. Hægt er að fá varalita-
festi, t.d. frá No.7, sem er kossekta
allan daginn. Einnig er hægt að fá
krem, Transloosen Complexion
Base, sem sett er yfir rakakrem,
áður en farðað er, sem gerir það að
verkum að förðunin haggast ekki þó
langt sé liðið á kvöldið. Einnig geta
og skrauti
þær sem roðna auðveldlega, og
þetta á líka við um herrana, keypt
sérstakt grænt krem sem sett er
undir meikið svo roðinn sjáist ekki.
Góð fórðun á þó ekki að sjást, brúð-
urin á að vera náttúruleg.
Blómvöndurinn
Litirnir í blómvendinum eiga
alltaf að vera í stíl við varalitinn
svo það borgar sig að velja það sam-
an. Vöndurinn má hvorki vera of
lítill né of stór en það fer eftir hæð
brúðarinnar. Sé hún undir 167 sm á
hann að vera lítill, meðalstór ef hún
er á bilinu 167-173 sm og virkilega
stór ef hún er yfir 173 sm.
Svaramenn eiga að vera með
sama lit á blómi í barminum og er í
brúðarvendinum og fallegt er að
vera með linda í stíl, ef þeir hafa
vöxtinn í það. Brúðarmeyjar fylgja
litum brúðarinnar.
Skartgripir
„Ef kjóllinn er mjög skreyttur er
nóg að vera bara með eyrnalokka.
Ef hann er látlaus er gott að hafa
fallegan hring, eyrnalokka og fallegt
hálsmen. Ef konur eru breiðar fyrir
neðan mitti eiga þær ekki að bera
armband, það dregur athyglina að
mjöðmunum. Ef þær eru með stutt-
an háls eiga hálsmenin að vera
lafandi en ef hálsinn er langur á
hálsmenið að vera stutt. Gætið þess
að lafandi lokkar undirstrika undir-
höku ef hún er til staðar. Konur
sem eru með lítið höfuð eiga að
gæta þess að vera ekki með mikið
höfuðskraut því þá hverfur andlitið.
Sé höfuðið stórt má skrautið vera
afgerandi.
Sé konan með gleraugu ætti hún
að gæta þess að taka þau niður á
brúðkaupsmyndinni, eða nota lins-
ur, því þau gætu verið úrelt eftir 10
ár og þ.a.l. eyðilagt myndina. Einnig
er gott að eiga tvenn gleraugu, spari
og hversdags, og nota sparigleraug-
un á myndinni," sagði Anna að lok-
um.
-ingo