Dagblaðið Vísir - DV - 05.11.1996, Blaðsíða 17

ÞRIÐJUDAGUR 5. NÓVEMBER 1996
17
'TtSí'Tp: |Sf!ö
Jb
7
Ólíkar leiðir fólks til að koma sár í form:
Einkaþjálfarar njóta vaxandi vinsælda
- þó fæstir þeirra hafi tilskilin réttindi
Hrafn á skrifstofunni sinni þar sem hann gefur fólki ráöleggingar um matar-
æöi og hreyfingu.
Svokallaöir einkaþjálfarar eru
mjög vinsælir um þessar mundir,
enda bjóöa flestar líkamsræktar-
stöövamar upp á slíka þjónustu.
Fæstir þessara einkaþjálfara hafa
þó menntim til starfans og kalla
sig þ.a.l. leiðbeinendur eða ráð-
gjafa. Þeir eru oftast ýmist þolfi-
mikennarar eða vaxtarræktarfólk
og taka á bilinu 1-2 þúsund krón-
ur fyrir skiptið. Hægt er að semja
betur ef viðkomandi vill vera
lengi undir þeirra leiðsögn en al-
gengt er að fólk mæti 2-5 sinnum
í viku í u.þ.b. 1 mánuð og svo fer
það annaðhvort að æfa sjálft eftir
það eða kemur bara til þjálfarans
af og til. Innifalið I upphæðinni
eru oft æfingar í sal undir leið-
sögn, einhvers konar næringar-
ráðgjöf, fitumæling, vigtun og
málin eru tekin.
Hrafn Friðbjömsson í Stúdíói
Ágústu og Hrafns hefur hvað
mestu reynsluna á þessu sviði,
enda með þeim fyrstu sem fór að
bjóða upp á þessa þjónustu. Hann
er með svokallað ACE-próf í
Hrafn leggur áherslu á nýjan og breyttan lífsstfl og er vantrúaður á alls kyns skyndiiausnir og hjálpartæki.
DV-myndir ÞÖK
þolfimi og tekur fljótlega sams
konar próf í einkaþjálfun. Hann
og Ágústa Johnson hafa sótt ótal
ráðstefnur til Bandaríkjanna und-
anfarin ár þar sem fjallað hefur
verið um hreyfingu og mataræði
og hafa því góða þekkingu á því
sviði, auk þess að eiga myndarlegt
bókasafn þessu tengt. En hverjir
eru það sem nýta sér þessa þjón-
ustu?
Fólk með þyngdar-
vandamál
„Það kemur til mín töluvert
margt fólk sem á við þyngdar-
vandamál að striða og ég reyni að
hjálpa því að léttast. Mínar aðferð-
ir em langt frá því að vera bylting-
arkenndar eða einhverjar skyndi-
lausnir því ég legg áherslu á að
viðkomandi breyti hægt og rólega
um lífsstíl til frambúðar og grenn-
ist samfara því, m.a. með því aö til-
einka sér hreyfingu og rétt matar-
æði. Ég vil að fólk setji sér stutt,
raunhæf markmið til að koma sér í
betra form, ákveði t.d. að missa 6
kg á 2 mánuðum í stað þess að ætla
að missa 50 kOó á árinu,“ sagði
Hrafn.
Hann sagði að óskir og þarfir
fólks væru mjög mismunandi.
„Sumir þurfa aö missa allt upp í 60
kg en aðrir vilja bara koma sér í
mjög gott form. Ég er því ekki með
neitt eitt prógramm í gangi því ég
aðlaga það jafnóðum viðkomandi
einstaklingi," sagði Hrafn.
Á móti skyndilausnum
Hann segist vantrúaður á mikið
þyngdartap á skömmum tíma og
líka þau gylliboð að fara í sérstaka
leikfimi til að missa maga og læri.
„Þetta er svo mikil vitleysa. Það get-
ur enginn stjómað því hvaðan fitan
fer þegar viðkomandi er að hreyfa
sig. Það er t.d. vitað mál að konur
safna oft fitu á maga og læri og það
er einmitt sú fita sem er erfiðust
viðureignar og fer yfirleitt síðust
af.“
Hrafh sagðist enn fremur vera
mjög á móti skyndilausnum, eins og
piíluáti, duftblöndum og alls kyns
hjálpartækjum til að grennast því ef
eitthvert þeirra virkaði þyrfti fólk
ekki á hinum að halda.
„Að mínu mati er þyngdarstjórn-
un aðallega spurning um heilsu,
ekki þyngd. Grannur maður þarf
ekki endilega að vera hamingjusam-
ur en hann er yfirleitt heilsuhraust-
ari en sá sem er alltof feitur. Með
því að grennast minnkar fólk lík-
uraar á sjúkdómum tengdum offitu
og samhliða því breytist allt líf ein-
staklingsins," sagði Hrafh.
