Dagblaðið Vísir - DV - 17.01.1998, Side 18

18
gur í lífi
LAUGARDAGUR 17. JANUAR 1998
■ýr ★ ■
Kristján Frankiín Magnús lýsir frumsýningardegi:
Var í ess-
Kristján Franklín Magnús viðurkennir að hafa orðið snortinn af viðtökunum á frumsýningarkvöldinu á Feðrum
og sonum i Borgarleikhúsinu.
DV-mynd E.ÓI.
Undanfariö hef ég reynt að sofa
vel enda hafa verið erfiðar kvöldæf-
ingar í leikhúsinu alla vikuna og ég
ekki komist heim fyrr en löngu eftir
miðnætti. Eftir æfmgarnar og at-
hugasemdir frá leikstjóranum rúss-
neska í kjölfariö hefur mér yfirleitt
ekki orðið svefnsamt strax og hef því
vakað fram á nótt, annað hvort við
að lesa handritið eða slappa af yfir
bók eða spólu. Gærkvöldið, fimmtu-
dagskvöld, var í engu frábrugðið
nema því að nú er spennan farin aö
aukast - frumsýningin er í kvöld á
Feður og synir eftir ivan Túrgenjev.
Klukkan er farin að nálgast hádegi
þegar ég vakna. Hamarshöggin dynja
í húsinu enda er verið að byggja við
það. Það þarf lítið að fylgjast með
smiðunum, þetta eru traustir menn
og vinna sitt verk frábærlega vel.
Ég fæ mér léttan morgunverð og
skoða hvað fyrir liggur þennan dag-
inn. Ég rek fyrirtæki með vini mín-
um og okkur hafði langað til að hitt-
ast í dag og ræða nokkur atriði en ég
finn að frumsýningin í kvöld á huga
minn allan og ákveð að fá að fresta
því að hugsa um fyrirtækiö.
Síðustu lífsreglurnar
Um tvöleytið næ ég í bílinn í við-
gerð. Svo sinni ég nokkrum erindum
og kem að lokum við á litlum veit-
ingastað og fæ mér fisk að borða,
létta máltíð sem fer vel í maga og
iþyngir mér ekki.
Þá liggur leiðin í leikhúsið. Þar
spjallar leikstjórinn við okkur. Hann
leggur okkur síðustu lifsreglumar og
við æfum framkallið. Það verður
skrítið að hætta að vinna með Rúss-
anum. Við erum búnir að vinna náið
saman i erfiðu verki í marga mán-
uði! Að æfingu lokinni fer ég heim
og tek það rólega til hálfsjö. Þá fer ég
upp í leikhús. Þetta er að nálgast.
Smink. 30 mínútna kall. Búningar.
15 mínútna kall. Nokkrar æfingar. 10
mínútna kall. Hitta hina leikarana
og einbeita sér með þeim, við erum
að þessu saman. 5 mínútna kall. Inn
á svið. Það er komið að þessu!
Viðbúinn, tilbúinn. Tónlist upp.
Ljós í sal niöur. Sviðsljós upp. Leik-
ritið fer í gang. Nú er röðin að koma
að mér! Jesús María, krossmark.
INN! BANG! Textinn flæðir upp úr
mér, ég er með hann á hreinu, gæti
farið meö hann aftur á bak þess
vegna. Muna samt að tala hátt og
skýrt! Ég er kominn í aksjón sem
Bazarv - nihilistinn er mættur á
svæðið til að hrista upp í hveijum
sem á vegi hans verður! Öruggur.
Klár.
Lifa í núinu
Muna allt sem um var talað.
Innra ég. Ytra ég. Athyglishringim-
ir! Lifa í núinu! Já, þetta er allt á
sínum stað. Hjartslátturinn minnk-
ar strax eftir nokkrar mínútur. Mér
líður vel. Taugamar samt þandar.
Smámistök hér - gleyma þeim! Lifa
í núinu! Hlusta á mótleikarann!
Taka inn, meta, bregðast við!
Jessör! Ég er í essinu mínu, ég hef
aldrei verið svona mikið í essinu
mínu. Ekki dreifa huganum, ein-
beitingu, 100% einbeitingu! Baz-
arov, Bazarov, ég elska þig Bazarov!
Þessar senur að baki. Fer út.
PÚFF. Sest í stól og hvíli mig augna-
blik og undirbý næstu innkomu.
