Dagblaðið Vísir - DV - 05.10.1996, Síða 60

68 kvikmyndir
KVIKMYIi
sn
* [
’j
Ijj
J
Sam-bíóin - Fyrirbærið:
Venjulegur maður með ofurgreind
George Malley er bifvélavirki í smábænum Harmon.
Hann er fremur einfaldur maður, ánægður með sitt,
strembist við að læra spönsku og selur stóla fyrir lista-
konu sem hann er hrifinn af (kaupir að vísu alla stólana
sjálfur án þess að hún viti). Vandmál stríðandi heims,
umhverfisvernd og leyndardómar vísindanna eru hug-
tök sem hann þekkir ekki til. En í einu vetfangi breytist
llf hans algjörlega þegar hann fellur meðvitundarlaus á
miðja götu eftii að skært ljós hefur birst honum. Þegar
hann segir félögum sínum frá þessu er er hann tor-
tryggður og alls ekki tekinn alvarlega. Það á þó eftir að
breytast. Upp úr þessu meðvitundarleysi öðlast Malley
slíka greind að ekkert er honum óviðkomandi, öll hug-
tök öðlast nýja vídd og hann verður á stuttum tíma nán-
ast ofurmenni sem sér fyrir jarðskjálfta, lærir tungumál
á klukkutíma og kemur með ræktunaraðferðir sem munu gjörbylta fæðukerfi mannsins,
svo eitthvað sé talið upp af hæfileikum hans. Hvernig venjulegur maður tekur á slíku
fjallar Fyrirbærið (Phenomenon) um.
Það er fyrst og fremst frábær leikur Johns Travolta í hlutverki Malleys sem gefur mynd-
inni þá hlýju og manneskjulega yfirbragð sem einkennir hana. Sérstaklega er eftirminni-
legur leikur hans þegar hann gerir sér grein fyrir að hann stendur alls ekki undir þeim
gáfum sem hann hefur öðlast.
Fyrirbærið er áhrifrík og mjög gefandi framan af en leysist um of í melódramatík þegar
líða tekur á en heldur samt velli, sérstaklega eftir að skýringin á ofurgáfunum er komin,
sem er sem betur fer ekkert í anda vísindaskáldskapar. Vert er að geta Roberts Duvalls í
hlutverki þorpslæknisins. Hann sýnir ákaflega agaðan en um leið sterkan leik.
Leikstjóri: Jon Turteltaub. Handrit: Gerald DiPego. Kvikmyndataka: Phedon Papamichael. Tónlist: Thomas Newman.
Aóalleikarar: John Travolta, Kyra Sedgwick, Forest Whitaker og Robert Duvall.
Hilmar Karlsson.
Laugarásbíó - Crying Freeman: 0
Morðinginn sem grætur
Sumar kvikmyndir eru þeirrar náttúru að áhorfandinn stendur gjörsamlega agndofa
frammi fyrir þeim. Sjaldnast er það nú sakir snillinnar eða innsæisins í mannlegt eðli
sem þar birtist, heldur hins, takmarkalausrar lágkúru og andlegrar fátæktar þeirra sem
að standa. Crying Freeman, eða Frelsinginn grátandi, fyllir síðari hópinn og þar hlýtur
hún að vera einna fremst meðal jafningja.
Mynd þessi byggir á japanskri teiknimyndasögu um goðsagnakenndan morðingja, Frels-
ingjann, sem á rætur sínar að rekja langt aftur í aldir í Kína. Á vorum dögum er morð-
ingi þessi fyrrum leirkerasmiður japanskur sem fyrir einhverja gráglettni örlaganna ger-
ist leigumorðingi kínverska glæpagengisins Sona drekans (handritshöfundar eru nú ekki
vissari en svo um hvað þeir hafa verið að skrifa að eitt sinn er hópurinn kallaður Synir
drekanna, bæði orðin í fleirtölu). Fyrir glæpona þessa drepur Frelsinginn keppinautana
úr hinni japönsku Yakuza-mafíu. Leikurinn berst um víðan völl, frá San Francisco til
Vancouver, til Shanghaí og Japans, með skefjalausu ofbeldi á hverjum áfangastað, of-
beldi sem leikstjórinn veltir sér upp úr og hefur greinilega gaman af, þótt ekki verði hið
sama sagt um áhorfendur. Ofan á það bætist að söguþráðurinn er einhver sá ruglingsleg-
asti og vitlausasti sem sést hefur lengi. Og svo er þetta allt svo skelfing illa gert og áferð-
arljótt að það hálfa væri nóg. Frammistaða leikaranna er fyllilega i samræmi við hand-
ritið. Mark Costacos, sá sem leikur Frelsingjann, má þó eiga það að hann er fímur í aust-
urlenskum bardagaíþróttum.
