Dagblaðið Vísir - DV - 17.01.1997, Blaðsíða 10

10
FÖSTUDAGUR 17. JANÚAR 1997
Spuriúngin
Hefur flensan bankaö upp á
á þínu heimili?
María Fönn Þórsdóttir, nemi: Já,
mamma mín og systur mínar fengu
flensu.
Stella Vigdis Sigdórsdóttir nemi:
Já, mamma mín fékk hana en ekki
ég.
Sonja Marsibil Þorvaldsdóttir
nemi: Já, litli bróöir minn sem varð
pirraður og svo fékk pabbi hana
líka.
Ása Magnea Vigfúsdóttir nemi:
Nei, enginn fékk flensu heima.
Katrín Guðjónsdóttir hjúknmar-
fræðingur: Já, þrír af fimm. En all-
ir eru að braggast.
Ólöf Björnsdóttir hjúkrunarfræð-
ingur: Nei, við erum öll svo hraust.
Við tökum nefnilega lýsi.
Lesendur
Athugasemd
um skattamál
Bolli Þór fullyröir að skattheimta hér á landi sé með því lægsta sem gerist í
álfunni.
Bolli Þór Bollason í fjármála-
ráðuneytinu skrifar:
Föstudaginn 3. janúar birtist í DV
frétt þar sem því var haldið fram að
„skattheimtan hér á landi (sé) með
því hæsta í álfunni," eins og segir í
fyrirsögn blaðsins. Það er nauðsyn-
legt að gera athugasemd við þennan
fréttaflutning þar sem hann er
byggður á röngum upplýsingum,
bæði hvað varðar skattlagningu á
íslandi og í þeim ríkjum sem sam-
anburðurinn nær til. Af því leiðir
að sú ályktun sem dregin er í frétt-
inni er röng.
í fyrsta lagi er rangt að skattleys-
ismörk hjá einstaklingum í Svíþjóð
og Lúxemborg séu hærri en hér á
landi. Samkvæmt opinberum upp-
lýsingum frá OECD, sem birtar eru
í ýmsum ritum stofnunarinnar, eru
skattleysismörk í Svíþjóð ekki
133.000 krónur á mánuði, eins og
haldið er fram í DV, heldur 10.000
kr. og skattleysismörk í Lúxemborg
eru ekki 200.000 krónur á mánuði
heldur innan við 50.000 krónur. Til
samanburðar má nefna að skattleys-
ismörk á íslandi eru um 60.000 kr. á
mánuöi. Niðurstaðan er því sú að
skattar á tekjur einstaklinga séu
lægri á íslandi en í Svíþjóð og Lúx-
emborg. Reyndar má bæta því við
að skattleysismörk á íslandi eru
með því hæsta sem þekkist í aðild-
arríkjum OECD, enda sýna athug-
anir OECD að tekjuskattar á íslandi
eru með því lægsta sem þekkist.
í öðru lagi er rétt að benda á að
tekjuskattar eru einungis hluti
skattheimtunnar. Samkvæmt sömu
gögnum frá OECD er heildarskatt-
heimta á íslandi undir meðaltali
OECD ríkjanna eða um 31% af
vergri landsframleiðslu hér á landi,
samanborið við rúmlega 38% í
OECD-ríkjunum í heild (tölur frá
1994-1995). Jafnvel þótt tekið sé tillit
til lífeyrissjóðsframlags launþega
hér á landi verður niðurstaðan sú
að skatthlutfallið hér sé undir með-
altalinu. Til samanburðar má nefna
að skatthlutfallið hjá Svíum er um
51% og 45% í Lúxemborg. í þessum
tölum er tekið tillit til allra skatta,
jafnt tekjuskatta, neysluskatta
(virðisaukaskatts o.fl.) og annarra
skatta.
Niðurstaðan er því sú að megin-
inntak fréttaflutnings DV um að
skattheimta hér á landi sé „með því
hæsta í álfunni" er rangt. Þvert á
móti má færa ýmis rök fyrir þvi að
skattheimtan hér á landi sé með því
lægsta í álfunni.
Svar blaðamanns DV:
Vafasöm fullyrðing ráðuneytis
Stefán Ásgrímsson blm. skrifar:
Þann 4. janúar var hér í DV ihynd-
rænn samanburður á skattleysis-
mörkum sem var byggður á upplýs-
ingum í áramótahefti tímaritsins
The Economist. Þær upplýsingar sem
tímaritið byggði á um skattheimtu í
Svíþjóð og að hluta til í Lúxemborg
voru úreltar.
Eftir róttækar breytingar sem
gerðar voru á sænska skattkerfinu
fyrir nokkrum árum er skattheimta í
Svíþjóð í grófum dráttum þannig að
skattleysismörk eru lág, eða um 10
þúsund ísL kr. á mánuði, en skattpró-
senta er einnig mjög lág á svo lágar
tekjur, eða um 5%. Með vaxandi tekj-
mn eykst svo hlutfallsleg skattbyrði
og er hæsta tekjuskattsprósenta 25%
en við tekjuskattinn bætist síðan út-
svar til sveitarfélags, yfirleitt um
31% af tekjum ofan skattleysismarka.
Sú fullyrðing fjármálaráðuneytis-
ins að færa megi ýmis rök að því að
skattheimta hér á landi sé með því
lægsta sem gerist í álfunni er vafa-
söm í landi þar sem jaðarskattar á
þaö sem kallast myndu lágtekjur i
fyrmefndum tveimur löndum eru
yfir 60% og ýmis gjöld eru innheimt,
t.d. í heilbrigðiskerfinu, sem annars
staðar eru greidd gegnum skattkerf-
ið. Samanburður The Economist á
skattheimtu í nokkrum löndum, sem
frétt DV var byggð á, er gerður þann-
ig að teknir eru inn í útreikningana
ýmsir skattar sem stjórnvöld við-
komandi ríkja kjósa gjaman að
nefna öðrum nöfnum. -SÁ
Sorphirða í ólestri
Bréfritari hveturtil þess aö fólk hugi vel aö sorpmalum hjá sér, hvaö þaö geti
gert betur o.s.frv.
