Dagblaðið Vísir - DV - 12.06.1996, Blaðsíða 2

2
MIÐVIKUDAGUR 12. JÚNÍ 1996
Fréttir
___________________________________________________________________x>v
Pólverjinn Witold Bresinski fann ekki aftur velgjörðamann sinn á íslandi:
Bjargvætturinn Kristján
var óvænt orðinn að Onnu
- leitin bar fyrst árangur þegar vinur hans las um kynskipti Kristjáns í DV um helgina
„Það var ekki furða þótt við
fyndum ekki Kristján. Hann virtist
gjörsamlega horfinn af yfirborði
jarðar en svo þegar ég las DV nú
um helgina rann upp fyrir mér ljós.
Þama er vélstjórinn Kristján lif-
andi kominn en heitir bara Anna
og er orðinn kona,“ segir viðmæl-
andi blaðsins sem í heilt ár var að
aðstoða vin sinn, Pólverjann
Witold Bresinski, að hafa uppi á
velgjörðamanni sínum á íslandi.
Witold kom til íslands árið 1981
með aðstoð Kristjáns Kristjánsson-
ar, þá vélstjóra á Bakkafossi Eim-
skipafélagsins. Kristján sigldi
reglulega til Gdansk en Witold var
vaktmaður við höfnina þar. Mikill
órói var í Póllandi þetta ár og tók
herinn völdin um haustið þegar við
lá að Sovétmenn gerðu innrás.
Witold ákvað að flýja og komst
úr landi með aöstoð Kristjáns.
Hann var án atvinnuleyfis þegar til
íslands kom en Kristján gekk
einnig í málið og hér fékk Witold
vinnu í fiski í Vestmannaeyjum.
Anna Kristjánsdóttir hét Kristján Kristjánsson árið 1981 og hjálpaði þá
Witold Bresinski að flýja frá Póllandi til Island. Þegar Witold ætlaði að finna
Kristján aftur var hann gufaðúr upp.
Honum likaði svo vel að hann
hélt áfram að koma næstu ár. Var
Witold hér hálft árið en hálft heima
þar til hann ákvað að hefja við-
skipti sjálfur fyrir sjö árum og flyt-
ur nú lýsi frá íslandi til Póllands.
Týndur og tröllum gefinn
í fyrra ákvað Witold svo að hafa
uppi á velgjörðamanni sínum á fs-
landi en fann hann ekki. Fékk
hann kunningja sinn í lið með sér
en leitin bar engan árangur. Þó
benti margt til að Kristján hefði
farið til Svíþjóðar en þar fannst
enginn íslendingur með þessu
nafni. Því varð vinurinn að til-
kynna Witold að bjargvætturinn
frá 1981 væri týndur og tröllum gef-
inn.
Það sem gerst hafði var þó að
Kristján skipti um kyn í Svíþjóð í
apríl á síðasta ári. Hann heitir eft-
ir það Anna Kristjánsdóttir sem er
flutt til íslands eins og fram kom í
viðtalinu í DV um síöustu helgi.
Anna man vel eftir Witold Bres-
inski. Þeir hittust fyrst árið 1971.
Þá var Kristján vélamaður á gamla
Lagarfossi en Witold þegar orðinn
vaktmaður við höfina í Gdansk.
Það ár var, eins og áratug síðar,
ólga í Póllandi og Lech Walesa, raf-
virki í Lenínskipasmíðastöðinni,
að verða heimsfrægur. Gomulka og
Girek voru þá alkunn nöfn í frétt-
unum.
Misstu sambandið
árið 1989
„Witold kunni bæði ensku og
þýsku og þess vegna var hann vakt-
maður við höfnina. Hann gat talað
við erlendu sjómennina og því
heppilegur í starfið. Við hittumst
alltaf af og til næstu árin eða fram
til 1989. Þá misstum við sambandið,
mest vegna þess að ég var upptekin
af öðrum hlutum,“ segir Anna.
Witold fór alfarinn héðan árið
1989 með því fræga skipi Marianne
Danielsen, sem strandað hafði við
Grindavík og var dregið á flot og
selt utan.
Þótt Kristján Kristjánsson vél-
stjóri sé nú fundinn sem Anna
Kristjánsdóttir hefur samdand ekki
komist á að nýju milli gömlu vin-
anna en þess er skammt að bíða.
-GK
Flosi ÍS kominn á hliðina og skipverjar sjást á dekki búa sig undir að yfirgefa skipið.