Leikstjóri: Christophe Gans. Handrit: Gans og Thierry Casals. Kvikmyndataka: Thomas Burstyn.
Leikendur: Mark Dacascos, Julie Condra, Rae Dawn Chong, Byron Mann, Masaya Kato, Yoko Shimada, Mako, Tcheky
Karyo.
Bönnuö innan 16 ára.
Guölaugur Bergmundsson
Regnboginn - Hæpið:
Von hvíta mannsins
Hæpið (The Great White Hype) er gerð fyrir svartan
markað í Bandaríkjunum og hefur lítið hér upp á skerið
að gera, hún flokkast með og er í sama gæðaflokki og
Thin Line Between Love and Hate, sem Laugarásbíó
sýndi fyrir stuttu. Báðar þessar myndir féllu vel í
kramið hjá svörtum Bandaríkjamönnum en eiga jafn-
mikið erindi á annan markað og rómanar frá stærstu
kvikmyndaþjóð í heimi, Indlandi.
í Hæpið er verið að gera því skóna að yfirburðir svartra
í hnefaleikum séu algjörir og það sé farið að bitna á að-
sókn og sjónvarpsáhorfi að enginn hvítur hnefaleikamað-
ur í háum gæðaflokki skuli finnast. Auðvitað er allt sett
upp á gamansaman hátt og aulabrandarar fljúga á milli
manna auk þess sem af og til er slegist.
Hinn ágæti leikari Samuel L. Jackson hefur verið á miklu flugi og gert marga góða hluti
í myndum á borð við Jungle Fever, Pulp Fiction, Die Hard with a Vengeance og Kiss of
Death. Nú bregður svo við að hann ofleikur með slikum ósköpum að persónan verður
nánast óþolandi. Þetta á við um fleiri leikara í myndinni en ofleikur þeirra kemur
minna á óvart. Jackson leikur umboðsmanninn Fred Sultan, og greinilegt er að við gerð
persónunnar hefur verið tekið mið af hinum litríka umboðsmanni Mike Tyson. Þegar
peningamaskína Sultans fer að bráðna er ekki um annað að ræða en leita uppi hvítan
hnefaleikara til að bæta fjárhagsstöðuna og hann finna þeir í uppdópuðum pönkrokkara
sem eitt sinni hafði verið áhugahnefaleikari og er eini maðurinn sem hefur slegið núver-
andi heimsmeistara niður. Upphefst nú mikil svikamylla við að byggja upp orðstír pönk-
arans sem hnefaleikara og þar kemur snilli Sultans best í ljós.
Með þori og hugviti hefði sjálfsagt verið hægt að gera Hæpið að napurri háðsádeilu á
það fjölmiðlafár sem viðgengst í íþróttum almennt og þá einna mest í hnefaleikum, en
eins og myndin er fram sett er ekkert slíkt fyrir hendi, aðeins mislukkað grín sem stund-
um fær mann til brosa út í annað.
Leikstjóri: Reginald Hudlin. Handrit: Tony Hendra og Ron Sheldon. Kvlkmyndataka: Ron Garcia. Tónlist: Marcus Mlller.
Aöalleikarar: Samuel L. Jackson, Jeff Goldblum, Damon Wayans, Cheech Marin og Salli Richardson.
Hilmar Karlsson
LAUGARDAGUR 5. OKTÓBER 1996
John Carpenter, til vinstri á myndinni, ræðir við Kurt Russell við tökur á Escape From L.A.
Flóttinn frá L.A. í Laugarásbíói:
Snake mættur
aftur til leiks
Flóttinn frá L.A. (Escape from L.A.) er óbeint
framhald spennumyndarinnar Escape from
New York sem John Carpenter gerði 1981. John
Carpenter er aftur við stjórnvölinn og Kurt
Russell er mættur aftur til leiks í hlutverki
Snake Plissken en sögusviðið hefur verið fært
til Los Angeles og gerist myndin eftir að „stóri
jarðskjálftinn" hefur nánast lagt allt í rúst. Úr
rústunum rís óvígur her undir stjóm suðuram-
erísks málaliða og ræður her þessi allri borg-
inni. Það vill svo til að dóttir forseta Bandaríkj-
anna hefur gengið til liðs við herinn vegna þess
að hún er á öndverðum meiði við skoðanir fóð-
ur síns. Ljóst er að her þessi á eftir að gjöreyði-
leggja borgina og því þarf að lauma inn manni
til að ná forsetadótturinni og til sögunnar kem-
ur Snake Plissen sem áður hefur tekist á við
verk sem enginn annar treystir sér til.