Anton skrifar:
Þótt ég reki niður penna í þeim til-
gangi að vekja athygli á því að við ís-
lendingar þurfum að taka okkur á í
sambandi við sorphirðu fer þvi fjarri
að ég sé til fyrirmyndar á öllum svið-
um í sorphirðunni. Ég reyni þó eins
og ég get og hvet aðra fjölskyldumeð-
limi til þess að gera slikt hið sama.
Mér finnst alltaf hálfnöturlegt að
hugsa til þess hversu mikið af okkar
annars fallega landi er notað undir
ruslahauga. Og þótt margt msl rotni
á skömmum tíma þá tekur það plast
af ýmsum toga áratugi að grotna nið-
ur, ef það gerir það þá einhvem tíma.
Margir eru eflaust allir af vilja
gerðir til þess að taka sig á í sorpmál-
unum. Margir vilja eflaust flokka
sorp en vita ekki alveg hvernig þeir
eiga að fara að. Þama held ég að sé
tilvalin leið fyrir fjölmiðla, ljósvaka-
miðlana eða jafhvel dagblöðin að
taka sig saman og sýna fólki á íslandi
hvað einstaklingurinn getur gert.
Hvemig búa má til að mynda um
heimilissorpið, hvað eigi að gera við
rafhlöður og annan spilliúrgang. Er
ástæða til þess að kaupa vörur úr
endurunnum pappír og hvað getur
maður gert við dagblöðin eftir að
þeim hefur verið safnað saman? Það
er virkilega margt sem hægt er að
gera og víst er að margt smátt gerir
eitt stórt. Við höfum allt að vinna í
þessu máli og ég hvet til samstöðu.
DV
Hirðing
jólatrjáa
Margrét hringdi:
Ég er undrandi á því að ekki
skuli vera betur staðið að hirð-
ingu jólatrjáa. Alltaf gerist það
um þetta leyti árs að jólatré
liggja eins og hráviði um alla
borg. í hverfinu hjá mér virðist
sem trjánum hafi verið safnað
saman á þrettándanum og síðan
ekki aftur. Það er vitaskuld allt
of snemmt. Þar sem trén liggja
eru unglingarnir að kveikja í
þeim og það er ekki sniðugt og
getur skapað stórhættu. Auð-
velt ætti að vera að hafa þessa
hluti í góðu lagi.
Til hægri
á rauðu Ijósi
Einar Gunnarsson hringdi:
Ég hef dvalið svolítið í
Bandaríkjunum og þar er sá
háttur hafður á, a.m.k. víða, að
mönnum er heimilt að halda
áfram á rauðu Ijósi svo fremi að
þeir beygi til hægri. Hvenær
ætlum við íslendingar að taka
þetta upp? í ótalmörg skipti á
degi hverjum hugsa ég um þetta
því það myndi liðka mjög mikið
fyrir í umferðinni ef manni
væri heimilt aö taka þessa
beygju þegar engin hætta er á
ferðum. Skoðum þetta endfiega
og stuðlum þannig að betri um-
ferð.
Ósáttur við
afnotagjöldin
Steinn G. hringdi:
Ég verð alltaf jafhreiður þeg-
ar ég þarf aö borga afnotagjöld-
in af Ríkissjónvarpinu. Þetta er
kannski enginn svakalegm- pen-
ingur en í prinsippinu er þetta
bara rangt. Ég hlýt að eiga að
hafa þann rétt að langi mig ekki
til þess að horfa á annað en
Stöð 2 eða Stöð 3 þá geti ég bara
borgað af þeim. Af hverju á ég
að borga fyrir eitthvað sem mér
finnst hundleiðinlegt að horfa
á? Ég er reyndar viss inn að
mér fyndist dagskráin strax
miklu skemmtilegri ef ég réði
því hvort ég borgaði fyrir hana
eða ekki.
Nýjar
mjólkurfernur
Norðlendingur skrifar:
Ég er Norðlendingm- og verð
alltaf jafnhissa á því þegar ég
kem suðm yfir heiðar að ekki
skuli vera búið að skipta um
umbúðir á mjólkinni. í fyrsta
lagi er nánast útilokað að opna
þær nema svo aðeins að maðm
helli svo og svo miklu niðm og
síðan er ekki hægt að loka þeim
aftur. Femurnar sem notaðar
eru hér fyrir norðan eru allt
annars eðlis, auðvelt að opna,
auðvelt að loka og nú finnst
mér að fólk fyrir sunnan eigi
bara að gera kröfu um að fá úr
þessu bætt.
Spaugstofan
vel af stað
Rúnar hringdi:
Mig langaði bara til þess að
koma því á ffamfæri að mér
fannst Spaugstofan verulega
góð síðasliðinn laugardag. Það
er með ólíkindum hvað þessir
menn geta látið sér detta í hug,
sérstaklega þegar tekið er tillit
til þess hversu uppteknir þeir
eru í leikhúsunum. Mér finnst
mórallinn einhvern veginn hafa
verið á móti þeim í þjóðfélag-
inu, ætla þeir nú að byrja einu
sinni enn, o.s.frv., en ég verð
bara að segja að þetta eru einu
skemmtiþættimir sem hafa
gengið í fólk. Við höfum reynsl-
una frá því fyrr í vetm.