DV-mynd Sturla Þórðarson
Flosi IS fór á hliðina á nokkrum sekúndum:
Fata- og skólausir til Neskaupstaðar
- því enginn tími gafst til að taka neitt með sér
DV, Neskaupstað:
„Þetta gerðist á örfáum sekúnd-
um að báturinn fór á hliðina þannig
að það gafst ekki öllum timi til að
klæða sig í flotgalla áður en skipið
var yfirgefið," sögðu skipveijar á
Flosa ÍS, sem komu með Berki NK
til Neskaupstaðar í gær. Skipveijar
voru allir á dekki þegar óhappið
varð og því skólausir þegar þeir
komi til hafnar í gær. Það var því
æði mikið um að vera í skóbúðinni
í Neskaupstað síðdegis í gær þegar
skipveijamir tíu voru að kaupa sér
skó eftir volkið.
Strax eftir að Flosi ÍS var kominn
á hliðina var settur út björgunarbát-
ur og menn stukku frá borði og
komust allir um borð í björgunar-
Þú getur svarað þessari
spurningu með því að
hringja í síma 9041600.
39,90 kr. mínútan
Ji 1 tM 2
Er sýnt of mikið frá EM í
knattspyrnu í ríkissjónvarpinu?
báta en ekki allir í flotgalla, eins og
fyrr segir. Skipverjunum var síðan
bjargað um borð í Börk NK.
Það er samdóma álit skipverja að
uppstilling í lest hafi gefið sig, síld-
in runnið til yfir í aðra hliðina og
þannig lagt skipið á hliðina.
Börku NK hafði fengið svo stórt
síldarkast rétt innan færeysku lög-
sögunnar að hann gat ekki tekið
alla síldina um borð og var aö gefa
þeim á Flosa ÍS það sem eftir var.
Verið var að dæla síldinni úr nót-
inni um borð í Flosa ÍS þegar
óhappið varð.
Börkur NK hélt sjó við Flosa ÍS
þar til varðskipið Týr kom á stað-
inn og tók bátinn í tog. Búist er við
að varðskipið komi með Flosa til
hafiiar í dag. -HS/S.dór
Skipverjar komnir til Neskaupstaðar á inniskóm sem þeir fengu lánaða áður
en þeir komust í skóbúðina í Neskaupstað. DV-mynd HS
Stuttar fréttir
Ekki hljómgrunnur
Hljómgrunnur er ekki fyrir
þvi í ríkisstjórninni að flytja
tilkynningaskyldu islenskra
skipa frá Slysavamarfélaginu
yfir til Landhelgisgæslunnar til
dæmis. RÚV greindi frá þessu.
Norrænt jafhrétti
Jafnréttismálaráðherrar
Norðurlanda stefha að því að
stórauka jafnrétti kynjanna í
norrænu samfélagi og samstarfi
á næstu þremur árum, sam-
kvæmt fregnum RÚV.
Kosið i ráðhúsinu
Kosið verður í Ráðhúsi
Reykjavíkur í forsetakosningun-
um. Borgarráð hefur ákveðið að
fækka kjörstöðum í borginni úr
16 íll.
Forseti án
utannkisstefnu
Gunnar G. Schram laga-
prófessor heldur því fram að
forseti íslands geti ekki rekið
eigin utanrikisstefhu.
Samkvæmt Stöð 2 tekur
utanríkisráðherra undir þetta.
Tíð axlakiemma
Axlaklemma í fæðingu, sem
getur valdið því að böm hljóti
varanlegan taugaskaða, er tíöari
hér en víða annars staðar.
Samkvæmt Stöö 2 er unnið að
rannsókn á umfangi þessa máls.
Milljónir í súginn
Hundruð milljóna króna hafa
farið í súginn hjá landsmönnum
í sprunguviðgerðir húsa með
ónauðsynlegum sögunaraðferð-
um. Samkvæmt Ríkissjónvarp-
inu mælir Rannsóknarstofiiun
byggingariðnaðarins frekar með
ódýrum vatnsfælniefnum.
Bjöm í ráðhúsið
Vegna þrengsla í
Náttúrugripasafhinu við Hlemm
hefur uppstoppuðum hvítabirni
verið komið fyrir um sinn í
Ráðhúsi Reykjavíkur.
Samkvæmt Ríkissjónvarpinu er
ísland eina landið á norðurhveli
jarðar sem ekki er með boðlegt
náttúrugripasafn.
-bjb