Auk Kurt Russell leika í myndinni mikill íjöldi
þekktra leikara. Má þar nefna Stacy Keach,
Steve Buscemi, Peter Fonda, George Carraface,
Valeriu Golino, Bruce Campbell, Pam Grier og
Cliff Robertson sem leikur forseta Bandaríkj-
anna.
John Carpenter hefur sett mark sitt á banda-
riska kvikmyndagerð frá því hann gerði hina
klassísku Halloween sem kostaði aðeins 300.000
dollara en tekjur af henni urðu 75 milljónir
dollara. Carpenter hefur leikstýrt átján kvik-
myndum og hefur hann einnig gert tónlist við
fimmtán þeirra. Allt frá því Carpenter var
drengur hreifst hann af kvikmyndum og um
leið og hann hafði aldur til gekk hann í kvik-
myndaskóla í Kaliforníu. Meðan á námi stóð
fékk hann verðlaun fyrir stuttmynd sina, The
Resurrection of Billy Bronco, sem leiddi til að
hann fór að leikstýra ódýrum kvikmyndum
sem allar fengu góðar viðtökur. Eftir að Hall-
oween hafði slegið í gegn færði Carpenter sig
upp á skaftið og leikstýrði nokkrum mjög svo
áhrifamiklum hrollvekjum. Má þar nefna The
Fog og The Thing. Hann hefur á undanfómum
árum gert misgóðar myndir og engin hefur í
raun verið á við það besta sem hann gerði á
seinni hluta áttunda áratugarins og fyrri hluta
þess níunda en þó hafa inn á milli komið frá
honum ágætar myndir. Má þar nefna They
Live og In the Mouth of Madness.
-HK
Kurt Russell leikur aðalhlutverkið í Escape from L.A.:
Fyrrum hafnaboltaleikari
„Svo skemmtilega vill til að Snake Plissken
er einn af minum uppáhalds karakterum," seg-
ir leikarinn Kurt Russell sem leikur aðalhlut-
verkið og fyrmefnda persónu í kvikmyndinni
Escape from L.A. Hann er fæddur 17. mars árið
1951 i Springfield í Massachusetts í Bandaríkj-
unum. Hann heitir fullu nafni Kurt Vogel
Russell og býr með leikkonunni Goldie Hawn.
Þau búa á búgarði rétt fyrir utan Aspen. Russ-
ell á tvo syni, Boston frá fyrra hjónabandi með
leikkonunni Season Huble og Wyatt með Goldie
Hawn.
Pabbi í kvikmyndaleik
Faðir Russells heitir Bing Russell, fyrrum
hornaboltaleikari. Hann lék lögregluforingja í
Bonanza í sex ár. Kurt Russell var sjálfur at-
vinnumaður í hafnarbolta þangað til meinsemd
Kurt Russell leikur Snake Plissken í kvikmynd-
inni Escape from L.A.
í öxl varð til þess að hann neyddist til að
hætta. Fyrsta hlutverkið í kvikmynd lék
Russell þegar hann var tíu ára gamaÚ en það
var í kvikmynd Elvis Presleys It Happened at
the World’s Fair. Árið 1960 skrifaði hann undir
tíu ára samning við Walt Disney fyrirtækið.
Eftir að hann hætti að leika bamahlutverk
kom hann fram í nokkrum homaboltamyndum.
Russell hefur leikið í mörgum myndum á 30
ára leikferli sínum. Þar er að finna gaman-
myndir, spennumyndir og dramatískar myndir.
Árið 1979 lék hann Elvis Presley í sjónvarps-
mynd eftir John Carpenter. Hann fylgdi því
hlutverki eftir með myndunum Used Cars,
Escape from New York, The Thing og
Silkwood. í Escape from New York lék hann
Snake Plissken sem hann gerir líka í Escape
from L.A. eins og þeir sem séð hafa myndina
muna eftir.
Fann ástina í Golriie Hawn
Árið 1983 hitti hann Goldie Hawn þegar þau
unnu saman að kvikmyndinni Swing Shift. Þau
hafa búið saman síðan en myndin var mis-
heppnuð sem og næsta mynd þeirra saman,
Overboard. Eftir 1980 ollu myndir þær er
Russell lék í miklum vonbrigðum eins og The
Best of Times, Big Trouble in Little China og
Winter People. Ferill hans virtist alvarlega
staðnaður. Hann fékk þó hlutverk í Tango og
Cash eftir að Patric Swayze hætti við. Dennis
Quaid var fyrst valinn í hlutverk í Backdraft
en Russell fékk hlutverkið. Þessi tvö síðustu
gegna lykilhlutverki í ferli hans. Hann lék
einnig í myndum eins og Tequila Sunrise,
Tombstone, Executive Decision og Stargate.
-em