Þama er leikstjórinn að sniglast
baksviðs. Hvað er hann að gera hér?
Hann lítur á mig, kreppir hnefann
og brosir. Fint. Hann er þá ánægð-
ur.
Pásan að verða búin. Kem mér
fyrir á réttum stað í vængnum og
fylgist með. Stikkorðið fellur. Inn.
BANG. Bazarov heiti ég hvað viljið
þið upp á dekk? Persónur leiksins
verða á vegi mínum hver af
annarri. Ekki leikaramir - persón-
umar. En samt - hvílíkir leikarar.
Þeir leika óaðfinnanlega. Ég er
hreykinn að vera í þessum hópi!
Hratt flýgur stund. Hlé. PÚFF
Ekki líta um öxl
Kaffi. Pása. Hvíld. 15 mínútna
kall. 10 mínútna kall. 5 minútna
kall. Byrjað aftur! Bazarov heiti
ég, hvað viljið þið upp á dekk?
Svona gengur þetta áfram,
áfram, ekki líta um öxl, lifa í nú-
inu. Það þarf fulla einbeitingu
hverja sekúndu. Muna. Lifa.
Að síðustu er komið að dauða-
atriðinu, dauðadansinum og ég
hverf út af sviðinu. Ég sest niður
úti í horni og bíð þess að leikrit-
inu ljúki. Bazarov, ég mun aldrei
gleyma þér. Mina stærstu glímu á
ég við þig! Ég elska þig, Bazarov,
ég er heillaður af þér!
Ég fmn að ég er þreyttur. Ég gaf
í þetta allt sem ég átti til. Hvemig
til tókst verður svo hver að meta
fyrir sig. Ég vona að þetta hafi
höfðað til einhverra.
Leikritinu lýkur og við erum
klöppuð upp. Ég heyri einhverja
hrópa bravó þegar ég kem fram og
viðurkenni alveg að ég verð snort-
inn. Reyni samt að láta á engu
bera og hneigi mig. Viðtökumar
eru frábærar, það er klappað fyrir
okkur vel og lengi og hjartanlega.
Á eftir fóðmumst við öll og þökk-
um fyrir samstarfið sem var frá-
bært - meö ólíkindum gott. Það og
árangur okkar eigum við fyrst og
fremst að þakka gestum okkar,
leikmyndateiknaranum Stanislav
Benediktov og ekki síst leikstjóran-
um Alexej Borodin. Við föðmum
þá félagana sérstaklega innilega
meö kærri þökk fyrir þann mikla
lærdóm sem þeir hafa miðlað okk-
ur. Heill ykkur báðum miklu rúss-
nesku meistarar!
Rússamir koma hefur fengið
nýja merkingu!
Finnur þú fimm breytingar? 446
„Þeir segja aö hann steli örorkulffeyrinum frá aldraöri móöur sinni,
drekki sig fullan fyrir peningana og láti sföan eiginkonuna og tvær litlu,
Ijóshæröu dæturnar finna fyrir höggunum þegar hann kemur heim.“
Nafn:
Heimili:
Vinningshafar fyrir getraun nr. 444 eru:
1. verölaun: 2. verólaun:
Berglind Þorsteinsdóttir, Kolbrún Ámadóttir.
Heiðarfaraut 5e. Márabraut 9d,
230 Keflavík. 230 Keflavík.
Myndimar tvær virðast við fyrstu
sýn eins en þegar betur er að gáð kem-
ur í ljós að á myndinni til hægri hefúr
fimm atriðum veriö breytt. Finnir þú
þessi fimm atriði skaltu merkja við
þau með krossi á myndinni til hægri
og senda okkur hana ásamt nafni þínu
og heimilisfangi. Að tveimur vikum
liðnum birtum viö nöfn sigurvegar-
anna.
1. verðlaun:
Hitachi-útvarpsverkjari frá Sjón-
varpsmiðstöðinni, Síðumúla 2, að
verðmæti kr. 3.490,-
2. verðlaun:
Tvær Úrvalsbækur að verðmæti kr.
1570, Sekur eftir Scott Turow og Kóli-
brísúpan eftir David Parry og Patrick
Withrow.
Vinningamir verða sendir heim.
Merkið umslagið með lausninni:
Finnur þú fimm breytingar? 446
c/o DV, pósthólf 5380
125 Reykjavík