Ný kona á hverju kvöldi
Hrafn hefur tekið að sér að
kaupa inn með þeim sem hann leið-
beinir hverju sinni því hann telur
mikilvægt að fólk fái tilfinningu
fyrir því hvað er óhollt og hvað er
hollt. „Ég kenni þeim að lesa utan
á matvæli og nota ákveðna formúlu
til að finna út fituinnihald í fæð-
unni. Á tímabili sást til mín í Hag-
kaupi með nýrri konu á hverju
kvöldi og alltaf með fulla innkaupa-
körfu,“ sagði Hrafn.
Formúlan sem hann notar er
þannig: Lesið er utan á matvælin
hversu mikil fita er í 100 g, sú tala
margfolduð með 9 og heildarhita-
einingafjöldanum (Kkal.) deilt upp
í töluna. Sú tala er síðan margfold-
uð með 100. (Dæmi: 1,3 g fita x 9 =
11,7. Síðan er 11,7 deilt með 45 Kkal.
= 0,26. Þá er 0,26x100=26% fita.)
Samkvæmt ráðleggingum Manneld-
isráðs er æskilegt að hitaeininga-
fjöldi frá fitu fari ekki yfir 30% af
dagneyslu og miðast formúlan við
það. Hrafn segir ekki æskilegt að
neyta matar sem fer yfir 20-30% í
fitu.
Að stelast pínulítið
Aðspurður um árangur sagði
hann að mjög margir færu eftir leið-
beiningum hans og næðu þ.a.l. ár-
angri en að aðrir væru alltaf að stel-
ast pínulítið. „Mér finnst sérstak-
lega gaman að sjá árangurinn þegar
vel tekst til, fólk fer að hafa stjóm á
matnum en lætur hann ekki stjóma
sér. Offita hefur áhrif á allt líf ein-
staklingsins. Þaö er syo einkenni-
legt að of feitur maður neitar sér
kannski um að fara í sund með
börnunum, kaupa sér fatnað eða að
skemmta sér innan um fólk en getur
svo ekki neitað sér um mat.“
-ingo
Sigga, 23 ára, er í einkaþjálfun hjá Hrafni:
Ætlar að missa 39 kíló í allt
- kom henni á óvart hvað má borða mikið og margt
„Ég hef verið þybbin alla mina
ævi og var búin að prófa allt, alla
megrunarkúra og alls kyns leikfimi
en gafst alltaf upp. Þetta er í fyrsta
skipti sem ég virkilega sé árangur,"
sagði Sigga, 23 ára gömul kona sem
verið hefur í einkaþjálfun hjá
Hrafni sl. 9 vikur. Hún hefúr losað
sig við S1/^ kíló en er þó ekki hætt,
ætlar að missa um 39 kíló alls og er
bjartsýn á framhaldið.
„Ég æfi alltaf 3-4 sinnum í viku
og hitti Hrafn vikulega. Þá tölum
við saman í klukkutíma, um matar-
æðið og hvernig mér gengur, og
hann ráðleggur mér og hvetur mig.
Ég hefði aldrei getað þetta án hans,
mig vantaöi allan aga,“ sagöi Sigga.
Hún sagðist borða miklu meira
núna en hún gerði áður en allt öðru-
vísi fæði. „Ég fæ viðbjóð þegar ég
hugsa til þess hvað ég var að borða
áður. Ég bý ein og eldaði sjaldan. Ég
pantaði mér heldur pitsu eða fór út
að borða og fékk mér hamborgara,
franskar og kokkteilsósu. Ég steikti
eiginlega allt upp úr feiti, notaði
rosalega mikið smjör ofan á brauð
og borðaði mjög mikið af mjólkur-
vörum. Áður tók það mig 5 mínútur
að kaupa inn, ég keypti bara það
sem mig langaði í, en núna spái ég
meira í fæðuna og veit orðið alveg
hvað ég er að láta ofan í mig. Þó ég
hafi verið í leikfimi og megrun und-
ir leiðsögn áður kunni ég þetta ekki,
maður fylgdi bara matarlistanum."
Sigga sagöi að það hefði komið
sér rosalega á óvart hvað það er
mikið og margt sem hún má borða.
„Nú blanda ég matnum öðruvísi
saman og hef hann fitusnauðari en
ég borða alltaf góðan mat. Það sem
mér fannst e.t.v. erfiðast var að
sleppa húðinni utan af kjúklingi,“
sagði hún og hló.
Hún segir Hrafn leggja áherslu á
að hún sé ekki í megrun heldur að
breyta um mataræði til frambúðar.
„Ég byijaði t.d. á því að breyta um
mataræði án þess að minnka við
mig matinn. Þegar ég hafði náð tök-
um á breyttu mataræði þá fór ég
fyrst að borða minna. Það tók mig
svo 2 vikur að koma mér í að hreyfa
mig en nú finnst mér ég ekki geta
verið án þess,“ sagði Sigga að lok-
um.
-ingo